Свет
На двегодишно дете од Пакистан му треба редок тип крв за да преживее
Двегодишната Заинаб Мугал има една од најретките крвни групи во светот. Таа се бори со рак и за да преживее, има потреба од трансфузија на крв од 7 до 10 донори, кои досега не се пронајдени.
Тоа е затоа што тие се толку ретки во светот. Странските медиуми пишуваат дека само луѓето од пакистанско, индиско или иранско потекло, кои имаат ист вид крв како Заинаб, чие семејство потекнува од Пакистан, веројатно ќе се поклопат со неа. Помалку од 4 отсто од луѓето во овие популации може да се совпаднат, според OneBlood, непрофитна организација од јужна Флорида, која помага во глобалната потрага по донори за детето.
„Имаме нула проценти шанси да пронајдеме компатибилна крв за ова мало девојче ако ги разгледуваме речиси сите друга етнички групи“, рече Фрида Брајт, лабораториски менаџер со OneBlood. „Ние бараме во целиот свет за да најдеме крв за ова мало девојче„.
OneBlood вели дека идеално би било да се пронајдат донори од овие етнички групи што живеат во САД. Крвната група на човекот е определена од антигени. Во крвта на Заинаб недостиг антиген наречен Indian B и нејзиното тело ќе ја нападне трансфузираната крв што го содржи. Затоа, на нејзните донори треба да им недостига ваков антиген. Покрај тоа, тие мора да имаат крв од типот О или А.
„Таквите донори се исклучително ретки“, вели Сандра Нанс, директор на американската програма за ретки донори. Нанс вели дека програмата следи најмалку 59 вида ретка крв и има над 120.000 регистрирани донори. Според неа, ниту еден донор не одговара на крвната група на Заинаб откако претходно беа пронајдени тројца компатибилни донори во САД и еден во Велика Британија.
Но, бидејќи е потребно уште крв, организацијата е во потреба по нови донори.
Таткото на девојчето моли за помош. „Ако сте од Блискиот Исток, ве молиме да излезете и да дадете крв за мојата ќерка“, рече тој. „Животот на мојата ќерка многу зависи од крвта“, вели Рахел Мухал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.