Свет
На илјадници Американци им стигнаа честитки од починати пријатели и партнери
Повеќе од 60.000 луѓе во САД поради грешка во системот минатата недела добија смс-честитки испратени за Денот на вљубените – Валентајн, но со задоцнување од 8 месеци.
Грешката се случила во мрежата на сите големи оператори ширум Америка, а се работи за мобилните уреди на „Епл“ и „Анроид“.
„Syniverse“, компанијата која пружа услуги на големи телекомуникациски компании, им објаснила дека се случила грешка во „интерниот круг на одржување“. Таа предизвикала бурни реакции на незадоволни корисници на „Твитер“.
Некои се жалат дека пораките испратени до нивните пријатели или партнери, стигнале дури сега, по осум месеци, а на поединци им стигнале честитки од роднини и пријатели кои во меѓувреме починале.
„Штотуку добив порака од бројот на мојот најдобар пријател. Единствениот проблем е што тој човек почина во февруари“ напиша еден корисник на „Твитер“.
„Во три часот утрото ми стигна порака од татко ми во која пишува дека ме сака и дека ме поддржува, но тој не се сеќава ни дека ја испратил“ напишала друга корисничка на Твитер.
Некои корисници објавиле дека добиле пораки стари и до две години. Компанијата „Snyverse“ им се извини на сите корисници кои примиле спорни пораки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србин кој загина во пожар во Швајцарија е прогласен за херој: Се вратил во барот за да ги спасува гостите
Четириесет лица ги загубија животите, а повеќе од 100 беа повредени во ужасниот пожар што го зафати барот Le Constellation во швајцарскиот скијачки центар Кранс-Монтана на новогодишната ноќ. Меѓу жртвите е и Стефан И. (31), обезбедување кој стана херој откако спасил неколку гости од пожарот, но, за жал, не можел да се извлече од него, пишува швајцарскиот портал „Блик“.
Стефан И. работел како обезбедување. Кога избувнал пожарот, тој мирно почнал да ги турка гостите на безбедно. Како што објавија медиумите, откако извадил неколку луѓе, се вратил во објектот зафатен од пламен за да спасува уште луѓе. Тој несебичен чин го чинел неговиот живот, пренесе „Индекс“.
🔴🇨🇭 FLASH INFO – Une vidéo capture le départ de l’incendie au bar « Le Constellation » à Crans-Montana (VS), alors que le plafond s’embrase.#Suisse #CransMontana #Incendie
pic.twitter.com/f6IL9NYuyK— Media Express (@media_express_e) January 1, 2026
Французинката која успеала да избега на време го опишала обезбедувачот како личност која „без двоумење се соочила со опасност за да ги заштити другите“, истакнувајќи ја неговата извонредна храброст и саможртва во средината на тоталниот хаос.
Стефан, Србин по потекло од Ваљево, живеел во Швајцарија 20 години, каде што имал и државјанство. Неговото семејство се надевало до последен момент дека тој преживеал.
Свет
Куба вели дека 32 Кубанци се убиени во акцијата на САД: „Тие паднаа херојски“
Кубанската влада синоќа објави дека 32 нејзини граѓани се убиени во операцијата на САД во Венецуела во која претседателот Николас Мадуро беше уапсен,
Хавана вели дека денешниот и утрешниот ден се прогласени за денови на жалост поради тоа. Владата не даде детали освен дека убиените биле членови на кубанската војска и разузнавачките служби.
„Нашите сонародници ја исполнија својата должност со достоинство и херојство и паднаа по жесток отпор во директна борба со напаѓачите или во бомбардирање на објекти“, се вели во соопштението за медиумите.
Куба му помогна на Мадуро да го обезбеди откако дојде на власт, но не е познато колку Кубанци го чувале венецуелскиот претседател.
Мадуро (63) и неговата сопруга Силија Флорес беа заробени од американските сили во саботата во Каракас и префрлени во САД. Мадуро е во притвор во Њујорк и чека судско сослушување во понеделник. Во 2020 година, тој беше обвинет за наркотероризам во САД, што тој упорно го негира.
Свет
Трамп: Родригез ќе помине полошо од Мадуро ако не прави како што треба
Американскиот претседател Доналд Трамп денеска изјави дека венецуелската потпретседателка Делси Родригез би можела „да плати повисока цена“ од соборениот лидер Николас Мадуро „ако не го стори она што е исправно“.
– Обновата на земјата не е лоша работа. Венецуела е банкротирана. Оваа земја е катастрофа во секој поглед.„Ако (Родригез) не сака да го прави она што е исправно, ќе плати многу висока цена, веројатно повисока од цената што ја плати Мадуро, рече Трамп.
Трамп по вчерашниот напад врз Венецуела и грабнувањето на Мадуро, првично ја пофали Родригез и кажа дека таа ќе соработува со САД. Но, кратко потоа, Родригез му одгооври дека нејзината земја ќе ги заштити своите природни ресурси.
Американскиот претседател ја бранеше својата одлука за насилно заробување на Мадуро, велејќи: „Реставрацијата и промената на режимот – како и да ја наречете – се подобри од она што го имаме таму во моментов. Не може да биде полошо“.
Трамп, исто така, рече дека и други земји, особено Гренланд, би можеле да бидат цел на интервенција на САД.
– На другите е сами да проценат што значи американската воена акција во Венецуела за Гренланд. Апсолутно ни е потребен Гренланд. Потребен ни е за одбрана, рече тоj за островот, кој е дел од Данска, која е членка на НАТО.

