Свет
„Независимаја газета“: Турција се обидува да ја истурка Русија од Јужен Кавказ

Анкара почнува да ја притиска Русија во зоната на конфликт во Нагорно-Карабах, пренесува „Независимаја газета“. По најавата на турското Министерство за одбрана за договор со Русија за создавање на заеднички центар за набљудување, Баку рече дека турските трупи веќе дејствуваат во Нагорно-Карабах како деминери.
„Гласот на Турција“ на каналот на „Телеграм“ објави фотографија од таква група, претпоставувајќи дека станува збор за единица на специјалните сили на САС.
Ваквите извештаи можат да укажат на обидите на Анкара да го демонстрира својот успех и да докаже дека Москва не можела да го спречи турското раководство да ги постигне своите геополитички цели во постсоветскиот Јужен Кавказ.
Турските власти претходно донесоа политичка одлука да испратат трупи во Азербејџан. На 22 ноември турскиот министер за одбрана, Хулуси Акар, рече дека единиците на копнените сили на Турција ќе бидат распоредени таму.
„Таму каде што има пешадија, единиците на специјалните единици исто така можат да се вметнат“, нагласи рускиот воен експерт, пензиониран генерал-потполковник Јуриј Неткачев.
Според Неткачев, целта на Турција е да ја истера Русија од Нагорно-Карабах и од целиот Јужен Кавказ.
„Турските сили за специјални операции можат да го сторат тоа извршувајќи субверзивни активности и свртувајќи ги локалните жители против руските мировници“, посочи Неткачев.
Пред да избувне војната во Нагорно-Карабах, во Азербејџан се одржаа антируски протести на кои демонстрантите држеа турски знамиња заедно со азербејџанските, истакна тој.
Азербејџанската војска на својот канал на „Телеграм“ напиша дека „ерменските и руските проерменски медиуми шират извештаи оти луѓето во Азербејџан не се задоволни од присуството на руски мировници и повикуваат на исфрлање на Русите од Нагорно-Карабах, особено со употреба на воена сила“.
„Мислам дека Турција има корист од тоа и нејзините информативни сили работат на ова поле“, рече Неткачев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.