Свет
Ни рекоа дека одиме на обука, а нѐ испратија во војна: исповед на војник од Северна Кореја

Русија со сите средства се обидува да ги врати териториите во својот регион Курск, кои беа освоени од Украина, а главни сојузници во тоа се војниците на Северна Кореја. Животите на овие борци очигледно се од второстепена важност, на војниците на диктаторот Ким Џонг-ун им е наредено да се разнесат доколку бидат заробени, анализираат светските медиуми.
Киев има двајца воени затвореници од Северна Кореја, повредените борци се прегледуваат во болнички кревети, пишува „ГардијанЊ.
„Особено е важно да се забележи дека белешките пронајдени на починатите војници сугерираат дека севернокорејските власти вршеле притисок врз нив да извршат самоубиство или да се разнесат пред нивното апсење“, рече јужнокорејскиот пратеник Ли Сеонг Квеун по брифингот на тајната служба krone.at.
Според него, речиси 3.000 севернокорејски војници се убиени, а 2.700 се повредени по распоредувањето во Русија на крајот на минатата година.
Украинскиот претседател Володимир Зеленски изјави дека е подготвен за размена на затвореници, но дека има веројатно други опции за борците на рускиот сојузник.
„Оваа можност ќе им се даде особено на оние што ја изразуваат својата желба да го доближат мирот со ширење на вистината за оваа војна во Кореја“, рече Зеленски во видеопораката.
Двајца од затворениците не знаеле дека ќе треба да одат во војна за Русија. Еден од севернокорејските војници објаснил дека командантите му рекле дека тоа е само обука.
Се известува дека еден од нив на сослушувањето изјавил дека сака да се врати во татковината, а другиот повеќе би сакал да остане во Украина. Сепак, тој додал дека ќе се врати во Северна Кореја ако треба.
Прашањето, како што пишува медиумот, е како тие двајца би поминале во својата татковина откога нивните слики во заробеништво го обиколија светот.
Според написите, семејствата исто така може да бидат во опасност бидејќи откриле премногу детали за време на испрашувањето. Според „Гардијан“, можно е и Јужна Кореја да прими двајца воени заробеници. Бидејќи Сеул никогаш не ја признал Северна Кореја како суверена држава, Јужна Кореја ги смета сите Севернокорејци за свои граѓани, пренесува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.