Свет
Нова драма во Москва: дојава за бомба во болницата во која се сместени ранетите во терористичкиот напад, евакуирани најмалку 700 луѓе
Во Москва најмалку 700 луѓе се евакуирани од болницата во која лежат жртвите на терористичкиот напад, објави телеграм-каналот Nexta Live.
Каналите блиски до руските безбедносни сили јавуваат дека Националниот медицинско-хируршки центар по Пирогов добил дојава за бомба.
Од зградата се евакуирани целиот болнички персонал и пациентите, според написите.
По последните информации на телеграм-каналот „Шут“, болницата добила писмо во кое се укажува на постоење бомба во нејзините ѕидови. Наводно, на неколку ката биле оставени четири ранци со подметнати експлозивни направи, а тајмерите биле поставени на 40 минути. Оваа застрашувачка закана предизвика паника меѓу персоналот и пациентите, што доведе до итна евакуација, пренесуваат медиумите во регинот.
Службите за итна помош веднаш реагирале и пристигнале на местото на настанот преземајќи ги сите неопходни мерки за испитување на веродостојноста на оваа закана. Според последните извештаи, прашањето што се поставува кај граѓаните е дали оваа пријава е вистинита или можеби е лажна дојава, која предизвика паника кај луѓето.
Медиумите пренесуваат дека со оглед на сериозноста на ситуацијата, целиот персонал и пациентите веднаш се евакуирани од болницата. Оваа итна акција е преземена за да се обезбеди нивната безбедност во случај заканата да биде реална.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.