Свет
Нова студија: ширењето на мутациите го прават вирусот позаразен, не го спречуваат ни маските ни дистанцата

Научниците во Хјустон објавија студија за над 5.000 генетски секвенции од коронавирусот, која открила непрекинато ширење на мутации од вирусот, од кои една можеби го направила уште позаразен, пренесува „Вашингтон пост“.
Ова истражување, сепак, не открило и дека овие мутации го направиле вирусот посмртоносен или дека се променил клиничкиот исход на болеста. Сите вируси имаат генетски мутации, а повеќето се безначајни, тврдат научниците.
Коронавирусите, како што е САРС КоВ-2, се релативно стабилни како што се развива вирусот бидејќи имаат механизам за коректура додека се реплицираат. Сепак, секоја мутација е ризична, а распространетоста на Ковид-19 во светот значи дека вирусот има многу можности да се промени и тоа на проблематичен начин, се наведува во студијата од авторот Џејмс Масер од болницата „Хјустон методист“.
Новата студија, која сè уште не е рецензирана, досега е најголема подеинечна агрегација на генетски секвенции на вирусот во Америка.
Вирусологот од американскиот Национален институт за алергии и заразни болести, Дејвид Моренс, по прегледувањето на студијата, истакна дека постои голема можност вирусот движејќи се низ светската популација, со време да станал позаразен и дека тоа би можело да влијае на нашата моќ да ја контролираме пандемијата.
„Ова е една студија и не можеме да претераме со заклучоците само врз основа на неа, но укажува дека вирусот со случајни мутации би можелда престане да реагира на нашите обиди да го спречиме – со носењето маски или физичката дистанца“, додал Моренс.
„Носењето маски, миењето раце, сè е тоа пречка за ширење, но како што вирусот станува сè позаразен, статистички е подобро да се заобиколат тие пречки“, рекол тој.
Сето ова може да влијае и на развојот на вакцината. Како луѓето стекнуваат имунитет, преку прележување на инфекцијата или со вакцина, вирусот би можел да биде под селективен притисок за да се избегне човечкиот имунолошки одговор.
„Иако тоа сè уште не го знаеме, сосема е можно овој коронавирус кога нашиот имунитет на ниво на популација стане доволно висок, да пронајде начин да го заобиколи нашиот имунитет. Кога тоа ќе се случи, ќе бидеме во иста ситуација како и со грипот. Ќе мораме постојано да го бркаме вирусот додека се менува и како мутира и да ја менуваме формулата на вакцината во согласност со тоа“, заклучува Дејвид Моренс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Камења паѓаат, животни бегаат во водата: блогер објави видео во моментот на разорниот земјотрес

Додека разорниот земјотрес со магнитуда од 8,8 степени ја погоди Камчатка, туристот и блогер Иван Герасименко се најде на експедициски брод во непосредна близина на епицентарот. Според него, сè се случило ненадејно и драматично – масивни камења почнале да паѓаат од стрмните карпи, а животните реагирале во паника.
„Земјотресот ме затекна во близина на островот Парамушир додека пловевме по малиот остров Анциферов на експедициски бродови од типот Зодијак“, напиша Герасименко на социјалните мрежи, а објави и видео снимено во тој момент.
Според неговиот опис, масивните камења почнале да се кршат и да паѓаат во морето, предизвикувајќи општа паника кај екипажот, патниците, па дури и кај животните во областа.
„Камењата летаа со таков шум што дури и морските лавови скокнаа во водата и долго време кружеа околу Охотското Море од страв“, напиша тој, пренесува Dnevnik.hr.
Блогерот истакна дека сите патници биле потресени.
Епицентарот на земјотресот се наоѓал на околу 150 километри од местото каде што се наоѓал бродот во моментот на ударот.
Фото: принтскрин
Свет
„Мораме да ги натераме да се плашат од нас“: Макрон за трговскиот договор меѓу САД и ЕУ

Францускиот претседател Емануел Макрон денес изјави дека Европската Унија не успеала да го искористи својот огромен единствен пазар и доволно да ги исплаши САД за да прифатат подобар договор од оној постигнат во неделата.
„Мораме да ги натераме да се плашат од нас“, им рече Макрон на министрите на денешниот состанок, изјави француски функционер близок до претседателот за „Политико“.
Макрон беше забележливо тивок откако американскиот претседател Доналд Трамп и претседателката на Европската комисија, Урсула фон дер Лајен, постигнаа договор, според кој ЕУ ќе плаќа царини од 15 проценти за поголемиот дел од својот извоз во САД, анализира медиумот.
Денес, тој го критикуваше договорот, но со многу поблаг тон од премиерот Франсоа Баиру, кој рече дека тоа е „црн ден за Европа“.
Денес, претседателот на Франција истакна дека верува оти сè уште има време договорот да се подобри и рече: „приказната не е завршена, нема да застанеме тука“.
Францускиот министер за трговија Лоран Сен Мартен и министерот за Европа, Бенџамин Хадад, ја повикаа Европската комисија да престане да го користи таканаречениот инструмент против принуда, алатка дизајнирана да одговори на економскиот притисок што му дава на Брисел моќ да го ограничи пристапот на американските компании до јавни набавки, странски директни инвестиции и финансиски пазари во ЕУ.
Брисел, пак, ги обвини сите критичари дека одлучиле да „играат квотербек“ кога сè беше договорено и тврди дека овој договор е најдобриот што можеле да го добијат и дека претставува значително подобрување во однос на царините од 30 проценти со кои се закани администрацијата на Трамп.
Фото: принтскрин
Свет
Претседателката на Молдавија: Русија од есен сака да ја контролира нашата држава

Претседателката на Молдавија, Маја Санду денес ги прогласи корупцијата и нелегалното финансирање од Русија за најголема закана за парламентарните избори што се одржуваат на 28 септември во таа источноевропска земја.
„Руската Федерација сака да ја контролира Република Молдавија од есен па натаму и подготвува невидено влијание врз изборите во септември“, рече молдавската претседателка на прес-конференција во Кишињев.
Кремљ ги отфрли тврдењата дека Русија се мешала во изборниот процес на земјата со два и пол милиони жители.
„Најголемата опасност од руско влијание врз нашите внатрешни работи е тоа што претставува директна закана за националната безбедност, суверенитетот и европската иднина на нашата земја“, рече Санду.
Кишињев тврди дека Русија ќе дејствува преку поткуп на гласачи, кибернапади, платени протести и дезинформации. „Финансирање вредно околу 100 милиони евра е планирано само преку криптовалути“, рече Санду, без да даде докази за тврдењето.