Свет
Нуркачки екипи го пронајдоа минибусот кој падна во Дунав: едно тело е откриено во возилото, потрагата продолжува во Романија

По неколку часа пребарување, нуркачите успеаја да го пронајдат минибусот кој паднал во Дунав по сообраќајна несреќа на вијадуктот на западот од Романија
Како што објавија романските медиуми, телото на една жртва е пронајдено во минибусот.
Како што властите објавија претходно, не е познато колку патници имало во возилото кое паднало во реката откако се судрило со автомобил на мостот.
Затоа, операцијата за пребарување ќе продолжи.
Раед Арафат од Одделот за вонредни ситуации изјави дека е во тек многу сложена спасувачка операција:
„Можно е само возачот и еден патник да биле во минибусот. Сè уште ја третираме ситуацијата како да имало повеќе луѓе во возилото и потрагата продолжува“, рече Арафат и додаде:
„Мисијата е многу тешка. Видливоста е намалена, а водата е многу ладна. Шансите да има преживеани се многу мали. Сè уште не знаеме колку патници имало во возилото. Сите спасувачки екипи се мобилизирани“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ирански генерал: Во текот на ноќта уништивме стратешки цели во Израел

Иран објави дека во текот на ноќта уништил стратешки цели во Израел со помош на беспилотни летала, пренесува агенцијата „Франс прес“.
„Разни видови деструктивни беспилотни летала, со можност за прецизно таргетирање, ги уништија стратешките позиции на ционистичкиот режим во Тел Авив и Хаифа“, изјави генерал Киумарс Хеидари, командант на иранските копнени сили.
Израелски воен претставник изјави дека 20-ина проектили биле лансирани во последниот бран ирански напади, од кои повеќето биле пресретнати. Сепак, како што изјави израелски воен претставник за Би-би-си, некои проектили поминале низ противвоздушната одбрана и погодиле отворени области.
Свет
Иран најави нов напад со дронови

Иран предупреди дека бран беспилотни летала ќе го погоди Израел во наредните часови.
Висок воен командант најави дека нападите ќе се интензивираат.
Иран и синоќа изврши напад, кој траеше четири часа. Овој напад беше комбиниран, со беспилотни летала и проектили на многубројни цели во Израел, со што почна деветтиот бран ирански напади.
Свет
Русите тврдат дека синоќа уништиле 51 украински дрон

Руските единици за воздушна одбрана уништија 51 украинско беспилотно летало над регионот Белгород, соопшти вчера вечерта руското Министерство за одбрана.
Во последните недели и Русија и Украина користат напади со беспилотни летала на голем број прекугранични цели, па руските сили вчера вечерта извршија таков напад врз Киев и неговата поширока област. Лидерите на Киев досега објавија дека при нападот се повредени најмалку 11 лица, како и дека е уништена инфраструктурата.
Руското Министерство за одбрана соопшти дека споменатото уништување на украински беспилотни летала се случило вчера, меѓу 20 и 23 часот.
Американскиот претседател Доналд Трамп уште еднаш се осврна на конфликтот меѓу Русија и Украина.
„Убеден сум дека може да се постигне договор со Москва во врска со крајот на конфликтот во Украина. Сè уште чекам да видам дали договорот ќе биде потпишан или не“, изјави американскиот претседател за новинарите.
Фото: илустрација