Свет
Обама на траен ручек со Бајден: „Трамп е пострашен отколку што мислиш, мора да бидеш поагресивен“

Поранешниот американски претседател Барак Обама имал таен ручек со американскиот претседател Џо Бајден во Белата куќа за да го повика да биде „поагресивен“ – затоа што се „стравува дека Трамп е пострашен“ отколку што мисли актуелниот лидер.
Обама ги сподели своите грижи и совети за кампањата на неговиот поранешен потпретседател, според новиот извештај.
Тој предложи Бајден да ја обнови својата кампања за да биде поагилна, објави „Вашингтон пост“ во саботата, цитирајќи луѓе запознаени со ова прашање.
Средбата наводно, се одржала во последните месеци, но претходно не била најавена, а Обама не се појавува во дневникот за посетители на Белата куќа, кој има исклучоци за одредени видови посети.
Според „Вашингрон пост“, Обама предложил кампањата на Бајден со седиште во Делавер да стане поагресивна и да се овласти да работи без одобрение од Белата куќа, каде што се многу врвни советници на Бајден.
На посебен ручек минатото лето, Обама исто така ја сподели својата загриженост дека Трамп е пострашен противник отколку што сфаќаат многу демократи, наведувајќи ја неговата тврдокорна база, длабоко поларизирана земја и поддршката од конзервативните медиуми, изјавија извори за Вашингтон пост.
„Ако изборите се одржат утре, претседателот Бајден би изгубил“, изјави за АФП Вилијам Галстон, висок соработник во Институтот Брукингс.
Веќе со месеци, демократите бараат засилување на кампањата на Бајден, додека загриженоста на гласачите се зголемува за економијата и возраста на најстариот американски претседател.
Бајден го направи токму тоа во петокот на почетокот на 2024 година со предизборен говор во Пенсилванија, остро осудувајќи го Трамп.
Демократот го спореди својот републикански ривал со нацистите и го означи како „болен“, „губитник“ и закана за американската демократија.
Прашањето сега е дали таа стратегија – идентификување на Трамп како негов главен ривал дури и пред официјално да започне процесот на номинација на републиканците – ќе биде доволна за да ги поттикне неговите гласачи на општите избори.
Досега, стратегијата на Бајден се фокусираше на позитивни пораки за неговите достигнувања – особено извлекувањето на економијата од пандемијата „Ковид-19“, но многу Американци сè уште се ги чувствуваат ефектите од високите цени на храна и домување, и покрај владините статистики.
Миграцијата преку мексиканската граница останува главна болна точка, додека партијата на Бајден е поделена околу неговата поддршка за израелската војна против Хамас, а републиканците во Конгресот го блокираат барањето за поголемо финансирање за Украина.
Но, можеби најголемата ранливост на Бајден е неговата возраст: тој претрпе серија гафови и вербални лапсуси кои Трамп, само четири години помлад на 77 години, постојано ги исмеваше, пишува весникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Првиот патнички воз без возач, пуштен во употреба во Европа

Чешка го лансираше првиот патнички воз без возач во Европа што сообраќа на отворена железничка пруга.
Автономниот воз се движи по рута од 24 километри (15 милји) на северот од земјата. За разлика од повеќето автономни возови, кои сообраќаат само во затворени системи како што се метро или аеродромски превоз, овој е дизајниран за железници во реални услови.
Возот без возач, развиен од чешката технолошка фирма AZD Praha, се вика „Едита“ и е опремен со камери, лидар, ласерски скенери, дигитално мапирање и вештачка интелигенција за контрола на влечење и сопирање и откривање на пречки.
За време на тестирањето, „Едита“ забавила поради зајак на пругата и застанала поради стадо овци, покажувајќи ја својата способност да се прилагоди на неочекувани ситуации.
Од почетокот на тест патувањето, тој превезе луѓе вкупно на околу 1.700 километри, пренесуваат медиумите во регионот.
Фото: принтскрин
Регион
Детали за пукањето во Белград: Напаѓачите дошле со комбе до кафулето и почнале да пукаат кон гостите

Репортерка на „Н1 Белград“ од Вишњичка бања, каде денеска околу 14:30 часот се случи пукање во кое пет лица беа ранети, јави дека едно комбе дошло по Сланачки пат до локалниот бар и почнало да пука по присутните.
Претходно повеќе медиуми објавија дека починала жена, но според информациите од српската полиција, петмина се повредени. „Еуроњуз“ јави дека жената била донесена во болница без знаци на живот, но спасена е со реанимација. Во моментот се наоѓа во тешка состојба.
На местото на настанот има полиција и форензичари, а полицајците ги замолиле медиумските екипи да се оддалечат бидејќи е во тек увид.
Според жителите, кафулето е познато по тоа што таму се собираат и навивачи, а во него има и простор наменет за деца.
Не е познато дали во моментот на пукањето имало деца во кафулето, но жители и очевидци изјавиле дека на автобуската станица имало голем број деца кои се уплашиле и се разбегале, и додале дека долго се чекало на пристигнувањето на итната помош.
Жителите посочиле дека последните месеци имале големи проблеми со навивачки групи, за што редовно пријавувале во полиција. Полицијата и обвинителството реагирале кога медиумите укажувале на тоа.
„За нив ова е шокантно, но не толку изненадувачко, затоа што навивачките групи одамна прават проблеми,“ јави репортерката на „Н1“.
Засега нема официјални информации за мотивот за пукањето, а српски „Телеграф“ пишува дека станува збор за пресметка меѓу навивачи.
Регион
„Се пукаше од повеќе страни, луѓето се разбегаа“: Во пукање во Белград петмина ранети

Пет лица се повредени во пукање што се случи околу 14:25 часот во белградската населба Вишњичка бања.
Според официјалните информации, повредени се тројца мажи и две жени, а пукањето се случило во угостителски објект.
Сите се хоспитализирани.
Сведок на настанот во изјава за „Нова.рс“ рекол дека напаѓачите го опколиле кафулето и дека, во моментот кога отвориле оган, настанал општ хаос, бидејќи на улицата се нашле неколку минувачи.
Сведокот, со кого новинарот разговарал на лице место, рекол дека сè се случило околу 14:30 часот, кога излегол да земе нешто од автомобилот.
„Одеднаш слушнав пукање. На почетокот не знаев што се случува, но кога видов, се сокрив. Се пукаше од повеќе страни, трчаа оддолу и од оваа страна, близу кафулето. Имаше луѓе на улица и на автобуската станица, сите избегаа“, рекол соговорникот.
„Имаше седум или осум истрели, беа поединечни.“
Сепак, рекол дека не знае што би можел да биде мотивот за ова пукање.
„Сите ние што живееме во близина седиме овде. Тука има и детска игротека, за време на викенд има многу деца. Немало проблеми од отворањето,“ додал сведокот.
Голем број полициски службеници се на местото на настанот и потрагата по напаѓачите е во тек.
Фото: колаж/нова.рс