Свет
Обама не признава дека го потценил Путин
Американскиот претседател на заминување Барак Обама призна во неделата дека го „потценил“ влијанието кое кибернетичките напади и ширењето дезинформации може да го имаат врз демократските систем, два дена по извештајот на разузнавачките агенции кои ја обвинуваат Русија за наводно мешање во американската претседателска кампања и помошта на републиканскиот кандидат Доналд Трамп да ја победи демократската кандидатка Хилари Клинтон.
Извештајот на разузнавачките служби Обама го оцени како „многу јасен“. „Русите се стремеле да се вмешаат во изборниот процес: во рамките на таа кампања тие изведувале кибернетички напади, а исто така имаа јавно изразени ставови во однос на исходот“ од изборите, рече Обама.
Истакна дека и тој и американското разузнавање се убедени во исправноста на заклучоците од извештајот, од кој дел беше јавно објавен во саботата. „Видов некои моменти во основата на изворите и информациите, и јас целосно го поддржувам тој извештајот“, вели Обама.
Во интервјуто за ABC, Бара Обама вели дека не го потценил рускиот претседател Владимир Путин, кој, како што тврдат разузнавачките кругови, лично ги оркестрирал кибернетичките напади за да му помогне на Доналд Трамп а на штета на Хилари Клинтон, што Кремљ веќе ниту се труди да го демантира нарекувајќи „фантазирање“ и обид да се најде изговор за изборниот неуспех на демократите.
„Не мислам дека го потценив Путин, но мислам дека го потценив влијанието која во оваа нова информатичка ера може да го имаат дезинформациите, хакирањата и слично, но нашите општества се отворени“, рече Обама оценувајќи дека таа тенденција се забрзува.
„Неодамна видовме многу коментари од коишто произлегува дека има републиканци, експерти или телевизиски коментатори коишто, се чини, имаат повеќе доверба во Владимир Путин отколку во сонародниците Американци, бидејќи тие се демократи… Тоа не треба да се случува“, констатира Обама и истакна дека таквата ситуација сериозно го загрижува.
Притоа не ја исклучи можноста и други земји да се обидат да влијаат врз американската претседателска кампања, и тоа треба да ги загрижува и Републиканската и Демократската партија.
Обама побарал истрага за наводната руска вмешаност во претседателската кампања во САД првенствено за да „биде сигурен дека тоа Путин веќе извесно време го прави во Европа, прво во поранешните земји сателити каде што многу луѓе зборуваат руски, а потоа сé повеќе и повеќе и во западните демократии“.
Потсети дека годинава ќе се одржат избори во повеќе земни сојузнички на САД во НАТО и претпостави дека „руското однесување може да се повтори“.
„Мораме да бидеме будни“, вели Обама предупредувајќи дека „странските сили“ би можеле да влијаат на политичката дебата во САД на начини кои не биле возможни „пред десет, дваесет или триесет годни, како поради начините на кои циркулираат информациите, така и поради воздржаноста на луѓето кон големите традиционални медиуми“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.