Свет
Ова се најбарани бегалци во светот, на листата се терористи и наркобосови
По смртта на лидерот на Исламска држава, Абу Бакр ал-Багдади, „Гардијан“ направи листа на најбарани бегалци. До 2011 година, „Форбс“ објавуваше листа на најголеми криминалци. Таа година на прво место беше мексикански крал на дрогата, Џоакин Гузман, „Ел Чапо“, кој е фатен три години подоцна, кој побегна и повторно беше фатен во 2016 година. Втор на листата беше ирско-американскиот криминалец Џејмс „Вајти“ Булгер, кој е фатен кон крајот на 2011 година, откако беше препознаен од сосед, кој доби награда од 2 милиони долари. Булгер беше претепан на смрт минатата година.
Неодамна на листата е ставен и најстариот бегалец, 83-годишниот Еуген Палмер, кој е обвинет за убиство на својата снаа. Но најбаран на оваа листа е Ајман ал-Завахири, лидерот на Ал Каеда, за кого е распишана награда од 25 милиони долари. ФБИ има и листа на најбарани сајбер криминалци на која денеска се наоѓаат 70 луѓе, меѓу кои се руски и кинески припадници на војската, но и група поврзана со руското мешање во американските избори во 2016 година.
Сепак, најпозната е листата на ФБИ. Американското сојузно биро тврди дека околу 93 отсто од оние кои се на листата ќе бидат фатени.
На првото место на листата најбарани бегалци на ФБИ е нигерискиот милитант Абубакар Шеку, кој во 2009 година стана лидер на исламистичката група Боко Харам, која се залага за воведување шериитски права, а е одговорна за бројни напади на војската, но и цивили, од што најпознато киднапирање на 276 девојчиња од училиште.
На второ место е Абу Ибрахим ал Хашими ал Квараши, кој по смртта на Абу Бакр ал Багдади, е избран за нов лидер на терористичката организација. За него не се знае речиси ништо, освен дека доаѓа од истото племе како и претходниот лидер.
Следи лидерот на Ал Каеда, Ајман ал Завахири, роден во Египет во 1950 година, каде бил хирург пред да се придружи на радикалното исламско движење.
На 4. место е 63-годишниот милијардер од Индија, Ибрахим Дејвуд, кој изгради свое царство со помош на изнуда и трговија со дрога.
Синот на познатиот наркобос Ел Чапо, Овидио Гузман или „Чапито“, е на петтото место. Откако беше уапсен од полицијата, минатиот месец во Чилачано, на улиците дојде до судир меѓу безбедносните сили и припадниците на моќниот наркокартел Синалоа. На крајот полицијата се повлече и го пушти да побегне.
На шестото место е лидерот на меѓународната банда на дрогата, Це Чи Лоп, кинеско-канадски граѓанин, кој се смета за најбаран човек во Азија. Неговата банда е разгранета од Јапонија до Њујорк.
На седмото место на оваа листа е грчкиот крадец и киднапер Василис Палеокостас, познат како „Недопирлив“. Тој двапати побегнал од истиот затвор во 2006 и 2009 гоидна, така што киднапирал хеликоптер. Грција нуди 1 милион евра на оној што ќе помогне во неговото фаќање.
На 8. место е сицилијанскиот „последен Мохиканец на старата мафија“, Матео Месина Денаро, и еден од најбараните бегалци и од властите се крие од 1993 година.
Гуцифер 2.0 е еден или повеќе хакери, кои тврдат дека се одговорни за упадот во серверите на американскиот Демократски национален одбор во 2016 година, по што ги пуштија во јавност документите и мејловите што ги најдоа.
Денеска 84-годишниот воен злосторник Фелициен Кабуга е 10-ти на листата, а е баран од меѓународиот суд поради неговата улога во геноцидот во 1994 година во Руанда, каде се масакрирани повеќе од 800.000 мажи, жени и деца. Кабуга водел радиостаница која повикувала на омраза против малцинството Тутса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Захарова: ЕУ треба да седне под маса за време на преговорите за Украина
Портпаролката на руското Министерство за надворешни работи, Марија Захарова, денес изјави дека претставниците на ЕУ во моментов немаат право да учествуваат во преговорите за решавање на украинската криза и дека затоа мора да останат „под маса“.
„Никој не ве чека вас (Европејците) таму, ниту ве поканиле таму. Не знаете како да се однесувате. Затоа веќе сте биле таму. Излажавте и измамивте, и сте фатени на дело. Затоа седите таму, под маса, и молчите“, изјави портпаролката на руското Министерство, пренесува ТАСС.
Таа, исто така, оцени дека украинската блокада на транзитот преку нафтоводот „Дружба“ ја загрозува енергетската безбедност на Унгарија, Словачка и цела Европа и дека „неактивноста на Брисел е изненадувачка“.
„Оваа акција на киевскиот режим со право предизвика негодување кај унгарските и словачките власти, кои ги сметаат деталните акции на киевскиот режим за директно кршење на нивниот суверенитет. Во овој контекст, недостасуваше соодветен одговор од европските институции, кои наводно ги штитат интересите на своите земји-членки, и отсуство на каква било реакција на украинските напади врз нафтоводот „Дружба“, рече Захарова, пренесува Танјуг.
Коментирајќи ја посетата на европските претставници на Киев по повод годишнината од почетокот на конфликтот на 24 февруари, Захарова рече дека посетата не донела ништо друго освен „празни фотографии и излитени слогани“ и дека украинскиот лидер Володимир Зеленски „не слушнал јасен одговор за временската рамка за пристапување на Украина во ЕУ“.
„Уште една русофобична десантна група направи политичко поклонение во украинската престолнина на 24 февруари. Нивното пристигнување беше наменето како демонстрација на непоколеблива посветеност на праведната борба на Украина, како што сите ја нарекуваат“, изјави Захарова.
Свет
Меланија Трамп ќе претседава со состанокот на Советот за безбедност на ОН
Првата дама на САД, Меланија Трамп, ќе претседава со состанокот на Советот за безбедност на Обединетите нации за четири дена, кога САД ќе го преземат ротирачкото претседателство со телото, соопшти денес Белата куќа.
Меланија Трамп ќе го нагласи образованието на состанокот како начин за промовирање на толеранција и светски мир, а тоа ќе биде првпат сопруга на актуелен претседател да претседава со телото од 15 члена, соопшти вчера кабинетот на првата дама.
Американскиот претседател Доналд Трамп е гласен во своите критики кон Обединетите нации уште од неговиот прв мандат во Белата куќа, велејќи дека светската организација со 198 члена е неефикасна и има потреба од реформи.
Сепак, тој зазеде попомирувачки став на состанокот минатата недела на неговиот Комитет за мир, иницијатива за која рече дека има за цел да ги реши светските конфликти, но која многу светски лидери ја отфрлија поради загриженоста дека има за цел да ги замени ОН.
„Комитетот за мир ќе се грижи за Обединетите нации и ќе се осигури дека тие функционираат правилно“, рече Трамп на 19 февруари.
„Ќе ги зајакнеме Обединетите нации. Ќе се осигуриме дека нивната инфраструктура е добра. Ќе им помогнеме финансиски и ќе се осигуриме дека Обединетите нации се одржливи“, рече тој.
фото/Depositphotos
Свет
Пет американски барања кон Иран, доколку не ги исполнат, ќе започнат напади
Соединетите Американски Држави влегуваат во преговори за нуклеарната програма на Иран со многу тешки барања. Вашингтон и Техеран сѐ уште се далеку од договор што би спречил војна, пишува „Волстрит џурнал“.
Американските претставници Стив Виткоф и Џаред Кушнер денеска започнаа клучна рунда разговори во Женева под силен притисок од „јастребите“ во администрацијата и републиканците во Конгресот да не се согласат на договор што би можел да се протолкува како отстапка за Иран.
Ова се петте клучни барања
Затворање и демонтирање на сите три главни нуклеарни централи: Фордоу, Натанц и Исфахан
Предавање на збогатениот ураниум на Соединетите Американски Држави
Договорот мора да биде траен, без временско ограничување
Без збогатување на ураниум (можна работа само на медицинскиот реактор во Техеран)
Само минимално олеснување на санкциите веднаш, повеќе само ако Иран го почитува договорот на долг рок
Според „Волстрит џурнал“, американските преговарачи требало јасно да стават до знаење дека Иран мора да ги демонтира своите три главни нуклеарни објекти – во Фордоу, Натанц и Исфахан – и да го предаде целиот преостанат збогатен ураниум на Соединетите Американски Држави.
„Ова може да биде последната шанса за постигнување договор“, рече Саид Голкар, вонреден професор на Универзитетот во Тенеси во Чатануга и експерт за иранската војска. „Ако тоа не функционира, САД ќе го решат со воени средства она што не можат да го решат со дипломатија“.
Иран инсистира на правото да збогатува ураниум, но нуди предлози за да се обиде да го смири Вашингтон. Тие вклучуваат намалување на нивото на збогатување од сегашните 60% на 1,5%, привремено суспендирање на збогатувањето за неколку години или повторна обработка под арапско-ирански конзорциум со седиште во Иран.
Дискусиите засега се хипотетички бидејќи нуклеарната програма на Иран беше во голема мера уништена во 12-дневната војна со Израел и САД минатиот јуни.
САД инсистираат на нула збогатување, но американските претставници велат дека преговарачкиот тим би можел да му дозволи на Иран да го рестартира реакторот во Техеран кој би користел многу ниско збогатен ураниум за медицински цели.
фото/Depositphotos
Таравари поднесе тужба за клевета против Изет Меџити
Претседателот на поделената Алијанса за Албанците, Арбен Таравари, преку својот адвокат, Aбидин Абдули, вчера поднесе тужба за клевета во Основниот...
Мицкоски: Јас бев најнапаѓан човек од Артан Груби, на Прочка се креваа дронови над куќата на мојата сестра
На денешната седница за пратенички прашања претседателот на Владата, Христијан Мицкоски беше прашан за актуелната тема во јавноста со апсењето...
Цвеќе во помен на Борис Трајковски – 22 години од авионската несреќа
Делегација предводена од претседателката Гордана Сиљановска-Давкова, членови на политички партии, семејството денес оддадоа почит во помен на трагично загубените животи...
Мицкоски до Филипче: Со тоа што ги напаѓате пензионерите, само потврдувате дека сте мекото ткиво на политичката сцена
Мене ми е жал што не ја научивте лекцијата, и удирате повторно по група на луѓе кои што за време...
„Блокадафест“ пред влезот на Усје, целодневен протест со музичка програма
Утре со почеток од 15 до 23 часот ќе се одржи целодневен протест пред влезот на фабриката Усје. „Со нас...
Орбан му пиша на Зеленски: Четири години нè туркате во војната меѓу Украина и Русија
Унгарскиот премиер Виктор Орбан објави „отворено писмо“ до украинскиот претседател Володимир Зеленски на Икс, обвинувајќи го дека четири години се...
ВЛЕН: Кој од ДУИ му се заканува на Артан Груби?
„Ништо повеќе не е исто како порано. Почнува внатрешната пресметка во Мала Речица. Од една страна се Али Ахмети со...
Дачиќ на респиратор, состојбата е сè уште многу сериозна: „Прерано е за било какви прогнози“
Српскиот министер за внатрешни работи Ивица Дачиќ беше хоспитализиран вчера поради пневмонија и неговата состојба е оценета како многу сериозна....
Продолжуваат преговорите за крај на војната во Украина: Трамп му наредил на американскиот тим да се обиде да го спречи убивањето
Американскиот претседател Доналд Трамп му наредил на американскиот преговарачки тим за разговори за завршување на војната во Украина да се...
Претседателот на Албанија, Бајрам Бегај во официјална посета на Македонија
Претседателот на Албанија, Бајрам Бегај, од денес до сабота престојува во официјална посета на земјата. Бегај денеска ќе се сретне...
„Зошто Тренчевска и СДС го штитат Артан Груби и дали поранешните функционери на СДС се исплашени од неговите искази“, прашува ВМРО-ДПМНЕ
„Соработката и партнерството на СДС со екс вицепремиерот Артан Груби излезе на површина. СДС со години молчеа и го толерираа...
„Дури ни Груби првично не се пожалил на безбедносен ризик – ДПМНЕ преку АНБ и МВР без проценка го испратија дома“, велат од Левица
„Фарсата на ДПМНЕ и Артан Груби оди дотаму што, првично, дури ни самиот Груби не пријавил дека се чувствува небезбедно....
(Видео) Вучиќ утрово го посети Дачиќ: Неговата состојба е нешто подобра
Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и...
Клинтонови ќе сведочат за врските со Епстин по заканата со санкции
Четвртина век по напуштањето на Белата куќа, Бил и Хилари Клинтон се само неколку часа од нова правна пресметка со...
(Видео) Бројот на жртви во поплавите во Бразил се искачи на 46: потрагата по исчезнатите е во тек
Бројот на жртви од катастрофалните поплави во бразилската држава Минас Жераис се искачи на 46, соопштија пожарникарите во среда. Поплавите...
„Следните 72 часа се клучни“: Се огласи доктор од клиниката каде што се лекува Дачиќ
Српскиот вицепремиер и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија на Клиничкиот...
Ивица Дачиќ итно хоспитализиран, во тешка состојба
Српскиот министер за внатрешни работи и вицепремиер Ивица Дачиќ вчера вечер беше хоспитализиран со билатерална пневмонија, тој е во сериозна...
Уставниот суд: Нема постапка за пензиите, запрена за Кривичниот законик
По 5. седница на Уставниот суд, претседателот Дарко Костадиновски и судијата проф. Осман Кадриу информираа за одлуките по предмети од...
Преживеаните музичари од „Пулс“ сведочеа дека не виделе кој ги наместил и активирал прскалките кобната ноќ: „Пожарот почна на рефренот, тргнав кон врата која беше заклучена“
Со опис на првите искри, паниката и стампедото во кое животот го загубија 63 лица, денеска продолжи судењето за пожарот...
Петрушевски: Тужбата за клевета нема да го испере Заев, стојам зад секој кажан збор
Тужбата за клевета нема да го испере Заев, ниту ќе ја сокрие вистината, вели пратеникот од ВМРО-ДПМНЕ, Бране Петрушевски, по...
