Европа
Одобрена изградбата на Триаголната кула во Париз
Административниот суд во Париз ја одобри изградбата на првиот облакодер по 1973 година, кој ќе биде лоциран во јужниот дел на Париз, пренесе „Танјуг“.
Станува збор за таканаречената Триаголна кула (Tour Triangle) со 41 кат, проектирана од страна на швајцарската компанија Herzog & de Meron. Истата ќе биде изградена во 15. арондисман на Париз, пренесе „Урбан дивелопер“.
Контроверзниот проект првпат беше презентиран од страна на архитектите на Herzog & de Meron во 2008 година, по што тие наидоа на остри критики – локалните жители тврдеа дека зградата ќе им го спречи пристапот до сончева светлина, а политичарите дека дизајнот би бил неодржлив.
Проектот за амбициозната градба првпат беше отфрлен кон крајот на 2014 година, по што, по неколку промени, во 2015 година беше усвоен од страна на Советот на Париз со тесно мнозинство.
Потоа повторно беше отфрлен откако три асоцијации од соседството СОС Париз, Француската природна средина Iil-d-Frans и Асоцијацијата за рамномерен развој, иницираа повлекување на одобрението.
Швајцарската фирма, Herzog & de Meron, позната по проектите на Олимпискиот стадион во Пекинг и њујоршкиот музеј за уметност Периш, соопшти дека Триаголната кула ќе биде препознатливо одбележје од кое ќе може да се доживее париската панорама во целиот нејзин сјај.
Облакодерот висок 190 метри ќе содржи хотели со 4 ѕвезди и вкупно 120 соби, канецелариски простории и културни објекти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.