Европа
(Од минута во минута) Обвинувања за наводна употреба на хемиско оружје во Мариупол, проруските сепаратисти негираат
Специјалната операција на руската армија во Украина денеска влезе во 48. ден
Клучни настани
- Националната гарда на Украина објави дека Русија употребила хемиско оружје за време на нападот на Мариупол
- Велика Британија ги проверува извештаите. Ако се потврди, велат, сите опции се на маса
- Проруските сепаратистички сили во регионот на Доњецк негираа дека користеле хемиско оружје
- Во Ирпин на сила е тридневен полициски час
- Речиси две третини од украинските деца ги напуштиле своите домови
- Зеленски: Украинските сили би можеле да ја прекинат опсадата на Мариупол, но ни треба тешко оружје
- Јапонија воведе дополнителни санкции кон Русија
- Путин изјави дека целите и задачите на „специјалната операција“ во Украина ќе бидат исполнети
- Украинскиот претседател Володимир Зеленски денеска ја повика Европската унија да постави конкретни рокови во кои земјите од ЕУ ќе го отфрлат рускиот гас и нафта
Од минута во минута:
20:42 Француските форензичари ја истражуваат смртта на цивилите во Буча
Тим од француски форензичари пристигна во Буча во близина на Киев со задача да им помогнат на украинските власти да утврдат што се случило во тој град каде што беа пронајдени стотици цивилни тела по повлекувањето на руските сили.
20:17 Зеленски одбил да го прими германскиот претседател
Германскиот весдник „Билд“ повикувајќи се на извори од украинската влада, објавил дека германскиот претседател Франк-Валтер Штајнмаер планирал да го посети Киев, но Зеленски одбил да се сретне, пренесуваат регионалните медиуми.
19:30 Путин за Украина: Сликите од Буча се лажни
Рускиот претседател Владимир Путин изјави дека сликите од мртвите тела расфрлани низ украинскиот град Буча се лажни, пренесе агенцијата ТАСС.
17:20 САД засега не можат да потврдат употреба на хемиско оружје во Мариупол
Во овој момент, САД не можат да потврдат можна употреба на хемиско оружје во Мариупол, изјавил американски воен претставник, пренесуваат медиумите во светот.
Украинската заменик-министерка за одбрана Хана Маљар изјавила дека владата ги проверува непотврдените информации дека Русија можеби користела хемиско оружје за време на опсадата на Мариупол.
16:50 Лукашенко: Злосторствата во Буча ги извршија Британците
Белорускиот претседател Александар Лукашенко заедно со рускиот претседател Владимир Путин го посетија космодромот „Восточни“ на далечниот исток на Русија.
Белорускиот претседател на прес-конференцијата по посетата рече дека наводите за воени злосторства во Буча се едноставна психолошка операција спроведена од Британците, пренесуваат агенциите.
16:10 Градоначалникот на Буча: Пронајдени телата на 403 цивили
Градоначалникот на украинскиот град Буча во близина на Киев изјави дека властите досега пронашле 403 тела на луѓе за кои се верува дека биле убиени од руските сили за време на окупацијата на областа, но дека бројот се’ уште расте.
15:50 Обама: Заканата од Путин отсекогаш постоела
Поранешниот американски претседател Барак Обама оцени дека заканата од рускиот претседател Владимир Путин отсекогаш постоела, тврдејќи дека непромислениот начин на Путин да ја нападне Украина не би се очекувал пред десет години.
15:15 Украинците објавија нови податоци за руските загуби
Украинските власти тврдат дека од почетокот на војната на 24 февруари биле убиени 19.600 руски војници.
Украина исто така соопшти дека руските сили изгубиле 1956 оклопни возила, 732 тенкови и 140 хеликоптери.
Русија последен пат ги даде своите податоци за смртта на руски војници на 25 март, а тогаш информираа за 1351 загинат, но се верува дека реалната бројка е многу поголема.
14:45 Експерт за хемиско оружје: Да бидеме внимателни околу наводите за руски хемиски напад
Експерт за хемиско оружје повикува на претпазливост кога станува збор за наводите дека во нападот на Мариупол било употребено хемиско оружје. Тој посочува дека има малку информации за тоа што се случило.
Ден Казета од Royal United Services Institute рече дека е тешко да се процени целата ситуација од далечина, особено кога голем дел од неа се потпира на извештаи од втора или трета рака наместо на докази од местото на настанот.
14:18 Лукашенко: Белорусија ќе биде со Русија во секоја ситуација
Белорусија ќе биде со Русија во секоја ситуација, изјави денеска претседателот Александар Лукашенко за време на разговорите со неговиот руски колега Владимир Путин во космодромот Восточни во регионот Амур.
13:50 Пендаровски: Рускиот напад на Украина ги потврди придобивките од нашето членство во НАТО
„Рускиот напад на Украина на многу јасен начин ги потврди придобивките од нашето членство во Алијансата. Ужасот кој го гледаме во Украина, мислевме дека е невозможен на европско тло по страшните војни од минатиот век. За жал, сведочиме на страдање на милиони граѓани, пред наши очи се одвива огромна хуманитарна и бегалска криза. Потребна ни е солидарност и уште поголема соработка за да излеземе на крај со последиците на руските воени дејствија во Украина. Како дел од НАТО стоиме зад сите негови одлуки, а како земја-кандидат за членство во Европската Унија сме сто процентно усогласени со заедничката европска надворешна и безбедносна политика. Во таа смисла се приклучивме на сите пакети на санкции на Европската Унија насочени кон Русија“, рече Пендаровски за време на посетата во Црна Гора.
13.35 Украинските маринци што го бранат Мариупол преку видео ѝ се обратија на јавноста
Во проштална порака, припадниците на 36. поморска бригада рекоа дека ќе се борат до крај, но рекоа дека не им била обезбедена муницијата што им била потребна
?️Soldiers of 36th Marines Brigade released a video from #Mariupol, assuring they remain loyal and continue to defend the city. #Ukraine #UkraineRussiaWar pic.twitter.com/akIwJWVBN6
— MilitaryLand.net (@Militarylandnet) April 12, 2022
13.05 Европската Унија го подготви петтиот пакет-санкции против Русија
Во Европската Унија има консензус за воведување нов пакет санкции против Русија поради инвазијата на Украина! Ова е петти пакет санкции, чие официјално објавување се очекува деновиве, а кои треба да и зададат дополнителен удар на руската економија за што поскоро да се запре војната во соседна Украина, пишува Вашингтон пост
13:00 Британски доброволец од Мариупол: Мора да се предадеме, немаме храна и муниција
Семејството и пријателите на Британец кој се бори во Украина изјавија за Би-Би-Си дека им се јавил и им кажал дека неговата единица им се предава на руските сили.
Ајден Аслин, родум во Британија, е вклучен во борбите во Украина откако се преселил во земјата во 2018 година и се приклучил кон маринскиот корпус на украинската армија. Во последните недели, единицата на Ајден била вклучена во одбраната на Мариупол, град во јужна Украина кој е целосно уништен од руските сили од почетокот на инвазијата на Украина.
Неговата мајка Анг Вуд изјави за Би-Би-Си дека нејзиниот син и рекол дека единицата нема друг избор освен да се предаде.
12.48 Голема колона руски воени возила се движи во правец на Донбас
Видео кое кружи на социјалните мрежи покажува голем конвој руски воени возила во близина на Матвев Курган, село во руската област Ростовска. Географската локација на видеото ја утврди Си-Ен-Ен.
12.40 Нехамер не е оптимист дека на повидок е дипломатско решение за војната во Украина
Австрискиот канцелар Карл Нехамер изјави дека по средбата со Владимир Путин „не е оптимист“ оти на повидок е дипломатско решение за војната во Украина, бидејќи, како што наведе, рускиот претседател е заробен од сопствената логика за природата.
На протераните руски дипломати им е даден рок до 25 април да ја напуштат Хрватска, изјави рускиот амбасадор во Загреб, Андреј Нестеренко.
„Им беше даден рок до 25 април да ја напуштат земјата. Тоа е сериозен удар за нашите билатерални односи бидејќи протераните дипломати беа вистинските луѓе“, рече Нестеренко, цитиран од ТАСС.
12.25 Гувернерот на Донецк: Жестоките борби траат со денови, западното оружје ни помага многу
Украинскиот гувернер на источниот регион Доњецк, Павло Кириленко, за Би-Би-Си изјави дека во регионот се водат жестоки битки.
12:20 Германските медиуми го критикуваат Нехамер за посетата на Москва
Германските медиуми денеска остро го критикуваат австрискиот канцелар Карл Нехамер за неговата вчерашна посета на Москва и разговорите со рускиот претседател Владимир Путин.
Главниот заклучок на германскиот печат е дека е подобро да не се патува во Москва.
12:08 Кина: Политиката на САД и НАТО го доведе руско-украинскиот конфликт до критична точка
Американските власти намерно го поттикнуваат конфликтот во Украина како дел од тактиката кинеско-руска воздржаност, изјави портпаролот на кинеското Министерство за надворешни работи.
„Политиката на САД и НАТО го доведе руско-украинскиот конфликт до критична точка. Американската страна не презеде никакви чекори за ублажување на ескалацијата на тензиите, туку, напротив, додаде масло на огнот принудувајќи други земјите да заземат страна“, рече Жао Лиџијан, пренесува „Тасс“.
11:50 Зеленски: ЕУ да одреди рокови за одбивање на рускиот гас и нафта
Украинскиот претседател Володимир Зеленски денеска ја повика Европската унија да постави конкретни рокови во кои земјите од ЕУ ќе го отфрлат рускиот гас и нафта.
– Мора да се постават конкретни рокови за секоја земја од ЕУ за навистина да се одбие или барем значително да се ограничи потрошувачката на руски гас и нафта – рече Зеленски во своето обраќање во литванскиот парламент, пренесува РИА Новости.
Целите и задачите на „специјалната операција“ во Украина ќе бидат исполнети, изјави денеска рускиот претседател Владимир Путин, нагласувајќи исто така дека Русија не планира да се изолира од остатокот од светот.
11:30 Украинците објавија видео со детали за наводниот хемиски напад во Мариупол
Во видеото се наведени симптомите за кои војниците тврдат дека страдаат од руската употреба на хемиско оружје. Меѓу симптомите, тврди Азов, се хиперемија (зголемено количество крв во вените), висок крвен притисок, воспаление на фаринксот и мукозните мембрани на очите, слабост и треска. Некои споменуваат и тахикардија.
10:33 Велика Британија проверува дали руската војска користела хемиско оружје во Мариупол
Велика Британија се обидува да изврши проверка на извештаите според кои руската војска во напад врз украински град Мариупол, наводно употребила хемиско оружје.
Британскиот министер на вооружените сили, Џејмс Хепи рече дека „сите опции се на маса“ по извештаите за руска употреба на хемиско оружје во Мариупол.
10:20 Проруските сепаратисти тврдат: Не сме користеле хемиско оружје
Проруските сепаратистички сили во регионот на Доњецк негираа дека користеле хемиско оружје во јужниот пристанишен град Мариупол, објави руската новинска агенција Интерфакс.
10:18 Лукашенко пристигна во Русија на средба со Путин
Претседателот на Белорусија, Александар Лукашенко, допатува во работна посета на Русија, при што е планирана средба со рускиот лидер Владимир Путин.
Белорускиот авион број еден слета на аеродромот во Благовешченск, а шефот на белоруската држава беше пречекан од раководството на регионот Амур и Благовешченск, како и од членовите на белоруската делегација што пристигнаа еден ден претходно, се вели во соопштението.
10.05 Британски генерал: Ситуацијата во Украина се повеќе наликува на геноцид
Британскиот генерал Ричард Данат беше началник на Генералштабот на британските вооружени сили од 2006 до 2009 година
General Lord Dannatt agrees with James Heappey MP's comments that the alleged chemical attack in Ukraine is 'beyond the pale but is not beyond possibility'.https://t.co/3m8DWCZy0c
? Sky 501, Virgin 602, Freeview 233 and YouTube pic.twitter.com/RF6YiUbrhn
— Sky News (@SkyNews) April 12, 2022
10.00 Зеленски потпиша демобилизација
Украинскиот претседател Володимир Зеленски денеска потпиша декрет за укинување на пролетното регрутирање и објавување на демобилизација на претходно регрутирани регрути, пренесува NEXTA
The President of #Ukraine signed a decree cancelling the spring draft and announcing the demobilization of previously conscripted conscripts. pic.twitter.com/PLKokmXcIN
— NEXTA (@nexta_tv) April 12, 2022
Во обраќањето до нацијата, украинскиот претседател Володимир Зеленски рече дека руските трупи кои се повлекуваат од делови на северна Украина намерно оставиле зад себе илјадници мини, што тој ги смета за „воено злосторство“.
09.55 Лавров ја откри вистинската цел на Русија
Рускиот министер за надворешни работи Сергеј Лавров во интервју за државната телевизија „Русија 24“ рече дека ставот на Русија е променет и дека повеќе нема да има прекини на огнот поради преговорите
09.50 За денеска договорени девет коридори, од Мариупол евакуација само со приватни автомобили
Вицепремиерката на Украина Ирина Верешчук соопшти дека за денеска се договорени девет хуманитарни коридори за евакуација на цивили, меѓу нив и од опколениот град Мариупол, но само во приватни автомобили.
08.45 Во Ирпин кај Киев е на сила тридневен полициски час, денеска има девет коридори
На територијата на Ирпин, град во украинската Киевска област, се воведува полициски час за три дена, од 12 до 15 април, објави на Телеграм градоначалникот Александар Маркушин, пренесува агенцијата УНИАН.
08.35 Британија: Се очекуваат интензивни борби во источна Украина
Борбите во источна Украина ќе се интензивираат во следните две до три недели, а Русија продолжува да ги пренасочува своите војници во таа област, објави денеска британското Министерство за одбрана во редовниот дневен извештај.
08.30 Речиси две третини од украинските деца ги напуштиле своите домови
Агенцијата на ОН за деца, УНИЦЕФ, објави дека речиси две третини од украинските деца ги напуштиле своите домови во последните шест недели поради руската инвазија на нивната татковина.
Nearly two-thirds of Ukraine’s children have been displaced in just six weeks of full-scale Russia's war against Ukraine,–UNICEF https://t.co/3GQliBJ5MO
Photo by Dmitry Smolenko pic.twitter.com/24KG1EKcaV— Euromaidan Press (@EuromaidanPress) April 12, 2022
08.10 Јапонија воведе дополнителни санкции кон Русија: Забранети се и нови инвестиции
Јапонската влада денеска одобри дополнителни санкции против 398 лица и 28 организации од Русија поради инвазијата на Украина. Конкретно, санкциите беа наметнати на претставниците на Државната дума, пишува Ројтерс.
Во своето последно видео обраќање, украинскиот претседател Володимир Зеленски рече дека украинските сили би можеле да ја прекинат опсадата на Мариупол доколку им дадат тешко оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Избори во Австрија: крајната десница на прагот на победа, но никој нема да се приклучи на владата со неа
Австриската крајнодесничарска Партија на слободата е на пат да победи на изборите.
Според проекциите на резултатите, партијата предводена од Херберт Кикл ќе освои 29,1 отсто од гласовите, речиси три повеќе од конзервативната Народна партија со 26,2 отсто, но далеку од мнозинство во парламентот.
Генералниот секретар на Партијата на слободата, Михаел Шнедлиќ, беше воодушевен од првите проекции, но не сакаше да каже каква владејачка коалиција ќе се обиде да формира неговата партија.
Тие се на пат да обезбедат околу 57 места во парламентот од вкупно 183 места, додека Народната партија би освоила 51, а социјалдемократите 41 мандат.
Сепак, не се очекува некоја партија да освои доволно пратенички места за апсолутно мнозинство во собранието, а формирањето на идната коалициска влада најверојатно ќе биде тешко.
Главниот ривал на Кикло, актуелниот канцелар Карл Нехамер од Народната партија, претходно изјави дека е „невозможно да се формира влада со некој што обожава теории на заговор“.
Конзервативната Народна партија во неколку наврати ја отфрли можноста за формирање влада со Партијата на слободата.
Други партии, вклучително и Социјалдемократите и Зелените, исто така рекоа дека нема да се приклучат на владата со Партијата на слободата.
„Нема коалиција со екстремната десница“, изјави за Би-Би-Си министерката за климатски активности на Зелените, Леонора Гевеслер.
„Нема да влеземе во коалиција со партија која ги негира климатските промени, која само работи на поделба на нашето општество и ширење страв и теории на заговор.
Austria's Freedom Party (FPO) won Sunday's general election with 30% of vote. European patriots are waking up everywhere. Europe belongs to Europeans.
— AMERICAN NEWS DESK (@AmericaHistory8) September 29, 2024
Околу 6,3 милиони Австријци имаа право да гласаат на избори на кои доминираа прашањата за миграцијата, азилот, како и инфлацијата и војната во Украина.
Европа
Парламентарни избори во Австрија, почна гласањето
Во Австрија денеска на парламентарни избори излегуваат околу 6,35 милиони граѓани со право на глас, а првото од околу 10.000 избирачки места е отворено во 06 часот.
Гласањето за избор на 183 членови на Националниот совет ќе заврши во 17 часот, по што Министерството за внатрешни работи ќе ги објави првите резултати од гласањето во општините, окрузите и сојузните држави врз основа на преброените гласови, пишува австрискиот весник Курир. извештаи. Засега е целосно нејасно која владина коалиција ќе произлезе од денешните избори, оценува австрискиот весник.
На денешните избори за првпат би можела да победи крајнодесничарската опозициска Партија на слободата (ФПО). Иако анкетите покажуваат дека изборната трка ќе биде тесна, лидерот на ФПО Херберт Кикл најавува победа, објави Ројтерс.
Партијата ФПО, фокусирана на антиимигрантската политика, има јасно водство во анкетите повеќе од една година, потпомогната од разочараноста на гласачите од инфлацијата повисока од ЕУ и нестабилната австриска економија. Судејќи според последните анкети, чии резултати ги пренесува Дојче веле, ФПО би можела да добие 26-27 отсто од гласовите.
Ројтерс известува дека конзервативната Австриска народна партија (ОВП) на канцеларот Карл Немер успеала значително да го намали водството на ФПО прикажувајќи го нејзиниот лидер како државник кој е спротивен на честопати контрадикторниот Кикл. Партијата на слободата победи за прв пат на национално ниво кога ја порази ОВП за помалку од процентен поен на изборите за Европскиот парламент во јуни.
Кикл вети тешки мерки за да се спречи влезот на мигрантите, вклучително и нивно враќање од границите и одбивање азил. Канцеларот Нехамер го претстави Кикл како екстремист, изјавувајќи дека е отворен за коалиција со ФПО, но дека неговата партија нема да влезе во владата во која е Кикл.
Нехамер би можел да го искористи своето успешно управување за да ги санира последиците од големите поплави што ја погодија Австрија овој месец, според Ројтерс. Агенцијата додава дека кој и да победи на утрешните избори нема да има апсолутно мнозинство и ќе му треба коалициски партнер за формирање стабилна влада.
ФПО најавува победа
Австријците денеска гласаат на парламентарни избори на кои за првпат би можела да победи крајнодесничарската опозициска Партија на слободата (ФПО). Иако анкетите покажуваат дека изборната трка ќе биде тесна, лидерот на ФПО Херберт Кикл најавува победа, пренесува Ројтерс.
Партијата ФПО, фокусирана на антиимигрантската политика, има јасно водство во анкетите повеќе од една година, потпомогната од разочарувањето на гласачите од инфлацијата повисока од ЕУ и нестабилната австриска економија, пишува Ројтерс. Агенцијата наведува дека конзервативната Австриска народна партија (ОВП) на канцеларот Карл Немер успеала, сепак, значително да ја намали разликата, притоа прикажувајќи го својот лидер како државник кој е спротивен на честопати контрадикторниот Кикл.
Народот ни го дава ветерот на грб, а народот е секогаш посилен од системот, што ќе го докажеме во недела“, рече 55-годишниот Кикл вчера во говорот на крајот од кампањата во Св. Катедралата Стефан во центарот на Виена.
Тој истакна дека неговата партија ќе победи, посочувајќи на фактот дека за прв пат партија основана во 50-тите години да победи на парламентарни избори. Партијата на слободата првпат победи на национално ниво кога на јунските избори за Европскиот парламент ја победи ОВП за помалку од процентен поен, пренесува Танјуг.
Европа
(Видео) Путин се закани на Западот со нуклеарно оружје, „но овој пат заканата беше малку поинаква“, наведува Скај њуз
Вчерашниот говор на Владимир Путин, во кој тој му се закани на Западот со нуклеарно оружје, не беше прв, а веројатно ниту последен пат кога прибегна кон таков пристап. Но, како што наведува московскиот дописник на Скај њуз Ајвор Бенет, овој пат заканата беше малку поинаква од оние што имавме можност да ги слушаме откако Русија започна целосна инвазија на Украина во февруари 2022 година.
Како што наведува, тоа бил „поконкретен, подефиниран обид на Москва да ги прекрои црвените линии“. Сето ова е поврзано со руската нуклеарна доктрина – документ кој дефинира кога и како Москва може да го користи својот нуклеарен арсенал.
Putin's new nuclear bluff.
Putin has announced changes to Russia's nuclear doctrine. The proposal is to include a clause, according to which a war against Russia by a non-nuclear country with the support of a nuclear power will become grounds for using Russian nuclear weapons.… pic.twitter.com/V7cy5tmIuI
— Anton Gerashchenko (@Gerashchenko_en) September 25, 2024
„Во моментов тоа е само ако е загрозено постоењето на државата. Но вчера Путин рече дека сака да ја промени оваа доктрина, така што, теоретски, Русија може да одговори со нуклеарни бомби на напад од која било држава што користи конвенционално оружје – како на пр. проектили, беспилотни летала и авиони“, јави дописникот на Скај њуз од Москва.
Ова е значајно бидејќи токму тоа се случува со Украина, посочува тој. Путин, исто така, рече дека Кремљ ќе го разгледа секој напад од ненуклеарна сила поддржана од нуклеарна сила како заеднички напад. Тоа е всушност предупредување, или закана за сојузниците на Украина.
Кремљ денеска дополнително ја нагласи оваа закана, па портпаролот на Путин, Дмитриј Песков, тврди дека вчерашната најава за промена на руската нуклеарна доктрина „Западот треба да ја сфати како специфичен сигнал“.
Но, треба да се има на ум дека Путин претходно се закануваше дека ќе возврати на Западот, а не „само“ нуклеарно и не реализираше ниту една од овие закани. Испраќањето проектили, тенкови и борбени авиони во Украина дојде и пројде без никакви последици.
Имаше, се разбира, многу руски закани за нуклеарен Армагедон и можеби сега двете страни чувствуваат дека овој вид јазик изгубил дел од своето влијание, вели дописникот на Скај њуз и заклучува дека веројатно тоа е уште еден блеф на Путин.
(Видео) Ураганот предизвика катастрофални поплави во Америка, најмалку 90 загинати
Ураганот Хелен, кој на крајот на минатата недела ги опустоши југоисточните сојузни држави на САД, предизвика катастрофални поплави од Флорида...
(Видео) Избори во Австрија: крајната десница на прагот на победа, но никој нема да се приклучи на владата со неа
Австриската крајнодесничарска Партија на слободата е на пат да победи на изборите. Според проекциите на резултатите, партијата предводена од Херберт...
Со скалпел го исекол на вратот и увото: обид за убиство на малолетник во тетовско
Основното јавно обвинителство Тетово донесе Наредба за спроведување истражна постапка против едно лице за кривично дело – Убиство од член...
АХВ: Водата во Струмица не е безбедна за употреба поради зголемено присуство на манган и колиформни бактерии
Инспектор за храна на Агенцијата за храна и ветеринарство (АХВ) донесе решение со кое ја забрани за употреба водата од...
Трипуновски од Кочани: Оваа година ќе имаме богата жетва и зголемен принос на ориз
Министерот за земјоделство, шумарство и водостопанство, Цветан Трипуновски денеска присуствуваше на манифестацијата „Денови на кочанскиот ориз“ во с. Оризари, општина...
Љутков: Изградбата на Универзална е стопирана оти не се знае во чие владение е салата
Министерството за култура во минатата влада незаконски ја презело Универзална сала од Град Скопје затоа што по закон тоа не...
(Видео) „Продолжуваме со засилено темпо на работа“ – Николоски објави снимка од реконструкцијата на автопатот Тетово-Скопје
Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската...
(Фото) Страшни поплави во Непал: најмалку 100 загинати, десетици исчезнати
Најмалку 100 лица загинаа во поплавите во Непал, додека 67 лица се водат како исчезнати, јавија денеска локалните медиуми. Одрони...
Израелската армија изведува десетици напади врз Либан по атентатот на моќниот лидер на Хезболах
Израелската армија денеска соопшти дека извршува десетици напади врз Хезболах во Либан, два дена по убиството на моќниот лидер на...
„Никогаш не сум видела толку луѓе без покрив над главата“ – ураган го опустоши југоисточниот дел на САД, најмалку 64 лица загинаа
Поројните дождови од ураганот Хелена оставија голем број луѓе без домови ширум југоисточниот дел на Соединетите држави, а во тек...
Времето денеска ќе биде облачно со врнежи од дожд, грмежи и силен северен ветер
Заладувањето пристигна и во Македонија. Управата за хидрометеоролошки работи информира дека времето денеска ќе биде променливо облачно со повремени врнежи...
(🔴 Во живо) Ескалација на конфликтот меѓу Израел и Хезболах, нова огромна експлозија го потресе Бејрут
Од минута во минута за најновите случувања на Блискиот исток! 🕑 22:06 Хезболах соопшти дека лансирал ракети со долг дострел...
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата. Утре под...
Анкетите покажаа изедначеност на Трамп и Харис во клучните држави за победа на изборите
Резултатите од истражувањето спроведено од Њујорк тајмс и колеџот Сиена покажаа дека кандидатите на претседателските избори во САД, републиканецот Доналд...
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта,...
(Видео) Битиќи: Со Законот за нефер трговски практики на СДСМ ќе поевтинат 2.500 производи
„Денес имаме причина да се гордееме! Законот за нефер трговски практики, кој беше подготвен од СДСМ и донесен на 13...
(Видео) Лефков: СДС како власт ги користеле институциите за испумпување на пари преку тендери
„СДС како власт ги користеле институциите за испумпување на пари преку тендери“, рече денеска на прес-конференција, Миле Лефков, пратеник и...
АХВ спроведе вонредни контроли во Кавадарци, недоследности се најдени кај три ресторани и една месарница – изречени се парични казни
Инспекциските служби на Агенција за храна и ветеринарство (АХВ) неделава спроведоа вонредни инспекциски контроли и кај оператори со храна во...
Средба на министерот Муцунски со МНР на Република Индија, Џаишанкар
Министерот за надворешни работи и надворешна трговија, Тимчо Муцунски, на маргините на 79-то Генерално Собрание на Обединетите нации, оствари средба...
Убиен e лидерот на Хезболах, соопшти израелската армија
Израелската армија соопшти дека лидерот на Хезболах, Хасан Насралах е убиен. Во објава на X, израелската армија ИДФ соопшти дека...
