Европа
Австрискиот канцелар оди во Москва, во нападот на станицата загинале 57 лица
Војната во Украина влезе во својот 45-ти ден. Властите во текот на викендот воведоа полициски час во јужниот пристанишен град Одеса поради заканите за понатамошни ракетни напади.
Клучни податоци:
Сателитските снимки лоцираа воен конвој долг 10 километри во близина на Харков
НАТО најави промена на стратегијата во Источна Европа
ЕУ донира 1 милијарда евра за Украина и за земјите кои примаат бегалци
Борис Џонсон ненадејно дојде во Киев, Британија испраќа ново оружје во Украина
132 тела беа пронајдени во Макарив, на околу 50 километри од Киев
Украинскиот претседател Зеленски го опиша ракетниот напад врз железничката станица Краматорск како уште едно руско воено злосторство
(Од час во час)
21:25 57 загинати во нападот во Краматорск
Бројот на загинати во ракетниот напад на железничка станица во градот Краматорск се искачи на 57, соопшти регионалниот гувернер. Павло Кириленко додаде дека во нападот се повредени 109 лица.
„Оние со полесни повреди се пуштени дома, тешко повредените се пренесени во безбедни подрачја и им е укажана потребната помош“, рече тој.
Нападот се случи додека илјадници Украинци, главно жени и деца, чекале воз да ги однесе на запад, на побезбедно место. Русија ги отфрли обвинувањата дека е одговорна за нападот. Наместо тоа, Русите сугерираат дека ракетите биле украински.
19:25 Австрискиот канцелар прв европски лидер што ќе се сретне со Путин по инвазијата
Австрискиот канцелар в понеделник во Русија ќе се сретне со рускиот претседател Владимир Путин. Карл Нехамер утре ќе отпатува за Русија, изјави за „Ројтерс“ портпаролот на австриската влада.
Така, тој ќе биде првиот европски лидер што ќе се сретне со Путин во Москва од почетокот на руската инвазија на Украина на 24. февруари.
18:10 Украина: Руски проектили го уништија аеродромот во градот Днепар
Руските сили истрелаа ракети врз украинските региони Луганск и Днепар, при што целосно е уништен аеродромот во градот Днепар, а најверојатно има и жртви, соопштија украинските власти.
„Аеродромот е уништен, како и околната инфраструктура. Ракети постојано паѓаат“, посочи Валентин Резниченко, гувернер на централниот украински регион Днепропетровск.
Aгенцијата „Ројтерс“ не можела да ги потврди информациите од независни извори.
Генералот Александар Дворников, еден од најискусните руски воени офицери, наводно ќе ги води Русите во новите напади што се очекуваат во источна Украина.
Дворников има досиеја за бруталност врз цивили во Сирија и други воени зони, изјавил висок американски функционер, кој побарал да остане анонимен.
16:30 Зеленски ќе се сретне со Путин кoга ќе победиме на источниот фронт, вели неговиот советник
Советникот на украинскиот претседател вели дека Володомир Зеленски може да се сретне со Путин, но само откако ќе ја добие војната во источна Украина.
„Украинскиот претседател најверојатно ќе се сретне со рускиот претседател дури по очекуваната голема битка за источниот регион Донбас“, изјави советникот на украинскиот претседател, Михаил Подољак.
16:00 Финска се подготвува за историско пристапување кон НАТО
Финска се подготвува за потенцијално историска одлука за своја кандидатура за членство во НАТО, со цел да ја одврати руската агресија, пишува денеска „Франс прес“ (АФП).
Нордиската држава со 5,5 милиони жители, традиционално се држи настрана во воените прашања, делумно за да не го испровоцира својот источен сосед, Русија, со која дели граница долга 1.300 километри.
Но, руската инвазија на Украина на 24-ти февруари ја удвои поддршката на финските граѓани за членство во НАТО од 30 на 60 отсто, покажа серија на спроведени анкети.
14:40 177 деца загинаа во руските напади врз Украина
Канцеларијата на главниот државен обвинител на Украина објави дека 177 деца во Украина загинале во руските напади, а 336 се ранети, јавуваат агенциите.
13:05 Загрозен животот на Русите кои копале ровови во близина на Чернобил, еден војник починал
Руските војници кои го освоија Чернобил и ископаа ровови во близина на нуклеарната централа ширеле радиоактивен материјал низ централата, а еден војник со голи раце го носел изворот на радијација, пишува британски Телеграф.
11:55 Русите ги гранатирале регионите Луганск и Днепар
Утринава руските сили истрелаа гранати во украинските региони Луганск и Днепар и погодија неколку згради, при што едно лице беше повредено и предизвикано пожар, соопштија властите, пишуваат агенциите.
„Училиштето и станбената зграда беа гранатирани во градот Северен Доњецк во опколената област Луганск“, изјави гувернерот на регионот Серхи Гајдаи.
10:05 Десетици украински цивили пронајдени во гробница во близина на Киев
Нова гробница со десетици украински цивили е пронајдена во саботата во Бузова, ослободено село во близина на главниот град Киев, кое со недели било окупирано од руските сили, изјави локален претставник.
08:41 Столтенберг: НАТО планира постојано воено присуство на своите источни граници
Генералниот секретар на НАТО Јенс Столтенберг за британски Телеграф изјави дека НАТО работи на планови за постојано воено присуство на своите источни граници, во контекст на соочување со можна руска агресија.
08:19 Зеленски: Руската агресија е насочена кон цела Европа
Украинскиот претседател Володимир Зеленски изјави дека руската агресија никогаш не била ограничена само на Украина и дека таа е насочена кон цела Европа и уште еднаш го повика Западот да воведе целосно ембарго на руските енергетски извори и да и достави на Украина повеќе оружје.
08:10 Во близина на Харков снимен голем руски воен конвој
Сателитските снимки направени и анализирани од „Максар Технолоџис“ покажуваат десет километри долг руски воен конвој источно од Харков.
Фотографиите на „Максар“ се направени на 8 април во близина на градот Велки Бурлук, на десетина километри источно од Харков. Конвојот се движел кон југ, пишува Си-Ен-Ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русите: Испукавме „Орешник“, тоа е одмазда за нападот врз резиденцијата на Путин
Руското Министерство за одбрана го издаде своето прво официјално соопштение по големиот напад со беспилотни летала и ракети врз Украина во текот на ноќта. Во соопштението се вели дека Русија извршила, како што наведува, „високопрецизен удар со долг дострел“ користејќи ја ракетата со среден дострел „Орешник“.
Во соопштението се тврди дека нападот бил одговор на она што Русија го опиша како „терористички напад од страна на режимот во Киев“ врз резиденцијата на рускиот претседател Владимир Путин во регионот Новгород, за кој Русија тврди дека се случил ноќта на 29 декември 2025 година.
Руското Министерство за одбрана соопшти дека руските сили испукале оружје со долг дострел и висока прецизност од копно и море во текот на ноќта, вклучувајќи го и мобилниот копнено-базиран ракетен систем Орешник, како и дека извеле напади со беспилотни летала врз, како што наведуваат, клучни објекти во Украина.
Украина сè уште не потврдила дека нападот врз западниот град Лавов бил извршен со „Орешник“, но украинската војска потврдила дека ракетата летала со брзина од 13.000 км/ч.
Европа
(Видео) Руската ракета испалена кон Лавов летала со брзина од 13.000 км/ч
Балистичката ракета што Русија ја употреби за напад врз градот Лавов синоќа се движела со брзина од приближно 13.000 километри на час. Информацијата е објавена на Фејсбук од страна на Западната воздушна команда, пишува „Украинска правда“.
Детали за нападот
Во официјалното соопштение се наведува дека нападот бил извршен врз инфраструктурни објекти.
Security camera footage which appears to capture tonight’s strike by a Russian “Oreshnik” Intermediate-Range Ballistic Missile (IRBM), equipped with a Conventional Multiple Independently Targetable Reentry Vehicle (MIRV), earlier against the Lviv Oblast of Western Ukraine. pic.twitter.com/LikuWRRgtS
— OSINTdefender (@sentdefender) January 8, 2026
„Во 23:47 часот на 8 јануари, непријателот извршил ракетен напад врз инфраструктурни објекти во Лавов, користејќи балистичка ракета. Ракетата се движела со брзина од приближно 13.000 км/ч по балистичка траекторија“, се вели во соопштението на Командата.
Тие додадоа дека точниот тип на ракета што се користела ќе се утврди дури по испитување на сите нејзини компоненти.
Европа
(Видео) Голем напад врз Киев и Лавов неколку часа по предупредувањето на Зеленски, употребен Орешник?
Најмалку четири лица се убиени, а 19 повредени во Киев откако Русија изврши масовен ракетен и беспилотен напад низ Украина синоќа, објави „Киев Индепендент“.
Меѓу загинатите е и еден болничар, жртва на таканаречен „двоен удар“, додека 14 од 19 повредени се хоспитализирани, потврди градоначалникот на Киев, Виталиј Кличко. „Еден болничар е убиен, а четворица други се повредени додека им помагале на луѓето, во округот Дарницки“, рече тој. Неколку области во градот беа погодени во нападите.
Властите објавија дека станбените згради во областите Печерск и Десњански претрпеле штета од беспилотни летала и остатоци, додека пожар избувнал во округот Шевченински. Во округот Дарницки, дрон се урна во дворот на станбена зграда, оштетувајќи ги блиските згради, а во округот Днипровски, пожари зафатија две станбени згради.
Three people killed and six more injured by the Russian attack on Kyiv tonight.
The attack continues, Russian drones are all over the city, Kalibr missiles expected to strike soon. https://t.co/XSOLNpb4U9 pic.twitter.com/jrnRNa3Vpx
— Anton Gerashchenko (@Gerashchenko_en) January 9, 2026
Ударните бранови го оштетија покривот на друга зграда, а остатоците паднаа и на детско игралиште. Поради нападите врз критичната инфраструктура, делови од главниот град останаа без снабдување со вода и електрична енергија.
Првите експлозии во Киев беа регистрирани околу 23:45 часот по локално време, кога противвоздушните одбранбени системи почнаа да дејствуваат против воздушни цели.
Russian drones flying low over Kyiv residential areas.
It is much harder for air defense to shoot them down due to their low flight and weather conditions. https://t.co/AiQC4rHx6m pic.twitter.com/SrScxBJU7h
— Anton Gerashchenko (@Gerashchenko_en) January 8, 2026
Воздухопловните сили претходно предупредија за закана од балистички ракети и движење на беспилотни летала кон главниот град. Нова ракетна закана беше издадена за целата земја околу 2:13 часот наутро, откако беа забележани руски борбени авиони. Дополнителни експлозии од крстосувачки ракети го потресоа Киев околу 3:00 часот наутро, додека Русија ја продолжи својата ноќна офанзива.
Балистичка ракета го погоди Лавов, дали е Орешник?
Во текот на ноќта, Русија, исто така, испука ракети во Лавов, најзападниот голем град во Украина, насочувајќи се кон критична инфраструктура, објави градоначалникот Андриј Садови. Украинската војска соопшти дека ракетата – чиј тип сè уште не е официјално потврден – била лансирана од полигонот Капустин Јар во рускиот регион Астрахан.
Security camera footage which appears to capture tonight’s strike by a Russian “Oreshnik” Intermediate-Range Ballistic Missile (IRBM), equipped with a Conventional Multiple Independently Targetable Reentry Vehicle (MIRV), earlier against the Lviv Oblast of Western Ukraine. pic.twitter.com/LikuWRRgtS
— OSINTdefender (@sentdefender) January 8, 2026
Западната команда на украинските воздухопловни сили подоцна потврди дека нападот бил извршен од балистичка ракета што се движела со брзина од 13.000 километри на час. „Видот на ракета со која руските агресори го нападнаа градот ќе биде утврден по проучувањето на сите негови елементи“, изјавија тие.
Капустин Јар е познат како место од каде што е лансирана руската балистичка ракета со среден дострел „Орешник“, за која е потврдено дека досега е употребена само еднаш, во нападот врз Дњепарк во ноември 2024 година.
Зеленски предупреди за нападот
Украинскиот претседател Володимир Зеленски предупреди само неколку часа претходно дека Русија планира голем напад. „Постојат информации дека вечерва може да се случи уште еден масовен руски напад. Многу е важно да се обрне внимание на воздушните предупредувања денес и утре и секогаш да се оди во засолништа. Русите воопшто не се промениле. Тие се обидуваат да го искористат времето“, рече Зеленски.
И покрај мировните преговори, Русија продолжува да ги бомбардира украинските градови, честопати насочувајќи ја енергетската инфраструктура за да остави цели региони без електрична енергија и греење среде зима. Како резултат на неодамнешните напади, повеќе од еден милион луѓе во регионот Дњепарк останаа без вода и греење од вчера наутро.
ЦУК со нови информации: Излеани реки, поплавени подрумски простории, земјоделски површини и дворови, пријавени свлечишта на патишта
Во Општина Кочани е забележан значително зголемен водостој на реките и каналите во полскиот дел. Кочанска река има локално излевање...
Измамен 77-годишен виничанец од лажен лекар за сума од над 430.000 денари
Вчера во 17:30 часот во ОВР Виница, 77-годишен жител на Виница пријавил дека бил измамен од едно лице за сума...
Русите: Испукавме „Орешник“, тоа е одмазда за нападот врз резиденцијата на Путин
Руското Министерство за одбрана го издаде своето прво официјално соопштение по големиот напад со беспилотни летала и ракети врз Украина...
(Видео) Федералните агенти застрелаа две лица во Портланд
Федерални агенти застрелаа две лица за време на сообраќајна контрола во Портланд, Орегон, вчера. Инцидентот се случи само еден ден...
(Фото) Филипини: Еден загинат и 38 исчезнати откако се сруши депонија, лавина од отпад затрупа село
Едно лице загина, а 38 се водат како исчезнати откако се урна депонија за отпад на Филипините, предизвикувајќи лизгање на...
Трамп ќе дозволи нуклеарниот договор со Русија да истече: „Ќе направиме подобар“
Американскиот претседател Доналд Трамп навести дека ќе дозволи да истече последниот важечки договор за контрола на нуклеарно оружје со Русија...
(Видео) Голем напад врз Киев и Лавов неколку часа по предупредувањето на Зеленски, употребен Орешник?
Најмалку четири лица се убиени, а 19 повредени во Киев откако Русија изврши масовен ракетен и беспилотен напад низ Украина...
Променливо облачно со сончеви периоди, кон крајот на денот дожд и снег
Времето денеска ќе биде променливо облачно со сончеви периоди. Кон крајот на денот и во текот на ноќта во северозападните...
Забрана за движење на камиони на ГП Ники (ГП Меџитлија) до утре до 10:00 часот
На ГП Ники (ГП Меџитлија) ќе има забрана за движење на товарни возила до 10 јануари до 10:00 часот. Сообраќајот...
Во Охрид најкритично во Далјан, се излеа и Кочанска река – извештај за состојбата по обилните дождови
Обилните врнежи на дожд предизвикаа зголемен водостој на реките и локални излевања во повеќе делови од државата, информира Центарот за...
Евакуирани околу 110 лица по поплавите во Кичево, обезбедено привремено сместување и итна помош, отворена и сметка за донации
Поради обилните врнежи и зголемениот водостој на реките, во Кичево дојде до поплавување на населени места и земјоделски површини, при...
Мицкоски му одговори на Филипче: Имаме незрела, безидејна и неодговорна опозиција
Имаме неодговорна, неконструктивна, незрела и безидејна опозиција која се служи со вакви квалификации како што денеска ги слушнавме од господинот...
(Видео) Филипче: Средба со криминалци нема да има
Средба со криминалци нема да има. Нема средба за техничката влада, Мицкоски е во тесно, му се брза и бара...
(Фото) ДЗС: 30 полски кревети за евакуираните лица во Кичевско, во Ресенско со пумпи се вадеше навлезената вода од подруми и куќи
Подрачно одделение на Дирекцијата за заштита и спасување (ДЗС) Кичево, во овие два дена и сношти, учествуваше во теренските активности...
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
