Европа
(Од минута во минута) Русите најавија намалување на воените дејствија, Украинците објавија што предложиле во Истанбул
Денес е 34. ден од руската инвазија на Украина
Клучни настани:
- Макрон и Путин разговараа, рускиот претседател рече дека ќе размисли за хуманитарна мисија за Мариупол
- Си-Ен-Ен јавува дека Русите почнале да повлекуваат дел од војниците во близина на Киев
- Украина и’ предложи на Русија да усвои неутрален статус, а за возврат бара безбедносни гаранции за траен прекин на рускиот воен напад
- Русија најави дека радикално ќе ги намали воените активности околу Киев и Чернихив со цел да се постигне договор со Украина
- Земјите од Г7 најавија дека нема да плаќаат гас во рубли, Русија се заканува со целосен прекин на испораките
- Американскиот претседател Џо Бајден негираше дека бара промена на режимот во Русија
Од минута во минута:
21:30 Доњецк планира да се приклучи кон Русија, вели лидерот на сепаратистите
Самопрогласената Народна Република Доњецк во источна Украина, поддржана од Русија, размислува да и се приклучи на Русија кога ќе завладее со целиот регион Доњецк, ја објавија локалните медиуми изјавата на сепаратистичкиот лидер Денис Пушилин.
„Желбата и стремежот да се приклучат кон Руската Федерација, односно да се биде дел од Русија, постојат од 2014 година“, рече Пушилин.
20:18 Американскиот државен секретар: Русија не покажува желба за примирје
Русија не покажува знаци на вистинска желба за постигнување мир во Украина, и покрај надежите дека преговорите меѓу руските и украинските претставници во Турција ќе водат кон тоа, изјави денеска американскиот државен секретар Антони Блинкен.
Украина предложи прифаќање на статусот на неутралност со цел да се стави крај на петнеделниот конфликт, а Русија соопшти дека ќе ја намали воената активност на северниот фронт во близина на Киев со цел да се исполнат условите во кои може да се постигне договор.
Блинкен рече дека Украина треба да процени дали има вистински напредок во преговорите, додавајќи дека САД се фокусирани на акциите на Русија, а не само на зборовите.
Официјални лица од Русија и Белорусија не се поканети на церемонијата во поранешниот нацистички концентрационен логор во Бухенвалд, Германија, соопштија организаторите.
Со церемонијата, која ќе се одржи на 10 април, ќе се одбележи 77-годишнината од ослободувањето од логорот.
19:45 Разговараа Макрон и Путин
Францускиот претседател Емануел Макрон и рускиот претседател Владимир Путин телефонски разговараа за ситуацијата во Украина.
Двајцата лидери зборуваа за позицијата на Русија кога станува збор за хуманитарната мисија за Мариупол, украинскиот град изложен на најтешките руски напади од почетокот на инвазијата.
Путин му рекол на Макрон дека ќе го разгледа ова прашање, изјави претставник на француското претседателство.
Тие разговараа и за одлуката на Русија да бара исплата во рубљи за испорака на руски гас во Европската унија, додаде Кремљ.
19:13 Предупредување од САД: Секое движење на руските сили околу Киев е прераспоредување, а не повлекување
Американски официјален претставник изрази песимистичка оценка за потезите на Русија за повлекување на некои војници од околината на главниот град на Украина.
Американските власти рекоа дека секое движење на руските сили околу Киев е прераспоредување, а не повлекување и дека Москва едноставно ја менува брзината во нападот врз Украина.
19:08 Украина бара од земјите да го криминализираат симболот „З“
Три германски провинции – Берлин, Баварија и Долна Саксонија – веќе соопштија дека секој што ќе го истакне симболот може да се соочи со три години затвор, а германското Министерство за надворешни работи соопшти дека оние што го прикажуваат симболот на инвазијата може да бидат кривично гонети.
Украинскиот министер за надворешни работи Димитриј Кулеба ги повика другите земји да ја следат Германија.
18:35 Рускиот преговарач: Деескалацијата не значи прекин на огнот
Тој исто така рече дека „има уште долг пат да се помине пред да се постигне заемно прифатлив договор со Украина“.
18:25 Падна цената на нафтата по напредокот во преговорите меѓу Русија и Украина
Цените на нафтата паднаа под 106 долари поради знаци на напредок во разговорите меѓу Русија и Украина, што може да ги ублажи проблемите со снабдувањето со руска нафта и послабата кинеска побарувачка во услови на построги мерки за Ковид-19.
18:06 Кадиров: Мораме да влеземе во Киев и да го окупираме
Потврдуваме дека сме подготвени да одиме каде било за да извршиме каква било наредба, без разлика колку е тешко“, нагласи чеченскиот лидер.
15:20 Украина предложила неутрален статус и гаранции дека нема да се приклучува во воени сојузи
Украинскиот преговарачки тим соопшти дека предложил усвојување неутрален статус со потпишување гаранции дека нема да се приклучи на воени сојузи, како НАТО, или да биде домаќин на воени бази. За возврат, Русија би морала да ѝ гарантира безбедност на Украина, што, всушност, значи крај на воениот напад врз земјата.
14:35 Голем пресврт по денешните преговори: Русија најави повлекување од делови во Украина
Русија радикално ќе ги намали воените активности во областите околу Киев и Чернигов, пренесува руската новинска агенција ТАСС.
Според извештајот, ова го соопштило Министерството за одбрана на Русија во соопштение што го прочитал заменик-министерот за одбрана на Руската Федерација, генерал-полковник Александар Фомин.
13:40 Преговорите завршија за денеска
Состанокот на руските и украинските преговарачи заврши, соопштија турските власти.
Преговарачките тимови се состанаа во Истанбул за нова рунда мировни преговори.
Роман Абрамович учествуваше на преговорите, но официјално не е дел од преговарачките тимови.
Засега не се познати резултатите од преговорите.
Најмалку три лица загинаа, а 22 се повредени денеска кога ракета ја погоди зградата на регионалната администрација во јужниот пристанишен град Миколаев во Украина, соопштија украинските служби за итни случаи
13.35 Кремљ: Ќе биде јасно денеска или утре
Портпаролот на Кремљ Дмитриј Песков изјави дека денеска или утре ќе стане јасно дали има нешто ветувачко во перспективата на руско-украинските преговори или не
13:30 Кремљ: Абрамович не е отруен
Портпаролот на Кремљ, Дмитриј Песков утринава изјави дека Роман Абрамович не бил отруен и дека таквите тврдења се дел од информациската војна.
Вчера беше објавено дека Абрамович бил отруен откако присуствувал на разговори меѓу Русија и Украина пред неколку недели, а наводно бил дел од преговарачкиот тим на Владимир Путин.
Абрамович и денеска е во Истанбул каде се преговара. Песков вели дека тој официјално не е член на преговарачкиот тим.
12.25 Шојгу: Русија ќе ја продолжи операцијата во Украина додека не ги постигне своите цели
Специјалната воена операција во Украина ќе продолжи сѐ додека не се постигнат зацртаните цели, изјави рускиот министер за одбрана, Сергеј Шојгу
12.20 Силните меѓународни безбедносни гаранции се клучни за Киев
Клучното прашање на договорот се меѓународните безбедносни гаранции за Украина со кои можеме да ја завршиме војната како што ѝ е потребно на Украина
Unconditional security guarantees for Ukraine, ceasefire, effective decisions on humanitarian corridors and humanitarian convoys, observance by the parties of the rules and customs of war. Difficult negotiations for peace in our country. Istanbul round right now… pic.twitter.com/SUTAQrAhA2
— Михайло Подоляк (@Podolyak_M) March 29, 2022
12.15 Чеченскиот лидер: Мора да ги уништиме украинските нацисти и сатани
Рамзан Кадиров, лидерот на Чеченија, даде неколку изјави од почетокот на руската инвазија на Украина
Во Истанбул се водат преговори меѓу руската и украинската делегација. Ова е нов обид за смирување на конфликтот во Украина, кој трае повеќе од еден месец
11:20 (Видео) Русите објавија видео: „Нашите проектили ефикасно уништуваат украински тенкови“
„Напаѓачки хеликоптери ми-28н и ми-28уб на руските воздухопловно-космички сили уништија оклопни возила на вооружените сили на Украина со наведувани ракети.
Воздушниот напад е изведен во парови од далечина до 5 километри“, се наведува во извештајот на руското Министерство за одбрана.
11.15 (Видео) Во Украина продолжи евакуацијата на населението преку хуманитарни коридори
Во Украина денеска продолжи евакуацијата на населението преку три хуманитарни коридори по еднодневна пауза поради страв од руски провокации, соопштија украинските власти
10.30 Москва го возвраќа ударот – протерува дипломати од балтичките земји
Руското Министерство за надворешни работи денеска ги покани на разговор амбасадорите на трите балтички земји со цел да ги информира за протерувањето на дел од нивните дипломати
10.25 Во руски напад погодена зградата на регионалната влада во Миколаев
Руски напад ја погоди зградата на регионалната влада во јужниот украински град Миколаев, клучен пристанишен град кој со недели е под силен напад, изјави регионалниот гувернер
10:20 Абрамович присутен на преговорите меѓу Русија и Украина во Истанбул
Агенцијата „Ројтерс“ пренесува дека Роман Абрамович е присутен на руско-украинските мировни преговори во Истанбул.
За потсетување, портпаролот на олигархот и милијардер потврди дека се сомневаат оти Абрамович бил отруен на претходните преговори меѓу Украина и Русија, на кои присуствувал и тој.
The latest round of Ukraine-Russia peace talks are underway in Istanbul.
Chelsea owner Roman Abramovich, Putin’s unofficial mediator, is onsite, seen here chatting to Erdogan at the start. pic.twitter.com/o0jd4bspLp
— max seddon (@maxseddon) March 29, 2022
10.15 Британското Министерство за одбрана: Русија продолжува да претставува значајна закана за Киев
Британското Министерство за одбрана: Русија продолжува да претставува значајна закана за Киев
Latest Defence Intelligence update on the situation in Ukraine – 29 March 2022
Find out more about the UK government's response: https://t.co/G4yuXc9WZb
?? #StandWithUkraine ?? pic.twitter.com/RZuUbFj37x
— Ministry of Defence ?? (@DefenceHQ) March 29, 2022
Британското Министерство за одбрана го објави најновиот „пресек на ситуацијата“ во Украина. „Се уште постои закана“, се вели во анализата
Министерката за надворешни работи на Обединетото Кралство, Лиз Трас изјави дека рускиот претседател Владимир Путин прибегнал кон очајни мерки бидејќи не ги постигнува своите цели
Putin continues to use abhorrent tactics against the Ukrainian people, including abducting innocent civilians.
He is not achieving his objectives and is resorting to desperate measures.
Putin must fail in Ukraine. #thetaken https://t.co/ydgbvdZI1P
— Liz Truss (@trussliz) March 28, 2022
Руската и украинската делегација и Ердоган пристигнаа на разговор во палатата Долмабахче во Истанбул
Продолжувањето на војната никому нема да има корист. Враќањето на мирот ќе им користи на вашите земји и на сите други. Вие како делегации ја носите историската одговорност за одлуките донесени денеска
“Continuing war will not benefit anyone. Restoring peace will benefit your countries and all the others. You, as delegations, bear historical responsibility for the decisions made today,” ?? President @RTErdogan at the opening of the Istanbul round of negotiations between ?? & ?? pic.twitter.com/xvMnQFZw9B
— Михайло Подоляк (@Podolyak_M) March 29, 2022
09.10 Зеленски бара построги санкции за Русија
Украинскиот претседател Володимир Зеленски изјави дека санкциите против Русија треба да бидат поостри
08.55 Јапонија го забрани извозот на луксузни стоки во Русија
Јапонскиот генерален секретар Хироказу Мацуно рече дека од јапонските компании ќе биде побарано да одбијат да платат во рубли за економските трансакции, особено оние во енергетскиот сектор
08.45 Украина: Ракетен напад врз градот Љуботин, куќи срамнети со земја
Руските вооружени сили извршија ракетен напад врз градот Љуботин во североисточниот дел на регионот Харков, соопштија украинските власти
08.40 Денеска во 9:30 часот во Истанбул почнуваат мировните преговори меѓу Русија и Украина
Преговорите меѓу руската и украинската делегација во Истанбул ќе започнат денеска во 9:30 часот, соопшти денеска кабинетот на турскиот претседател
08.38 Песков: Русија нема да користи нуклеарно оружје поради Украина
Русија ќе прибегне кон нуклеарно оружје само ако нејзиното „постоење“ е загрозено, а не поради исходот од сегашниот конфликт со Украина, изјави портпаролот на Кремљ, Дмитриј Песков
08.35 Шон Пен пристигна во Украина
Американскиот актер Шон Пен преку Твитер ја информираше јавноста дека пристигнал во Украина за да им помогне на бегалците.
I was in Lviv, Ukraine today with CORE team, strategizing with local governance & NGO’s to scale up our in-country programs. Good meeting with Gov. Maksym Kozytskyy. To learn more go to https://t.co/snKeUz99Fm or text “CORE” to 24365 to donate. pic.twitter.com/ASHavYHlvy
— Sean Penn (@SeanPenn) March 28, 2022
08.30 Голем број Украинци се уште се кријат во метрото, не знаејќи што се случило со нивните домови
Тажни фотографии од станицата на метрото во Харков, каде засолниште нашле многу Украинци
08.25 Кулеба ги советува украинските преговарачи: Не јадете и не пијте ништо додека сте со Русите
Украинскиот министер за надворешни работи ги советуваше украинските преговарачи да не јадат и пијат ништо додека преговараат со Русите, откако се појавија информации дека Роман Абрамович и некои членови на украинската делегација се отруени
08.20 Преговарачкиот тим на Украина пристигна во Истанбул
Украинската делегација вчера вечерта слета со приватен авион на аеродромот Ататурк. Претходно во Истанбул пристигна руска делегација.
08.10 Зеленски: Ирпин е ослободен, окупаторите се оттурнати и од Киев
Во новото видео обраќање, украинскиот претседател Володимир Зеленски рече дека украинските војници го ослободиле Ирпин и напредуваат во регионот на Киев, враќајќи ја контролата врз украинската територија
08.00 Русија е подготвена да се откаже од некои барања
Русија повеќе не сака Украина да биде „деназифицирана“ и е подготвена да му дозволи на Киев да се приклучи на Европската унија доколку таа остане воено неврзана како дел од тековните преговори за прекин на огнот, велат извори блиски до преговарачите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени во музејот и туристички водичи кои ги таргетирале кинеските посетители во шема што вклучувала продажба на лажни билети и пререзервирање на тури со водичи, објавува „Еуроњуз“.
Според францускиот весник „Ле Паризиен“, полицијата ги уапси осомничените во вторник откако раководството на Лувр пријавило „неправилности“. За време на операцијата, запленети се три возила, 130.000 евра во готово и замрзнати се речиси 200.000 евра на банкарски сметки. Откриени се и неколку банкарски сефови со големи суми готовина.
Раководството на музејот во соопштението наведува дека сега „воспоставило структуриран план против измами врз основа на мапирање на измами, серија превентивни и куративни мерки, правни, технички и контролни мерки и следење на резултатите“.
Апсењата следат по низа лоши вести за најпопуларниот музеј во светот и една од најпочитуваните институции во Франција. Од минатиот месец, Лувр е принуден делумно да ги затвора вратите за посетители секоја недела поради штрајк на персоналот незадоволен од платите и условите за работа.
Протестите започнаа кон крајот на минатата година по објавувањето на осудувачки владин извештај за безбедносните пропусти, кои беа откриени по дрскиот грабеж на француските крунски скапоцености во октомври.
Европа
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија отколку да ги принуди Украинците да прифатат лош договор.
Американското списание објави растечка загриженост кај некои членови на внатрешниот круг на Зеленски дека неговиот прозорец за решение се затвора и дека Украина би можела да се соочи со години континуиран, мачен конфликт доколку не се постигне договор за завршување на војната оваа пролет.
Зеленски беше цитиран како вели дека претпочита да не прифати „договор отколку да го принуди својот народ да прифати лош“.
„Дури и по (скоро) четири години интензивно војување, тој вели дека е подготвен да продолжи да се бори доколку е потребно за да обезбеди достоинствен и траен мир“, се вели во статијата, забележувајќи дека Зеленски рекол дека „Украина не губи“ кога бил прашан за неговата проценка на позицијата на Киев на фронтот.
Два круга трилатерални преговори меѓу Русија, Украина и САД се одржаа во главниот град на Обединетите Арапски Емирати, Абу Даби, на 23 и 24 јануари и на 4 и 5 февруари.
Во понатамошните коментари за списанието, Зеленски рече дека „нема поголема победа“ за американскиот претседател Доналд Трамп од наоѓање решение за војната меѓу Русија и Украина.
„За неговото наследство, ова е број 1“, рече тој, додавајќи дека постигнувањето такво решение пред американските меѓуизбори во ноември би била „најдобрата ситуација“ за Трамп.
„Да, тој сака помалку смрт. Но, ако вие и јас разговараме како возрасни, тоа е само победа за него, политичка“, додаде тој.
Коментарите дојдоа откако Зеленски им рече на новинарите за време на викендот дека САД инсистираат на решавање на војната меѓу Русија и Украина „до почетокот на ова лето“ и дека Вашингтон „веројатно ќе изврши притисок врз страните во согласност со овој распоред“.
Во изјавите објавени од украинските медиуми, тој рече дека Киев разбира дека „внатрешните проблеми“ во САД влијаат на овој рок, особено со почетокот на кампањата за меѓуизборите подоцна оваа година.
Европа
(Видео) Украинците нападнаа руска рафинерија на 2.000 километри од границата, се шират снимки
Украински дронови предизвикаа пожар во рафинерија за нафта во северозападна Русија, на околу 2.000 километри од украинската граница.
Ројтерс објави дека утрово избувнал пожар во рафинерија за нафта во сопственост на руската компанија Лукоил во близина на градот Ухта во руската република Коми, изјави шефот на регионот, Ростислав Голдштејн. Никој не е повреден, а службите за итни случаи работат на местото на настанот, изјави Голдштејн на апликацијата Телеграм.
Russian Telegram channels report a drone attack and subsequent fire at Ukhta oil refinery plant in Ukhta, Komi region of Russia.
It's located over 2,000 km from the Ukrainian border. pic.twitter.com/ATCEcdkMCH— Anton Gerashchenko (@Gerashchenko_en) February 12, 2026
Пожарот избувнал откако украинските дронови погодиле инфраструктура која се смета за стратешки важна за снабдувањето со гориво во Русија, како дел од засилениот напад врз енергетската инфраструктура по краткото затишје за време на мировните преговори минатиот месец. Украинските власти, вклучувајќи го и претседателот Зеленски, постојано повторуваат дека нападите врз руските рафинерии за нафта се „најдобрите санкции“.
Meanwhile in Russia’s Ukhta.
The local refinery keeps getting hit by drones as we speak.
1,800 km away from the Ukrainan border. pic.twitter.com/TZMDIrIIg6
— Illia Ponomarenko 🇺🇦 (@IAPonomarenko) February 12, 2026
Снимки од густи облаци од црн чад над областа на рафинеријата Ухта веднаш по нападот циркулираат на социјалните медиуми, илустрирајќи го обемот на инцидентот и влијанието на нападот далеку на руска територија.
Поголем пристап до американскиот пазар, Македонија и САД усогласија рамка за договор за реципрочна, фер и балансирана трговија, соопшти МНР
Република Северна Македонија и Соединетите Американски Држави усогласија Заедничка изјава и Рамка за договор за реципрочна, фер и балансирана трговија,...
Шефот на Пентагон им порача на членките на НАТО да ги зајакнат своите борбени капацитети
Високиот функционер на Пентагон, Елбриџ Колби, им порача на европските министри за одбрана во Брисел дека мора да ги зајакнат...
Рубио во пресрет на Минхенската конференција: Стариот свет повеќе не постои, време е да се стави крај на војната во Украина
Државниот секретар на САД, Марко Рубио, изјави дека Соединетите Американски Држави интензивно работат на завршување на конфликтот во Украина, нагласувајќи...
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени...
Трамп сè уште одбива да се извини за видеото на кое Обама и неговата сопруга се прикажани како мајмуни
Доналд Трамп продолжи да ги игнорира широко распространетите критики за расистичкото видео објавено на неговиот профил на социјалните мрежи минатата...
Нови е-пораки откриваат: Епстин нарачал скриени камери за куќата во Флорида
Објавена е преписка од е-мејл од 2014 година на која се гледа како осудениот сексуален престапник Џефри Епстин бара од...
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија...
„Не сум магионичар“: Кос за идејата сите земји од Западен Балкан да влезат во ЕУ одеднаш
„Живееме во геополитички чувствително време. Може да има мир во Украина и тоа ќе донесе нова реалност во Европа“, изјави...
Касами: Собранието го разреши раководството на партијата, важен чекор кон спојување на ВЛЕН во еден субјект
Централното собрание на Движењето Беса со мнозинство гласови ја одобри одлуката за распуштање на Централното претседателство на Движењето Беса, во...
Скандал во ЕУ: полицијата упадна во просториите на Европската комисија
Белгиската полиција спроведе претрес во просториите на Европската комисија во Брисел. Станува збор за истрага за можни неправилности во продажбата...
ССМ: Ако газдите не се одважат да дадат дел од колачот на работниците, ќе бидеме приморани секојдневно да бидеме на улица
Сојузот на синдикати на Македонија (ССМ) денес напладне ги блокираше стопанските комори во Скопје кои одбиваат да се согласат минималната...
Трендафилов треба да ѝ се извини на Стојановска, смета Мицкоски: Со крвави зеници и белки во очите напаѓа мајки, сестри и сопруги
Ниту истраги од МВР и Обвинителството ниту одземање на имунитетот, премиерот Христијан Мицкоски смета дека претседателот на Сојузот на синдикати...
Бислимоски го информирал Собранието за оставката, РКЕ му се заблагодарува за долгогодишната соработка
Претседателот на Регулаторната комисија за енергетика, Марко Бислимоски, го известил Собранието дека поднесува оставка од функцијата, соопшти Регулаторната комисија за...
Државниот архив со неповолна ревизија: Неевидентирани објекти, слабости во пописот и пресметката на платите
Државниот завод за ревизија изврши ревизија на финансиските извештаи заедно со ревизија на усогласеност со законската регулатива, упатствата и воспоставените...
Филков: Изборот на јавните обвинители повеќе нема да биде резултат на договори, туку процес заснован на заслуги
Изборот на јавните обвинители повеќе нема да биде формалност или резултат на затворени договори – туку процес заснован на заслуги,...
Заврши истрагата за отпадот во Визбегово, обвинети три физички и едно правно лице
Јавен обвинител од Основното јавно обвинителство Скопје, по спроведена истражна постапка, поднесе обвинение против три физички и едно правно лице...
Во Белград уапсен Саит Саитов, кој прегази жена во Капиштец и избега
Министерството за внатрешни работи извести дека вчера биле информирани од надлежните служви во Србија дека во Белград е лишен од...
(Видео) Поранешен шеф на МИ6: Руските загуби се застрашувачки
Русија можеби изгубила околу двојно повеќе војници во Украина во декември 2025 година отколку што Советскиот Сојуз изгубил за време...
Објавена фотографија од убиецот од Канада со пушка: и неговата мајката меѓу жртвите
Трансродов 18-годишник кој го напуштил средното училиште ги убил мајка си и полубратот пред да убие уште шест други во...
Русија се обиде да го блокира WhatsApp: промовира апликација во државна сопственост
Американската технолошка компанија Мета соопшти дека руските власти се обиделе да ја блокираат нејзината апликација за пораки WhatsApp во обид...
