Европа
(Од минута во минута) Русија престанува со испорака на гас во Полска и Бугарија; ОН: Путин се согласи на евакуација на цивили од Азовстал
Денеска е 62 ден од руската инвазија на Украина
Клучни податоци:
- САД и околу 40 сојузнички земји, од Германија соопштија дека испраќаат тешко оружје во Украина
- Русија од утре престанува со испорака на гас во Полска и Бугарија
- Рускиот претседател Владимир Путин начелно се согласил да ги вклучи Обединетите Нации и Меѓународниот Црвен крст во евакуацијата на цивилите од фабриката за челик Азовстал во Мариупол
- Русија ја испрати најдиректната закана до Британија до сега поради изјавата на британскиот министер за вооружените сили
- Германија објави дека испраќа лесни тенкови Gepard во Украина, кои имаат противвоздушни пушки
- Рускиот министер Сергеј Лавров рече дека НАТО е вклучен во војна против Русија, додавајќи дека нуклеарниот конфликт не е невозможен.
- Рускиот претседател Владимир Путин изјави дека преговорите со Украина ќе продолжат онлајн и изрази надеж дека тие ќе дадат позитивен резултат
Од минута во минута:
22:00 „Гаспром“ ја запира испораката на гас во Бугарија
„Булгаргаз ЕАД“ доби известување дека испораките на природен гас од „Гаспром експорт“ ќе бидат прекинати од утре, соопшти прес-центарот на Министерството за енергетика во Бугарија.
21:15 Русија ја прекинува испораката на гас за Полска
Русија од утре престанува со испорака на гас во Полска. Оваа информација на прес-конференција ја потврди министерката за клима и животна средина Ана Москва.
„Газпром“ го оправда потегот со новите правила објавени минатиот месец, според кои непријателските земји мора да плаќаат за гас во рубли, а ПГНиГ (Полската државна компанија за снабдување со гас) одбила да го стори тоа.
Рускиот претседател Владимир Путин начелно се согласил да ги вклучи Обединетите Нации и Меѓународниот Црвен крст во евакуацијата на цивилите од фабриката за челик Азовстал во Мариупол, последното упориште на украинските бранители во разурнатиот град, соопштија ОН по состанокот меѓу Генералниот секретар на ОН Антонио Гутереш и Владимир Путин во Москва.
20:24 Путин: Ако можеше Косово да стане независно, можат и Доњецк и Луганск
„Народна Република Доњецк и Народна Република Луганск станаа независни по аналогија со одлуката на Меѓународниот суд на правдата за Косово, изјави рускиот лидер Владимир Путин на средбата со генералниот секретар на ОН, Антонио Гутереш.
19:50 САД и сојузниците најавија испраќање тешко оружје во Украина
Соединетите држави и нивните сојузници ветија нова испорака на потешко оружје за Украина на денешниот состанок во германската воздухопловна база и ја отфрлија заканата на Москва дека нивната поддршка за Киев може да доведе до нуклеарна војна.
Неодамна, Американците одобрија испораки со оружје во вредност од стотици милиони долари, вклучувајќи артилерија и беспилотни летала што одбиваа да ги испратат во претходните фази на војната, а сега сакаат и нивните сојузници да го сторат истото.
19:40 Путин: Преговорите со Украина ќе продолжат онлајн
Рускиот претседател Владимир Путин на прес-конференција во Москва по средбата со генералниот секретар на ОН, Антонио Гутереш, изјави дека преговорите со Украина ќе продолжат онлајн и изрази надеж дека тие ќе дадат позитивен резултат.
Руското Министерство за одбрана предупреди на „пропорционален одговор“ доколку Велика Британија продолжи со „директните провокации“, јавува „Ројтерс“.
Предупредувањето на руското Министерство за одбрана се однесува на изјавата на британскиот министер за вооружени сили Џејмс Хепи, кој рече дека Британија ги поддржува украинските напади на руска територија.
18:27 Првиот човек на американската војска: Влогот е многу поголем од самата Украина
Првиот човек на американските вооружени сили, генералот Марк Мајли, во интервју за Си-Ен-Ен изјави дека поради руската инвазија на Украина, безбедноста на Европа е во најтешка позиција од крајот на Втората светска војна.
„Влогот во оваа војна е многу поголем од Украина. Она што е загрозено овде е безбедноста. Безбедноста на Европа е најмногу загрозена од крајот на Втората светска војна. Може да се тврди дека влогот е глобалниот меѓународен безбедносен поредок воспоставен во 1945 година. Меѓународен поредок кој траеше 78 години, кој спречи голема војна. Она што се провлекува низ целиот овој концепт е идејата дека големите нации нема да спроведуваат агресивни воени акции против помалите нации, а токму тоа се случи овде. Русија води агресивна воена акција против помала нација“, рече Мајли.
17:50 Во Киев се отстранува споменикот на пријателството помеѓу Русите и Украинците
Во Киев се отстранува бронзениот споменик висок осум метри, кој прикажува два советски работници. Споменикот беше подигнат во 80-тите години од минатиот век и го симболизираше пријателството помеѓу рускиот и украинскиот народ.
Градоначалникот на Киев, Виталиј Кличко изјави дека „потезите на Русија го уништиле таквиот однос“, додавајќи дека за „споменикот од советска ера повеќе нема место во градот“.
16:38 Путин ги повика Азов и маринците: Положете го оружјето и ви ги гарантирам животите
Мариупол е ослободен и таму нема повеќе борби, изјави денеска рускиот претседател Владимир Путин во разговор со турскиот колега и ги повика украинските борци Азов и маринците да се предадат и порача дека животот им е загарантиран.
Огромната фабрика за челик Азовстал е последната локација контролирана од украинските сили во Мариупол. Киев треба да преземе одговорност за војниците во фабриката, му рекол Путин на турскиот претседател Реџеп Таип Ердоган, се вели во соопштението на Кремљ.
15:20 Германската министерка најави обука на украински војници во Германија
Германската министерка за одбрана Кристине Ламбрехт најави обука на украински војници на германска територија.
„Заедно со американските пријатели работиме на обука за украински војници на германска територија“, рече таа во американската база Рамштајн, каде што украинските војници ќе се обучуваат за западни артилериски системи.
15:00 Антонио Гутереш со жестока реплика за Лавров на заедничката прес-конференција
Генералниот секретар на ОН, Антонио Гутереш, во Москва се сретна со рускиот министер за надворешни работи, Сергеј Лавров.
По жалбата на Лавров дека ОН не се вклучиле по однос на, како што ги нарече, украинските злосторства во Луганск и Донецк, Гутереш се вмеша и го кажа своето мислење.
Тој рече дека разбира оти Русија има многу жалби, но дека има голем број механизми со кои може да се решат жалбите.
„Постои една работа што е вистина и очигледна и која ниту еден аргумент не може да ја смени“, рече Гутереш. „Немаме украински војници на територијата на Руската Федерација, но имаме руски војници на територијата на Украина“, додаде генералниот секретар на ОН.
13:20 Американскиот секретар за одбрана: САД ќе ги превртат небото и земјата за да победи Украина
Соединетите Американски Држави ќе ги „превртат небото и земјата“ со цел Украина да ја победи Русија, изјави американскиот секретар за одбрана Лојд Остин пред околу четириесетина земји собрани во Германија за зајакнување на одбранбените капацитети на Украина.
Две крстосувачки ракети лансирани од руски војници утринава летаа на мала височина над нуклеарната централа Запорожје, објави Енергоатом, украинската државна агенција за нуклеарни централи.
11:35 Русите велат дека убиле 500 украински војници во текот на ноќта
Руското Министерство за одбрана тврди дека руската армија убила 500 украински војници во текот на ноќта откако руската авијација погодила 87 воени цели во Украина.
Се вели дека меѓу погодените цели се и две складишта за оружје во регионот на Харков.
11:10 Русија и Белорусија одржуваат воени вежби
Русија и Белорусија ќе одржат заеднички вежби на нивните воздухопловни сили во Белорусија, соопшти утрово Министерството за одбрана на Минск.
Вежбите ќе се одржат од 26 до 29 април.
11:05 Германија најде нов начин за снабдување на Украина со оружје
Берлин е под притисок да испорача тешко оружје на Украина, но тие засега одбиваат да го сторат тоа, пренесуваат медиумите во светот.
Посебна дискусија има за тенковите „Мардер“.
09:40 Руските олигарси имаат импресивни јахти, додека морнарицата користи брод стар 110 години
Рускиот претседател Владимир Путин се декларира како голем патриот ширум светот, се фали со модерните вооружени сили, а реалноста е всушност поинаква – збогатувајќи го него и луѓето блиски до него, пишуваат медиумите во светот.
09:38 Гутереш ќе се сретне со Путин и Лавров во Москва
Генералниот секретар на ОН Антонио Гутереш денеска во Москва ќе разговара со рускиот претседател Владимир Путин и министерот за надворешни работи Сергеј Лавров, по повод руската специјална воена операција што е во тек во Украина.
09:30 Кадиров нуди еден милион долари за информација
Лидерот на руската република Чеченија Рамзан Кадиров понуди награда од еден милион долари за посебни информации.
Станува збор за информацијата каде се наоѓа баталјонот на шеикот Мансур и Дудаев, за кој тврди дека им помага на украинските сили во конфликтот со Русија.
09:30 Лавров: НАТО всушност е во војна со Русија
Испораките на западно оружје во Украина значат дека НАТО е всушност вклучен во војна со Русија, а Москва го смета тоа оружје за легитимна цел, изјавил рускиот министер за надворешни работи Сергеј Лавров во интервју емитувано во руските медиуми.
08:20 Зеленски: Победата на Украина е неизбежна
Украинскиот претседател Володимир Зеленски во своето синоќешно обраќање упати порака до нацијата дека победата на Украина е неизбежна.
Зеленски рече дека сè уште е невозможно да се предвиди кога војната ќе заврши.
08:05 Лавров: Опасноста е голема, ризикот од нуклеарна војна е сериозен
Рускиот министер за надворешни работи Сергеј Лавров изјави дека Русија се обидува да ја отстрани заканата од нуклеарна војна и предупреди дека заканата од Трета светска војна е сериозна и реална.
⚡️Lavrov: ‘Real risk’ of nuclear war.
The risk of a nuclear war shouldn’t be underestimated, Russia’s Foreign Minister Sergey Lavrov told state-controlled media. Lavrov earlier said that if World War III were to take place, it would involve nuclear weapons and be destructive.
— The Kyiv Independent (@KyivIndependent) April 25, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Си-ен-ен: Путин нема да се сретне со Зеленски, ова се причините
И покрај сигналите од Вашингтон за можна средба меѓу Владимир Путин и Володимир Зеленски, Кремљ засега тоа го отфрла. Си-ен-ен пишува дека рускиот претседател не е, и можеби никогаш нема да биде, подготвен да седне на маса со Зеленски.
Откако Белата куќа објави дека идејата за билатерална средба е договорена, Кремљ веднаш ги намали очекувањата. Советникот на Путин, Јуриј Ушаков, рече дека „се зборувало за подигнување на нивото на претставниците на Русија и Украина“, но без да ги спомене самите лидери.
Министерот за надворешни работи Сергеј Лавров додаде во интервју за државната телевизија дека Москва „не отфрла никаква форма на работа“, но нагласи дека состаноците на високите функционери мора да бидат подготвени „со најголема грижа“. Според жаргонот на Кремљ, средбата Путин-Зеленски нема да се случи наскоро.
Путин ја започна војната со признавање на самопрогласените „републики“ Донецк и Луганск. Оттогаш, тој не ја призна Украина како независна држава, тврдејќи дека таа е дел од руската историја и култура.
Аналитичарката Орисија Луцевич од тинк-тенкот „Чатам Хаус“ вели дека средбата со Зеленски би била еден вид пораз за Путин: „Тој би морал да седне со претседател кого го смета за шега од земја што за него не постои“.
Кремљ систематски ја доведува во прашање легитимноста на украинскиот претседател, а официјалната реторика го нарекува Зеленски само „киевски режим“.
Татјана Становаја, аналитичарка во Центарот Карнеги Русија Евроазија, верува дека Путин го гледа американскиот претседател Доналд Трамп како клучен посредник. Русија очекува Вашингтон да изврши притисок врз Киев да се откаже од територијата што сè уште ја контролира.
Досега, Зеленски јасно ги отфрли ваквите барања. Становаја додава дека Путин нема да ризикува „заседа“ во која сите негови услови би биле одбиени. Наместо тоа, Русија би можела да предложи нови разговори во Истанбул, но со повисоко ниво на делегација.
Трамп напиша на Truth Social во понеделникот дека „започнал подготовки за средба Путин-Зеленски“. Но, следниот ден призна дека за тоа прашање не е постигната согласност: „Јас некако го поставив, но тие се оние што одлучуваат“.
Сепак, Путин нема причина да брза. Тој доби на самитот со Трамп во Алјаска, американскиот претседател се откажа од условите за прекин на огнот пред преговорите, а заканите за санкции исчезнаа. Во меѓувреме, Русија ги засили своите напади – само во понеделникот, лансираше 270 беспилотни летала и 10 ракети кон украинските градови.
Како што заклучува Си-ен-ен, единственото непознато сега е – кого ќе обвини Трамп ако овој обид за преговори пропадне.
фото: принтскрин
Европа
Комарците шират болести, а бројот на заразени лица се зголемува во Европа
Европа годинава потврди рекорден број случаи на болести што се пренесуваат преку комарци, како што се чикунгунија и вирусот Западен Нил, што ги прави „нова нормалност“ поради климатските промени, соопшти во среда Европската агенција за здравје.
Европа е погодена од подолги и поинтензивни сезони за болести што се пренесуваат преку комарци, соопшти Европскиот центар за превенција и контрола на болести (ECDC).
„Оваа промена е предизвикана од климатски и еколошки фактори како што се зголемувањето на температурите, подолгите лета, поблагите зими и промените во врнежите од дожд – проблеми што се комбинираат за да создадат поволни услови за комарците да напредуваат и да пренесуваат вируси“, според ECDC.
Директорката на агенцијата, Памела Ренди-Вагнер, изјави дека Европа влегува во нова фаза каде што „подолгото, пораспространето и поинтензивно пренесување преку комарци станува новата нормалност“. Комарецот што може да го пренесе вирусот чикунгунија, Aedes albopictus, се воспоставил во 16 европски земји и 369 региони, во споредба со само 114 региони пред една деценија, според ECDC.
Европа потврди 27 случаи на чикунгунија досега оваа година, што е нов рекорд. За прв пат, локално пренесен случај е потврден во Алзас, во североисточна Франција. Тоа е „исклучителен настан на оваа географска ширина, што покажува дека ризикот од пренесување на болеста продолжува да се шири на север“, соопшти агенцијата.
Од 1 јануари до 13 август, осум европски земји потврдија 335 случаи на локално пренесување на вирусот Западен Нил и 19 смртни случаи. Италија е најтешко погодената земја со 274 случаи.
Селин Госнер, раководител на Одделот во ECDC за болести што се пренесуваат преку храна, вода, векторски и зооноза, нагласи дека превенцијата е поважна од кога било, преку координирани јавни иницијативи и мерки за лична заштита. ECDC им советуваше на жителите на погодените региони да се заштитат од каснувања од комарци со користење репеленти, носење долги ракави и панталони и користење мрежи против комарци.
фото: принтскрин
Европа
Шведскиот премиер: Подготвени сме да го чуваме украинското небо
Шведскиот премиер Улф Кристерсон изјави во интервју за шведскиот P4 Extra дека земјата е подготвена да ѝ помогне на Украина во областа на воздушниот надзор и поморските ресурси, објави Sweden Herald.
Премиерот не одговори на прашањата за испраќање копнени сили во Украина.
„Мислам дека не станува збор за преместување на многу големи единици од други земји во Украина, туку за преземање одговорност од страна на Украина за сопствената земја на начин што е толку кредибилен што Русија нема да се обиде повторно“, нагласи Кристерсон.
Во исто време, тој увери дека Шведска сака да биде вклучена во обезбедувањето сигурносни гаранции за Украина.
„Сакаме да бидеме вклучени, но тоа мора да биде во форми што се безбедни и сигурни и каде што знаете во што се впуштате“, нагласи премиерот.
фото: принтскрин
32-годишен скопјанец осомничен за разбојништво во Бучимци: маскиран и со ловечки нож ограбил соселанец
Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член...
(Видео) Специјалци од единиците „Волци“ и „Тигри“ направија пресека за да не се пренесе пожарот од Јасен
Пресеката, поточно правење бришан простор за да не се пренесе пожарот преку срт, целосно ја завршија припадниците на Специјалната антитерористичка...
СДСМ Прилеп: Коруптивните бизнис зделки на функционерите на ДПМНЕ ги оставија прилепчани без полагања за возачка дозвола
„Поради нерегуларности во работењето, МВР го затвори Испитниот центар „Супер возач“, со што жителите на Прилеп и другите општини од...
Итни и вонредни надзори во приватните болници по информациите дека се правеле непотребни операции за профит
Министерството за здравство најави итни и вонредни надзори во приватните болници по информациите што излегоа во јавноста дека се правеле...
Мицкоски: Треба да се истражи како минатите арбитражни постапки се губеле и се одлевале огромни суми од државниот буџет
Ова е втора арбитража што оваа Влада ја добива и очекуваме барем уште две во периодот што следува, вели претседателот...
За да нема одење на партиски митинзи со службени возила, Владата апелира сите институции што не го почитуваа рокот 18 август да поднесат пријави
Непослушните државни институции, кои до 18 август не ги пријавија службените возила, денес од Владата добија уште еден апел да...
(Видео) Митева: Од 8 активни меѓународни арбитражи, оваа Влада успешно заврши 3 во полза на Македонија
Од осум активни меѓународни арбитражи оваа Влада успешно заврши три во полза на Македонија, соопшти портпаролката на Владата, Марија Митева....
Царинaта спречи опасен шверц на илјадници лекови, против лице од Косово поднесена кривична пријава
Царинските службеници на граничниот премин Богородица открија и спречија обид за криумчарење на 4.577 парчиња небезбедни лекови, скриени во багажниот...
Трамп: Не грижете се, нема да има трета светска војна
Планетата повеќе не се движи кон трета светска војна, изјави американскиот претседател Доналд Трамп во интервју за новинарот Марк Левин....
Судир за српскиот капитал: „Влен“ и ДУИ меѓусебно се обвинуваат
ВЛЕН и ДУИ, двете водечки политички субјекти од албанскиот блок во Македонија, се препукуваат поради наводно продирање на српски капитал...
Од шумскиот пат кон езерото се води жестока битка за да се спречи ширењето на пожарот кај Јасен
Пожарот кај Јасен и натаму се заканува, откако во текот на ноќта започнал да се шири од шумскиот пат пред...
Антикорупциската брои службени возила пред изборите – институциите не ги пријавиле сите во рокот
Во регистарот на возилата на државните органи, органите на локалната самоуправа, јавните претпријатија и други правни лица со државен капитал...
Лавров: Ни Крим ни Донбас никогаш не бил наша цел
Рускиот министер за надворешни работи, Сергеј Лавров, тврди дека Русија никогаш немала намера да ги заземе украинските територии, туку, единствено,...
Што би значел пакт сличен на член 5 за Украина?
Безбедносните гаранции за Киев се клучно прашање во напорите да се прекинат борбите во текот на тековната руска инвазија врз...
Шефот на дипломатијата на Трамп ќе ја води работната група за безбедносни гаранции за Украина
Американскиот државен секретар Марко Рубио ќе ја води работната група која ќе изработи предлог за безбедносни гаранции за Украина, потврди...
Каја Калас: На Путин не може да му се верува
Шефицата на европската дипломатија, Каја Калас, изјави дека Европската Унија ќе продолжи да ја таргетира воената економија на Русија и...
Поради пожарот кај Јасен, затворен за сообраќај патот Македонски Брод – Скопје
Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила,...
Швајцарија му нуди имунитет на Путин ако дојде на мировна конференција
Швајцарија ќе му понуди имунитет на рускиот претседател Владимир Путин, и покрај неговото обвинение во Меѓународниот кривичен суд, под услов...
Скопје, Јегуновце, Тетово, Гостивар и Кичево ќе ги поврзува модерна пруга – Владата почнува со подготвки, ЕУ поддржува со 5,3 милиони евра
Владата донесе одлука за започнување на подготовки за целосна реконструкција, модернизација и електрификација на железничката линија од Скопје до Кичево...
Одложени рочишта во Кривичниот суд поради неспроведување на притвореници – Утковски: Затворот има недостиг на возила и кадар
Во изминатите два дена, речиси сите насрочени рочишта во Основниот кривичен суд Скопје биле одложени, со навремена достава на покани...
