Свет
(Од минута во минута) Четвртата рунда преговори меѓу Украина и Русија би можела да биде утре, обновено напојувањето на нуклеарната централа Чернобил
Специјалната операција во Украина влезе во 18-от ден.
Сирени за воздушен напад се огласија во Киев во раните утрински часови, а имаше информации и за силно гранатирање.
Клучни настани:
Убиен новинар на „Њујорк тајмс“ во Киев
Украина: Русите употребија фосфорни бомби во Донбас
Кулеба: Русите киднапираа уште еден градоначалник
Во Лавов нападнат центар за воена обука и база западно од градот
Во Киев соборен дрон со три килограми експлозив
Данилов:Балтичките земји се во опасност од Русија
Новите сателитски снимки покажуваат катастрофални штети во Мариупол
од минута во минута:
21.55 Русите срушија селско училиште во близина на Николаев
Училиште во селото Зеленогаи, на околу 10 милји или 16 километри источно од Николаев, беше уништено од руски воен удар, изјави регионалниот администратор на Николаев, Витали Ким
21.50 Борис Џонсон: Бараме опции за зајакнување на самоодбраната на Украина
Британскиот премиер Борис Џонсон за време на денешниот разговор со украинскиот претседател Володимир Зеленски изјави дека Велика Британија ќе продолжи да бара повеќе опции за зајакнување на одбранбените капацитети на Украина
21.35 Зеленски ги повика водечките светски софтверски компании да ја бојкотираат Русија
Претседателот на Украина, Володимир Зеленски денеска ги повика американските софтверски компании Мајкрософт и Оракл, како и германскиот производител на деловни софтвери САП, да ги прекинат услугите за поддршка за нивните производи во Русија
21.20 Нов живот во родилиштето во Киев среде војна- загрижени мајки држат новороденчиња во раце
Инвазијата на Руската Федерација врз Украина трае веќе 18 дена. Сите овие денови животот на Украинците радикално се промени
20.50 Повеќе од 2.100 жители на Мариупол се убиени од почетокот на руската инвазија
Повеќе од 2.100 жители на опколениот украински град Мариупол се убиени од почетокот на воените дејствија, соопштија во неделата локалните власти
20.30 Ракетирани украински тренинг центри – убиени до 180 странски платеници
Во нападот на центрите за обука на украинските војници во Старици и на полигонот Јаворовски загинаа до 180 странски платеници, соопшти руското Министерство за одбрана
20.15 Кулеба рече: И да преживееш, ќе бидеш воен злосторник
Украинскиот министер денеска изјави дека Русија води агресивна војна против Украина
20.00 Захарова: Продолжува уништувањето на руското информативно присуство
Портпаролката на руското Министерство за надворешни работи Марија Захаров денеска изјави дека Западот продолжува да го уништува руското информативно присуство
Турција нема да се приклучи на санкциите против неколку западни земји поради Русија поради Украина, изјави турскиот министер за надворешни работи Мевлут Чавушоглу на Дипломатскиот форум во Анталија во неделата
19.30 Украинскиот претседател ги посети ранетите војници
Претседателот на Украина Володимир Зеленски денеска ги посети војниците во болница. Тие беа ранети за време на руските напади
19.00 Жителите на Киев се молат и чекаат да дојде војната
Новинарка на Би-Би-Си го опиша расположението во центарот на Киев
18.45 После четири дена обновено е напојувањето на нуклеарната централа Чернобил
Украинскиот министер за енергетика Херман Халушенко денеска изјави дека е повторно воспоставено снабдувањето со електрична енергија на нуклеарната централа во Чернобил, пишува Ројтерс
18.30 Мишел Мартин: Околу 5.500 украински бегалци пристигнаа во Ирска
Околу 5.500 украински бегалци пристигнаа во Ирска од руската инвазија на Украина, изјави денеска премиерот Таоисак Мишел
18.15 Зеленски: Разговарав со претседателот на Европскиот совет
Претседателот на Украина Володимир Зеленски и претседателот на Европскиот совет Шарл Мишел денеска разговараа
18.00 ОН, СЗО и УНИЦЕФ апелираат: Итен прекин на нападите врз здравствените установи во Украина
Светската здравствена организација (СЗО) и две други агенции на Обединетите нации (ОН) денеска апелираа итно да се запрат нападите врз здравствените установи во Украина.
17.45 Зеленски ги повика водечките светски софтверски компании да ја бојкотираат Русија
Претседателот на Украина, Володимир Зеленски денеска ги повика американските софтверски компании Мајкрософт и Оракл, како и германскиот производител на деловни софтвери САП, да ги прекинат услугите за поддршка за нивните производи во Русија
17.30 Се појавија снимки од бомбардирањето на фабрика во близина на Харков и училиште во Миколаев
Секојдневно од Украина пристигнуваат страшни вести откако Русија реши да ја нападне оваа земја на 24 февруари
17.10 Русите потврдија: Ја нападнавме базата долж границата на НАТО
Руското Министерство за одбрана ја презеде одговорноста за ракетен напад врз воена база во близина на Лавов
16.55 Зеленски: Убиени 13.000 руски војници
Украинскиот претседател Володимир Зеленски изјави дека од почетокот на рускиот напад врз Украина се убиени 13.000 руски војници
16.40 Песков: Четвртата рунда преговори меѓу Украина и Русија би можела да биде утре
Портпаролот на Кремљ Дмитриј Песков денеска откри дека четвртиот круг преговори меѓу Русија и Украина наводно ќе продолжи утре
16.30 Зеленски: Војната не е само воена опозиција на територијата на Украина
Украинскиот претседател Володимир Зеленски изјави денеска дека војната не е само воена опозиција на територијата на Украина.
16.15 Саливен ја предупредува Кина: Ќе има последици доколку Пекинг и помогне на Москва
Американските власти го предупредија Пекинг дека ќе има последици доколку Кина се обиде да и помогне на Русија да ги надомести загубите од западните санкции, изјави денеска советникот на американскиот претседател за национална безбедност, Џејк Саливан
15:58 Во масовна гробница во близина на Киев закопани се 67 цивили
67 цивили беа закопани во масовна гробница во Буча, Украина, во близина на Киев, област која беше место на жестоки борби. Видеото објавено од новинската агенција UNIAN покажува тела во црни пластични кеси како се пренесуваат од камион во јама. Во позадина е црквата.
Лекарот рекол дека не се идентификувани сите жртви, пишуваат украинските медиуми. Станбени згради се уништени во гранатирање во град северозападно од Киев.
15:09 Западни разузнавачи велат дека Путин е болен – се работи за рак, деменција или Паркинсонова болест
Западните разузнавачи веруваат дека личноста на Владимир Путин драматично се променила во последните пет години и дека 69-годишниот руски претседател покажува растечка и очигледна параноја за неговото здравје.
Иако промената на карактерот е забележлива, според разузнавачките извори, не е познато што би можело да биде причината, а можните објаснувања се движат од рак, Паркинсонова болест и почеток на деменција до употреба на стероиди за лекување на друга состојба, објави „Гардијан“.
14:30 Новинар на „Њујорк Тајмс“ убиен во близина на Киев
Репортерот на „Њујорк Тајмс“ е убиен во близина на Киев, потврди началникот на регионалната полиција.
Наградуваниот видео новинар Брент Рено (51) беше застрелан кога руските сили отворија оган врз автомобил во близина на Ирпин.
Уште еден новинар, кој бил со него во тоа време, е однесен во болница на лекување по нападот.
14:20 Брисел подготвува нови санкции против Русија – ќе бидат објавени за неколку часа
Членките на ЕУ подготвуваат нови санкции против Русија, кои ќе бидат објавени во наредните часови, изјави извор од француското претседателство.
Изјавата дојде неколку часа по телефонскиот разговор помеѓу рускиот претседател Владимир Путин, францускиот лидер Емануел Макрон и германскиот канцелар Олаф Шолц.
„ Во наредните часови ќе објавиме нови санкции. Разговорите меѓу лидерите беа искрени и тешки“ – навел изворот, пренесува руската новинска агенција ТАСС.
13:34 Во Италија се преврте автобус полн со бегалци од Украина – има загинати и повредени
Автобус со околу 50 украински бегалци излета од патот во Италија. Во несреќата едно лице загина а неколку се повредени.
Несреќата се случила помеѓу Чесена и Римини, на североисточниот брег.
? #Bus #Ucraina, #vigilidelfuoco impegnati con due autogru per sollevare il mezzo ribaltato [#13marzo 9:30]#A14 Forlì-Cesena pic.twitter.com/avIfDarEci
— Vigili del Fuoco (@emergenzavvf) March 13, 2022
13:27 Украина: Русите употребија фосфорни бомби во Донбас
Началникот на украинската полиција во областа Луганск, на исток, ја обвини руската армија дека го бомбардирала неговото место со фосфорни бомби.
Олексиј Билошицки, началникот на полицијата во Попасна, сто километри западно од Луганск, рече дека Русите користеле фосфорни бомби за да го нападнат неговото место.
„ Нацистите ги нарекуваа „запален лук“ и русисти (со спојување на зборовите Руси и фашисти) само ги фрлаат по нашите градови. Неописливо страдање и пожари“, напиша тој на Фејсбук. Во моментов е невозможно да се потврди информацијата.
12:57 Дуда: НАТО треба сериозно да размисли ако Путин употреби хемиско оружје
Полскиот претседател Анджеј Дуда во денешното интервју изјави дека руската употреба на хемиско оружје во Украина ќе промени сè и дека НАТО ќе мора сериозно да размисли како да одговори.
„ Ако употреби какво било оружје за масовно уништување, тоа целосно ќе ги промени работите“ рече Дуда.
12:50 Кулеба: Руските сили го киднапираа и градоначалникот на Днипрорудна
Украинскиот министер за надворешни работи Дмитриј Кулеба денеска изјави дека руските сили го киднапирале градоначалникот на градот Днипрорудна, кој се наоѓа на југот на земјата.
Според Би-Би-Си, Евхен Матвејев е вториот украински градоначалник кој е киднапиран од руските сили во последните три дена, откако градоначалникот на блискиот Мелитопол, наводно, бил киднапиран во петокот.
Today, Russian war criminals abducted another democratically elected Ukrainian mayor, head of Dniprorudne Yevhen Matveyev. Getting zero local support, invaders turn to terror. I call on all states & international organizations to stop Russian terror against Ukraine and democracy. pic.twitter.com/jEPTBTLikY
— Dmytro Kuleba (@DmytroKuleba) March 13, 2022
12:00 Најмалку 35 лица загинаа, а 134 се ранети во нападот на базата во близина на Лавов
Најмалку 35 лица загинаа, а 134 се повредени во руски ракетен напад врз воена тренинг база во западна Украина.
11:55 Данилов: Ако Русија нѐ победи, следна на удар ќе биде Литванија
Секретарот на Советот за национална безбедност и одбрана на Украина Алексеј Данилов вели дека балтичките земји се во опасност од Русија.
„ Што се однесува до ситуацијата со балтичките држави и Полска, тие се навистина во опасност од Русија. Не сите во Европа се свесни за тоа. Однесувањето на некои земји, како на пример Германија, е малку чудно со оглед на тоа што се случува во Европа во 21 век…“, рече тој, а пренесуваат украинските медиуми.
Данилов истакна дека Русија нема да запре.
10:30 Русија: Уништивме 3687 воени објекти
Портпаролот на руското Министерство за одбрана изјави дека војската на Путин досега уништила 3687 украински воени објекти, пренесе локална новинска агенција.
10:15 Расте бројот на загинати во ракетниот напад на воената база во близина на Лавов
Во ракетниот напад врз воената база во близина на Лавов загинаа 20 луѓе, соопштија за „Гардијан“ од службите за итни случаи.
Лук Хардинг од „Гардијан“, лоциран во Јаворив, каде што се наоѓа базата, рече дека бројот на загинати го надминал оној претходно наведен од гувернерот Максим Козитски. Тој рече дека загинале девет лица, а 57 се ранети.
Ракетниот напад се случил во 17 часот и 45 минути. Две големи експлозии можеа да се забележат во база на околу 12 километри од полската граница.
10:07 Девет загинати и 57 ранети во рускиот воздушен напад врз воена база во близина на Лавов
Гувернерот на областа Лавов изјави дека во нападот на воената база западно од градот загинале девет лица, а ранети се 57.
Гувернерот Максим Козицки потврди дека Русија утринава истрелала 30 ракети врз комплекс на околу 50 километри југозападно од Лавов и на околу 25 километри од границата со Полска, пренесува „Ројтерс“.
10:05 Украинскиот министер за одбрана: Ова е терористички напад во близина на границата на НАТО
Украинскиот министер за одбрана Олексеј Резников ги нарече терористички руските ракетни напади врз воената база наречена Меѓународен центар за мир и безбедност, која се наоѓа западно од Лавов, на 25 километри од границата со Полска.
Резников додаде дека во воената база работат странски инструктори.
russia has attacked the International Center for Peacekeeping&Security near Lviv.Foreign instructors work here.Information about the victims is being clarified.This is new terrorist attack on peace&security near the EU-NATO border.Action must be taken to stop this.Close the sky!
— Oleksii Reznikov (@oleksiireznikov) March 13, 2022
10:00 Нов извештај на британското разузнавање: Русите напредуваат, но трпат големи загуби
Британското Министерство за одбрана го објави најновиот разузнавачки извештај во кој се наведува дека руските војници се обидуваат да ги опколат украинските сили на исток и напредуваат од правец на Харков и Мариупол, двата опколени градови.
Latest Defence Intelligence update on the situation in Ukraine – 13 March 2022
Find out more about the UK government’s response: https://t.co/eTyMwvnz4V
?? #StandWithUkraine ?? pic.twitter.com/FLC100EJAr
— Ministry of Defence ?? (@DefenceHQ) March 13, 2022
9:50 Истрелани проектили кон украинската воена база во близина на границата со Полска
Градоначалникот на украинскиот град Лавов, Андриј Садовји, потврди руски напад врз украинскиот меѓународен центар за мир и безбедност, западно од Лавов. Тој рече дека биле истрелани осум проектили кон украинскиот Центар за меѓународен мир и безбедност.
Станува збор за воен центар за обука и база западно од Лавов, во близина на границата со Полска, која е оддалечена околу 25 километри.
Large Columns of Smoke can be seen rising from the direction of the Yavoriv Military Training Ground 25 miles to the Northwest of the Western Ukrainian city of Lviv which was reportedly hit by Russian Airstrikes a little bit ago. pic.twitter.com/nW4fQ0EiL8
— OSINTdefender (@sentdefender) March 13, 2022
9:40 Дрон со експлозив се урна во Киев
Украинските безбедносни сили вчера попладне собориле беспилотно летало во Киев, според официјални лица и очевидци.
Се наведува дека во дронот имало три килограми експлозив, а се урна во областа Подил во Киев. Бил предизвикан помал пожар во филијала на банка. Геолокацијата на сликите објавени на Твитер ја потврди и Би-Би-Си.
Samedi matin, dans le centre de #Kyiv, un drone explosif pouvant contenir une charge de 3 kilos a été repéré et descendu par un tir de défense, déclenchant un début d’incendie dans une banque. Dans le quartier de Podil. De manière anecdotique dans mon ancienne rue pic.twitter.com/dbXeCpLNs1
— Stéphane Siohan (@stefsiohan) March 12, 2022
9:30 Шефот на НАТО: Русија може да употреби хемиско оружје
Генералниот секретар на НАТО Јенс Столтенберг изјави дека Русија може да употреби хемиско оружје во инвазијата на Украина и дека таквиот потег би бил воено злосторство.
„Ројтерс“ пренесува дека Столтенберг за германскиот весник „Велт ам Зонтаг“ изјавил дека Кремљ измислува лажни изговори за да ја оправда можната употреба на хемиско оружје.
„ Последниве денови слушнавме апсурдни тврдења за лаборатории за хемиско и биолошко оружје. Сега кога се изнесени овие лажни тврдења, мора да бидеме внимателни бидејќи е можно самата Русија да планира операции со хемиско оружје под маската на овие измислици и лаги“, рече Столтенберг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) Трамп постави во Белата куќа фотографија што ја доби од Путин
Претседателот на Соединетите Американски Држави, Доналд Трамп, постави во Белата куќа фотографија што му ја испрати рускиот претседател Владимир Путин по историскиот самит во Алјаска во август, пренесува РИА Новости.
Новинарката на Би-Би-Си, Елизабет Ландерс, објави на социјалната мрежа Икс заедничка фотографија од Трамп и Путин од самитот во Алјаска, наведувајќи дека се наоѓа во ходник што го поврзува западното крило на Белата куќа со резиденцијата на американскиот претседател. На фотографијата, Путин и Трамп се прикажани како стојат еден до друг за време на официјално фотографирање, додека под неа е друга врамена слика од Трамп како ја држи раката на неговата внука.
Како што пишува РИА Новости, големината и композицијата на фотографијата што сега виси во Белата куќа целосно се совпаѓаат со сликата што Владимир Путин му ја испратил на Доналд Трамп по самитот во Алјаска, а која американскиот претседател ја покажа во Овалната соба на 22 август.
Преговорите меѓу претседателите на Русија и Соединетите Американски Држави се одржаа на 15 август во воената база Елмендорф-Ричардсон во близина на Анкориџ.
За време на состанокот, лидерите разговараа за начините за решавање на украинскиот конфликт, а двете страни ги оценија разговорите како позитивни, пренесува „Спутник“. На крајот од самитот, рускиот претседател истакна дека постои можност процесот да се доведе до крај на конфликтот во Украина и го нагласи интересот на Русија за долгорочно и одржливо решение.
Европа
Се помалку луѓе во ЕУ умираат од рак на белите дробови
Стапката на смртност од рак на белите дробови во Европската Унија (ЕУ) продолжува да опаѓа и кај мажите и кај жените, а престанокот со пушење сè уште се смета за клучен фактор за подобрување на стапките на преживување, велат научниците.
„Ракот на белите дробови останува водечка причина за смрт од рак кај мажите и жените во ЕУ“, вели Карло Ла Векија, раководител на истражувачката група на Универзитетот во Милано.
Иако стапката на смртност кај мажите опаѓа од 1990-тите, таа продолжи да расте кај жените до 2010-тите. Истражувачкиот тим предвидува дека оваа година ќе има 23 смртни случаи од рак на белите дробови на 100.000 жители кај мажите и 12 кај жените.
Пушењето е клучен фактор за смртните случаи од рак, покажуваат резултатите од студијата, рече Ла Векија во соопштението од Европското здружение за медицинска онкологија. „Намалувањето на потрошувачката на тутун останува камен-темелник на превенцијата од рак на белите дробови, а исто така игра важна улога во спречувањето на други видови на рак, како што е ракот на панкреасот.“
Поздравата исхрана и медицинскиот напредок, исто така, придонесуваат за подобрување на стапките на преживување. Со неколку исклучоци, стапките на смртност опаѓаат и кај другите видови на рак.
Позитивни трендови за повеќето видови рак
Земајќи ги сите видови рак заедно, истражувачите предвидуваат стапка на смртност од 114 на 100.000 мажи во ЕУ во 2026 година, што е намалување од осум проценти во споредба со периодот 2020-2022 година.
За жените, стапката на смртност се предвидува да биде 75 на 100.000 во 2026 година, што е намалување од шест проценти. Единствен исклучок е ракот на панкреас кај жените, каде што стапката на смртност се зголеми за еден процент во споредба со периодот 2020-2022 година, сега изнесува шест на 100.000. Иако стапките на смртност опаѓаат, апсолутниот број на случаи се зголемува поради стареењето на населението.
Свет
Сијарто: Унгарија нема да дозволи Украина да се приклучи на Европската Унија бидејќи Украинците би донеле војна
Унгарскиот министер за надворешни работи Петер Сијарто го повтори ставот на владата во Будимпешта дека нема да дозволи Украина да стане членка на Европската Унија.
Тој, коментирајќи ја изјавата на украинскиот министер за надворешни работи Андреј Сибиха за „Европска вистина“ дека „Унгарија е единствената пречка за членството на Украина во ЕУ“, потврди дека тоа е „целосно точно“.
„Нема ништо ново за нас во фактот дека Андреј Сибиха не е наш пријател, тој нè мрази и нè напаѓа. Сепак, во интервјуто на министерот имаше една фраза со која целосно се согласуваме: „Унгарија е единствената пречка за членството на Украина во ЕУ“. Ова е сосема точно“, напиша унгарскиот министер на Фејсбук.
Тој потврди дека сè додека е на власт сегашната унгарска влада, предводена од Виктор Орбан, „Украина нема да биде членка на Европската Унија, бидејќи Украинците ќе донесат војна во ЕУ“.
Сијарто понатаму рече дека брзоплетото прифаќање на Украина би значело дека оваа земја ќе биде финансирана од европските даночни обврзници, а европската економија ќе страда.
„Нашите земјоделци би банкротирале поради нивното жито со низок квалитет, а нашата земја ќе стане транзитен центар за украинската мафија. Но, сè додека сме на власт, тоа нема да се случи“, додаде министерот.
Според него, Украина во моментов се обидува да се меша во претстојните парламентарни избори во Унгарија поради ова, поддржувајќи ја опозициската партија Тиса. Затоа, продолжи Сијарто, изборите на 12 април, всушност, би значеле избор помеѓу мир и војна, помеѓу интересите на Унгарија или Украина.
Унгарското Министерство за надворешни работи го повика украинскиот амбасадор во Будимпешта за да го изрази својот протест поради мешањето на Украина во унгарскиот изборен процес.
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
(Видео) Трамп: Уште една прекрасна армада прекрасно плови кон Иран токму сега
Американскиот претседател Доналд Трамп изјави дека „уште една“ американска воена флота е на пат кон Иран. „Патем, уште една прекрасна...
(Видео) Санти мраз во Њујорк, има мртви, температурите под нулата: Бура ги опустошува САД
Санти мраз и делумно замрзнатите делови од реката Хадсон беа пријавени по силната зимска снежна бура во вторник, 27 јануари,...
(Видео) Американска конгресменка нападната со непозната течност во Минеаполис
Американската конгресменка, Илхан Омар, беше нападната со непозната течност за време на јавна трибина во Минеаполис во вторник. Полицијата соопшти...
Русија бара територијални отстапки од Украина, Зеленски сака средба со Путин
Украинскиот претседател Володимир Зеленски е подготвен директно да преговара со лидерот на Кремљ, Владимир Путин, за чувствителни прашања како дел...
Колку Руси и Украинци загинаа во војната? Анализа откри застрашувачки бројки
Бројот на руски и украински војници убиени, ранети и исчезнати во речиси четиригодишната војна би можел да достигне два милиони...
Намалена видливост поради магла на неколку патни правци
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Фото) Ѓорѓиевски: Кејот на Вардар ќе добие нов лик
Градоначалникот на град Скопје, Орце Ѓорѓиевски, вчера вечер, преку социјалните мрежи порача дека кејот на Вардар ќе добие нов лик....
МНР со реакција до Бугарија: Македонија останува подготвена за дијалог што ќе се води во духот на европските вредности, Европа се гради со доверба и резултати, не со етикетирања и политички квалификации
Македонското Министерство за надворешни работи реагира на денешното соопштение објавено на веб-страницата на Министерството за надворешни работи на Република Бугарија....
Бугарското МНР: Муцунски покажа неподготвеност да се вклучи не само со зборови, туку и во пракса во водење на отворен дијалог
Бугарското министерството за надворешни работи изразува длабоко разочарување од неконструктивното однесување на Република Северна Македонија, официјално обвинувајќи го Скопје за...
Агенцијата за храна повлекува од пазарот во Македонија контаминирана формула за доенчиња: „Ако сте купиле, не ја употребувајте“
Инспекциските служби на Агенција за храна и ветеринарство (АХВ) во текот на вчерашниот ден спроведоа вонредна инспекциска контрола кај оператор...
Мицкоски за утрешниот протест за минимална плата 600 евра: Секој има право да си протестира, во март законски ќе ја зголемиме
Во пресрет на утрешниот протест за минималната плата да се зголеми на 600 евра организиран од Сојузот на синдикати на...
Хотели без дозволи, бесправни објекти на Галичица и недостаток на урбанистички планови: Ревизијата со забелешки за Охрид
Општината нема донесено урбанистички планови за 20 населени места, нема преземено мерки за отстранување на бесправно изградените објекти, особено во...
(Видео) Поплави во Струмичко: реката однесе повеќе од 100 јагниња и овци од штала во Костурино, поплавени и земјоделски површини
Надојдената вода од реката Тркања вчера однесе повеќе 100 јагниња и овци во селото Костурино, на локацијата позната како „Шепово“....
(Видео) Димитријевиќ: Во ВМРО секој функционер или негов роднина има фирма
Антикорупцискиот тим на СДСМ објави повеќе бомби, факти и докази за фирмата „Пирамид билдинг солушнс“, фаворит за тендери во општините...
Левица ќе гласа против новиот состав на Комисијата за заштита од дискриминација, обвинува за партизација
На утрешната пленарна седница, при гласањето за составот на Комисијата за спречување и заштита од дискриминација, пратеничката група на Левица...
(Видео) Камионџиите ја проширија блокадата на граничните премини, заострените шенгенски правила го блокираа товарниот сообраќај на Балканот
Возачите на камиони од Македонија, Србија, Босна и Херцеговина и Црна Гора денес продолжија со блокадите на граничните премини за...
Просечната плата во здравството е 50.327 денари, од март ФЗОМ најави ново покачување
Просечната нето плата во здравството, според податоците на Државниот завод за статистика, во 2025 година изнесува 50.327 денари, просечната плата...
Лани подигнати 22.000 кубни метри отпад од диви депонии, Комунална апелира поскоро да стапи во сила Законот за формирање на комунална полиција
Во текот на 2025 година, екипите на ЈП Комунална хигиена-Скопје подигнале и транспортирале вкупно 21995 кубни метри отпад од стотици...
Америка ѝ нуди на Украина гаранции и оружје, но бара многу болни отстапки кон Русите
Администрацијата на Доналд Трамп ѝ соопшти на Украина дека безбедносните гаранции на САД се условени од тоа Киев да се...
