Свет
(Од минута во минута) Сепаратистите сакаат референдум за приклучување кон Русија, најавена е нова рунда преговори
Во тек е 32-от ден од војната во Украина.
Клучни моменти:
- Сепаратистите сакаат референдум за приклучување кон Русија
- Путин до руските војници: Борбата вклучува зголемен ризик
- Зеленски праша кој го води НАТО? Дали е тоа Москва? Бидејќи постоел страв кај американско-европската алијанса
- Украина тврди дека Америка нема ништо против Полска да ѝ испрати борбени авиони
- Руската и украинската делегација ќе одржат нова рунда преговори во Турција
- Рускиот регулатор го забрани објавувањето на интервјуата на руските медиуми со украинскиот претседател Володимир Зеленски
Од минута во минута:
21:50 Украина: Путин сака корејско сценарио
Шефот на воената разузнавачка служба на Украина вели дека рускиот претседател Владимир Путин би можел да побара да се подели Украина на два дела – како Северна и Јужна Кореја.
Генералот Кирило Буданов, шеф на Украинската одбранбена разузнавачка агенција, изјави дека руските операции околу Киев пропаднале и оти сега е невозможно руската војска да ја собори украинската влада. Војната на Путин сега беше фокусирана на југот и истокот на земјата, рече тој.
21:00 Зеленски: Украина е подготвена да разговара за неутралниот статус
Украина е подготвена да разговара за усвојување на неутрален статус како дел од мировниот договор со Русија, но тоа треба да го гарантираат трети страни, изјави украинскиот претседател, Володимир Зеленски.
20:09 Шон Пен јавно ќе ги топи добиените статуетки ако Зеленски не учествува на Оскарите
Актерот и режисер Шон Пен изјави дека јавно ќе ги стопи статуетките од наградата Оскар што ги има добиено и ќе повика на бојкот на церемонијата доколк украинскиот претседател Володмир Зеленски не се обрати на настанот.
20:00 Русија забрани објавување интервјуа со Зеленски
Рускиот регулатор Роскомнадзор го забрани објавувањето на интервјуата на руските медиуми со украинскиот претседател Володимир Зеленски, пренесува Ројтерс.
Тие наведуваат и дека е покрената истрага против медиумите кои разговарале со украинскиот претседател.
19:00 Потврдена информацијата за новата рунда преговори помеѓу Украина и Русија во Турција
Руската и украинската делегација ќе одржат нова рунда преговори во Турција од понеделник до среда, најави еден од украинските преговарачи, Дaвид Арахамиа.
Рускиот главен преговарач Владимир Медински, цитиран од руските агенции, исто така најави одржување на нова рунда преговори, но рече дека тоа ќе биде во вторник и среда, без да прецизира местото.
На 10 март во Анталија, Турција, на ниво на министри за надворешни работи, на предлог на Анкара, веќе се одржа рунда руско-украински разговори, но без конкретен напредок.
18:00 Пожар во рестриктивната зона околу нуклеарната централата Чернобил
Во рестриктивната зона околу нуклеарната централа Чернобил избувна голем пожар поради борбите.
Комесарката на украинскиот парламент за човекови права Људмила Денисова ја повика Меѓународната агенција за атомска енергија итно да испрати помош.
17:15 Украина и Русија ќе преговараат во Турција
Украина и Русија ќе разговараат во Турција од утре до среда, пишува „Скај њуз“.
Украина оцени дека претходните преговори биле „многу тешки“.
17:00 Украинската амбасадорка во САД: Русија е терористичка држава предводена од воен злосторник
„Па, знаете, јасно ни е дека Русија е терористичка држава управувана од воен злосторник и ние работиме дење и ноќе и жестоко се бориме за да ја одбраниме нашата земја и да ја одбраниме нашата демократија“, рече Маркарова за Си-Ен-Ен.
16:36 Чернихив без вода, парно и струја
Размерите на уништувањето на украинскиот град Чернихив се такви што жителите во моментов се без вода, греење и струја, додека руските војници го стегаат обрачот околу градот на северот на земјата, пренесува ДПА.
Инфраструктурата на градот е уништена, но во тек се напори да се санираат штетите, напиша регионалниот лидер Вјачеслав Чаус. Снабдувањето со гас е делумно оперативно, додаде функционерот.
16:30 Зеленски: На Западот му треба 1 отсто од храброста на бранителите на Мариупол
Украинскиот претседател, Володимир Зеленски, во своето последно обраќање, ги критикуваше западните земји што рекоа дека не сакаат да и’ дадат одбранбено оружје на неговата земја, вклучително и борбени авиони.
Тој ги осуди „пинг-понг разговорите“ за тоа кој треба да испрати воена помош.
Зеленски го повика Западот „да собере само 1 отсто од храброста на бранителите на Мариупол“.
15:32 Макрон се огради од Бајден: Не би ги користел тие зборови
Не би ги користел тие зборови. Мора да се направи се за да се запре ескалацијата на ситуацијата“, изјави францускиот претседател за Франс 3.
14:32 Русија го блокираше пристапот до најпопуларниот весник во Германија – „Билд“
Русија го блокираше пристапот до порталот „Билд“, најчитаниот германски весник, јавува руската државна новинска агенција РИА Новости. Причината не е наведена.
14:25 Папата: Војната во Украина е варварски чин
Папата Франциск го осуди мачеништвото на Украина, нарекувајќи ја руската агресија како варварски чин.
„ Помина повеќе од еден месец откако започна агресијата врз Украина, откако започна оваа сурова и бесмислена војна, која како и секоја војна е неуспех за сите, за сите нас“, рече Светиот Отец по неделната литургија.
14:04 Канада: Ќе им помогнеме на земјите кои ќе престанат да користат руска нафта
Канада соопшти дека може да обезбеди повеќе нафта, гас и ураниум за да помогне во решавањето на глобалната енергетска криза предизвикана од руската инвазија на Украина.
14:01 Германија купува противракетен систем од Израел поради руската инвазија
Германија размислува за купување на противракетен систем поради новата безбедносна ситуација предизвикана од рускиот напад врз Украина, за што веќе се разговара со Израел, објавија германските медиуми.
13:48 Анкара: Мораме да ја сослушаме и руската страна
Турција и другите земји мора да ги продолжат разговорите со Русија за да помогнат да се стави крај на војната во Украина, изјави денеска портпаролот на турскиот претседател Ибрахим Калин, додавајќи дека на Киев му е потребна посилна поддршка за да се одбрани од агресорите.
„ Ако сите ги палат мостовите со Русија, тогаш кој ќе разговара со нив на крајот“, рече Ибрахим Калин на меѓународниот форум во Доха.
12:45 Сепаратистите во Украина планираат референдум за приклучување кон Русија
Проруската самопрогласена „Народна Република Луганск“ во источна Украина наскоро би можела да одржи референдум за приклучување кон Русија, изјави лидерот на сепаратистите во Луганск, Леонид Пашечник во изјава за локалните весници.
11:05 Блинкен: САД немаат стратегија за промена на режимот во Москва
„ Мислам дека претседателот, како што објасни синоќа Белата куќа, рече дека Путин не може да има овластување да започне војна или агресија против Украина или некој друг“, рече Блинкен.
10:35 Украина: Руските војници во Белорусија менуваат гориво за алкохол
Украинското Министерство за одбрана утрово објави информација за корупција меѓу руските војници стационирани во соседна Белорусија.
10:29 Конашенков: Погодивме воени цели во Лавов со крстосувачки ракети
Русите рекоа дека „погодиле воени цели во Лавов со прецизни крстосувачки ракети“. Министерството наведува дека бил погоден магацинот за гориво кај Лавов, кој го користела украинската армија. Покрај тоа, тие тврдат дека удриле во фабрика во Лавов каде што Украинците ги поправале своите системи за противвоздушна одбрана, радари и нишани на тенкови.
ВС России с начала спецоперации уничтожили 289 беспилотников и 1 656 танков, сообщил официальный представитель Минобороны РФ Игорь Конашенков:https://t.co/F8OJncryny
Видео: Минобороны России pic.twitter.com/e5RXCnrB2l
— ТАСС (@tass_agency) March 27, 2022
10:26 Американски дипломат: Бајден ја направи опасната ситуација уште поопасна
Изјавата на американскиот претседател Џо Бајден, кој во вчерашниот говор во Варшава рече дека рускиот претседател Владимир Путин „не може да остане на власт“, предизвика остри критики од страна на ветеранот на американската дипломатија, Ричард Хас.
„ Изјавата на Бајден „ја направи тешката ситуација уште потешка, а опасната уште поопасна“, напиша Хас на Твитер. Хас е претседател на Советот за надворешни односи на САД.
10:21 Украина: Русија почна да ги уништува украинските резерви на храна и гориво
Русија почна да ги уништува украинските складишта за гориво и храна, што значи дека владата ќе мора да ги зголеми резервите во блиска иднина, изјави денеска советникот на украинското Министерство за внатрешни работи, Вадим Денисенко.
10:18 Кулеба: САД не се против Полска да ни испрати борбени авиони
Министерот за надворешни работи на Украина, Дмитро Кулеба, кој вчера се сретна со американскиот претседател Џо Бајден во Полска, изјави дека САД немаат ништо против Полска да испрати борбени авиони во Украина.
САД претходно ја отфрлија ваквата иницијатива на Полска. Пентагон соопшти дека префрлањето борбени авиони од Полска во Киев е премногу ризичен потег.
10:11 Путин до руските војници: Покажувате големо херојство – другари, борбата вклучува зголемен ризик
По повод Денот на националната гарда, рускиот претседател Владимир Путин им се обрати на војниците кои се борат во Украина и им порача дека борбата вклучува зголемен ризик.
„ Честитки за Денот на руската национална гарда. Националната гарда, која беше основана пред шест години, стана незаменлив и сигурен дел од државниот систем кој обезбедува владеење на правото и спроведување на законот, како и заштита на правата и интересите на нашите граѓани“, рече Путин.
09:52 Зеленски: Дали Москва го води НАТО?
Украинскиот претседател Володимир Зеленски синоќа одржа говор во кој го повика Западот да и достави уште тенкови и авиони на Украина и праша дали американско-европската алијанса се плаши од Москва.
„ Кој ја води евроатлантската заедница? Дали е сè уште Москва поради заплашување? – рече тој.
09:35 Дуда не го разбира ставот на Орбан: Скапо ќе ги чини политиката кон Русија
Полскиот претседател Анджеј Дуда изјави дека политиката на Унгарија кон Русија „скапо ќе ја чини“ Будимпешта.
Тој посочи дека не го разбира ставот на премиерот Виктор Орбан во однос на актуелната ситуација во Украина, пренесе РИА Новости. Полскиот лидер смета дека Орбан се нашол во тешка позиција поради енергетската зависност на Будимпешта од Москва.
09:27 Трамп: Русија немаше да ја нападне Украина ако јас бев претседател
Поранешниот американски претседател Доналд Трамп го критикуваше сегашниот Џозеф Бајден, велејќи дека „во 15-те месеци откако стана претседател, направил толку штета, колку што не направиле колективно, петте најлоши американски претседатели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Не грижете се, нема да има трета светска војна
Планетата повеќе не се движи кон трета светска војна, изјави американскиот претседател Доналд Трамп во интервју за новинарот Марк Левин.
Зборувајќи за конфликтот во Украина, тој истакна дека за време на администрацијата на поранешниот американски претседател Џо Бајден, ситуацијата само се влошувала.
„Мислам дека сè водеше кон трета светска војна, но сега не. Тоа е добра вест. Веќе не мора да се грижите за тоа“, рече Трамп.
„Ќе видиме како ќе се одвива процесот на решавање на кризата. Но, сè се движеше кон трета светска војна. Ова е најстрашната работа што се случила во однос на воените конфликти од Втората светска војна“, додаде тој.
Претседателот на САД, по средбата со претседателите на Русија и Украина, Владимир Путин и Володимир Зеленски, сака да ја процени можноста за дијалог меѓу нив без негово присуство.
„Имав многу успешна средба со претседателот Путин. Имав многу успешна средба со претседателот Зеленски. А сега помислив дека ќе биде подобро ако се сретнат без мене, само да видиме, сакам да видам што ќе се случи“, рече тој.
Трамп додаде дека, доколку е потребно, ќе им се придружи на Путин и Зеленски за да им помогне на страните да постигнат договор.
Фото: ЕПА
Свет
Ужас на базен во Швајцарија: 8-годишно дете случајно уби маж
Дете (8) уби маж на базен во Швајцарија. Ужасот се случи на 2 август, пред многу капачи.
Според извештаите, осумгодишно дете предизвикало смрт на шеесет и шестгодишен маж скокајќи од даска за скокање и удирајќи го човекот кој бил под вода.
Околу 14:30 часот, момчето се искачило на даската за скокање висока 5 метри. При влегувањето во водата, тој удрил 67-годишен пливач кој малку порано скокнал од истата даска и сè уште бил на местото.
И покрај брзата интервенција на службите за итни случаи, мажот, кој претрпел сериозни повреди, не преживеал, соопшти полицијата.
Обвинителството изјави дека семејството на детето само ја контактирало полицијата.
Како што истакна, спасувачите реагирале навремено и направиле сè што е во нивна моќ.
„Работата на спасувачите не била доведена во прашање на никаков начин во оваа фаза од истрагата. Интервенцијата била брза“, изјави обвинителството.
Според градот каде што се случила несреќата, спасувачите биле во полна сила во времето на несреќата. Лицето задолжено за надзор на базенот за скокање веднаш ги известило своите колеги за „судирот“ преку радио и скокнало во базенот за да ѝ помогне на жртвата.
Случајот ќе биде проследен до системот за малолетничка правда. Сепак, швајцарските медиуми забележуваат дека младиот пливач нема да потпадне под оваа регулатива, бидејќи таа се однесува само на деца над 10 години.
Свет
Трамп: Нетанјаху е воен херој, исто како мене
Американскиот претседател Доналд Трамп се нарече себеси „воен херој“ затоа што одобрил воздушни напади врз иранските нуклеарни објекти.
Појавувајќи се во радио емисијата на конзервативниот водител Марк Левин, Трамп рече дека израелскиот премиер Бенјамин Нетанјаху е воен херој затоа што работеле заедно.
„Тој е воен херој. Претпоставувам дека и јас сум. На никој не му е гајле. Но, и јас сум. Мислам, јас ги испратив тие авиони“, рече Трамп, очигледно алудирајќи на нападот што го нареди во јуни врз подземните нуклеарни објекти на Иран со цел уништување на нуклеарната програма на Техеран.
Нетанјаху е под потерница од Меѓународниот кривичен суд со месеци поради наводни воени злосторства во Газа.
Израелската офанзива врз Појасот Газа, која трае од нападот на Хамас на 7 октомври 2023 година, уби повеќе од 60.000 Палестинци, според извори контролирани од Хамас, додека Хамас тој ден убил околу 1.200 луѓе во Израел и киднапирал околу 200 и ги однел во Газа.
Самиот Трамп никогаш не служел во војна ниту служел во војската. За време на Виетнамската војна, тој добил пет одложувања на воената служба, вклучително и медицинско ослободување поради дијагноза на коскени израстоци на петиците кога имал 22 години.
Во 2015 година, тој предизвика контроверзии кога тврдеше дека републиканскиот сенатор од Аризона Џон Мекејн, кој поминал повеќе од пет години како воен заробеник во Северен Виетнам, не е воен херој затоа што, како што рече, повеќе ги сака луѓето кои не се заробени.
Во 2020 година, Атлантик објави дека Трамп приватно ги навредил паднатите американски војници, нарекувајќи ги „губитници“ и „наивни“. Трамп енергично ги негираше овие обвинувања.
Фото: ЕПА
Трамп: Не грижете се, нема да има трета светска војна
Планетата повеќе не се движи кон трета светска војна, изјави американскиот претседател Доналд Трамп во интервју за новинарот Марк Левин....
Судир за српскиот капитал: ВЛЕН и ДУИ меѓусебно се обвинуваат
ВЛЕН и ДУИ, двете водечки политички субјекти од албанскиот блок во Македонија, се препукуваат поради наводно продирање на српски капитал...
Од шумскиот пат кон езерото, се води жестока битка за да се спречи ширењето на пожарот кај Јасен
Пожарот кај Јасен и натаму се заканува, откако во текот на ноќта започнал да се шири од шумскиот пат пред...
Антикорупциска брои службени возила пред изборите – институциите не ги пријавиле сите во рокот
Во Регистарот на возила на државни органи, органи на локалната самоуправа, јавни претпријатија и други правни лица со државен капитал...
Лавров: Ни Крим ни Донбас никогаш не биле наша цел
Рускиот министер за надворешни работи, Сергеј Лавров, тврди дека Русија никогаш немала намера да ги заземе украинските територии, туку единствено...
Што би значел пакт „сличен на Член 5“ за Украина?
Безбедносните гаранции за Киев се клучно прашање во напорите да се прекинат борбите во текот на тековната руска инвазија врз...
Шефот на дипломатијата на Трамп ќе ја води работната група за безбедносни гаранции за Украина
Американскиот државен секретар Марко Рубио ќе ја води работната група која ќе изработи предлог за безбедносни гаранции за Украина, потврди...
Каја Калас: На Путин не може да му се верува
Шефицата на европската дипломатија, Каја Калас, изјави дека Европската Унија ќе продолжи да ја таргетира воената економија на Русија и...
Поради пожарот кај Јасен, затворен за сообраќај патот Македонски Брод – Скопје
Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила,...
Швајцарија му нуди имунитет на Путин ако дојде на мировна конференција
Швајцарија ќе му понуди имунитет на рускиот претседател Владимир Путин, и покрај неговото обвинение во Меѓународниот кривичен суд, под услов...
Скопје, Јегуновце, Тетово, Гостивар и Кичево ќе ги поврзува модерна пруга – Владата почнува со подготвки, ЕУ поддржува со 5,3 милиони евра
Владата донесе одлука за започнување на подготовки за целосна реконструкција, модернизација и електрификација на железничката линија од Скопје до Кичево...
Одложени рочишта во Кривичниот суд поради неспроведување на притвореници – Утковски: Затворот има недостиг на возила и кадар
Во изминатите два дена, речиси сите насрочени рочишта во Основниот кривичен суд Скопје биле одложени, со навремена достава на покани...
МВР со детали за смртоносната несреќа кај Ресен: двајца загинати, едниот 20-годишен
Две лица загинаа, третото е тешко повредено. Ваков е трагичниот биланс од смртоносната сообраќајна несреќа што се случи вчера на...
На непристапен терен со силен оган, надлежните се борат од воздух – леталата ја формираат линијата на пресек кај Јасен
Шумскиот пожар во непристапниот терен кај Јасен е повторно активиран, а слабиот дожд не беше доволен за негово сопирање. Директорот...
Лавров: Трамп и неговиот тим сакаат да постигнат долгорочен и сигурен резултат
Рускиот министер за надворешни работи, Сергеј Лавров, го пофали Доналд Трамп за желбата за траен мир во Украина, а ги...
Зеленски: Веќе работиме на специфичната содржина за безбедносните гаранции
Американскиот претседател Доналд Трамп објави дека почнале подготовките за средба меѓу рускиот и украинскиот претседател, Владимир Путин и Володимир Зеленски....
Државниот завод за ревизија: Отсуство на кадар и процедури го загрозуваат квалитетот на податоците во Централниот регистер на населението
Државниот завод за ревизија спроведе проверка на информациските системи со фокус на усогласеноста на процедурите за безбедност на податоците од...
(Фото) Во два одвоени случаја уапсени три лица во Кочани и Кочанско, пронајдена дрога
Вчера во 15:40 часот во Кочани, полициски службеници од СВР Штип – ОВР Кочани го лишиле од слобода 22-годишниот Б.Д....
Макрон по состанокот: Трамп верува во договорот, јас не верувам во Путин
Францускиот претседател Емануел Макрон изрази претпазливост во врска со средбата меѓу рускиот претседател Владимир Путин и украинскиот претседател Володимир Зеленски,...
Белата куќа објави фотографија: Трамп разговара по телефон со Путин
Американскиот претседател синоќа го повика Путин по средбите со Зеленски и европските лидери. „На крајот од средбите, го повикав претседателот...
