Европа
(Од минута во минута) Русија најави важна промена во стратегијата, дипломати тврдат дека тоа се потези за деескалација
Денес е 30. ден од руската инвазија на Украина
Клучни настани
- ЕУ и САД потпишаа договор – Америка ќе ја снабдува Европа со гас
- Зеленски: ЕУ доцни со санкциите против Русија
- Јапонија ја проширува листата на санкционирани, додадоа уште 25 Руси
- Градоначалникот на Мариупол предупреди дека ќе бидат потребни години за да се обнови градот бидејќи борбите се водат без престан
- Украинските власти се надеваат дека цивилите блокирани во опколениот град Мариупол денеска ќе можат да го напуштат градот со приватни автомобили
- Турција против санциите кон Русија: Нема да дозволиме нашите граѓани да замрзнуваат без руски гас
Од минута во минута:
22:20 Рускиот амбасадор повикан на разговор во Париз поради објавени карикатури
Амбасадорот на Руската Федерација во Париз, Алексеј Мешков, денеска бил повикан на разговор во Министерството за надворешни работи по објавувањето на карикатури на твитер налогот на амбасадата, за кои француската дипломатија вели дека се неприфатливи.
Je rappelais dans un précédent message à quel point le Kremlin se sent dans une guerre morale contre l’occident. Ce craquage complet de l’ambassade de Russie en France en est l’exemple frappant. pic.twitter.com/jrpAbv5kKs
— Julien Pain (@JulienPain) March 24, 2022
21:55 Германското оружје пристигна во Украина
Дополнителното оружје испратено од Германија пристигнало во Украина за да помогне во борбата против руската инвазија, дознава денеска ДПА од кругови на украинската влада.
21:40 (Видео) Русија: Не користиме фосфорни бомби, туку безопасни факли, разликата e oчигледна
Украинскиот претседател, Володимир Зеленски, вчера обвини дека руските сили користат забранети фосфорни бомби во Украина.
Руското Министерство за надворешни работи му одговори на „Твитер“ пишувајќи дека неговите тврдења се лажни вести.
The anti-Russian #fakenews factory is not slowing down. No matter how ridiculous or unfounded, all fakes are picked up & legitimized by the MSM.
The newest low is passing off harmless military flares as phosphorus bombs ?♂️#Think4Yourself pic.twitter.com/h0B5zMgBHT
— MFA Russia ?? (@mfa_russia) March 25, 2022
21:30 Бајден: Почит за Полска затоа што прими два милиона бегалци
Американскиот претседател, Џо Бајден, денеска, ѝ оддаде почит на Полска, која обезбеди засолниште за повеќе од два милионa украински бегалци, а потоа се сретна со хуманитарни експерти на терен за да разговараат за тоа што треба да се направи за да се намали страдањето на Украинците.
21:00 ОН: Има сè повеќе докази за масовни гробници во Мариупол
ОН добиваат сè повеќе информации кои го потврдуваат постоењето на масовни гробници во опколениот украински град Мариупол.
За една таква гробница ОН добиле и сателитски снимки кои го потврдуваат нејзиното постоење, изјави Матилда Богнер, шефица на набљудувачката мисија на ОН во Украина.
„Проценуваме дека една таква масовна гробница собира околу 200 тела“, рече таа на денешната прес-конференција.
Додаде дека не е сигурно дека сите луѓе закопани во тие гробници се цивили.
Рече и дека стапката на смртност во Мариупол се зголемува, меѓу другото, поради недостигот на храна, струја и вода.
20:45 Русите ја гранатирале командата на украинските воздухопловни сили
Украинската армија денеска соопшти дека руските сили со проектили ја нападнале командата на украинските воздухопловни сили во западна Украина.
Според извештајот, нападот предизвикал значително уништување на инфраструктурата.
19:50 „Москва подготвува терен за да си го спаси образот“, вели дипломатски извор
„Очекувавме можност Русите да ги насочат своите сили само на Донбас, но сè додека реториката на Путин останува максималистичка, мора да почекаме да видиме докази за тоа на теренот“, додал тој.
19:35 САД: Правиме план во случај Русија да го нападне НАТО
Aмериканскиот советник за национална безбедност, Џејк Саливан, вели дека претседателoт Џо Бајден е подготвен да одговори одлучно, заедно со другите членки на алијансата, во случај Русија да нападне.
19:25 Уапсен украински шпион во Москва
Украински државјанин, извесен Рудас од Харков, бил уапсен во Москва за шпионажа, а наводно бил регрутиран од Украинската служба за безбедност (СБУ) во април 2021 година.
„Тоа може да се види на видео направено за време на сослушувањето“, пренесува агенцијата ТАСС, која имала увид во оваа снимка.
18:15 Авторката на „Хари Потер“ со реакција откако Путин ја спомна во говор
Таа на „Твитер“ сподели статија за затворениот критичар на Путин, Алексеј Навални, и напиша: „Критиката на западната култура за откажување (cancel culture) не треба да доаѓа од оние што моментно убиваат цивили што даваат отпор или од оние што ги затвораат и трујат нивните критичари“.
Critiques of Western cancel culture are possibly not best made by those currently slaughtering civilians for the crime of resistance, or who jail and poison their critics. #IStandWithUkraine https://t.co/aNItgc5aiW
— J.K. Rowling (@jk_rowling) March 25, 2022
Американскиот претседател Џо Бајден, кој пристигна во Полска во рамките на неговата европска турнеја, им се обрати на американските војници стационирани во земјата.
„Она во што сте вклучени е многу повеќе од тоа дали можете или не да му помогнете на украинскиот народ. Ова е нова фаза. Вашата генерација се наоѓа во точка на пресврт“, рече тој.
“We are the organizing principle for the rest of the world.”
President Joe Biden delivers remarks to US troops in Poland as the Russia-Ukraine conflict continues. pic.twitter.com/F1IxWmM8HV
— CNN (@CNN) March 25, 2022
17:15 Командант во руската армија најави важна промена во стратегијата
Командантот на руската армија Сергеј Рудскoј изјави дека Русија сега ќе ги насочи своите напори на целосно ослободување на Донбас, регион во источна Украина каде што се наоѓаат проруските сепаратистички региони Луганск и Донецк.
Полковникот Медвечек, командант на 37. механизирана бригада, намерно бил прегазен од неговите војници, соопштил функционерот за „Скај њуз“.
BREAKING: A Russian brigade commander has been killed deliberately by his own troops after his unit suffered many losses in Ukraine, a western official said.
Colonel Medvechek, commander of 37 Motor Rifle Brigade, was run over by his soldiers, the official said— Deborah Haynes (@haynesdeborah) March 25, 2022
16:20 Загина уште еден руски генерал, тврдат Украинците
„Украинските сили го убиле командантот на 49. руска армија на Јужниот округ, генерал Јаков Рјезанцев, во напад на Чорнобаивка кај Херсон“, тврди Олексеј Арестович, советник на украинскиот претседател Володимир Зеленски.
⚡️Another Russian general killed in Ukraine.
Yakov Ryezantsev was killed in Chornobaivka, a site of intense fighting just north of Kherson, according to Oleksiy Arestovych, advisor to the head of Ukraine’s presidential office. pic.twitter.com/V9BNrmg08M
— The Kyiv Independent (@KyivIndependent) March 25, 2022
16:15 Принудно слета авионот на полскиот претседател, кој тргна на средба со Бајден
Авионoт на полскиот претседател Анджеј Дуда, кој се упатил кон Жешов, каде што тој треба да се сретне со американскиот колега Џо Бајден, се вратил во Варшава и принудно слетал, но претседателот не бил во животна опасност, соопшти неговиот кабинет, а пренесува „Ројтерс“.
Air Force One landed at Rzeszow airport in Poland near Ukrainian border.
Joe Biden is expected to meet American soldiers here. pic.twitter.com/4HrRmQIZQP— Parham Ghobadi (@BBCParham) March 25, 2022
15:45 Бајден пристигна во Полска
Американскиот претседател Џо Бајден слета во Полска за да ги види од прва рака меѓународните напори за помош на милионите Украинци кои бегаат од војната и да ги посети американските трупи кои го зајакнуваат источното крило на НАТО.
15:00 Путин ги спореди санкциите кон руската култура со нацистичкото палење книги
Рускиот претседател Владимир Путин го спореди отстранувањето на руските уметници од културните програми во некои западни земји со палењето книги од страна на нацистите.
„Последниот пат нацистите во Германија, пред речиси 90 години, водеа таква кампања за уништување на една непожелна култура. Добро се сеќаваме на сликите од запалени книги на јавни места“, истакна Путин на средба со културните работници.
14:19 Ердоган: Русија и Украина постигнаа разбирање за одредени теми од преговорите
Турскиот претседател Реџеп Таип Ердоган изјави дека Украина и Русија изгледа постигнале „разбирање“ за четири од шест теми, за кои се разговараше за време на преговорите.
14:08 Ердоган: Нема да се приклучиме кон санкциите против Русија
Турските власти нема да се приклучат на санкциите против Русија, бидејќи не можам да дозволам нашите граѓани да замрзнуваат без руски гас, изјави турскиот претседател Таип Ердоган пред новинарите при враќањето од самитот на НАТО.
13:54 (Видео) Бомба падна врз луѓе додека чекаа во ред да земат хуманитарна помош во Харков
Бомба паднала врз луѓе кои чекале во ред пред поштата во Харков, пренесува „Гардијан“. Првиот човек на Центарот за граѓански слободи објави видео на Твитер од инцидентот што се случил додека луѓето чекале да земат хуманитарна помош. Оттаму додаваат дека локацијата на снимката е потврдена.
Russians fired on the Nova Poshta postal department in Kharkiv, where Kharkiv residents were receiving humanitarian aid. Here the video of a rocket hitting a crowd of civilians in line#RussiansWarCrimes pic.twitter.com/BvszqcI0s1
— Oleksandra Matviichuk (@avalaina) March 25, 2022
13:41 Зеленски: Украина ќе излезе посилна од оваа војна
Украина беше убава, но сега ќе биде уште поубава благодарение на нашиот народ. Слава на Украина. Одличен проект за обновување. За луѓето. За развој на нашата земја и на цела Европа – рече Зеленски.
13:40 ОН: Се чини дека има масовни гробници во Мариупол
Шефот на тимот на ОН за човекови права во Украина изјави дека набљудувачите добиваат сè повеќе информации за масовни гробници во околниот град Мариупол во Украина, вклучително и една во која се чини дека има 200 тела.
13:10 Руски воен капелан убиен за време на гранатирање во близина на украинската граница
Руски воен капелан е убиен во украински ракетен напад во југозападна Русија во близина на границата со Украина, соопшти во петокот Руската православна црква.
13:06 Русија: Пријателските земји би можеле да платат за гас во локална валута или биткоин
Русија состави список на „непријателски земји“, што се совпаѓа со земјите кои и воведоа санкции поради инвазијата на Украина. На листата, меѓу другите, се и САД, членките на ЕУ, Велика Британија, Јапонија, Канада, Норвешка, Сингапур, Јужна Кореја, Швајцарија и Украина.
Руските сили делумно создадоа копнен коридор кон Крим од територијата во украинскиот регион Доњецк, соопшти украинското Министерство за одбрана.
– Непријателот делумно успеа да создаде копнен коридор меѓу привремено окупираната Автономна Република Крим и дел од регионот Доњецк – се наведува во онлајн соопштението.
12.40 Меѓународниот комитет за спасување предупредува на катастрофална здравствена криза во Украина
Меѓународниот комитет за спасување (ИРЦ) во петокот предупреди дека цивилите во Украина се соочуваат со „катастрофална здравствена криза“ бидејќи нападите врз здравствената инфраструктура го ограничуваат пристапот до „услуги и набавки за спасување живот
12:31 Кремљ: САД го споменуваат хемиското оружје за да го одвлечат вниманието од срамните прашања
Разговорите на САД дека Русија користи или би можела да користи тактики за хемиско оружје го одвлекуваат вниманието од срамните прашања за Вашингтон, изјави портпаролот на Кремљ, Дмитриј Песков.
Тој рече дека ништо страшно нема да се случи ако Русија биде исфрлена од Г20, која ја сочинуваат најголемите светски економии, бидејќи светот е многу поразновиден, не е светот само САД и Европа.
12:20 Денес ни е објавена тотална хибридна војна – Лавров откри која е главната цел на Западот
Рускиот министер за надворешни работи Сергеј Лавров изјави дека Западот на Русија и објавил тотална, хибридна војна.
-Денес ни прогласија вистинска хибридна војна, тотална војна. Овој термин што го користеше Хитлерова Германија, сега го користат многу европски политичари кога кажуваат што сакаат да прават со Руската Федерација – рече Лавров.
12:10 Рускиот амбасадор ја тужи италијанската „Ла Стампа“ за споменувањето на убиство на Путин
„ Непотребно е да се каже дека ова е спротивно на правилата на новинарството и моралот“, им рече Разов на новинарите пред канцеларијата на римското обвинителство, откако ја поднесе тужбата.
12:00 Кремљ: Ерозијата на светскиот поредок ја започна НАТО со бомбардирањето на Белград
Портпаролот на Кремљ, Дмитриј Песков, на денешната прес-конференција изјави дека ерозијата на светскиот поредок започна со бомбардирањето на Белград на НАТО.
– Кремљ смета дека ерозијата на светскиот поредок започна со американските напади врз Белград – рече тој.
Песков тогаш изјави дека Г-20 е важен и дека Русија ќе биде подготвена да учествува на самитот, но дека ако одлучат да ја исфрлат Москва од оваа група, тоа нема да биде фатално за нив.
Хуманитарната ситуација во опколениот украински град Мариупол продолжува да се влошува, а Русија ја блокира испораката на хуманитарна помош, изјави градоначалникот на овој град.
Стратешкиот пристанишен град од првите денови на војната е опколен од руски војници, без струја, вода и гас. Поголемиот дел од градот сега е во урнатини.
11:45 Конашенков: Уништена е последната голема нафтена база во Украина
Министерството за одбрана на Руската Федерација утринава соопшти дека руските сили ја уништиле последната голема украинска нафтена база во предградието на Киев, како и центар за обука на странски платеници.
Нафтената база во населбата Калиновка беше погодена со високопрецизни крстосувачки ракети „Калибар“, изјави портпаролот на министерството Игор Конашенков на брифинг во Москва.
11:40 Украинските власти: Денеска евакуација на цивили од Мариупол
Украинските власти се надеваат дека цивилите блокирани во опколениот град Мариупол денеска ќе можат да го напуштат градот со приватни автомобили, изјави украинската вицепремиерка Ирина Верешчук.
Повторените обиди да се организира безбедно излегување на цивилите од јужниот пристанишен град, кој е под опсада на руските сили, не успеаја.
11:20 Кличко: Посилни сме од Русите оти тие се борат за пари, а ние за независност
„Имаме неверојатна мотивација да ја браниме иднината на нашите деца. Руските војници никогаш нема да влезат во нашиот град“, рече Кличко во интервју за Н1.
11:00 Германска министерка: Путин се обидува да го дестабилизира Западен Балкан
Германската министерка за надворешни работи Аналена Баербок вели дека Европа треба да биде претпазлива од напорите на Русија да го дестабилизира Западен Балкан во услови на војна во Украина.
Баербок за новинарите вчера во Берлин изјави дека слични потези му претходеле на воениот ангажман на Русија во Украина и покрај постојаното негирање на Москва дека подготвува напад.
Претседателот на Турција рече и дека Турција нема да се приклучи на санкциите против Руската Федерација бидејќи не може да дозволи нејзините граѓани да замрзнуваат без руски гас.
10:25 ЕУ и САД потпишаа договор – Америка ќе ја снабдува Европа со гас
САД ќе работат на снабдување на Европа со најмалку 15 милијарди кубни метри течен гас во 2022 година, во партнерство со други земји, соопшти Белата куќа.
Европската зависност од руската енергија, гас и нафта се покажа како главна пречка во напорите на Западот да ја казни официјална Москва за интервенцијата во Украина, пренесоа американските медиуми.
10:20 Русите го уништија главното складиште за гориво во Киев
Вооружените сили на Русија во ракетен напад го уништија главното складиште за гориво во близина на Киев, соопшти денеска руското Министерство за одбрана.
Портпаролот на Министерството, Игор Конашенков, на прес-конференција изјави дека нападот се случил синоќа, а во него биле користени крстосувачки ракети „Калибар“, кои биле истрелани од морето, пренесува „Ројтерс“.
Украинката Илона Лемеха (30) од Днипро морала да го напушти домот, семејството и земјата за да побегне од областа зафатена од војна.
Таа отпатувала низ Унгарија и успеала да добие виза за да дојде во Велика Британија.
?TUŽNA ISPOVIJEST / Ukrajinka otišla iz zemlje nakon ruskog napada: Četiri dana sam se vozila do Mađarske, moji roditelji su lakše ovo sve podnijeli
? Video credit: @SkyNews #UkraineRussiaWar #BREAKING pic.twitter.com/fsID1guuj0
— Dnevni avaz (@DnevniAvaz) March 25, 2022
09: 00 На Русите им било кажано: Завршете до овој датум
Генералштабот на вооружените сили на Украина тврди дека на руските војници им било кажано дека војната мора да заврши до 9 мај, кога се одбележува Денот на победата над фашизмот.
08.45 (Видео) Зеленски: ЕУ доцни со санкциите против Русија
Обраќајќи им се на членовите на Европскиот совет преку видео врска, украинскиот претседател Володимир Зеленски им порача на земјите од ЕУ дека доцнат со воведувањето санкции кон Русија
08.38 Русија: Западните санкции само ќе го обединат руското општество
Глупаво е да се верува дека западните санкции против руски компании и бизнисмени би можеле да имаат какво било влијание врз владата во Москва, изјави денеска поранешниот руски претседател и заменик претседател на Советот за безбедност Дмитриј Медведев.
08.35 Лукашенко за предлогот на Полска: Тоа може да предизвика Трета светска војна
Претседателот на Белорусија Александар Лукашенко предупреди дека предлогот на Полска за распоредување западни мировници во Украина може да предизвика Трета светска војна
Belarus President Lukashenko, a close ally of Russian President Putin, said today (Thursday) a deployment of Western peace keepers in Ukraine suggested earlier this month by Poland could spell the beginning of the "Third World War." https://t.co/z0xObdVipd
— Kris Janowski (@JanowskiKris) March 24, 2022
08.30 Драматичен апел од Мариупол: Луѓето почнаа да гладуваат
Луѓето во Мариупол умираат од глад, објави Градскиот совет на Мариупол, а пренесуваат агенциите
Ukrainians in #Mariupol are DYING FROM HUNGER, the government says. Russia is attacking all humanitarian convoys that try to enter the sieged city. People are starving. This is a deliberate destruction of Ukrainians as a nation. They are killing us, starving us, deporting us
— Anastasiia Lapatina (@lapatina_) March 24, 2022
08.25 Новинар на БиБиСи од Ирпин: Сè е уништено
Еден месец по почетокот на војната во Украина, новинарот на Би-Би-Си Џереми Боуен се врати во Ирпин. Овој град недалеку од Киев стана клучен во битката за главниот град.
08.20 Јапонија ја проширува листата на санкционирани, додадоа уште 25 Руси
Јапонија ќе го замрзне имотот на уште 25 руски државјани и ќе го забрани извозот во 81 руска организација, соопшти Министерството за финансии на Јапонија.
08.10 Зеленски јавно го повика Орбан: Дали си со Путин или со Украина?
За време на неговиот говор на самитот на НАТО, украинскиот претседател Володимир Зеленски директно им се обрати на некои европски шефови на држави, нагласувајќи го нивното сегашно ниво на поддршка или недостаток на поддршка за Украина
08.00 Џо Бајден пристигнува во Полска
По самитот на лидерите во Брисел чија цел беше да се покаже дека Западот е обединет против Русија, претседателот на Соединетите Американски Држави, Џо Бајден, оди во Полска за да договори план за бегалците
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Русија го нападна Киев: делови од градот останаа без греење во студена ноќ
Русија ги нападна Киев и другите украински градови преку ноќ со балистички ракети и беспилотни летала, додека земјата се бори со температури под нулата и продлабочување на енергетската криза, објавува „Киев Индепендент“.
Киев се соочува со најлошата зима од почетокот на војната, поттикната од руските напади врз електраните во градот. Претседателот Володимир Зеленски прогласи вонредна состојба во енергетскиот сектор на 14 јануари поради зголемените напади. Ситуацијата се влошува од долгогодишните проблеми со инфраструктурата, што доведоа до хуманитарна криза во која жителите останаа без греење, топла вода и електрична енергија.
Tonight, Kyiv saw a “not seen recently” very high success rate for the Patriot air defense system. Around 75% of the Iskander-M ballistic missiles launched were intercepted. Approximately 8 ballistic missiless were used pic.twitter.com/uwXQsO4bKC
— VolgaLad (@cym27s) January 20, 2026
Текот на ноќниот напад
Експлозии се слушнаа во Киев околу 2 часот наутро, а приближно во исто време Воздухопловните сили издадоа предупредување дека руски балистички ракети го таргетираат главниот град. Наскоро следеа дополнителни предупредувања за Киевската, Дњепропетровската и Виничката област. Потоа војската објави дека Русија испратила бомбардери МиГ-31, кои носат хиперсонични ракети Кинжал.
Воздухопловните сили подоцна известија дека втор бран руски беспилотни летала се приближил до градот околу 5 часот наутро по локално време. Исто така, беше пријавено дека ракети се приближиле до градот околу 6:30 часот наутро. Претходно навечер, групи руски беспилотни летала подигнаа тревога за воздушни напади во Киев и околниот регион, како и во неколку други украински региони. Напади со беспилотни летала врз градот Одеса и неговата околина беа пријавени околу 6 часот наутро.
Последици
Снабдувањето со електрична енергија и вода беше прекинато во источен Киев, изјави градоначалникот Виталиј Кличко. Тој рече дека едно лице е повредено во округот Днепровски. Шефот на градската воена администрација на Киев, Тимур Ткаченко, извести дека нестанбени згради се оштетени во истиот округ, додека возила се запалени на друга локација. Локалните власти, исто така, објавија промени во услугите на метрото поради „тешката енергетска ситуација“ во главниот град.
Експлозии беа пријавени и во Днепровската и Харковската област. Во градот Запорожје, остатоците од беспилотно летало предизвикаа пожар во куќа, објави регионалниот гувернер Иван Федоров. Нападите сè уште се во тек, а целосниот обем на штетата се утврдува.
Предвремени предупредувања
Претседателот Зеленски предупреди дека Русија планира голем напад врз Украина. „Во наредните денови, мора да останеме исклучително внимателни. Русија се подготви за удар – масовен удар – и чека момент да го изврши“, рече претседателот.
Европа
Јулија Тимошенко: Моите банкарски сметки се блокирани
Лидерката на партијата Татковина и поранешна украинска премиерка Јулија Тимошенко, која од страна на истражителите е осомничена дека нудела мито на неколку пратеници, објави дека нејзините банкарски сметки се замрзнати.
Тимошенко го објави ова на Фејсбук, а нејзината реакција доаѓа откако беше објавено дека обвинителите ќе бараат кауција од околу еден милион евра и изрекување мерки на претпазливост. Според неа, дури тогаш дознала дека нејзините сметки се замрзнати.
„Што е надреализам? Ова е кога во отворено политички нарачан случај планирате да платите кауција со парите што сте ги добиле како компензација за политичкиот прогон на одреден кратковид „диктатор“. Но, не можете да го направите ова бидејќи вашите банкарски сметки беа блокирани дури и пред судската одлука.
Вака изгледа „антикорупциската правда“ на меѓународните измамници. Вие наивни луѓе веројатно мислите дека со такви примитивни потези ќе ме принудите да бегам или дека ќе престанам да се борам. Страшно грешите“, напиша Тимошенко на Фејсбук.
Украинските антикорупциски власти во вторник вечерта објавија дека откриле корупција поврзана со лидер на партија. Подоцна беше потврдено дека случајот се однесува на Јулија Тимошенко. Таа е осомничена за нудење нелегални бенефиции на пратеници од други партии во замена за гласање за или против одредени законски предлози.
Извори од политички кругови потврдија во среда наутро дека истражителите ѝ доставиле на Тимошенко известување за сомневање. Потоа, Националното биро за борба против корупцијата на Украина (НАБО) објави аудио снимка во која, според истражителите, Тимошенко и неидентификуван пратеник разговараат за шема за плаќање за гласови во украинскиот парламент.
Тимошенко рече дека тоа била „голема ПР-шоу“ и „чистење на политичките конкуренти пред изборите“. Таа тврди дека истражителите „не пронашле ништо“, туку само ги заплениле нејзините „мобилни телефони, парламентарни документи и лични заштеди, кои се целосно наведени во нејзината имотна картичка“. Таа, исто така, изјави дека објавената аудио снимка „нема никаква врска“ со неа.
Европа
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи ја можноста да повика на зајакнување на воената моќ на Франција.
Францускиот претседател го спореди својот проблем со очите со песната „Eye of the Tiger“, велејќи дека тоа е знак на решителност и предупредување дека Франција може да остане слободна во „брутален свет“ само ако другите се плашат од неа и ако е моќна.
epa12650914 French President Emmanuel Macron delivers a speech during a visit to the Istres Air Force Base in Istres, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Повикувањето на насловната песна од филнот „Роки III“ од 1980-тите години дојде откако Макрон ја прогласи француската армија за „најефикасна“ во Европа, додавајќи дека таа мора да стане посилна и побрза. Пред говорот, кој започна со објаснување за неговиот изглед, Макрон носеше очила за сонце додека ги прегледуваше војниците.
„Ве молам извинете за грдиот изглед на моето око. Тоа е, се разбира, нешто сосема безопасно“, рече Макрон. „Сфатете го како ненамерна референца на „Eye of the Tiger“… за оние кои ја разбираат референцата, тоа е знак на решителност.“
epa12651821 French President Emmanuel Macron delivers a speech as he visits the Istres military air force base, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Тој го искористи своето новогодишно обраќање до војниците во воената база во јужна Франција за да најави поголеми трошоци за одбрана. Тој рече дека сака да ги помести плановите за буџет за одбрана од 64 милијарди евра од 2030 на 2027 година, со 3,5 милијарди евра за забрзување на вооружувањето на Франција достапно оваа година.
Анел Фидоски нов шеф на скопското јавно обвинителство
На денешната седница на Советот на јавни обвинители, Анел Фидоски е избран за нов шеф на Основното јавно обвинителство Скопје....
(Видео) СДСМ обвини дека „Алфа“ не е само медиум туку политички проект: „Како и во времето на Груевски, повторно функционира како центар за црни кампањи“
Денеска, членот на Извршниот одбор на СДСМ, Јон Фрчкоски, на прес-конференција објави ново разоткривање на Антикорупцискиот тим – АКТ. Тој...
Лавров: Гренланд не е природен дел од Данска
Рускиот министер за надворешни работи, Сергеј Лавров, го коментираше конфликтот меѓу САД и Европа околу иднината на Гренланд, доведувајќи го...
Сакале насилно да влезат во затворена гостилница па го истепале сопственикот: 30-дневен притвор за двајца осомничени
Основното јавно обвинителство Куманово донесе Наредба за спроведување истражна постапка против две лица за кои постои основано сомнение дека заеднички...
Трамп објави фотографија и порача: Мора да го добиеме Гренланд
Американскиот претседател Доналд Трамп го повтори своето барање да ја преземе контролата врз Гренланд, автономна данска територија. Зборувајќи со новинарите...
(Видео) Снежна бура во САД: верижен судир на повеќе од 100 возила
Повеќе од 100 возила се судрија или излетаа од меѓудржавен пат во Мичиген, САД, во снежна бура. Полицијата објави дека...
Данска со предупредување за одбраната на Гренланд: Воен конфликт со САД е реална можност
Копенхаген предупреди дека евентуалниот обид на САД да ја преземат контролата врз Гренланд со сила би довел до директен воен...
Поранешен советник на Трамп: Гренланд ќе остане Гренланд
Доналд Трамп нема да може да го принуди Гренланд да биде продаден на САД, изјави за Би-би-си поранешен висок советник...
(Видео) Русија го нападна Киев: делови од градот останаа без греење во студена ноќ
Русија ги нападна Киев и другите украински градови преку ноќ со балистички ракети и беспилотни летала, додека земјата се бори...
120 членови на Исламска држава избегаа од затвор во Сирија
Сирискиот министер за внатрешни работи изјави дека околу 120 припадници на Исламска држава избегале од затвор во градот Шадади, откако...
Австралија затвора десетици плажи поради напади од ајкули
Десетици плажи долж источниот брег на Австралија, вклучувајќи го и Сиднеј, се затворени по четири напади од ајкули во последните...
Заменик министерот за образование поднесе оставка
Заменик министерот за образование, Лулзим Алиу, поднесе оставка. Тој вели дека сака да се посвети на неговата истражувачко – научна...
(Видео) Филипче: Жалам што дел од партиите легитимираа корумпирана и изолирана власт на лидерска средба
Претседателот на СДСМ, Венко Филипче, одговарајќи на новинарско прашање, истакна дека разговорите со Али Ахмети биле во врска со локалната...
Николоски од Охрид: Засилено работиме на завршување на автопатот Охрид – Кичево
Интензивно работиме на завршување на автопатот Охрид-Кичево. Користиме совремеми техники за да ги стабилизираме косините. Од 16, веќе 14 косини...
Утре почнува тестирањето на камерите, на неколку локации во Скопје сообраќајот ќе биде запрен
Министерството за внатрешни работи ги известува граѓаните дека во рамки на проектот „Безбеден град“, во периодот од 20.01.(вторник) до 31.01.(сабота)...
(Видео) Вагоните преполовени, објавена снимка од воздух од железничката несреќа во Шпанија
Местото на несреќата каде вчера вечер се судрија два воза во Шпанија е снимено од хеликоптер утрово. Цивилната гарда продолжува...
Трамп испрати скандалозно писмо до Норвежаните: Нема Нобел? Тогаш заборавете на мирот
Претседателот на САД, Доналд Трамп, испрати скандалозно писмо до норвешкиот премиер Јонас Гар Сторе, објавуваат сите водечки норвешки медиуми, во...
Заев и Филипче се обиделе да му ја превземат приватната болница на др. Жан Митрев, институциите молчеле, обвини ВМРО-ДПМНЕ
Заев и Филипче додека се обидувале да му ја превземат болницата на др. Жан Митрев, ја претвориле Македонија во рекетарска...
Трамп: Данска не успеа да ја отстрани руската закана од Гренланд, време е да се направи тоа
Претседателот на САД, Доналд Трамп, изјави дека Данска не успеала да направи ништо за да ја отстрани „руската закана“ од...
Внук осомничен за обид за убиство на сопствената баба
Основното јавно обвинителство Битола донесе наредба за спроведување истражна постапка против 28-годишник за кого постои основано сомнение дека се обидел...
