Европа
(Од минута во минута) Путин говореше за санкциите, Зеленски порача: Никогаш нема да станеме робови
Петнаесети ден од руската инвазија на Украина
Клучни настани
- Путин за санкциите: Западот ни создаде проблем, но ние ќе го решиме
- Црвен крст: Луѓето во Мариупол се напаѓаат едни со други за храна
- Зеленски рече дека Русија сака да го понижи украинскиот народ и да го натера да клекне и да моли за леб и вода
- Одржана е клучна средба на министрите за надворешни работи на Украина и Русија. Нема напредок, Лавров повторно го нападна Западот
- Русија објави дека го напушта Советот на Европа
- Во руското бомбардирање на болница во Мариупол загинале три лица, меѓу кои и едно момче (6). Повредени се 17 лица, тврдат Украинците
- Русија негира дека ја бомбардирала детската болница во Мариупол
Од минута во минута:
21:45 Руската амбасада тврди дека бомбардирањето на болницата е лага, трудницата била актерка
Руската амбасада во Лондон тврди дека се одглумени сцените на бремени жени кои бегаат од болницата во Мариупол која, наводно, била бомбардирана.
21:30 Москва ќе отвори хуманитарни коридори кон Русија
Рускиот министер за одбрана изјави за „Интерфакс“ дека ќе бидат отворени хуманитарни коридори кон Русија и за тоа нема да се консултира со Киев.
Коридорот ќе биде отворен секој ден во 10 часот по московско време.
21:20 Турскиот министер: Путин не се противи на средба со Зеленски
„Зеленски е подготвен за таква средба, а Путин начелно не се спротивстави. Путин му ја спомна идејата и на претседателот Ердоган“, рече Чавушоглу на прес-конференција.
21:00 Германскиот канцелар: Нема да има забрзан пристап на Украина во ЕУ
Германскиот канцелар Олаф Шолц изјави дека нема да се забрзаат процедурите за членство на Украина во Европската унија.
20:30 Украина: Се обидуваме да го вратиме снабдувањето со електрична енергија во Чернобил
краинскиот министер за енергија Херман Халушенко рече дека земјата прави „се што е можно“ за да го врати снабдувањето со електрична енергија во Чернобил „што е можно поскоро“.
20:00 Украинскиот министер за здравство: Најмалку 60 болници се оштетени од руските напади
Украинскиот министер за здравство, Виктор Лиашко, изјави дека во последните две недели од почетокот на руската инвазија на Украина, најмалку 60 болници биле оштетени од руските воздушни напади и гранатирање, пренесува „Скај њуз“.
Тој додава дека пет здравствени работници биле убиени.
19:40 Ердоган-Бајден: Поддршка за владата и народот на Украина
„Тие разговараа за заедничката загриженост поради неиспровоцираната и неоправдана инвазија на Русија на Украина“, се вели во соопштението на Белата куќа.
Се наведува дека соговорниците ја потврдиле својата силна поддршка за владата и народот на Украина, ја истакнале потребата од итен прекин на руската агресија и го поздравиле координираниот меѓународен одговор на кризата.
19:30 Макрон: Нереално е да се преговара за членство во ЕУ со земја во војна
Францускиот претседател Емануел Макрон на почетокот на самитот во Версај изјави дека верува оти е нереално сега да почне процедурата за пристапување на Украина во ЕУ, додека земјата е во војна.
19:15 „Никој од цивилите денеска не успеа да го напушти Мариупол“
Украинската вицепремиерка Ирина Верешчук изјави дека ниту еден цивил не успеал да го напушти украинскиот град Мариупол, бидејќи руските сили не го почитувале привремениот прекин на огнот за да овозможат евакуација.
19:00 Русија негира дека ја бомбардирала детската болница во Мариупол
Руското Министерство за одбрана денеска негираше дека руските сили ден претходно бомбардирале породилиште и детска болница во украинскиот град Мариупол, обвинувајќи ја Украина за „исценирани провокации“.
18:50 Европската централна банка смета дека инфлацијата ќе биде многу повисока од очекуваното
Европската централна банка (ЕЦБ) ги зголеми проекциите за инфлацијата во еврозоната
18:30 Зеленски: Русија сака Украинците да клечат и да ги молат за леб и вода
Во своето денешно обраќање, претседателот на Украина, Володимир Зеленски ги повика украинските партнери ширум светот да донесат решенија засновани на реалноста, а не на апстрактни мислења. Тој рече дека Русија сака да го понижи украинскиот народ и да го натера да клекне и да моли за да леб и вода.
„Ние не станавме робови и никогаш нема да станеме – затоа што ова е нашиот дух и ова е нашата судбина“, нагласи Зеленски.
18.20 Русија: Нуклеарната војна е невозможна бидејќи би значела крај на цивилизацијата
Нуклеарната војна е невозможна бидејќи би значела крај на цивилизацијата, изјави денеска заменик-директорот на Одделот за контрола на оружјето при Министерството за надворешни работи на Русија, Игор Вишњевецки.
18:00 Фон дер Лајен: Ова е одлучувачки момент за Европа
„На овој самит ќе ја преиспитаме европската одбрана. Ќе ја преиспитаме енергијата. Треба да се ослободиме од нашата зависност од руските фосилни горива, а за тоа ни се потребни големи инвестиции во обновливите извори на енергија. Ова е исто така стратешка инвестиција во нашата безбедност и независност“
17:37 Руската инвазија досега и’ нанела на Украина штета од најмалку 100 милијарди долари
Советникот на украинската влада за економија Олег Устенко изјави дека руските сили досега предизвикале штета на украинската инфраструктура, згради и друг имот од најмалку 100 милијарди американски долари.
Устенко на онлајн состанок рече дека 50 отсто од украинските компании се целосно затворени поради војната, додека другата половина работат далеку под капацитетот.
17:20 Заменик градоначалникот на Мариупол: Од улиците собравме 1.207 тела
Заменик-градоначалникот на Мариупол, украинскиот пристанишен град под опсада на руската армија, вели дека не знае колку луѓе загинале во руските напади, но последната бројка е 1.207.
„Ова се само тела што ги подигнавме од улиците“, изјави Серхи Орлов за Би-Би-Си.
16:30 Путин за санкциите: Западот ни создаде проблем, но ние ќе го решиме
Путин рече дека на долг рок Русија „ќе биде уште понезависна и посуверена“.
16:20 Порошенко: Путин е воен злосторник и треба да заврши во Хаг
– Мојата лична порака до Путин е: Внимателно проучете го случајот на Слободан Милошевиќ бидејќи ќе седите на истатата обвинителна клупа, наведе Порошенко.
16:10 Руски генерал: САД експертиментираат со животни во Украина за да ги заразат Русите со ковид
Игор Конашенков, портпарол на руското Министерство за одбрана и генерал, денеска за медиумите изјави дека во Украина има лаборатории финансирани од САД и дека тие експериментираат со коронавирус добиен од лилјаци.
„Руските експерти од Одделот за радијациона заштита, хемиска и биолошка заштита ги проучуваа документите за трансферот на човечки биоматеријали земени од Украина во странски земји под водство на американски претставници. Од особен интерес беа деталните информации за спроведувањето на американскиот проект на територија на Украина за изучување на преносот на патогени на дивите птици кои мигрираат меѓу Украина и Русија и другите соседни земји“, рече Конашенков.
Тој наведува дека целта на ова и на други биолошки истражувања финансирани од Пентагон во Украина е да се создаде механизам за прикриена дистрибуција на смртоносните патогени.
15:58 Црвен крст: Луѓето во Мариупол се напаѓаат едни со други за храна
Црвениот крст ја опиша ситуацијата во Мариупол како катастрофална. Во Мариупол со денови паѓаат бомби и гранати, а Русите вчера ги бомбардираа родилиштето и детската болница во овој град.
14:28 Владимир Кличко со порака: Најболно е што жртвите на војната се деца, срцето ми крвари
Легендарниот боксер Владимир Кличко уште еднаш се огласи на социјалните мрежи. Владимир, заедно со неговиот брат Виталиј, градоначалникот на Киев, се приклучи на украинската војска.
„Само што видов неколку фотографии. Срцето ми крвари. Да се напаѓаат деца значи да се напаѓа животот, самата цивилизација“, рече Кличко.
13:35 Песков: Западот води економска војна против Русија
Портпаролот на Кремљ Дмитриј Песков денеска изјави дека економските санкции против Русија се сосема без преседан и го обвини Западот дека води економска војна против неговата земја.
13:20 Украина: Русите повторно го бомбардираа Мариупол
Градскиот совет на Мариупол соопшти дека руските трупи продолжиле да го бомбардираат овој град.
Снимката од бомбардирањето ја објави националната новинска агенција на Украина, Укринформ.
Хуманитарниот конвој кој се обидувал да стигне до градот на југоистокот на земјата морал да се врати поради бомбардирањето, пренесе Ројтерс.
13:30 Лавров: Светот е изманипулиран, не ја нападнавме Украина, им помагаме на цивилите
Рускиот министер за надворешни работи Сергеј Лавров предупреди дека светот е изманипулиран и дека Русија не ја нападнала Украина, туку дека тие им помагале на цивилите. Тој нагласи дека Западот користи опасни потези и дека Русија го гледа тоа.
„ Потезите на Западот се опасни, тоа го гледаме. Ние не ја нападнавме Украина, не планираме да нападнеме ниту други земји. Нашата безбедност е загрозена. Сакавме да разговараме, но никој не не слушаше. Ние никому нема да ги оправдуваме нашите постапки во Украина, ниту пред НАТО. Нема да гледаме како се гради нацистичката нација во Украина. Сакаме Украина да остане неутрална, ова го кажа претседателот Путин многупати“ порача Лавров.
Премиерот на Обединетото Кралство Борис Џонсон се огласи откако британската влада воведе санкции за седум руски олигарси, меѓу кои и Роман Абрамович
12.40 Британската влада го замрзна имотот на Роман Абрамович
Роман Абрамович, сопственикот на Челзи, е еден од седумте руски олигарси санкционирани од британската влада
12.30 Moжеме и сами да правиме плескавици – Медведев за заминувањето на „Мекдоналдс“ од Русија
Заменик-претседателот на Советот за безбедност на Руската Федерација, Дмитриј Медведев, денеска се прости од Мекдоналдс, велејќи дека во Русија знаат да прават плескавици и кифлички
12.20 Украинските бегалци продолжуваат да преминуваат во Романија
Многу граѓани кои ја напуштија Украина по рускиот напад продолжуваат да преминуваат во Романија преку граничниот премин Сирет во близина на градот Сучеава
12.10 Олаф Шолц и Емануел Макрон побараа од Путин итен прекин на огнот
Германскиот канцелар Олаф Шолц и францускиот претседател Емануел Макрон повикаа на итен прекин на огнот во Украина за време на телефонскиот разговор со рускиот претседател Владимир Путин
12.00 Песков: Секој што вооружен ќе нападне наш војник станува мета
Украинскиот претседател Володимир Зеленски потпиша закон со кој им се дозволува на сите граѓани на Украина да користат оружје за време на војната, а од Москва стигна предупредување дека секој што ќе ги нападне нивните војници ќе стане мета
11:45 Лавров: Денешната средба покажа дека нема алтернатива за разговорот
Зборувајќи за руската страна, тој рече дека приказната за хуманитарните коридори се уште е „на маса“, и да се разговара кои патишта се најбезбедни.
„ За време на последната рунда разговори руската страна излезе со конкретни предлози, а украинската не увери дека ќе даде конкретен одговор. Сакаме сериозно да разговараме за работите“, рече Лавров.
Тој рече дека е важно сериозно да се зборува за ситуацијата, а за тоа се зборува и денеска.
11.10 Заврши средбата Лавров и Кулеба: Постигнат ли некаков договор?
Само што заврши средбата меѓу министрите за надворешни работи на Русија и Украина, Сергеј Лавров и Дмитриј Кулеба.
10.50 Песков: Секој што вооружен ќе нападне наш војник станува мета
Украинскиот претседател Володимир Зеленски потпиша закон со кој им се дозволува на сите граѓани на Украина да користат оружје за време на војната, а од Москва стигна предупредување дека секој што ќе ги нападне нивните војници ќе стане мета
10.40 Лукашенко: Мора да спречите каков било напад врз Русите
Белорускиот претседател Александар Лукашенко им нареди на белоруските експерти да обезбедат снабдување со електрична енергија во нуклеарната централа Чернобил во Украина, пренесува белоруската агенција Белта
10.30 Денеска вонреден состанок на министрите за енергетика на Г7
Министрите за енергетика на Групата седум денеска ќе разговараат што друго може да направи Западот за да ја намали зависноста од руската нафта и гас, најави британскиот министер за енергетика, Квази Квартенг
10.20 Се повеќе официјални лица предупредуваат на опасност од „Трета светска војна“
Шефот на австриската дипломатија Александар Шаленберг вели дека не е оптимист дека украинската криза може да се стави крај преку дипломатија и предупредува на опасноста од избувнување на Третата светска војна
10.10 З како Зеленски: Карикатура на британскиот „Тајмс“
Британскиот „Тајмс“ направи интересна карикатура на која се гледа како украинскиот претседател Володимир Зеленски храбро стои пред тенкот предводен од рускиот лидер Владимир Путин, а потоа го свиткува својот топ за да ја формира буквата „З“
10.00 Украина и Русија очи во очи – почна средбата Кулеба и Лавров
Рускиот министер за надворешни работи Сергеј Лавров денеска се сретна со неговиот украински колега Дмитриј Кулеба во Турција, јавува „Ројтерс“
09:50 Белата куќа: Русија би можела да употреби хемиско оружје во Украина
Белата куќа ги отфрли руските тврдења за нелегален развој на хемиско оружје во Украина, кое ја нападнало Москва.
Оваа недела портпаролката на руското Министерство за надворешни работи, Марија Захарова ја обвини Украина дека има лаборатории со хемиско и биолошко оружје со поддршка на САД. Прес секретарот на Белата куќа Џен Псаки ги нарече руските тврдења „бесмислени“ и додаде дека тоа би можело да биде обид на Русија да создаде основа за сопствена употреба на такво оружје за масовно уништување против Украина.
Also, Russia has a track record of accusing the West of the very violations that Russia itself is perpetrating. In December, Russia falsely accused the U.S. of deploying contractors with chemical weapons in Ukraine.
— Jen Psaki (@PressSec) March 9, 2022
9:00 (Видео) Денишенко: Украина тргна во контранапад во одбрана на Киев
Украинската армија започна контранапад на руските сили со цел да го одбрани главниот град Киев, објави украинскиот јавен сервис „Сусплајн“, цитирајќи го советникот на министерот за внатрешни работи, Вадим Денишенко
8:40 Поранешен руски министер за надворешни работи: Путин не е разумен, нема да ја добие војната
Поранешниот министер за надворешни работи на Руската Федерација Андреј Козирев остро ја критикуваше војната на неговата земја во Украина.
8:35 Повеќе од 10.000 луѓе вчера беа евакуирани од градовите во близина на Киев
Повеќе од 10.000 луѓе вчера беа безбедно евакуирани од опколените села и градови низ главниот град на Украина
Руски воени авиони извршија напади во текот на ноќта врз североисточниот град Охтирк, во регионот Суми, изјави висок локален претставник.
8:25 Рускиот конвој постигна напредок кон Министерството за одбрана
Рускиот конвој долг 40 милји во северозападниот дел на главниот град на Киев постигна „мал напредок“ за повеќе од една недела благодарение на украинската војска, соопшти Министерството за одбрана
8:20 Русија: Веста за бомбардирањето на детска болница е лажна
Русија ги опиша тврдењата на Украина дека го извршила ужасното бомбардирање на детската болница во Мариупол како „лажни вести“, велејќи дека зградата повеќе не е породилиште и дека одамна била преземена од војници
8:10 Зеленски: Европејците мора да се обединат, Русија врши геноцид врз Украинците
Украинскиот претседател Володимир Зеленски оцени дека бомбардирањето на педијатриската болница во Мариупол е воено злосторство
Денеска Турција ќе биде домаќин на состанокот на министрите за надворешни работи на Русија и Украина Сергеј Лавров и Дмитриј Кулеба. Тоа ќе биде нивна прва средба од почетокот на руската инвазија на Украин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Данска ќе обезбеди четири борбени авиони Ф-35 за мисијата на НАТО во Арктикот
Данска ќе обезбеди четири борбени авиони Ф-35 за мисијата на НАТО „Арктички стражар“, изјави данскиот министер за одбрана Троелс Лунд Поулсен.
НАТО во среда објави дека ја започнал мисијата за зајакнување на своето присуство на Арктикот, како дел од напорите за намалување на тензиите во рамките на алијансата предизвикани од желбата на американскиот претседател Доналд Трамп да ја преземе контролата врз Гренланд од Данска.
„Нашиот придонес (со борбени авиони Ф-35) го зајакнува целокупното присуство во регионот и ја нагласува улогата на Данска како активен сојузник на Арктикот и Северниот Атлантик“, рече Поулсен во соопштението.
Министерот им рече на новинарите пред Минхенската безбедносна конференција дека очекува и САД да придонесат во мисијата на НАТО.
НАТО започна со планирање на мисијата откако Трамп и генералниот секретар Марк Руте се сретнаа во Давос минатиот месец. По таа средба, Трамп ги повлече заканите за царини за европските земји и ја исклучи употребата на сила за преземање на контролата врз Гренланд.
Руте и Трамп се согласија во Давос дека НАТО треба да преземе поголема одговорност во Арктикот, со оглед на руските и кинеските амбиции во областа.
Европа
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени во музејот и туристички водичи кои ги таргетирале кинеските посетители во шема што вклучувала продажба на лажни билети и пререзервирање на тури со водичи, објавува „Еуроњуз“.
Според францускиот весник „Ле Паризиен“, полицијата ги уапси осомничените во вторник откако раководството на Лувр пријавило „неправилности“. За време на операцијата, запленети се три возила, 130.000 евра во готово и замрзнати се речиси 200.000 евра на банкарски сметки. Откриени се и неколку банкарски сефови со големи суми готовина.
Раководството на музејот во соопштението наведува дека сега „воспоставило структуриран план против измами врз основа на мапирање на измами, серија превентивни и куративни мерки, правни, технички и контролни мерки и следење на резултатите“.
Апсењата следат по низа лоши вести за најпопуларниот музеј во светот и една од најпочитуваните институции во Франција. Од минатиот месец, Лувр е принуден делумно да ги затвора вратите за посетители секоја недела поради штрајк на персоналот незадоволен од платите и условите за работа.
Протестите започнаа кон крајот на минатата година по објавувањето на осудувачки владин извештај за безбедносните пропусти, кои беа откриени по дрскиот грабеж на француските крунски скапоцености во октомври.
Европа
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија отколку да ги принуди Украинците да прифатат лош договор.
Американското списание објави растечка загриженост кај некои членови на внатрешниот круг на Зеленски дека неговиот прозорец за решение се затвора и дека Украина би можела да се соочи со години континуиран, мачен конфликт доколку не се постигне договор за завршување на војната оваа пролет.
Зеленски беше цитиран како вели дека претпочита да не прифати „договор отколку да го принуди својот народ да прифати лош“.
„Дури и по (скоро) четири години интензивно војување, тој вели дека е подготвен да продолжи да се бори доколку е потребно за да обезбеди достоинствен и траен мир“, се вели во статијата, забележувајќи дека Зеленски рекол дека „Украина не губи“ кога бил прашан за неговата проценка на позицијата на Киев на фронтот.
Два круга трилатерални преговори меѓу Русија, Украина и САД се одржаа во главниот град на Обединетите Арапски Емирати, Абу Даби, на 23 и 24 јануари и на 4 и 5 февруари.
Во понатамошните коментари за списанието, Зеленски рече дека „нема поголема победа“ за американскиот претседател Доналд Трамп од наоѓање решение за војната меѓу Русија и Украина.
„За неговото наследство, ова е број 1“, рече тој, додавајќи дека постигнувањето такво решение пред американските меѓуизбори во ноември би била „најдобрата ситуација“ за Трамп.
„Да, тој сака помалку смрт. Но, ако вие и јас разговараме како возрасни, тоа е само победа за него, политичка“, додаде тој.
Коментарите дојдоа откако Зеленски им рече на новинарите за време на викендот дека САД инсистираат на решавање на војната меѓу Русија и Украина „до почетокот на ова лето“ и дека Вашингтон „веројатно ќе изврши притисок врз страните во согласност со овој распоред“.
Во изјавите објавени од украинските медиуми, тој рече дека Киев разбира дека „внатрешните проблеми“ во САД влијаат на овој рок, особено со почетокот на кампањата за меѓуизборите подоцна оваа година.
Цвета Ристовска поднесе оставка од Антикорупциската комисија: „Никогаш немав намера да прикријам информација“
Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, која ја доставила до...
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено...
Манасиевски: Обвинителката Кадриу сведочи дека Филипче немал ниту елаборат за струја за модуларната болница во Тетово
Членот на Централниот комитет на ВМРО-ДПМНЕ, Валентин Манасиевски, на денешната прес-конференција изјави дека, според сведоштвото на поранешната обвинителка Лејла Кадриу,...
Мицкоски во Германија: Разговараме и привлекуваме реномирани светски компании кои веруваат во потенцијалот на нашата држава
Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови...
(Фото) Инспекциска акција во Центар, нема да толерираме диви депонии и небезбедни напуштени објекти, порача Герасимовски
Инспекциските служби на општина Центар започнаа со расчистување на два напуштени објекти на улиците „Тетовска“ бр. 20 во Ново Маало...
По информациите за енормно загадување на водата за пиење во Струга, обвинителството оформи предмет
Во врска со информациите за енормно загадување на водата за пиење и за основни животни потреби на подрачјето на градот...
(Видео) Страшна сообраќајна несреќа во Сараево: 23-годишник загина кога го удри трамвај на станица
Окружното обвинителство на Сараево денес ја продолжи истрагата за околностите околу тешката сообраќајна несреќа што се случи претходниот ден кога...
„Филипче ја составил документацијата за модуларната болница во Тетово без елаборат за електрична енергија, кој ќе сноси одговорност за техничките пропусти поради кои загинаа 14 луѓе“, прашува ВМРО-ДПМНЕ
„Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во...
Поголем пристап до американскиот пазар, Македонија и САД усогласија рамка за договор за реципрочна, фер и балансирана трговија, соопшти МНР
Република Северна Македонија и Соединетите Американски Држави усогласија Заедничка изјава и Рамка за договор за реципрочна, фер и балансирана трговија,...
Шефот на Пентагон им порача на членките на НАТО да ги зајакнат своите борбени капацитети
Високиот функционер на Пентагон, Елбриџ Колби, им порача на европските министри за одбрана во Брисел дека мора да ги зајакнат...
Рубио во пресрет на Минхенската конференција: Стариот свет повеќе не постои, време е да се стави крај на војната во Украина
Државниот секретар на САД, Марко Рубио, изјави дека Соединетите Американски Држави интензивно работат на завршување на конфликтот во Украина, нагласувајќи...
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени...
Трамп сè уште одбива да се извини за видеото на кое Обама и неговата сопруга се прикажани како мајмуни
Доналд Трамп продолжи да ги игнорира широко распространетите критики за расистичкото видео објавено на неговиот профил на социјалните мрежи минатата...
Нови е-пораки откриваат: Епстин нарачал скриени камери за куќата во Флорида
Објавена е преписка од е-мејл од 2014 година на која се гледа како осудениот сексуален престапник Џефри Епстин бара од...
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија...
„Не сум магионичар“: Кос за идејата сите земји од Западен Балкан да влезат во ЕУ одеднаш
„Живееме во геополитички чувствително време. Може да има мир во Украина и тоа ќе донесе нова реалност во Европа“, изјави...
Касами: Собранието го разреши раководството на партијата, важен чекор кон спојување на ВЛЕН во еден субјект
Централното собрание на Движењето Беса со мнозинство гласови ја одобри одлуката за распуштање на Централното претседателство на Движењето Беса, во...
Скандал во ЕУ: полицијата упадна во просториите на Европската комисија
Белгиската полиција спроведе претрес во просториите на Европската комисија во Брисел. Станува збор за истрага за можни неправилности во продажбата...
ССМ: Ако газдите не се одважат да дадат дел од колачот на работниците, ќе бидеме приморани секојдневно да бидеме на улица
Сојузот на синдикати на Македонија (ССМ) денес напладне ги блокираше стопанските комори во Скопје кои одбиваат да се согласат минималната...
Трендафилов треба да ѝ се извини на Стојановска, смета Мицкоски: Со крвави зеници и белки во очите напаѓа мајки, сестри и сопруги
Ниту истраги од МВР и Обвинителството ниту одземање на имунитетот, премиерот Христијан Мицкоски смета дека претседателот на Сојузот на синдикати...
