Европа
(Од минута во минута) Русија лансираше интерконтинентална ракета; маринец: Мариупол наскоро би можел да падне
Специјалната операција на руската армија во Украина денеска влезе во својот 56. ден
Клучни настани:
- Руското Министерство за одбрана го објави успешното лансирање на интерконтиненталната балистичка ракета „Сармат“ на космодромот Плесецк
- Градоначалникот на Мариупол ги повика цивилите од тој разурнат град да се евакуираат со автобуси. Украина претходно објави дека е договорен хуманитарен коридор.
- Рокот за рускиот ултиматум за предавање на последните борци на Мариупол истече, засега нема знаци дека украинските ловци се предале. Заменик градоначалникот вели дека е „апсолутно сигурен“ дека преостанатите бранители нема да се предадат.
- Командантот на маринците во Азовстал, производител на челик во Мариупол, упати очајнички апел до светот за помош.
- Западните земји и САД најавија нови пакети воена помош за Украина, вклучувајќи тешко вооружување
- Зеленски предложи ослободување на руските воени заробеници во замена за безбедно минување на цивилите и украинските војници од Мариупол
Од минута во минута:
19:30 Германијa: До крајот на годината ќе престанеме да увезуваме нафта од Русија
Германија ќе престане да увезува нафта од Русија до крајот на годината, изјави германската министерка за надворешни работи Аналена Баербок по средбата со нејзините балтички колеги, пренесе Ројтерс.
Ќе ги ослободиме руските затвореници во замена за безбеден премин од Мариупол, предложи до Русите, украинскиот претседател Володимир Зеленски по посетата на претседателот на Европскиот совет, Шарл Мишел.
Зеленски потврди дека е подготвен да ги ослободи руските воени заробеници во замена за безбедно минување на цивилите и украинските војници од Мариупол.
18:00 (Видео) Русија лансираше интерконтинентална балистичка ракета
Руското Министерство за одбрана го објави успешното лансирање на интерконтиненталната балистичка ракета „Сармат“ на космодромот Плесецк.
„Задачите за лансирање се завршени. Дизајнерските карактеристики беа потврдени во сите фази од неговиот лет. Боевите глави за обука пристигнаа во одредена област на полигонот Кура на полуостровот Камчатка“, соопшти агенцијата РИА.
Рускиот претседател Владимир Путин го опиша лансирањето како успешно.
16:30 Маринец од опколената челичарница: Мариупол наскоро би можел да падне
Украински маринец од опколената фабрика за челик Азовстал во кратко интервју за „Скај њуз“ изјави дека руските сили кои ја опколиле челичарницата биле 10 пати побројни од бранителите.
Мајорот Сергеј Волина, кој ја презеде улогата на портпарол на неговата единица, рече дека условите во фабриката за челик се ужасни, но инсистираше на тоа дека моралот и понатаму е висок.
„Моралот на борците што го бранат Мариупол е сè уште висок. Се бориме. Јасно е дека имаме многу мртви и ранети“, рече Волина.
16:00 Зеленски за Ле Пен: Ако таа сфати дека е измамена нашиот однос може да се промени
Украинскиот претседател Володимир Зеленски ја повика француската претседателска кандидатка Марин Ле Пен, која е критикувана за нејзината блискост со Русија, да признае дека се излажала, додавајќи и дека не сака да ги загуби односите со Емануел Макрон, кој исто е претседателски кандидат.
„Ако кандидатката сфати дека се излажала, нашиот однос може да се промени“, изјави Зеленски за BMFTV.
„Но“, продолжи Зеленски, „не сум убеден дека имам право да влијаам на она што се случува кај вас“.
14:55 „Блумберг“: Упатени извори стравуваат дека Путин би можел да употреби нуклеарно оружје
Изворите тврдат дека рускиот претседател сè повеќе се потпира на сè помал круг на тврдокорни советници. Тие тврдат и дека Путин наводно ги отфрлил предупредувањата за катастрофалните економски и политички последици од војната во Украина.
Некои упатени во Кремљ сè повеќе се плашат дека Путин, доколку се соочи со пораз во Украина, би можел да прибегне кон употреба на нуклеарно оружје, наведува „Блумберг“.
13:30 Истече рокот на рускиот ултиматум за предавање на украинските сили во Мариупол
Во 13 часот по наше време истече рокот за ултиматумот што Русија им го постави на преостанатите украински бранители на Мариупол.
За потсетување, Русите побараа од преостанатите бранители на Мариупол да го положат оружјето. Засега нема знаци дека Украинците кои го бранат Мариупол се предале. Украинските маринци и членовите на баталјонот Азов се во фабриката за челик „Азовстал“, која е опкружена со голем број руски војници.
Утринава командантот на украинските маринци во „Азовстал“ преку видео-порака изјави дека е можно на бранителите да им остануваат само денови или часови.
11:35 Русите објавија фотографија: Петмина украински борци излегоа од „Азовстал“ и се предадоа
„Петмина припадници на вооружените сили на Украина го положија оружјето и доброволно го напуштија подрачјето на фабриката за челик ‘Азовстал’, користејќи ја понудата на Народната милиција на ДНР и вооружените сили на Руската Федерација“, соопшти руското Министерство за одбрана, а пренесе агенцијата РИА.
Во соопштението на руското министерство се наведува дека украинските војници дознале за понудата од специјалните летоци фрлени во индустриската зона. Оваа информација не е независно потврдена.
11.20 Шарл Мишел во ненајавена посета на Киев
Претседателот на Европскиот совет Шарл Мишел денеска пристигна во Киев, каде во текот на денот ќе се сретне со украинскиот претседател Володимир Зеленски. Мишел објави твит со фотографија од неговото пристигнување на железничката станица во Киев. „Денес во Киев, во срцето на слободна и демократска Европа“, напиша Шарл Мишел на Твитер.
In Kyiv today.
In the heart of a free and democratic Europe. @ZelenskyyUa pic.twitter.com/7DxTeoxtMc
— Charles Michel (@eucopresident) April 20, 2022
10:57 Млади Етиопјани чекаат пред руската амбасада, наводно сакаат да се борат против Украина
Пред руската амбасада во главниот град Адис Абеба се собираат голем број млади Етиопјани, а се шират информации дека Русите регрутираат војници за војната во Украина. Многу Етиопјани се видени како во амбасадата носат лични документи.
Млад човек кој чекал на влезот, за Би-би-си изјавил дека бара добра плата како војник или да добие друга работа. Русија, сепак, ги негира информациите, а властите велат дека регрутирање во Етиопија не е во тек, односно дека многумина едноставно покажуваат солидарност кон Русија.
Dozens of young men have gathered in front of #Russia Embassy in #Ethiopia capital Addis Ababa for a 2nd day after rumours circulated that soldiers are being recruited to take part in the war in #Ukraine
But embassy’s spokesperson Maria Chernukhina says there’s no recruitment. pic.twitter.com/c7akDcmz4x— Roncliffe Odit (@RoncliffeOdit) April 19, 2022
10:37 Захарова: Лондон им сврте грб на Британците заробени во Донбас
Oд Лондон во секунда им свртеа грб на „британските платеници“ кои беа заробени во Донбас, изјави денеска портпаролката на руското Министерство за надворешни работи, Марија Захарова.
„Тие со невидена леснотија ги напуштаат нивните државјани кои се таму заробени, мислам на британските граѓани во Украина“, изјави Захарова за радиото „Спутник“, а пренесува РИА Новости.
8:55 Руски милијардер ја осуди војната во Украина: Лудата војна никому не му користи
Рускиот милијардер Олег Тинков, основачот на интернет-банката Тинков, на Инстаграм ја осуди оваа „безумна“ руска војна во Украина
8:40 Зеленски: Украина веќе би ја завршила војната доколку имаше подобро оружје
Украинскиот претседател Володимир Зеленски изјави дека Украина „веќе би ја завршила војната со Русија“ доколку имала пристап до подобро оружје, како што е она што го користи Русија.
8:30 Украински командант во Мариупол: Можеби ги живееме нашите последни денови, дури и часови
Командантот на украинските трупи под руска опсада во Мариупол ја повика меѓународната заедница да ги повлече од опколениот град и, во порака објавена на Фејсбук во средата, рече дека „можеби ги живеат последните денови, па дури и часови“.
8:20 Русија им постави нов ултиматум на бранителите на Мариупол
Руските вооружени сили, засновани исклучиво на хуманитарни принципи, повторно предлагаат борците на националистичките баталјони и странските платеници да ги прекинат воените операции од 14 часот по московско време и да го положат оружјето – соопшти руското Министерство за одбрана
8:10 Шолц: Путин е одговорен за смртта на неколку илјади цивили во Украина
Германскиот канцелар додаде дека рускиот претседател Владимир Путин е одговорен за „воените злосторства“ во Украина, каде што беа убиени неколку илјади цивили
8:00 САД и ЕУ се подготвени да воведат дополнителни санкции кон Русија
Соединетите Држави и Европската Унија постигнаа „широк консензус за потребата од зголемување на притисокот врз Кремљ, особено преку воведување дополнителни санкции“, соопшти вечерва италијанската влада
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Данска ќе обезбеди четири борбени авиони Ф-35 за мисијата на НАТО во Арктикот
Данска ќе обезбеди четири борбени авиони Ф-35 за мисијата на НАТО „Арктички стражар“, изјави данскиот министер за одбрана Троелс Лунд Поулсен.
НАТО во среда објави дека ја започнал мисијата за зајакнување на своето присуство на Арктикот, како дел од напорите за намалување на тензиите во рамките на алијансата предизвикани од желбата на американскиот претседател Доналд Трамп да ја преземе контролата врз Гренланд од Данска.
„Нашиот придонес (со борбени авиони Ф-35) го зајакнува целокупното присуство во регионот и ја нагласува улогата на Данска како активен сојузник на Арктикот и Северниот Атлантик“, рече Поулсен во соопштението.
Министерот им рече на новинарите пред Минхенската безбедносна конференција дека очекува и САД да придонесат во мисијата на НАТО.
НАТО започна со планирање на мисијата откако Трамп и генералниот секретар Марк Руте се сретнаа во Давос минатиот месец. По таа средба, Трамп ги повлече заканите за царини за европските земји и ја исклучи употребата на сила за преземање на контролата врз Гренланд.
Руте и Трамп се согласија во Давос дека НАТО треба да преземе поголема одговорност во Арктикот, со оглед на руските и кинеските амбиции во областа.
Европа
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени во музејот и туристички водичи кои ги таргетирале кинеските посетители во шема што вклучувала продажба на лажни билети и пререзервирање на тури со водичи, објавува „Еуроњуз“.
Според францускиот весник „Ле Паризиен“, полицијата ги уапси осомничените во вторник откако раководството на Лувр пријавило „неправилности“. За време на операцијата, запленети се три возила, 130.000 евра во готово и замрзнати се речиси 200.000 евра на банкарски сметки. Откриени се и неколку банкарски сефови со големи суми готовина.
Раководството на музејот во соопштението наведува дека сега „воспоставило структуриран план против измами врз основа на мапирање на измами, серија превентивни и куративни мерки, правни, технички и контролни мерки и следење на резултатите“.
Апсењата следат по низа лоши вести за најпопуларниот музеј во светот и една од најпочитуваните институции во Франција. Од минатиот месец, Лувр е принуден делумно да ги затвора вратите за посетители секоја недела поради штрајк на персоналот незадоволен од платите и условите за работа.
Протестите започнаа кон крајот на минатата година по објавувањето на осудувачки владин извештај за безбедносните пропусти, кои беа откриени по дрскиот грабеж на француските крунски скапоцености во октомври.
Европа
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија отколку да ги принуди Украинците да прифатат лош договор.
Американското списание објави растечка загриженост кај некои членови на внатрешниот круг на Зеленски дека неговиот прозорец за решение се затвора и дека Украина би можела да се соочи со години континуиран, мачен конфликт доколку не се постигне договор за завршување на војната оваа пролет.
Зеленски беше цитиран како вели дека претпочита да не прифати „договор отколку да го принуди својот народ да прифати лош“.
„Дури и по (скоро) четири години интензивно војување, тој вели дека е подготвен да продолжи да се бори доколку е потребно за да обезбеди достоинствен и траен мир“, се вели во статијата, забележувајќи дека Зеленски рекол дека „Украина не губи“ кога бил прашан за неговата проценка на позицијата на Киев на фронтот.
Два круга трилатерални преговори меѓу Русија, Украина и САД се одржаа во главниот град на Обединетите Арапски Емирати, Абу Даби, на 23 и 24 јануари и на 4 и 5 февруари.
Во понатамошните коментари за списанието, Зеленски рече дека „нема поголема победа“ за американскиот претседател Доналд Трамп од наоѓање решение за војната меѓу Русија и Украина.
„За неговото наследство, ова е број 1“, рече тој, додавајќи дека постигнувањето такво решение пред американските меѓуизбори во ноември би била „најдобрата ситуација“ за Трамп.
„Да, тој сака помалку смрт. Но, ако вие и јас разговараме како возрасни, тоа е само победа за него, политичка“, додаде тој.
Коментарите дојдоа откако Зеленски им рече на новинарите за време на викендот дека САД инсистираат на решавање на војната меѓу Русија и Украина „до почетокот на ова лето“ и дека Вашингтон „веројатно ќе изврши притисок врз страните во согласност со овој распоред“.
Во изјавите објавени од украинските медиуми, тој рече дека Киев разбира дека „внатрешните проблеми“ во САД влијаат на овој рок, особено со почетокот на кампањата за меѓуизборите подоцна оваа година.
Градоначалникот Ќура ангажирал фирма што ќе утврди зошто е загадена водата во Струга
Градоначалникот на Струга, Менди Ќура, најави дека на 16 февруари приватна институција од Скопје ќе ги утврдува причините за загадувањето...
Осомничениот за убиството за жената од Челопек е поврзан и со други кривични дела
Јавен обвинител од Основното јавно обвинителство Куманово изврши увид на лице место во селото Челопек, каде беше пронајдено безживотно тело...
Убиство во Челопек, 78-годишна жена задушена со перница
Полицијата уапси дваесет и петгодишен жител на село Малотино од општина Старо Нагоричане, осомничен за убиство на седумдесет и осумгодишна...
Љубов или вино: што навистина славиме на 14 февруари?
Секој 14 февруари, истата ситуација – некои го препознаваат само Свети Трифун, додека други го сметаат Свети Валентин, или Денот...
Цвета Ристовска поднесе оставка од Антикорупциската комисија: „Никогаш немав намера да прикријам информација“
Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, која ја доставила до...
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено...
Манасиевски: Обвинителката Кадриу сведочи дека Филипче немал ниту елаборат за струја за модуларната болница во Тетово
Членот на Централниот комитет на ВМРО-ДПМНЕ, Валентин Манасиевски, на денешната прес-конференција изјави дека, според сведоштвото на поранешната обвинителка Лејла Кадриу,...
Мицкоски во Германија: Разговараме и привлекуваме реномирани светски компании кои веруваат во потенцијалот на нашата држава
Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови...
(Фото) Инспекциска акција во Центар, нема да толерираме диви депонии и небезбедни напуштени објекти, порача Герасимовски
Инспекциските служби на општина Центар започнаа со расчистување на два напуштени објекти на улиците „Тетовска“ бр. 20 во Ново Маало...
По информациите за енормно загадување на водата за пиење во Струга, обвинителството оформи предмет
Во врска со информациите за енормно загадување на водата за пиење и за основни животни потреби на подрачјето на градот...
(Видео) Страшна сообраќајна несреќа во Сараево: 23-годишник загина кога го удри трамвај на станица
Окружното обвинителство на Сараево денес ја продолжи истрагата за околностите околу тешката сообраќајна несреќа што се случи претходниот ден кога...
„Филипче ја составил документацијата за модуларната болница во Тетово без елаборат за електрична енергија, кој ќе сноси одговорност за техничките пропусти поради кои загинаа 14 луѓе“, прашува ВМРО-ДПМНЕ
„Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во...
Поголем пристап до американскиот пазар, Македонија и САД усогласија рамка за договор за реципрочна, фер и балансирана трговија, соопшти МНР
Република Северна Македонија и Соединетите Американски Држави усогласија Заедничка изјава и Рамка за договор за реципрочна, фер и балансирана трговија,...
Шефот на Пентагон им порача на членките на НАТО да ги зајакнат своите борбени капацитети
Високиот функционер на Пентагон, Елбриџ Колби, им порача на европските министри за одбрана во Брисел дека мора да ги зајакнат...
Рубио во пресрет на Минхенската конференција: Стариот свет повеќе не постои, време е да се стави крај на војната во Украина
Државниот секретар на САД, Марко Рубио, изјави дека Соединетите Американски Држави интензивно работат на завршување на конфликтот во Украина, нагласувајќи...
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени...
Трамп сè уште одбива да се извини за видеото на кое Обама и неговата сопруга се прикажани како мајмуни
Доналд Трамп продолжи да ги игнорира широко распространетите критики за расистичкото видео објавено на неговиот профил на социјалните мрежи минатата...
Нови е-пораки откриваат: Епстин нарачал скриени камери за куќата во Флорида
Објавена е преписка од е-мејл од 2014 година на која се гледа како осудениот сексуален престапник Џефри Епстин бара од...
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија...
„Не сум магионичар“: Кос за идејата сите земји од Западен Балкан да влезат во ЕУ одеднаш
„Живееме во геополитички чувствително време. Може да има мир во Украина и тоа ќе донесе нова реалност во Европа“, изјави...
