Европа
(Од минута во минута) Кина застана на страната на Русија, Германија му се закани на Путин за гасот
Денес е 28. ден од руската инвазија на Украина
Клучни настани
Германија му се закани на Путин за гасот
Кина застана на страната на Русија – не го поддржува предлогот на САД
Русите уништија вредна лабораторија во Чернобил
Зеленски за пеколот во опколениот Мариупол: Тие се без храна, вода и лекови
Над 120 деца загинале во Украина
Договорено е примирје во Луганск
Од минута во минута
21:37 Шолц: НАТО нема да војува против Русија
Украина може да смета на германската поддршка, но НАТО сигурно нема да војува со Русија, изјави германскиот канцелар Олаф Шолц.
Во Бундестагот побара поддршка од опозицијата за опремување на армијата.
21:29 Зеленски побарал од Бајден да не го санкционира Абрамович
Украинскиот претседател Володимир Зеленски го замолил претседателот Џо Бајден во телефонски разговор да не воведува санкции за рускиот олигарх Роман Абрамович бидејќи може да се покаже како корисен посредник во мировните преговори со Москва, пишува „Волстрит џурнал“.
20:35 САД утре ќе ги објават новите санкции против Русија
САД утре ќе објават нови пакет-санкции против руските политичари и олигарси кога претседателот Џо Бајден ќе се сретне со лидерите на НАТО, најави советникот на Бајден за национална безбедност, Џејк Саливан.
20:07 Германија му се закани на Путин за гасот: Подготвуваме одговор
Германија го критикува барањето на рускиот претседател Владимир Путин, кој рече дека Москва повеќе нема да прифаќа плаќања во долари и евра за испорака на гас за Европската Унија.
„Таквото барање значи раскинување на договорот“, изјави министерот за економија, Роберт Хабек, на прес-конференцијата во Берлин.
19:42 (Видео) Украина објави видео: Млади Украинци укрaле оклопно возило од Русите и се повозиле со него
На социјалните мрежи се шири видео објавено од украинските власти, кои тврдат дека е снимено во регионот Суми и дека на него се прикажани млади Украинци кои украле вооружено оклопно возило од руската армија, а потоа се возеле низ градот.
17:52 Кина застана на страната на Русија – не го поддржува предлогот на САД
Кина нема да го поддржи предлогот на САД за исклучување на Русија од Г20 (самит на лидери на 20 земји), изјави портпаролот на кинеското Министерство за надворешни работи, Ванг Венбинг.
17:34 Зеленски бара француските компании да ја прекинат работата во Русија
Во своето обраќање пред францускиот парламент претходно, тој ги повика француските компании да ја напуштат Русија.
Had a phone conversation with @BorisJohnson. Received assurances of his support on the eve of tomorrow's important meetings. Discussed the course of hostilities and defense assistance to Ukraine. We will win together.
— Володимир Зеленський (@ZelenskyyUa) March 23, 2022
17:28 Најблискиот сојузник на Путин: Колапсот на Русија ќе доведе до голема нуклеарна експлозија
Еден од најблиските сојузници на претседателот Владимир Путин денеска ги предупреди САД дека светот може да се сврти кон нуклеарна дистопија доколку Вашингтон продолжи со, како што Кремљ го нарекува, долгорочен заговор за уништување на Русија.
16:33 Европа и НАТО никогаш не може да се вратат во времето пред рускиот конфликт
Естонија бара НАТО да формира армија во Источна Европа, која ќе може да се брани од руската офанзива, пишува „Гардијан“.
Генералниот секретар на Министерството за надворешни работи на Република Естонија, Џонатан Всевиов, изјави дека Европа и НАТО никогаш не може да се вратат во времето пред рускиот конфликт со Украина, кој почна на 24 февруари.
15:10 Бајден: Постои реална закана Русија да употреби хемиско оружје
Американскиот претседател е на пат за Европа, каде што ќе учествува на самитот на НАТО и ќе ја посети Полска. Во пресрет на патувањето, тој накратко ја коментираше можноста Русија да употреби хемиско оружје против Украина.
Тој рече дека тоа е вистинска закана.
13.50 Шарл Мишел: Путин мора да биде поразен
Украинскиот претседател Володимир Зеленски е поканет да се обрати пред Европскиот совет на самитот оваа недела, изјави претседателот на Европскиот совет, Шарл Мишел.
13.40 Помошникот на Путин поднесе оставка и ја напушти Русија
Чубаис поднесе оставка како специјален пратеник на Русија за одржлив развој и ја напушти земјата, пишува Блумберг, повикувајќи се на свои извори
13.30 Зеленски: Милиони наши луѓе постојано се докажуваат како херои
Претседателот на Украина, Володимир Зеленски, се огласи на социјалните мрежи, каде рече дека милиони Украинци секој ден се докажуваат како херои
13.22 Украинците објавија фотографии: Русите користат забранет бел фосфор
Градоначалникот на Ирпин, град во близина на Киев, тврди дека руските сили синоќа користеле забранет бел фосфор
13.10 Фрлен молотов коктел кон Кремљ
Инцидент се случи денеска во центарот на Москва. Имено, на ѕидот на Кремљ бил фрлен молотов коктел
13.00 Швајцарците сакаат да ја депортираат Русинката за која се зборува дека е љубовница на Путин
Петицијата со која се повикува Швајцарија да депортира Русинка, која наводно е осомничена дека е љубовница на рускиот претседател Владимир Путин, собра повеќе од 60.000 потписи.
12.50 Грлиќ Радман: Путин е воен злосторник
Министерот за надворешни и европски работи Гордан Грлиќ Радман рече дека Владимир Путин е воен злосторник, надевајќи се дека „рускиот автократски режим“ нема да трае долго и рече дека Хрватска „ќе знае како да возврати“ на руските закани.
Михаил Подољак, еден од членовите на украинскиот преговарачки тим и советник на претседателот Владимир Зеленски, упати уште еден апел до западните партнери да и го испратат на неговата земја оружјето што и е потребно за одбрана што е можно поскоро.
Руското Министерство за одбрана објави снимка од ракетниот напад на крајбрежјето Бастион
12.25 Шолц разговараше со Путин, го предупредил да не користи биолошко и хемиско оружје
Во директен разговор, германскиот канцелар Олаф Шолц го предупредил рускиот претседател Владимир Путин да не користи биолошко или хемиско оружје во Украина, пренесуваат германските медиуми
Јапонскиот премиер Фумио Кишида денеска најави дека планира да претстави неколку мерки за поддршка на Украина и нов пакет санкции од Токио за Русија, на состанокот на Г7 во Брисел.
12.00 Песков: Испраќањето мировници во Украина би имало сериозни последици
Русија го предупреди НАТО дека ќе се соочи со сериозни последици доколку се согласи да испрати мировници во Украина
11.45 Блумберг: Постојат неколку сценарија во кои Путин би можел да употреби нуклеарно оружје
Путин веќе неколку пати навести дека би можел да го дофати неговиот воен арсенал доколку НАТО ја премине својата „црвена линија“, анализираат медиумите
11.35 Граѓаните на Лавов наоѓаат засолниште во засолниште старо 400 години
Откако се огласија сирените за предупредување за рускиот напад, жителите на украинскиот град Лавов најдоа засолниште во засолништето на црквата Петар и Павле од 1630 година, јавува Анадолија
11.25 Каспаров: Путин ќе употреби нуклеарно оружје само во еден случај
Познатиот шаховски велемајстор и критичар на рускиот режим Гари Каспаров на Твитер напиша дека верува оти рускиот претседател Владимир Путин само во еден случај ќе употреби нуклеарно оружје.
The only risk of Putin using a nuclear weapon in Ukraine is if he & his minions are sure there will be no response. Every Russian sub commander should know they will be eliminated instantly should they fire one.
— Garry Kasparov (@Kasparov63) March 23, 2022
11.15 Кулеба: Руските ТВ пропагандисти се уште полоши од руските пилоти
Украинскиот министер Дмитро Кулеба денеска зборуваше за руските медиуми
Russian TV propagandists are worse than even Russian pilots. Pilots at least risk being shot down. Talking heads sleep in safety, then go on air and call for nuclear strikes or invading NATO members. Sanction each one of them. Block all toxic Russian propaganda and its enablers.
— Dmytro Kuleba (@DmytroKuleba) March 23, 2022
11.10 Шолц повтори дека Германија не поддржува воведување зона на забранети летови над Украина
Германскиот канцелар Олаф Шолц денеска повтори дека неговата земја нема да го поддржи воведувањето зона на забранети летови над Украина, ниту, пак, ќе испрати војници да интервенираат во руската инвазија на Украина
11.00 Нови сателитски фотографии од Мариупол – градот изгледа страшно
Максар објави нови сателитски снимки од украинскиот град Мариупол, кој со недели беше бомбардиран и гранатиран од руските сили.
10.55 Зеленски: Јапонија да го зголеми притисокот за санкциите против Русија
Украинскиот претседател Володимир Зеленски денеска побара од Јапонија да го зголеми притисокот на санкциите врз Русија со воведување трговско ембарго за руски стоки
10.50 Марија Захарова: Ќе и одговориме на Полска ако ни бидат протерани дипломатите
Русија ќе одговори на адекватен начин доколку од Полска бидат протерани околу 40 руски дипломати, изјави денеска портпаролката на руското Министерство за надворешни работи, Марија Захарова, пренесува РИА Новости
10.40 Полската агенција за внатрешна безбедност бара протерување на 45 руски дипломати
Полската агенција за внатрешна безбедност подготви список од 45 руски дипломати осомничени за шпионажа и побара нивно протерување од земјата“, изјави портпаролот на координаторот на полските разузнавачки служби Станислав Зарин
10.30 Лавров: Испраќањето мировници на НАТО, директен конфликт меѓу НАТО и Русија
Испраќањето мировници на НАТО во Украина би довело до директна конфронтација меѓу руските вооружени сили и алијансата, изјави шефот на руската дипломатија Лавров.
10.20 Зеленски ја отвори душата: „Ретко го гледам семејството! Моите деца знаат што се случува!“
Ретко го гледам семејство! Моите деца знаат што се случува!“, изјавил украинскиот претседатаел Володимир Зеленски
10.10 Медведев за целите на Америка: Русија никогаш нема да дозволи таков развој на настаните
Заменик-претседателот на Советот за безбедност на Русија, Дмитриј Медведев денеска зборуваше, анализирајќи ги целите на САД кога станува збор за позицијата на Русија во светскиот поредок
10:00 Антонов: Пентагон заборави дека американските авиони ја бомбардираа Југославија
Пентагон веќе заборави како не толку одамна американските и авионите на нивните сојузници ги бомбардираа градовите Југославија, Ирак и Либија
9:50 Лидерите на НАТО утре ќе разговараат за војната меѓу Русија и Украина
Лидерите на 30-те земји членки на Организацијата на Северноатлантскиот договор (НАТО) ќе се сретнат утре во Брисел за да разговараат за ситуацијата по рускиот напад врз Украина и долгорочната позиција на НАТО во Источна Европа, јавува Анадолија.
9:35 Велика Британија објави нови податоци: Руските сили минуваат низ период на реорганизација
Министерството за одбрана на Обединетото Кралство го објави најновиот извештај на одбранбените разузнавачки служби за ситуацијата во Украина – 23 март 2022 година.
9:30 Украинско МНР: Херсон се соочува со хуманитарна катастрофа
Портпаролот на Министерството за надворешни работи на Украина Олег Николенко изјави дека градот Херсон се соочува со хуманитарна катастрофа, пренесува Анадолија.
9:20 Шолц: Санкциите треба да влијаат на агресорот, но ние мора да се грижиме за нашата економија
Германија во вторникот го повтори своето противење на енергетските санкции против Русија, предупредувајќи дека тоа може да има негативни последици за европските економии, јавува Анадолија
9:10 Кирби: Имаме информации дека руските сили се во прилично неорганизирана состојба
Портпаролот на американското Министерство за одбрана Џон Кирби изјави за Си-Ен-Ен дека САД имаат информации дека руските сили се во прилично неорганизирана состојба и дека многу воени лидери на теренот не разговараат меѓу себе.
9:00 Договорено е примирје во Луганск
Прекин на огнот е договорен во областа Луганск под контрола на Русија, изјави локалниот гувернер
8:45 Зеленски за пеколот во опколениот Мариупол: Тие се без храна, вода и лекови
Украинскиот претседател Володимир Зеленски изјави дека околу 100.000 луѓе останале во јужниот пристанишен град Мариупол, кој е под интензивно руско гранатирање
'Hellscape' in Mariupol.
Almost 100,000 people are trapped among the ruins of the Ukrainian city of Mariupol, facing starvation, thirst and relentless Russian bombardment, President Volodymyr Zelensky sayshttps://t.co/6CyaTkVwtE pic.twitter.com/8CLW0KcxUr
— AFP News Agency (@AFP) March 23, 2022
8:40 Над 120 деца загинале во Украина
Во војната во Украина досега загинале 121 дете, соопшти вчера во порака на Телеграм Канцеларијата на јавниот обвинител, додавајќи дека бројот на ранети деца е 167.
8:35 Заробената новинарка е ослободена, вели дека Русите ѝ го спасиле животот
Украинската новинарка Викторија Рошчина, која беше заробена од Русите, е ослободена од заробеништво откако снимила видео во кое вели дека Русите и го спасиле животот
8:30 Америка ги осудува изјавите на Русија за нуклеарно оружје
Пентагон го осуди одбивањето на портпаролите на Кремљ да ја исклучат употребата на нуклеарно оружје за време на конфликтот во Украина
Олена Зеленска, сопругата на украинскиот претседател Володимир Зеленски, се заблагодари на првата дама на Франција, Брижит Макрон, и на сопругите на другите лидери кои помогнаа да се зачуваат болните деца.
8:10 Русите уништија вредна лабораторија во Чернобил
Руските трупи кои ја окупираа нуклеарната централа во Чернобил ограбија и уништија лабораторија на локацијата, која третираше многу радиоактивен отпад, соопштија украинските власти
8:00 Бајден денеска пристигнува во Европа, а в петок оди во Полска
Американскиот претседател Џо Бајден денеска пристигнува во Европа, а неговата прва станица е Брисел
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Данска ќе обезбеди четири борбени авиони Ф-35 за мисијата на НАТО во Арктикот
Данска ќе обезбеди четири борбени авиони Ф-35 за мисијата на НАТО „Арктички стражар“, изјави данскиот министер за одбрана Троелс Лунд Поулсен.
НАТО во среда објави дека ја започнал мисијата за зајакнување на своето присуство на Арктикот, како дел од напорите за намалување на тензиите во рамките на алијансата предизвикани од желбата на американскиот претседател Доналд Трамп да ја преземе контролата врз Гренланд од Данска.
„Нашиот придонес (со борбени авиони Ф-35) го зајакнува целокупното присуство во регионот и ја нагласува улогата на Данска како активен сојузник на Арктикот и Северниот Атлантик“, рече Поулсен во соопштението.
Министерот им рече на новинарите пред Минхенската безбедносна конференција дека очекува и САД да придонесат во мисијата на НАТО.
НАТО започна со планирање на мисијата откако Трамп и генералниот секретар Марк Руте се сретнаа во Давос минатиот месец. По таа средба, Трамп ги повлече заканите за царини за европските земји и ја исклучи употребата на сила за преземање на контролата врз Гренланд.
Руте и Трамп се согласија во Давос дека НАТО треба да преземе поголема одговорност во Арктикот, со оглед на руските и кинеските амбиции во областа.
Европа
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени во музејот и туристички водичи кои ги таргетирале кинеските посетители во шема што вклучувала продажба на лажни билети и пререзервирање на тури со водичи, објавува „Еуроњуз“.
Според францускиот весник „Ле Паризиен“, полицијата ги уапси осомничените во вторник откако раководството на Лувр пријавило „неправилности“. За време на операцијата, запленети се три возила, 130.000 евра во готово и замрзнати се речиси 200.000 евра на банкарски сметки. Откриени се и неколку банкарски сефови со големи суми готовина.
Раководството на музејот во соопштението наведува дека сега „воспоставило структуриран план против измами врз основа на мапирање на измами, серија превентивни и куративни мерки, правни, технички и контролни мерки и следење на резултатите“.
Апсењата следат по низа лоши вести за најпопуларниот музеј во светот и една од најпочитуваните институции во Франција. Од минатиот месец, Лувр е принуден делумно да ги затвора вратите за посетители секоја недела поради штрајк на персоналот незадоволен од платите и условите за работа.
Протестите започнаа кон крајот на минатата година по објавувањето на осудувачки владин извештај за безбедносните пропусти, кои беа откриени по дрскиот грабеж на француските крунски скапоцености во октомври.
Европа
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија отколку да ги принуди Украинците да прифатат лош договор.
Американското списание објави растечка загриженост кај некои членови на внатрешниот круг на Зеленски дека неговиот прозорец за решение се затвора и дека Украина би можела да се соочи со години континуиран, мачен конфликт доколку не се постигне договор за завршување на војната оваа пролет.
Зеленски беше цитиран како вели дека претпочита да не прифати „договор отколку да го принуди својот народ да прифати лош“.
„Дури и по (скоро) четири години интензивно војување, тој вели дека е подготвен да продолжи да се бори доколку е потребно за да обезбеди достоинствен и траен мир“, се вели во статијата, забележувајќи дека Зеленски рекол дека „Украина не губи“ кога бил прашан за неговата проценка на позицијата на Киев на фронтот.
Два круга трилатерални преговори меѓу Русија, Украина и САД се одржаа во главниот град на Обединетите Арапски Емирати, Абу Даби, на 23 и 24 јануари и на 4 и 5 февруари.
Во понатамошните коментари за списанието, Зеленски рече дека „нема поголема победа“ за американскиот претседател Доналд Трамп од наоѓање решение за војната меѓу Русија и Украина.
„За неговото наследство, ова е број 1“, рече тој, додавајќи дека постигнувањето такво решение пред американските меѓуизбори во ноември би била „најдобрата ситуација“ за Трамп.
„Да, тој сака помалку смрт. Но, ако вие и јас разговараме како возрасни, тоа е само победа за него, политичка“, додаде тој.
Коментарите дојдоа откако Зеленски им рече на новинарите за време на викендот дека САД инсистираат на решавање на војната меѓу Русија и Украина „до почетокот на ова лето“ и дека Вашингтон „веројатно ќе изврши притисок врз страните во согласност со овој распоред“.
Во изјавите објавени од украинските медиуми, тој рече дека Киев разбира дека „внатрешните проблеми“ во САД влијаат на овој рок, особено со почетокот на кампањата за меѓуизборите подоцна оваа година.
Цвета Ристовска поднесе оставка од Антикорупциската комисија: „Никогаш немав намера да прикријам информација“
Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, која ја доставила до...
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено...
Манасиевски: Обвинителката Кадриу сведочи дека Филипче немал ниту елаборат за струја за модуларната болница во Тетово
Членот на Централниот комитет на ВМРО-ДПМНЕ, Валентин Манасиевски, на денешната прес-конференција изјави дека, според сведоштвото на поранешната обвинителка Лејла Кадриу,...
Мицкоски во Германија: Разговараме и привлекуваме реномирани светски компании кои веруваат во потенцијалот на нашата држава
Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови...
(Фото) Инспекциска акција во Центар, нема да толерираме диви депонии и небезбедни напуштени објекти, порача Герасимовски
Инспекциските служби на општина Центар започнаа со расчистување на два напуштени објекти на улиците „Тетовска“ бр. 20 во Ново Маало...
По информациите за енормно загадување на водата за пиење во Струга, обвинителството оформи предмет
Во врска со информациите за енормно загадување на водата за пиење и за основни животни потреби на подрачјето на градот...
(Видео) Страшна сообраќајна несреќа во Сараево: 23-годишник загина кога го удри трамвај на станица
Окружното обвинителство на Сараево денес ја продолжи истрагата за околностите околу тешката сообраќајна несреќа што се случи претходниот ден кога...
„Филипче ја составил документацијата за модуларната болница во Тетово без елаборат за електрична енергија, кој ќе сноси одговорност за техничките пропусти поради кои загинаа 14 луѓе“, прашува ВМРО-ДПМНЕ
„Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во...
Поголем пристап до американскиот пазар, Македонија и САД усогласија рамка за договор за реципрочна, фер и балансирана трговија, соопшти МНР
Република Северна Македонија и Соединетите Американски Држави усогласија Заедничка изјава и Рамка за договор за реципрочна, фер и балансирана трговија,...
Шефот на Пентагон им порача на членките на НАТО да ги зајакнат своите борбени капацитети
Високиот функционер на Пентагон, Елбриџ Колби, им порача на европските министри за одбрана во Брисел дека мора да ги зајакнат...
Рубио во пресрет на Минхенската конференција: Стариот свет повеќе не постои, време е да се стави крај на војната во Украина
Државниот секретар на САД, Марко Рубио, изјави дека Соединетите Американски Држави интензивно работат на завршување на конфликтот во Украина, нагласувајќи...
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени...
Трамп сè уште одбива да се извини за видеото на кое Обама и неговата сопруга се прикажани како мајмуни
Доналд Трамп продолжи да ги игнорира широко распространетите критики за расистичкото видео објавено на неговиот профил на социјалните мрежи минатата...
Нови е-пораки откриваат: Епстин нарачал скриени камери за куќата во Флорида
Објавена е преписка од е-мејл од 2014 година на која се гледа како осудениот сексуален престапник Џефри Епстин бара од...
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија...
„Не сум магионичар“: Кос за идејата сите земји од Западен Балкан да влезат во ЕУ одеднаш
„Живееме во геополитички чувствително време. Може да има мир во Украина и тоа ќе донесе нова реалност во Европа“, изјави...
Касами: Собранието го разреши раководството на партијата, важен чекор кон спојување на ВЛЕН во еден субјект
Централното собрание на Движењето Беса со мнозинство гласови ја одобри одлуката за распуштање на Централното претседателство на Движењето Беса, во...
Скандал во ЕУ: полицијата упадна во просториите на Европската комисија
Белгиската полиција спроведе претрес во просториите на Европската комисија во Брисел. Станува збор за истрага за можни неправилности во продажбата...
ССМ: Ако газдите не се одважат да дадат дел од колачот на работниците, ќе бидеме приморани секојдневно да бидеме на улица
Сојузот на синдикати на Македонија (ССМ) денес напладне ги блокираше стопанските комори во Скопје кои одбиваат да се согласат минималната...
Трендафилов треба да ѝ се извини на Стојановска, смета Мицкоски: Со крвави зеници и белки во очите напаѓа мајки, сестри и сопруги
Ниту истраги од МВР и Обвинителството ниту одземање на имунитетот, премиерот Христијан Мицкоски смета дека претседателот на Сојузот на синдикати...
