Свет
Шолц: НАТО нема да војува против Русија
Украина може да смета на германската поддршка, но НАТО сигурно нема да војува со Русија, изјави германскиот канцелар Олаф Шолц.
Во Бундестагот побара поддршка од опозицијата за опремување на армијата.
„Претседателе Зеленски, Украина може да смета на нашата помош“, рече сојузниот канцелар Олаф Шолц пред германскиот парламент. Тој потсети дека Германија од почетокот на војната испраќа оружје и воена опрема за да учествува во невиден пакет-санкции. Како што рече социјалдемократскиот канцелар, санкциите функционираат и постепено ќе се заоструваат.
Шолц додаде дека слушнал гласови што бараат НАТО да гарантира зона на забранети летови над Украина или да испрати мировници.
„Колку и да е тешко, ние нема да ги исполниме тие барања“, рече Шолц. Мора да се избегне директна конфронтација меѓу НАТО и Русија“, и додаде: „НАТО нема да стане страна во војната“.
Според Шолц, рускиот претседател Владимир Путин во моментот ја уништува иднината на својата земја.
„Путин мора да ја чуе вистината за војната во Украина“, рече тој, „а таа вистина е: Војната ја уништува Украина. Но, војната ја уништува и иднината на неговата земја. НАТО и ЕУ се обединети како никогаш досега“, рече Шолц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.