Европа
(Од минута во минута) Совет за безбедност: Во Украина 30 биолошки лаборатории, Бајден се закани со светска војна
Нов ден од руската инвазија на Украина
Клучни настани:
Украина соопшти дека очекува напад од Белорусија
Бајден се закани со светска војна, ако Русија направи чекор кон НАТО
Во Советот за безбедност на ОН се разговара за биолошките активности на САД на територијата на Украина.
Русите ги ракетираат Луцк и Днипро. Украина: Има загинати, погодената е станбена зграда
Сателитските снимки покажуваат промена на тактиката на руските сили пред Киев, сега поделен во два правци
Британците велат дека руските сили за 24 часа се доближиле 5 километри до Киев
Украина соопшти дека Русија го бомбардирала институтот каде што се наоѓа експерименталниот нуклеарен реактор во Харков
Од минута во минута
21:30 Амбасадорот на Украина во ОН: Украинци се закопуваат во масовни гробници
Амбасадорот на Украина во ОН Сергиј Кислиција ја осуди Русија и ја нарече „држава агресор“ за лаги, воени злосторства и злосторства против човештвото, јавува Би-Би-Си.
„ Која е следната цел? Уште една станбена зграда? Уште едно породилиште? Руските војници веќе ги погодија сите овие места“, рече тој.
20:40 Русите со објаснување за урнатиот дрон во Загреб
Руската новинска агенција „Тасс“ тврди дека авионот што синоќа се урна во Загреб, всушност, требало да лета за Крим, но скршнал од својот курс.
Од таму додаваат дека неодамна се регистрирани два случаја на употреба на дронот „ту-141“, едниот паднал во Загреб, а другиот во близина на градот Красноперекопска на Крим, открил извор за „Тасс“. Истиот извор објаснува дека овој дрон во суштина е мал млазен авион.
Според него, двата авиона биле лансирани од украинските сили на пробен лет за Крим, но еден од нив се свртел и полетал кон Хрватска.
20:30 САД се заканија со светска војна – ќе одговориме на секој чекор на Русија кон НАТО
Американскиот претседател Џозеф Бајден изјави дека САД ќе одговорат на секој чекор на Руската Федерација што му се заканува на НАТО, дури и ако тоа доведе до светска војна.
„Американската армија е испратена до границите на Русија, САД ќе одговорат на секој чекор на Руската Федерација кон НАТО, дури и ако тоа доведе до светска војна“, изјави американскиот претседател, Џо Бајден.
19:10 Украина: Белорусија вечерва може да се приклучи на нападот врз нашата земја
Украинскиот центар за стратешки комуникации соопшти дека не ја исклучува можноста вечерва Белорусија да ѝ се придружи на Русија во нападот врз Украина, по денешната средба во Москва помеѓу претседателите на двете земји Александар Лукашенко и Владимир Путин.
„ Според прелиминарните податоци, белоруските трупи би можеле да бидат вклучени во инвазијата на 11 март во 21 часот по локално време“, соопшти Центарот, кој е под украинското Министерство за култура и информации.
Бајден: Го забрануваме увозот на вотка од Русија
18:10 Советот за безбедност: Во Украина формирана мрежа од 30 биолошки лаборатории
На барање на Русија, Советот за безбедност на ОН заседава во Њујорк за биолошките активности на САД на територијата на Украина.
Ова дојде откако руските вооружени сили на 7 март објавија дека откриле 30 биолошки соединенија во Украина посочувајќи дека објектите, најверојатно, се вклучени во производството на биолошко оружје.
Американскиот државен потсекретар, Викторија Нуланд, претходно призна дека Украина е домаќин на „биолошки истражувачки капацитети“.
Таа изрази загриженост дека тие би можеле да дојдат под контрола на руските сили. Сепак, Вашингтон негира дека имало какви било истражувања насочени кон создавање биолошко оружје.
17:10 Бајден: Го забрануваме увозот на вотка од Русија
Американскиот претседател, Џозеф Бајден, денеска објави дека САД ги укинуваат трговските преференции за Русија поради нападот врз Украина.
Во обраќањето пред Белата куќа тој додаде дека САД ќе го забранат увозот на дијаманти, морски плодови и вотка од Русија како дел од тие мерки, пренесува „Ројтерс“.
Белата куќа соопшти дека се воведуваат санкции против уште одреден број руски граѓани, меѓу кои и директори на банки, кои веќе се санкционирани, како и пратеници на руската Дума.
16:30 Ердоган: Светот требаше да зборува во 2014 година
Турскиот претседател Реџеп Таип Ердоган денеска сугерира дека војната во Украина можела да се избегне доколку светот отворено се изјаснил против, како што вели, руската анексија на Крим во 2014 година.
„ Дали би се соочиле со оваа слика доколку Западот и целиот свет го кренеа гласот? Оние што молчеа по инвазијата на Крим, сега кажуваат некои работи“, рече Ердоган.
15.55 Путин: Предадете им ги заробените западни проектили на проруските сепаратисти
Путин: Предадете им ги заробените западни проектили на проруските сепаратистиОбјавено пред 2 часа – 11 март, 2022Од Макфакс
Рускиот министер за одбрана Сергеј Шојгу изјави дека руската инвазија на Украина била успешно извршена и покрај тврдењата на западните лидери дека руската армија наишла на непланирани пречки и отпор
15.40 Зеленски ја критикуваше Русија за распоредувањето на сириските „убијци“ во Украина
Украинскиот претседател Володимир Зеленски денеска изјави дека Русија најмува „убијци“ од Сирија да се борат во Украина
15.20 Кремљ: Конфликтот ќе заврши кога Западот ќе нè сфати сериозно
Официјален Кремљ денеска објави дека конфликтот во Украина ќе заврши веднаш штом Западот дејствува по повод постојано изразената загриженост од Русија поради убиствата на цивили во источна Украина и проширувањето на НАТО на исток.
14.50 Како Лукашенко влезе во кабинетот на Путин
Се сретнаа рускиот и белорускиот претседател, а на почетокот на средбата што се одржува во Москва ги отфрлија економските санкции
14.40 Владимир Кличко: Напад на Киев може да се случи во секој момент
Владимир Кличко, припадник на украинските сили за територијална одбрана, поранешен боксерски шампион и брат на градоначалникот на Киев, за Си-ен-ен изјави дека руските војници денеска напаѓаат области низ Украина, а нивна главна цел е главниот град Киев
Министерството за одбрана на Украина тврди дека Владимир Путин планира терористички напад врз нуклеарната централа во Чернобил, која е под руска контрола.
14.20 Трудо го отфрли барањето на Зеленски за забрана на летови над Украина
Канадскиот премиер Џастин Трудо изјави дека НАТО не може да прогласи зона на забранети летови над Украина, на барање на претседателот Зеленски. Тој изјави дека таа одлука може да доведе до директен конфликт меѓу Русија и НАТО
14.10 Украински омбудсман: Најмалку 78 деца убиени во Украина
Најмалку 78 деца се убиени во Украина од почетокот на специјалната операција на руската армија во Украина, изјави денеска украинскиот омбудсман Људмила Денисова
13.55 Зеленски: Украина ќе победи
Украинскиот претседател Володимир Зеленски објави нова видео порака во која посочи дека Украина оди кон своја победа
13.45 Путин: Има напредок во преговорите со Украина
Руско-украинските преговори се водат практично секој ден и во нив е постигнат одреден напредок, изјави рускиот претседател Владимир Путин на средбата со неговиот белоруски колега Александар Лукашенко
13.35 Поради војната речиси милион Украинци останаа без струја
Повеќе од 954.000 Украинци во моментов немаат струја поради руската инвазија на Украина, соопшти денеска украинската компанија Енергоатом
13.30 Украинските сирачиња пречекани во Литванија
Повеќе од 40 деца од сиропиталишта во источна Украина се населиле во летувалиште во Литванија по 36-часовно патување со автобус низ бомбардираната земја
13.20 Украинскиот град Днепар во пламен по руските воздушни напади
Русија изврши воздушни напади врз градот Днепар во источна Украина, соопштија украинските служби за итни случаи
13.10 Украина: Русија гранатираше станбени области во Харков
Руските сили гранатираа станбени области во градот Харков во источна Украина, 89 пати во еден ден, но нема опасност за цивилите откако беше погоден институтот во кој се наоѓа нуклеарната лабораторија, изјави денеска гувернерот на харковската област Олех Синехубов
13.00 ОН: Русите користеа касетни бомби во населените украински области
Портпаролот на Канцеларијата за права на Обединетите нации вели дека има веродостојни извештаи за неколку случаи на употреба на касетни бомби од страна на руските сили во Украина
12.50 Столтенберг: Гледаме апсолутно неоправдан напад на Украина
Генералниот секретар на НАТО, Јенс Столтенберг, изјави дека воено-политичката организација ги разбира фрустрациите во Украина и предупреди дека ескалирањето надвор од границите на Украина ќе предизвика уште повеќе страдања и повеќе смртни случаи, јавува „Анадолија“
12.40 Кремљ: Можна е средба Путин-Зеленски со темелна подготовка
Кремљ не исклучува средба меѓу рускиот претседател Владимир Путин и украинскиот претседател Владимир Зеленски, но тој треба да биде темелно подготвен да даде резултати“, изјави портпаролот на Кремљ, Дмитриј Песков
12.20 Заменик-градоначалникот на Мариупол: Не знам дали моите родители се живи, ни треба уште оружје
Заменик-градоначалникот на Мариупол Сергеј Орлов изјави за Sky News дека украинската армија е многу силна и храбра и може да ја брани Украина и дека се надева дека ќе успее.
12.10 Најмалку четворица украински војници загинаа во воздухопловната база Луцк
Најмалку четворица украински војници се убиени, а шестмина се повредени во петокот во руските напади на воениот аеродром Луцк во северозападна Украина, соопштија локалните власти
12.00 Путин и Лукашенко се сретнаа во Москва: Русинот зборуваше за ситуацијата во Украина
Во Москва се одржа средбата меѓу рускиот и белорускиот претседател Владимир Путин и Александар Лукашенко
11.50 Украински цивили се подготвуваат за одбрана на Киев
Вооружените сили на Украина се подготвуваат за одбрана на Киев, кој е цел на руски напад, а бројни цивили доброволно им помагаат да се подготват за одбрана на центарот на градот
11.40 Русија загуби 12.000 војници, 57 авиони, 83 хеликоптери
Независниот весник Киев објави индикативни проценки за загубите на Русија од 11 март, според Вооружените сили на Украина
Лидерите на ЕУ во моментов не можат да се договорат за доделување на Украина статус на кандидат за членство во ЕУ, изјави литванскиот претседател Гитанас Науседа пред почетокот на вториот ден од неформалниот европски самит во Франција.
11.20 Во Украина повторно се отвораат пет хуманитарни коридори
Руската инвазија на Украина сè уште трае, а нејзините очи повторно се свртени кон патиштата за евакуација од градовите кои се тешко погодени од борбите
11.15 Западот ја призна грешката: Не требаше да им ветуваме членство во НАТО
Високиот претставник на Европската Унија, Џозеф Борел, смета дека Западот направил грешки во односите со Русија
11.10 Трамп: Американците треба да се плашат од Русија
Поранешниот американски претседател зборуваше за потенцијална ескалација на ситуацијата во Украина, бидејќи НАТО со поддршка на САД и понуди поддршка на Украина среде војната со Русија
Генералниот секретар на НАТО, Јенс Столтенберг денеска изјави дека НАТО ја разбира фрустрацијата во Украина, но и смета дека ескалацијата надвор од границите на Украина всушност ќе предизвика уште повеќе страдања, повеќе смртни случаи
11.00 Лукашенко отпатува во Москва на разговори со Путин
Белорускиот претседател Александар Лукашенко отпатува за Москва, каде што ќе разговара со неговиот руски колега Владимир Путин, пренесува ТАСС, повикувајќи се на агенцијата БелТА.
10.50 Маж од Украина го изгубил целото семејство во руските напади – преживеале само тој и мачката
Украинското Министерство за надворешни работи на својот твитер-профил објави фотографии и информации за маж кој наводно го загубил целото семејство во руски напад.
10.40 Олаф Шолц под притисок затоа што одбил да го забрани увозот на енергија од Русија
Германскиот канцелар Олаф Шолц е изложен на зголемен притисок во ЕУ поради одбивањето да се воведе забрана за увоз на енергија од Русија
10.30 Михаило Подољак: Големите украински градови се под разорни напади
Советникот на украинскиот претседател Володимир Зеленски реагираше на новите руски напади
10.20 Британија: Русија би можела да се подготви за нов напад на Киев
Министерството за одбрана на Обединетото Кралство утринава соопшти дека руските сили продолжуваат да прават „ограничен напредок“ во напредувањето кон Киев – но би можеле да се подготват за нов напад врз главниот град на Украина во наредните денови
Украинскиот претседател Володимир Зеленски изјави дека е подготвен за директни разговори со рускиот претседател Владимир Путин, но дека не е подготвен на никакви компромиси, изјави за Си-ен-ен заменик-шефот на кабинетот на украинскиот претседател Игор Жовква.
10:00 САД, Г7 и ЕУ: Русија го губи статусот на привилегирана држава поради нападот на Украина
Соединетите Американски Држави, Групата седум (Г7) и Европската Унија ќе и го укинат статусот на привилегирана држава на Русија поради инвазијата на Украина, изјавија неколку извори за Ројтерс додека продолжуваат нападите врз украинските градови.
8:55 Мистериозен летечки објект падна во Загреб – Дрон или авион од Украина?
Околу 23 часот силна експлозија одекна во близина на студентскиот дом во Загреб. Според првите информации од очевидци се претпоставува дека паднал воен авион.
A “plane” crashed in front of student dorm in Zagreb.
They say that one guy parachuted and landed near the area, and so far we know, no one is injured. pic.twitter.com/xG5hKTg352— Tomo Rajic (@Heavengo_01) March 10, 2022
?? Unidentified flying object crashing in the capital of Croatia. Object that fell looks like a part of an aircraft engine. Crater is 3m wide and 1m deep.#Zagreb #Croatia pic.twitter.com/ArxsNVKmEo
— Based ?? (@Based_FIN) March 11, 2022
8:30 СЗО и препорача на Украина да ги уништи опасните патогени во лабораториите
Светската здравствена организација препорача Украина да уништи многу опасни патогени кои се складирани во лабораториите во таа земја, со цел да се спречи можно истекување.
8:20 Пентагон: Руските сили на 15 километри од Киев
Руските сили, кои од Белорусија влегоа на територијата на Украина и поради различни причини забавија на северот на главниот град Киев, дојдоа на 15 километри од градот, изјави висок претставник на Пентагон, јавуваат агенциите.
8:10 Во Днипро погодена станбена зграда
Украинската служба за итни случаи извести дека добиле информации за едно загинато лице во нападот, а зафатени биле и градинка и станбена зграда, пренесува Би-би-си.
Наслідки авіаудару у Дніпрі — відео від ДСНС pic.twitter.com/ECwKqtDkMv
— hromadske (@HromadskeUA) March 11, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Се шири снимка од Русија: Униформирани тинејџери во црква со автоматски пушки
На социјалните мрежи циркулира видео од Русија на кое се гледа група униформирани малолетници како ракуваат со автоматско оружје во православна црква.
Според украинските медиуми, видеото е снимено во селото Обухово во Московскиот регион, каде што руската православна црква организирала обука за огнено оружје за тинејџери.
🥴A military performance was held in a 🇷🇺Russian Orthodox Church temple involving teenagers in uniform armed with Kalashnikov rifles. pic.twitter.com/IW7u7XoK3E
— 🪖MilitaryNewsUA🇺🇦 (@front_ukrainian) February 19, 2026
Снимката прикажува малолетници како ги демонстрираат своите вештини со автоматски пушки во црковната сала под надзор на инструктори. Во позадина се видливи икони и други религиозни симболи.
Според истиот извор, ова е дел од програма што е претставена како „курс за млади војници“ и се одржува во просториите на црквата. Видеото прикажува инструктори како ги надгледуваат младите луѓе додека држат и креваат оружје.
Ваквите активности се поврзани со активностите на таканаречените воено-патриотски клубови, кои често работат со поддршка на одредени црковни структури.
Европа
Анкета: Четвртина од Унгарците веруваат дека поразот на Орбан би ја турнал земјата во војна
Речиси една четвртина од Унгарците, поточно 23 проценти, веруваат дека победата на главната опозициска партија Тиса над владејачката партија Фидес на Виктор Орбан на изборите би ја фрлила земјата во војна, според анкета на институтот 21 Kutatóközpont.
Резултатите, собрани кон крајот на јануари откриваат длабока поларизација во унгарското општество. Само 54 проценти од испитаниците веруваат дека такво сценарио не може да се случи, додека преостанатите 23 проценти немаат јасен став за ова прашање.
Анализата на одговорите според партиските преференции покажува дека дури 58 проценти од поддржувачите на владејачките партии веруваат во главната порака на кампањата, според која влада предводена од Тиса би ја вовлекла Унгарија во војна. Само 15 проценти од гласачите за владејачката партија не го делат ова мислење, а 28 проценти се неодлучни. Меѓу непартиските испитаници, 17 проценти веруваат дека победата на Тиса би донела војна.
Институтот 21 Kutatóközpont прашува дали 23 проценти од целото население и 58 проценти меѓу гласачите за владејачката партија се многу или малку. „Ако го гледаме како процент на луѓе кои се согласуваат со главната порака на кампањата на Фидес, уделот може да изгледа релативно мал. Меѓутоа, ако ја земеме предвид тежината и вистинското значење на тврдењето, тогаш овој број е исклучително висок“, се наведува во анализата.
„Ако речиси два милиони луѓе можат да замислат дека Тиса би предизвикала таква штета, се поставува прашањето каде е границата и во што повеќе не може да биде убедена оваа група гласачи? Исто така, што сметаат дека е прифатлива цена за Фидес за да се спречи сценарио кое, според нив, би довело до масовно крвопролевање? Ретко некое прашање ја одразува толку добро поларизацијата на општеството.“
Анализата додава дека силата на владината комуникација е очигледна во фактот дека, покрај 23 проценти од испитаниците кои се согласуваат со тврдењето, речиси една четвртина од општеството не е имуно на него.
„Значителен дел од нив нема да излезат на гласање, но сепак дури 46 проценти од вкупното население не го смета обвинувањето за војна против Тиса за целосна бесмислица“, се истакнува во него.
Европа
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што моментално ги контролира. Изјавата доаѓа во време кога разговорите со посредство на САД за ставање крај на руската инвазија се во застој поради територијални прашања пред четвртата годишнина од војната, објави „Киев Индепендент“.
„Донбас е наш народ, не само територија“
„Илјадници, десетици илјади Украинци се убиени бранејќи го тој дел од Украина“, рече Зеленски во интервју водено од Пирс Морган. „Мора да разбереме дека Донбас е дел од нашата независност. Тој е дел од нашите вредности. Не станува збор за земја. Не станува збор само за територии. Станува збор за луѓе“.
Зеленски рече дека преговарачите постигнале поголем напредок во техничките дискусии, како што е тоа како да се следи потенцијалното примирје, отколку во политичките прашања. Тој нагласи дека секое трајно решение бара силни безбедносни гаранции и европска вклученост.
„Кога зборуваме за безбедносни гаранции, мислиме на цврсти гаранции дека остатокот од светот – или барем некои земји – ќе бидат подготвени да одговорат ако Путин се врати со својата агресија“, објасни Зеленски. Тој ја отфрли идејата за лична доверба во рускиот претседател Владимир Путин, велејќи дека на Украина ѝ се потребни „институционални“ гаранции.
Тој ги опиша Украинците како исцрпени по речиси четири години војна, но нагласи дека земјата останува обединета. Како примери ги наведе националната мобилизација за време на зимските енергетски напади и брзите поправки во Киев и другите градови. „Најтешката ситуација беше во Киев по сите овие напади врз енергетската мрежа“, рече тој, додавајќи дека „240 бригади дојдоа од сите региони за да ја обноват клучната инфраструктура во Киев“.
Ако сѐ било по пропис, зошто Владата не ги објавува листите со патници во авионот, прашува СДСМ
Доколку користењето на владиниот авион од било целосно согласно законите и прописите, тогаш зошто Владата упорно одбива да ги објави...
Европските дипломати претпазливи во врска со подемот на Венс, оценуваат експертите
Европските сојузници внимателно го следат политичкиот подем на американскиот потпретседател Џеј Ди Венс, кого некои аналитичари го сметаат за поидеолошки...
Финскиот претседател: САД не можат да ни забранат да се бориме против Русија
Финскиот претседател, Александар Стаб, изјави дека САД не можат да ѝ наредат на Финска да се откаже од својата одбрана...
Принцот Ендрју е првиот член на британското кралско семејство уапсен по 400 години
Иако наводно бил омилен на неговата мајка, кралицата Елизабета II, поранешниот принц Ендрју долго време е извор на проблеми за...
(Видео) Трамп: Сакав да си го доделам Медалот на честа затоа што бев неверојатно храбар кога отидов во Ирак
Доналд Трамп рече дека сака да си го додели Конгресниот Медал на честа. 79-годишниот Трамп зборуваше на митинг во Ромео,...
По 100 дена мандат, Ѓорѓиевски порача: „Скопје повторно почна да дише“
Градоначалникот на Град Скопје, Орце Ѓорѓиевски, објави отчет за првите 100 дена од мандатот, наведувајќи дека ја презел функцијата во...
Донесени пресуди за случајот „Премин“, обвинителството најави жалба
Денеска, во Основниот кривичен суд Скопје, беше објавена неправосилна пресуда во предметот со кодно име „Премин“, застапуван од Специјализираното одделение...
Поранешен градоначалник на Росоман исплатил личен долг од 500.000 денари од општинскиот буџет
Полицијата поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената...
Сиљановска – Давкова: Имаме најмало и најстаро владино авионче во регионот, секогаш имам дилема дали да летам со него
Претседателката, Гордана Сиљановска – Давкова, призна дека секогаш има дилема кога треба да се вози со владиниот авион затоа што...
Семејството на Мицкоски никогаш не го користело владиниот авион, ама затоа Заев бил со семејството на одмор во Амстердам, велат од ВМРО-ДПМНЕ
Семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС,...
Кривични против претседатели и вработени во Здружението на инвалиди на трудот – Штип, си присвоиле над 300.000 денари
Полицијата поднесе кривични пријави против поранешни претседатели и вработени во Здружението на инвалиди на трудот – Штип за сторени продолжени...
Сопствениците на кучиња да го почитуваат законот и да ги микрочипираат милениците, апелира АХВ
Агенцијата за храна и ветеринарство (АХВ) апелира до сопствениците на домашни миленици – кучиња за исполнување на законската обврска за...
Николоски: Воведовме 23 нови линии во авиосообраќајот, имаме рекордна бројка на патници, а годинава очекувам да порасне над 4 милиони патници
Од изборот на Владата до денес имаме нови 23 директни летови, охридскиот и скопскиот аеродром поминаа 3,5 милиони патници, оваа...
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што...
(Видео) Дете висеше од ски-лифт на Јахорина па падна, скијачите се обидоа да го фатат
Вчера, дете падна од жичницата на планината Јахорина во Босна и Херцеговина откако некое време висеше држејќи се за седиштето....
Утре прв состанок на Одборот за мир на Трамп
Американскиот претседател Доналд Трамп утре ќе претседава со првиот состанок на Одборот за мир, во сенка на нерешени прашања за...
Една третина од американската морнарица е во близина на Иран: објавено кога би можел да започне нападот
Американската војска е подготвена да го нападне Иран уште овој викенд, иако претседателот Доналд Трамп сè уште не донел конечна...
Сообраќајот на патниот правец Скопје – Велес е нормализиран во двете ленти
Сообраќајот на патниот правец А1 Скопје – Велес е нормализиран во две коловозни ленти, извести АМСМ. Интензитетот на сообраќај на...
(Видео) Една од најсмртоносните лавини во историјата на САД: oсум скијачи загинаа, еден е исчезнат
Осум скијачи загинаа, а еден е исчезнат во лавина во планините Сиера Невада во Калифорнија, соопштија властите во среда, во...
Законот за високо образование нема да биде повлечен, јавнaта расправа продолжува
Министерката за образование и наука Весна Јаневска на пленарна седница изјави дека нема да го повлече нацрт-законот за високо образование....
