Контакт

Свет

(Од минута на минута) Драмата во Тајланд заврши со среќен крај, спасени сите деца и тренерот

Објавено пред

7 години

Акцијата за спасување на младите тајландски фудбалери и нивниот тренер од поплавената пештера на северот на земјата заврши со среќен крај. Денеска беа извлечени последните четири деца и нивниот тренер. Спасувачката мисија траеше три дена.

dobivaj vesti na viber

16:35 Излегоа и спасувачите и лекарот

Последните тројца тајландски спасувачи, како и австралискиот доктор, Ричард Харис, кој е и експерт во нуркање, излегоа од пештерата, со што успешно е завршена тродневната и екстремно тешка спасувачка операција.

15: 30 Момчињата пристигнуваат на лекарски прегледи

Додека волонтерите слават, момчињата и тренерот кои беа извлечени во последната фаза од акцијата, полека пристигнуваат во болница на прегледи.

15: 24 ч – Англискиот фудбалски великан, „Манчестер Јунајтед“ ги повика младите фудбалери годинава да дојдат на нивниот стадион.

– Ни олесна кога слушнавме дека 12-те фудбалери и нивниот тренер кои беа заробени во пештера во Тајланд сега се наоѓаат на безбедно. Би ни било чест да ја поздравиме екипата на фудбалскиот клуб „Диви свињи“ и нивните спасувачи во престојната сезона, објави клубот.

15: 11 ч – Честитки од светските лидери по успешната мисија

Претседателот на САД, Доналд Трамп, германската канцеларка Ангела Меркел и британската премиерка Тереза Меј се меѓу долгата листа на светски лидери кои упатија честитки по успешната спасувачка мисија на 12-те момчиња и нивниот тренер, кои од 23. јуни беа заглавени во пештера во Тајланд.

14:43 ч – Се делат бесплатни јаболка за новинарите

14:28 ч –  Ракоплескање и славење пред пештерата во Тајланд

Со ракоплескање и овации собраните пред пештерата во Тајланд го прославија крајот на успешната мисија за спасување на 12-те момчиња и нивниот тренер кои од 23 јуни беа заглавени во пештерата во Тајланд.

Тројца нуркачи и лекарот се уште се во пештерата

Тајландската морнарица потврди дека во пештерата по спасувањето на 12-те деца и нивниот тренер и понатаму се наоѓаат тројца нуркачи и лекарот кој се грижеше за младите фудбалери во текот на претходните денови.


14: 00 – Сите 12 деца и нивниот тренер спасени од пештерата во Тајланд

Сите 12 деца се извлечени од пештерата во Тајланд, објавија светските медиуми. Според информациите на „Ројтерс“, последен бил извлечен нивниот тренер.

13:43 „Ал Џезира“: Последното дете и тренерот го поминаа најтешкиот дел од патот

На спасувачката акција и се наѕира крајот. Репортерот на „Ал Џезира“ јавува дека последното момче и тренерот стигнале до пештерата број три, што значи дека го минале најтешкиот дел од патот. „Ал Џезира“ очекува наскоро да се појави вест дека и тие се безбедно извлечени од пештерата.

13:29 ч – Деветтото момче на пат кон болницата

Деветтото од момчињата кои беа извлечени од пештерата, најпрво било прегледано во теренската болница во близина на пештерата, а потоа со амбулантно возило е префрлено до хеликоптер кој ќе го однесе во најголемата регионална болница, каде во моментов се наоѓаат и другите момчиња.

13:07 Преимиерот на Тајланд: Децата не биле дрогирани, дадени им се лекови против анксиозност за да го издржат патот низ пештерата

Премиерот на Тајланд, Прајут Чан-оча изјави дека на момчињата им биле дадени лекови против анксиозност за да ја издржат мисијата, пренесе „Гардијан“, споеделувајќи пост на социјалната мрежа „Твитер“.

Претходно, во јавноста се појавија шпекулации дека децата биле дрогирани. Премиерот вели дека не се работи за дрога, туку за лек што ќе ги намали стресот и паниката.

13:00 ч Единаесеттото момче извлечено од пештерата било најмалото во групата

Тајландската телевизија пренесе дека претпоследното, единаесетто момче кое беше извлечено од пештерата е 11-годишниот Чанин Вибунрунгруенг. Тој е најмалиот меѓу неговите пријатели од јуниорскиот фудбалски тим, кои беа заглавени во пештерата од 23 јуни. Засега, нема официјална потврда за оваа информација.

12:40 ч: Спасено единаесеттото момче од пештерата, остана уште едно и тренерот

Спасено е единаесеттото момче од пештерата во Тајланд, потврди „Гардијан“. Тоа значи дека во пештерата останаа заробени само уште едно од децата и нивниот тренер.

Претходно денеска, светските медиуми јавија за спасувањето на две деца.

11: 53 ч: Спасено и десеттото момче

Репортерот на Ројтерс јави дека е спасено и десетто момче од пештерата во Тајланд. Веста ја потврди и „Гардијан“. Сведокот кој разговарал со новинарите на агенцијата „Ројтерс“, раскажал дека видел како спасувачкиот тим извадил две лица, на носилки, надвор од пештерата.

11:30 ч:  Ројтерс: Извлечено деветтото момче

Агенцијата „Ројтерс“ и „Си-Ен-Ен“ пишуваат дека од пештерата било извлечено деветтото момче.

11: 30: Премиерот на Тајланд се фотографираше со роднините на децата

Премиерот на Тајланд, Прајут Чан-оча се фотографираше со роднините на момчињата кои се заглавени во пештерата.

11:26 Холивуд подготвува филм за спасувачката акција, продуцентите пристигнаа во Тајланд

Мајкл Скот и Адам Смит пристигнаа на Тајланд, каде во тек е спасувачката акција на децата кои со недели беа заглавени во пештера.

Би-Би-Си пренесе дека продуцентите веќе разговараат за можен филмски проект. Тие очекуваат дека на местото на настанот ќе пристигнат и други продукции, па велат дека мора да бидат брзи.

11:09 – Се подготвува храна за спасувачите

11.03 ч Итната помош е на пат

Возило на итната помош само што се оддалечи од влезот во пештерата. Нема потврда дали е извлечено деветтото момче, пишува „Гардијан“.

10.50 ч – Пораки за тренерот на социјалните мрежи – некои го осудуваат, други го бранат

Акапол Чантавонг, 25-годишниот фудбалски тренер, кој ги поведе 12-те момчиња во пештерата, за некои е главниот виновник за оваа несреќа, меѓутоа на социјалните мрежи многумина од Тајланд и другите делови од светот застанаа во негова одбрана.

Тие му даваат заслуга за тоа што момчињата се добро и по 15 дена поминати во пештерата.

„Со 25 години овој тренер и самиот сè уште е дете. Очигледно е дека бил голема инспирација за момчињата чиј морал не падна и покрај сè она низ што поминаа. Голема почит за тренерот“, напиша еден од корисниците на социјалната мрежа.

10.43 ч – Дождот ја отежнува акцијата

Дождот паѓаше во текот на целата вечер поради што се стравува дека одредени делови од пештерата се наполнети со вода.

9.55 ч – Илон Маск ја донесе подморницата – „Би можела да послужи во иднина“

Just got back from Cave 3

A post shared by Elon Musk (@elonmusk) on

Американскиот претприемач Илон Маск преку социјалната мрежа „Твитер“ соопшти дека се наоѓа на Тајланд со прототипот на мини подморницата, која, ако не сега, би можела да послужи во иднина.

„Само што се вратив од пештерата Три. Мини подморницата е подготвена доколку има потреба. Направена е од ракетни делови и е наречена „Дива свиња“ по името на фудбалскиот клуб за кој тренираат децата. Ја оставам во случај да биде од корист во иднина“, напиша Маск, кој објави и видеоснимка од симулацијата на движењето на подморницата низ пештерата.

Претходно, шефот на спасувачката мисија ја одби помошта на американскиот претприемач.

9.51 ч – Момчињата не смее никој да ги гушка и допира додека се во болница

По спасувањето, момчињата мора да подлежат на прегледи пред да се прегрнат со своите семејства.

„Нема прегратки и допири сè додека не се направи крвна слика која ќе покаже дали децата имаат некоја инфекција или не. Особено неопходно е да се испита дали добиле бактерии, кои може да се пренесат преку земја или вода. Постои ризик децата да добијат треска и инфекција на белите дробови“, изјави тајландскиот службеник за здравство, пренесе „Гардијан“.

9.38 ч Спасените момчиња се добро, две од нив имаат проблем со белите дробови

Осумте момчиња што беа спасени од пештерата на Тајланд се во добра ментална и физичка здравствена состојба, соопштија владини претставници. Тие биле подложени на медицински прегледи и две момчиња се лекувани поради проблеми со белите дробови. Според информациите, момчињата ќе бидат набљудувани во болница наредните седум дена.

epa

9.33 ч – Ни недостига домот, велат децата извлечени од пештерата на Тајланд

Осумте момчиња што беа спасени од пештерата на северот на Тајланд меѓу првите нешта што ги кажаа во болницата беше дека им недостига нивниот дом.

„Ни недостига домот“, рекоа момчињата, кои истакнаа дека се среќни, пренесе Би-би-си.

8.40 ч – Родителите ги виделе спасените деца

Секретарот на Министерството за здравство на Тајланд, Џедсад Чокдумронгсук, изјави дека родителите ги виделе децата низ заштитното стакло бидејќи сè уште се на прегледи за да се утврди дали некое од нив има инфекции.

„Децата се фудбалери, имаат силен имунитет. Сите се весели и среќни што ќе излезат, но секако мора да ги провери доктор“, рече секретарот додавајќи дека во болница ќе останат и до седум дена.

8.10 ч – Шефот на спасувачката мисија ја отфрли помошта на Илон Маск

Шефот на спасувачката мисија ја одби помошта на американскиот милионер, Илон Маск, кој пред неколку дена дизајнира мала подморница, со чија помош децата би тебало да се спасат лесно и бргу.

„Иако неговата технологија е добра, тоа не е добро за оваа мисија“, рече Наронгсак Осатанакорн, кој моментно ја координира мисијата.

7.20 ч – Деветнаесет члена на спасувачката екипа влегоа во пештерата

Шефот на спасувачката мисија изјави дека 19 члена на спасувачкиот тим влегле во пештерата.

Тој изрази надеж дека дека денешната спасувачка акција ќе помине бргу. Истовремено, објавено е дека резултатите од медицинските прегледи на досега извлечените момчиња ќе бидат познати за 24 до 48 часа.

7.19 ч – Почна третата фаза од спасувачката акција

Почна третата фаза од операцијата за спасување на четирите момчиња и нивниот тренер од пештерата на северот на Тајланд. Официјалните лица наведоа дека сите ќе бидат извлечени во текот на денот.

Што се случуваше вчера?

15.12 ч – Не се знае кој сè е извлечен од пештерата

Член на семејствата на момчињата за Си-ен-ен изјави дека родителите не знаат кое од момчињата е извлечено од пештерата, а кои се останати внатре. Нивните имиња не се објавуваат од почит кон семејствата на децата што сè уште не се спасени.

14.40 ч – Поддршка од целиот свет

Приказната за спасување на момчињата од поплавената пештера ја следат медиумите од целиот свет. Поддршка за заробените момчиња стигнува од сите страни. Една таква порака е забележана и на лондонското метро.

14.31 ч – Амбулантните возила ги носат шестото и седмото момче

Две амбулатни возила се видени како се оддалечуваат од влезот на пештерата Туам Луанг. Како што пишува „Гардијан“, најверојатно во нив се шестото и седмото момче, кои веднаш се пренесени во болница.

14.19 ч – Потрагата е прекината

Четири момчиња и тренерот, што останаа во пештерата, ќе бидат извлечени во текот на утрешниот ден.

Вчера во осумчасовна спасувачка акција беа извлечени првите четири деца. Денеска беа извлечени уште четири. Властите соопштија дека паузите се прават со цел да се контролира намаленото ниво на кислород во пештерата.

 

Претходно беше објавено дека во рамките на денешната спасувачка акција е извлечено едно момче, а набргу потоа стигна и веста за шестиот извлечен млад фудбалер. Сега, според неофицијалните информации што ги обелодени Си-ен-ен, од поплавената пештера извлечени се уште две деца.

Агенцијата АП информира дека тајландските спасувачки служби се таинствени и не соопштуваат детали за тоа како се одвива спасувачката операција. Оттаму не прецизирале кој бил во амбулантното возило кое претходно денеска беше видено како го напушта теренот околу пештерата.

Спасувачите на децата од Тајланд во текот на операцијата премостуваат неверојатни пречки

Спасувачите што вршат евакуација на младите фудбалери заробени во пештерата на Тајланд се соочуваат со големи предизвици – тесни и мрачни тунели низ кои мора да се пробијат само за да дојдат до момчињата заробени внатре. Враќањето назад е уште потешко бидејќи со нив носат неискусни нуркачи на возраст од 11 до 16 години.

Ова видео најдобро покажува колку е опасно и комплицирано минувањето низ тесните пештерски предели.

Дванаесет деца на возраст од 11 до 16 години, членови на јуниорски фудбалски тим, заедно со нивниот тренер, беа заглавени во пештерата од 23 јуни. Врз основа на денешните објави може да се заклучи дека во моментот заробени остануваат уште четири деца заедно со 25-годишниот тренер. Децата спасени денеска се пренесени во болницата во Чијанг Рај, каде што се наоѓаат и нивните пријатели и соиграчи од фудбалскиот тим, кои беа извлечени во текот на вчерашниот ден.

12.25 ч – Тајландската државна телевизија објави видео од хеликоптер и од амбулантно возило за кои се верува дека го транспортирале петтото спасено дете.

12.10 ч – Извлечено уште едно дете од пештерата на Тајланд, тврдат очевидци

Си-ен-ен објави дека е извлечено уште едно, петто дете, од пештерата на Тајланд. Телевизијата објави дека член на спасувачкиот тим рекол дека едно момче било видено на носилка пред влезот на пештерата во 16.27 часот по локално време. Оваа информација не е потврдена.

10.50 ч – Уште едно момче ќе биде извлечено за четири часа

Нуркачите влегоа во пештерата, а се очекува следното момче да го извлечат за четири часа. Запрашан за тоа кои момчиња ќе бидат извлечени најпрвин, предводникот на акцијата соопштил дека првин се извлекуваат тие што се најподготвени за тоа.

10.10 ч – „Условите за спасување се исти како вчера… Спасувачкиот тим е ист како вчера со некои измени“, рече водачот на спасувачите, Наронгсак Осатанакорн. Тој додаде дека нивото на водата во пештерата не е загрижувачко и дека вчерашните врнежи од дожд не влијаеле на нивото на водата внатре во пештерата.

9.30 ч – (Видео) Милијардерот Маск на Тајланд испрати мини подморница за спасување

Претприемачот од технолошката индустрија и милијардер, Илон Маск, тестира детска подморница за која тврди дека може да послужи за спасување на момчињата заробени во поплавената пештера на Тајланд.

 

9 ч – Осум момчиња и нивниот тренер по фудбал сè уште се заглавени во пештерата на Тајланд. Во спасувачката мисија, која траеше осум часа, вчера беа спасени четири деца. Репортерот на „Гардијан“ јавува дека денеска има многу малку официјални информации и засега не се знае кога ќе продолжи операцијата.

Сомбун Сомпингаи (38), татко на едно од спасените деца, изјавил за „Ројтерс“ дека спасувачите вчера им рекле дека најсилните деца ќе бидат први извлечени. „Не ни беше кажано кое дете прво ќе биде извлечено… Не можеме да ги посетиме децата во болница затоа што треба да бидат под мониторинг 48 часа“, рекол тој.

Што се случуваше завчера?

19.20 ч – Сe израдував кога го слушнав неговото име, вели мајката на едно од момчињата од пештерата

Мајката на Монгкол Бунпијам, едно од четирите момчиња што беа ослободени од пештерата на Тајланд, вели дека е пресреќна што нејзиниот 14-годишен син најпосле ја здогледал светлината на денот. Таа, како и поголем дел од родителите, ја минала ноќта пред пештерата чекајќи ја радосната вест, пишува „Гардијан“.

„Само го слушнав неговото име, Монгкол, и многу се израдував. Не знам што да му кажам. Чекајте првин да го видам“, раскажува мајката на момчето.

17.02 ч – Почна да врне силен дожд

Репортерот на „Гардијан“ од Тајланд, Џејкоб Голдберг, рече дека неколку минути по прес-конференцијата на спасувачкиот тим, почнало да врне силен дожд.

15.55 ч – Спасувачката акција ќе продолжи утре

На прес-конференцијата, гувернерот на провинцијата Чијанг Рај, Наронгсак Осатанакорн, истакна дека спасувачката акција ќе продолжи утре. Тој истакна дека здравјето на децата е добро и денешната акција ја оцени како успешна. Потврди дека досега се извлечени четири момчиња. Според неговите зборови, акцијата ќе продолжи за 10 до 12 часа.

RKS@kchelvi575

I know this rescue ops is going to be intense as hell but I dint expect it to be this scary ?. These guys deserve Medal of Honour ?

Twitter Ads info and privacy

15.45 ч – Момчињата се хоспитализирани

Четирите момчиња што беа извлечени набргу беа однесени во болница и се наоѓаат на прегледи. Како што пренесуваат локалните медиуми, здравствената состојба на едно од момчињата внимателно се набљудува.

15.39 ч – Се огласи и Трамп

Американскиот претседател, Доналд Трамп, на „Твитер“ напиша дека САД одблиску соработуваат со тајландската влада во акцијата за спасување на момчињата од пештерата.

Donald J. Trump

✔@realDonaldTrump

The U.S. is working very closely with the Government of Thailand to help get all of the children out of the cave and to safety. Very brave and talented people!

Twitter Ads info and privacy

15.16 ч – Тајландските „фоки“: Спасени се четири момчиња

Елитната тајландска единица „Фоки“ објави на „Фејсбук“ дека четири момчиња се извлечени од пештерата во која беа заробени 15 дена. Тие се пренесени во болница во Чијанг Раи.

15.03 ч – Семејство се моли за спасување на своето дете

Семејството на 14-годишниот Нутавута Такумсонха се моли за негово спасување и безбедно враќање. Тие најавуваат дека кога ќе се врати, ќе го прослават тоа како негов втор роденден. Неговата баба Ванкаев Пакхума вели дека ѝ олеснило оти децата се пронајдени, но и понатаму е многу загрижена за нивната судбина.

View image on TwitterView image on Twitter

Parthiban@itsparthiban

The family of 14-year-old Nuttawut Takumsonh r praying 4 their boy’s safe return, & say they first thing they’ll do when he’s out is throw a birthday party 4 him. His grandmother has been praying at a shrine in their home, waiting for him to come back safely.

Twitter Ads info and privacy

14.55 ч „Ројтерс“: Шест деца се извлечени од пештерата

„Ројтерс“, повикувајќи се на неиуменуван член на медицинскиот тим, пренесе дека од пештерата излегле шест момчиња. Информацијата подоцна беше демантирана.

14.20 ч – Прв од пештерата е извлечен Адул

Детето што прво беше извлечено од пештерата се вика Адул, пресуваат тајландските медиуми.

View image on TwitterView image on TwitterView image on TwitterView image on Twitter

Helier Cheung@HelierCheung

Ambulance just left with sirens

Twitter Ads info and privacy

14.06 ч – Две момчиња спасени од пештерата на Тајланд

Спасувачите извлекоа две момчиња од пештерата на Тајланд, јавија локалните медиуми. Ваквата информација ја потврдиле локалните власти за „Ројтерс“.

„Две деца се надвор. Тие се на пат кон болница“, рекол Тосатеп Бунтонг, шеф на институтот за здравје во Чијанг Раи и дел од спасувачкиот тим. Агенцијата „Франс прес“, пак, јави дека набргу се очекува да излезат уште четири момчиња. Тие моментно се наоѓаат во базата на нуркачите внатре во пештерата и се очекува пеш да го продолжат патот до излезот.

12.52 ч – Опасен пат до површината

Талјандската новинска агенција објави нов графички приказ на акцијата за спасување на кој јасно се гледа како децата ќе бидат извлечени на површината. Патот е тежок и опасен.

12.25 ч – Сè зависи од времето

Рафаел Ароуш, израелски нуркач што живее на Тајланд и кој е вклучен во акцијата за спасување, вели дека времето е јак фактор и дека е навистина страшно. Според неговите зборови, во пештерата има многу јаки водни струи, водата се влева од сите можни страни, а временските услови може да ја уништат целата акција.

– Брзината е многу, многу важна – вели тој.

12.02 ч – Првата група деца тргна кон излезот

Првата група момчиња тргна кон излезот, пишува „Гардијан“. Хеликоптерите, кои би требало да ги однесат до најблиската болница во регионот, оддалечена речиси 100 километри, стигнаа на самото место.

11.35 ч – Тренерот напиша порака со извинување

Тренерот што ги одведе децата во пештерата на родителите им испрати пишана порака со извинување.

– Драги родители, сите деца се добри, спасувачкиот тим внимава на нас. Ветувам дека ќе се грижам за сите деца. Им благодарам на сите што помагаат – напиша тој.

10.58 ч – Детали за спасувачката акција – децата ќе бидат влечени со јаже

Тајландската влада го објави планот за спасување на заробените деца во пештерата. Според него, двајца нуркачи ќе придружуваат по едно момче, а низ пештерата ќе ги влечат со јаже.

Кога ќе наидат на тесен премин, нуркачите ќе ги отстрануваат боците со кислород од грбот и ќе ги тркалаат низ премините.

10.30 ч – Почна акцијата за спасување на заробените деца во пештерата

Акцијата за спасување на 12-те деца и нивниот фудбалски тренер од пештерата на Тајланд почна околу 10 часот по локално време.

Спасувачите влегле во пештерата, а претходно на новинарските екипи и на другите присутни им било кажано да ја напуштат околината. Во близина на пештерата останале само спасувачите, лекарите и обезбедувањето. Пристигнати се неколку амбулантни возила и хеликоптери за децата бргу да бидат пренесени во болница.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Свет

Откриен големиот воен проект на Трамп, Илон Маск е вклучен во сѐ

Објавено пред

1 час

- 20 април, 2025

Од

Компанијата на Илон Маск, заедно со партнерите „Palantir“ и „Anduril“, моментално е еден од главните кандидати за развој на клучните делови на новиот американски противракетен одбранбен штит „Златна купола“.

dobivaj vesti na viber

Компанијата на Илон Маск, позната по своите ракети и сателити, соработуваше со софтверскиот гигант „Palantir“ и производителот на дронови „Anduril“ за да понуди решение кое вклучува сателитска мрежа за рано откривање и следење на проектили. Проектот предизвика голем интерес кај растечката база на технолошки стартапи кои влегуваат во одбранбениот сектор.

На 27 јануари, претседателот Доналд Трамп, потпишувајќи извршна наредба, ги означи ракетните напади како „најкатастрофалната закана со која се соочуваат Соединетите држави“.

Сите три компании се основани од претприемачи познати по поддршката на Трамп. Маск наводно донирал повеќе од 250 милиони долари за својата политичка кампања и сега служи како специјален советник на претседателот за намалување на владините трошоци, преку новосоздадената Канцеларија за владина ефикасност. Иако досега сигналите од Пентагон се позитивни за конзорциумот „SpaceX“, изворите предупредуваат дека целиот процес сѐ уште е во рана фаза и дека конечните одлуки би можеле значително да го променат текот на проектот во наредните месеци.

Повеќе од 1000 сателити

Според планот неодамна претставен од „SpaceX“, „Palantir“ и „Anduril“ на претставниците на Белата куќа и Пентагон, проектот предвидува лансирање помеѓу 400 и повеќе од 1.000 сателити кои ќе детектираат проектили и ќе го следат нивниот лет, велат изворите. Покрај тоа, планирана е и специјална флота од околу 200 сателити опремени со проектили или ласери кои би можеле да соборат непријателски проектили. Според упатените, „SpaceX“ нема да биде директно вклучен во вооружувањето на сателитите.

Еден извор ги опиша овие преговори како „отстапување од стандардните процедури“, истакнувајќи дека постои чувствителен однос со Маск поради неговата советничка позиција во владата. „SpaceX“ и Илон Маск одбија да коментираат дали учествуваат во разговорите за владиниот договор, а Пентагон одговори на истрагата на Ројтерс само дека „ќе му ги претстави опциите на претседателот во согласност со извршната наредба и упатствата на Белата куќа“.

Ниту „SpaceX“, „Palantir“, ниту „Anduril“ не одговорија на прашањата за проектот. Откако беше објавена веста на Ројтерс, Маск на својата социјална мрежа Х кратко коментираше со порака: „Тоа не е точно“, без дополнително објаснување.

Претплата наместо традиционално купување?

„SpaceX“ предложи владата да не го купува системот за купола, туку да го користи преку модел на претплата – плаќајќи за пристап до технологијата наместо сопственост на неа. Овој модел, досега непознат за јавноста, може да овозможи побрза имплементација бидејќи ги заобиколува класичните и често долги процедури за воени набавки, велат два извора. Но, во исто време, владата би била врзана за долгорочна претплата, губејќи одредена контрола врз развојот на системот и трошоците.

Некои претставници на Пентагон веќе изразија загриженост за таквиот пристап, што е невообичаено за проекти од оваа големина и стратешко значење. Генералот на американските вселенски сили Мајкл Гетлин, според изворите, размислува за опција во која „SpaceX“ би поседувал и би управувал со сопствен дел од системот. Алтернативите вклучуваат целосна државна контрола врз системот или државна сопственост со оперативно управување од приватни изведувачи.

Пентагон доби повеќе од 180 понуди од компании кои сакаат да учествуваат во изградбата на „Златната купола“, вклучително и стартапи како „Epirus“, „Ursa Major“ и „Armada“. Некои понуди веќе се претставени пред членовите на Советот за национална безбедност во Белата куќа.

Заменик-секретарот за одбрана Стив Фајнберг, поранешен инвеститор во приватниот сектор, ќе има клучна улога во процесот на донесување одлуки. Проценките покажуваат дека цената на целиот систем би можела да достигне стотици милијарди долари, а првата функционална фаза е планирана за почетокот на 2026 година, додека полн капацитет се очекува по 2030 година.

Ќе видиме дали „SpaceX“ и партнерите ќе успеат

Лаура Грего од Сојузот на научници предупредува дека таков систем би бил скап, ранлив и би можел да биде совладан од повеќекратни истовремени напади, за кои би биле потребни десетици илјади сателити.

„SpaceX“ се стреми кон таканаречениот „надзорен слој“ – мрежа од сателити кои ќе детектираат лансирање ракети и ќе одредат дали тие претставуваат закана за САД. Прелиминарната проценка на трошоците за инженерство и дизајн е помеѓу 6 и 10 милијарди долари.

„SpaceX“ во последните години лансираше стотици шпионски сателити и прототипови кои би можеле брзо да се прилагодат за потребите на „Златната купола“. Според внатрешен меморандум на американскиот секретар за одбрана Питер Хегсет, Пентагон го забрзал барањето за предлози за лансирање сателитски соѕвездија што е можно поскоро.

Иако „SpaceX“ ја има предноста на постоечката флота на ракети и сателити, експертите предупредуваат дека сè уште не е сигурно дали компаниите на Маск можат да испорачаат целосен систем на кој би можела да се потпре националната одбрана.

„Ќе видиме дали компанијата на Маск и нејзините партнери ќе можат да го извлечат. Ова е многу покомплексно од кој било проект што тие го воделе досега“, рече еден од изворите.

Во меѓувреме, некои демократски конгресмени изразуваат загриженост за двојната улога на Маск.

„Кога најбогатиот човек во светот станува специјален државен функционер и може да влијае на протокот на милијарди долари државни пари во неговите компании, тоа е сериозен проблем“, рече сенаторот Жан Шин, кој предложи закон со кој ќе се забрани доделување владини договори на компании во сопственост на такви функционери. Конгресменот Доналд Баер, исто така, изрази загриженост, нагласувајќи дека Маск има „невиден пристап до доверливи информации“ и дека сите потенцијални договори со неговите компании се „сомнителни“.

Прикажи повеќе...

Свет

Пукање пред хотел Хилтон во Берлин на велгиденското утро, има ранети

Објавено пред

2 часа

- 20 април, 2025

Од

На Велигден имало пукање пред хотелот Хилтон во Берлин.

dobivaj vesti na viber

Според првичните информации, најмалку едно лице е повредено.

Пукањето се случило околу пет часот наутро, а засега не се знае кој бил мотивот за пукањето и колку точно истрели биле испукани.

Според медиумите, најмалку едно машко лице е повредено.

Првите податоци од истрагата покажуваат дека во престрелката учествувале најмалку двајца напаѓачи.

Портпаролот на берлинскиот полициски оперативен центар потврди дека во хотелот било употребено огнено оружје.

„Едно лице во таа прилика е очигледно рането во прстот од проектил. Истрагата за позадината и текот на настаните во моментов е во полн ек“, изјави портпаролот на полицијата.

Прикажи повеќе...

Свет

Афера го тресе Пентагон, клучен советник буквално истеран од зградата

Објавено пред

2 часа

- 20 април, 2025

Од

Ден Колдвел, некогаш главен советник на американскиот секретар за одбрана Пит Хегсет, заедно со уште двајца претставници на Пентагон, изрази сомнеж за протекување информации во истрагата што доведе до нивно разрешување оваа недела.

dobivaj vesti na viber

„Неверојатно сме разочарани од начинот на кој заврши нашата служба во Министерството за одбрана. Неименувани функционери на Пентагон не наклеветија по нашето отстранување“, напиша Кoлдвел на социјалната мрежа „X“.

Колдвел и другите осомничени додадоа дека сè уште не разбираат зошто се под истрага, дали се уште е активна истрага и дали воопшто имало истрага за протекувањето.

Тоа беше прв коментар на Колдвел откако Ројтерс откри дека бил придружуван од обезбедувањето од зградата на Пентагон во вторникот, откако бил идентификуван за „неовластено откривање“ во истрагата на Пентагон за протекувањето информации, изјави американски претставник за британската агенција.

По Калдвел, Пентагон ги отстрани и помалку високите функционери Дарин Селник, кој неодамна стана заменик началник на Генералштабот на Хегсет, како и Колин Керол, кој беше шеф на кабинетот на заменик-секретарот за одбрана Стив Фајнберг.

Изјавата на Колдвел, Селник и Керол сугерира дека тие не откриле чувствителни или доверливи информации бидејќи рекле дека ја разбираат важноста на безбедноста на информациите.

Пентагон не одговори веднаш на барањето за коментар.

Иако Колдвел не е толку познат како другите високи функционери на Пентагон, тој одигра клучна улога како советник на Хегсет.

Нејзината важност беше истакната во протечената серија на сигнални пораки објавени од Атлантик во минатиот месец.

Во него, Хегсет го именуваше Калдвел како главна точка на контакт за персоналот на Советот за национална безбедност додека се подготвуваше да ги нападне Хутите во Јемен.

Колдвел го привлече вниманието во Вашингтон за неговите минати позиции кои критичарите ги нарекоа изолационистички, но за кои поборниците велат дека се обидуваат да ја одредат вистинската големина на одбранбените приоритети на Америка.

Колдвел, ветеран од Маринскиот корпус кој служел во Ирак, пред да замине во Пентагон изјави дека на Соединетите Држави би им било подобро доколку американските војници останале дома.

Тој, исто така, беше скептичен за американската воена помош за Украина и се залагаше за повлекување на САД од Европа.

Отстранувањето на Колдвел е одвоено од бранот отпуштања што Хегсет, поранешен водител на Фокс њуз и воен ветеран, го иницираше откако го презеде Пентагон во јануари.

Овие отпуштања на највисоките воени функционери го вклучија и претседателот на Здружениот штаб и многу други високи офицери.

Прикажи повеќе...

Најново

Македонија32 минути

Меџити: Вреди ќе се менува, платформата станува партија

Од платформата Вреди наскоро ќе произлезе нова политичка партија, која ќе настапи обединето на претстојните локални избори. Како што најави...
Свет1 час

Откриен големиот воен проект на Трамп, Илон Маск е вклучен во сѐ

Компанијата на Илон Маск, заедно со партнерите „Palantir“ и „Anduril“, моментално е еден од главните кандидати за развој на клучните...
Македонија3 часа

Г.г. Стефан: Страдањето во Кочани нè соочи со суровата стварност на смртта, само надежта во воскресението ни даде утеха

Овогодишниот Велигден го доживуваме поразлично од досега, по страшниот пожар во Кочани во кој пострадаа шеесетина наши чеда, а повеќе...
Македонија3 часа

Сиљановска-Давкова: Од велигденската светлина да црпиме сила за солидарност и човечност

Претседателката на државата, Гордана Сиљановска-Давкова, упати велигденска честитка до поглаварите на верските заедници и до сите верници од христијанска вероисповед...
Македонија6 часа

Христос воскресе објавено во полноќните литургии, црквите преполни со верници

Православните верници денеска го одбележуваат најголемиот христијански празник – Велигден, денот на Христовото воскресение, кога, според верата, Исус Христос ја...
Македонија6 часа

Сончево и топло низ целата земја, температури до 27 степени

По нестабилностите од претходните денови, денес ќе има стабилизација на времето во целата држава. Ќе биде сончево и топло, со...
Свет18 часа

За Зеленски велигденското примирје на Путин е нова манипулација

Украинскиот претседател Володимир Зеленски изрази скептицизам во врска со едностраниот велигденски прекин на огнот, објавен денеска од рускиот претседател Владимир Путин. Во...
Свет20 часа

Путин објави велигденско примирје

Рускиот претседател Владимир Путин објави велигденско примирје и запирање на сите воени операции, соопшти Кремљ. – Руската страна, водејќи се...
Македонија23 часа

Родителите на децата загинати во пожарот во Кочани: Живееме за да одиме на гробишта, да си помуабетиме со нашите деца

Обвинители, дали нашиот молк, тишината и тагата по нашите деца, кои се убиени, ви даде право да ослободите лица кои...
Топ24 часа

Деветнаесетгодишно момче загина откако со БМВ излета од пат

Момче на 19-годишна возраст од село Миравци, загина утрово околу четири часот кога со автомобил БМВ, што го управувало, излетало...
Топ1 ден

МВР го објави идентитетот на загинатите во тешката сообраќајка

На 18.04.2025 во 20.40 часот во ОВР Кичево e пријавено дека на магистралниот пат Кичево-Гостивар, кај место викано „Сеферов бунар“,...
Македонија1 ден

Тошковски: Голема неприлагодена брзина е причината за сообраќајката во која загинаа три лица

Голема неприлагодена брзина е причината за трагедијата која вчера се случи на патот Кичево-Гостивар, а во која загинаа три лица....
Македонија1 ден

Со протестен марш на семејствата, ќе се бара правда за настраданите во пожарот во Кочани

Во Кочани за денеска во 12:05 часот е најавен нов протестен марш на семејствата на настраданите во пожарот во дискотеката...
Топ1 ден

Три лица загинаа, а осум се повредени во сообраќајната несреќа на патниот правец Кичево-Гостивар

Три лица загинаа, а осум се повредени во сообраќајната несреќа што вчера вечерта се случи на патниот правец Кичево-Гостивар. Од...
Македонија2 дена

Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани

Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Топ2 дена

Одземени возила: биле користени во „диви“ трки во Куманово

На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Македонија2 дена

Синдикатот на културата разочаран од Љутков: вработените останаа без плата за најголемиот христијански празник

Секој март од 2021 па наваму, кога се коригира минималната плата и кога платите во културата треба да се усогласат...
Македонија2 дена

Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката

Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
Топ2 дена

Се задушил од запалена плинска боца: пронајден починат маж во Кавадарци

Центарот за управување со кризи (ЦУК) информира дека пожар во урбана средина бил трагичен за повозрасно лице во Кавадарци. Од...
Македонија2 дена

Историја без Албанци-Новата програма за седмо одделение ги исклучува од учебниците, реагираат од ДУИ

Новата програма на Бирото за развој на образованието при Министерството за образование и наука за предметот „Историја и општество“ за...