Свет
Орбан: Ги разоткривме плановите на Брисел, па сега ни се лутат

Унгарската Влада би можела да продолжи со медиумската кампања против институциите на Европската Унија, најави унгарскиот премиер Виктор Орбан, додека неговата партија „Фидез“, не се откажува, оди на изборите за Европскиот парламент, кои се одржуваат на 26 мај.
Европската народна партија во средата изгласа суспензија на партијата на Орбан, „Фидез“, поради загриженост дека партијата го крши начелото на ЕУ за владеење на правото.
Тој чекор делумно предизвика медиумска кампања од Орбан во која тој го нападна претседателот на Европската комисија, Жан Клод Јункр, нарекувајќи го заговорник на масовната миграција и кукла на конец на американскиот милијардер и глобален активист, Џорџ Сорос.
Орбан ги прекина медиумските напади и се извини на членовите на Европската комисија.
„Луѓето малку се лутат на нас во Брисел, зошто на почетокот на изборната кампања за европски избори, водевме информативна кампања во Унгарија, суштински разоткриваји што планирал Брисел. Ги разоткривме, па природно е да се лути“ рекол Орбан.
Унгарскиот премиер честопати се судрувал со ЕУ, поради антиимигранстаката кампања и правосудните реформи.
„Наша работа е непрекинато информирање на луѓето за тоа што Брисел планира да прави“ порача Орбан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Утре ќе разговарам со Путин, има добри шанси да ја завршиме војната

Американскиот претседател Доналд Трамп најави дека утре ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва.
„Во вторник ќе разговарам со претседателот Путин. За време на викендот беше завршена многу работа. Сакаме да видиме дали можеме да ја завршиме оваа војна. Можеби можеме, можеби не можеме, но мислам дека шансите се добри“, рече Трамп за време на летот од Флорида до Вашингтон. Трамп ќе се обиде да добие поддршка од Путин за предложениот 30-дневен прекин на огнот што Украина го прифати минатата недела.
„Ќе разговараме за територии и за енергетски капацитети. Мислам дека веќе разговаравме многу за тоа со двете страни, и Украина и Русија“, рече Трамп на прашањето што ќе вклучуваат разговорите за прекин на огнот.
Американскиот државен секретар Марко Рубио и рускиот министер за надворешни работи Сергеј Лавров завчера разговараа за „следните чекори“ во предложениот прекин на огнот во Украина, пишува Политико.
Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.