Свет
Орбан: На Украинците им дадовме 70 милијарди евра, но не знаеме за што се потрошени

Унгарскиот премиер Виктор Орбан во интервју на радио изјави дека војната во Украина може да се реши само со дипломатија и разговори. Тој смета дека првиот чекор треба да биде итен прекин на огнот. Тој додаде дека Унгарија мора да биде истрајна во залагањето за мир, пренесува Daily News Hungary.
„Ако нè фрлат низ прозорецот, ние мора да се вратиме низ вратата, а ако нè турнат надвор од вратата, мора да се вратиме низ прозорецот“, нагласи тој. Тој тврди дека војната била многу скапа и дека Украина останала без пари и едвај преживува. Тој смета дека украинската армија е оперативна исклучиво благодарение на западните пари.
„Веќе дадовме повеќе од 70 милијарди евра“
„Постојат две прашања: едното се однесува на одлуката на претседателот на САД за тоа колку долго ќе троши милијарди овде во Источна Европа, а другото е колку долго може да издржи Европа“, рече тој. Тој истакна дека Европската Унија може да генерира пари доколку земјите членки „ги фрлат своите пари во заедничката каса“.
„До кога можеме да издржиме кога европската економија е во неволја и не гледаме крај на војната? Веќе дадовме повеќе од 70 милијарди евра, но не можеме да видиме како се потрошени. Сметките не се направени“, истакна Орбан. Тој повтори дека војната во Украина ја оптоварува светската економија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.