Свет
Орбан пристигна во Москва: „Мировната мисија продолжува“

Унгарскиот премиер Виктор Орбан денеска пристигна во Москва, само неколку дена по неговото прво патување во Украина од почетокот на руската сеопфатна војна, соопштија за медиумите од прес-службата на Орбан, пренесува „Киев индипендент“.
„Раша тудеј“ објави дека за војната со Украина ќе разговара со рускиот претседател Владимир Путин. Орбан кратко се огласи на социјалната мрежа Х.
The #peace mission continues. Second stop: #Moscow. pic.twitter.com/kPOkKBsJQm
— Orbán Viktor (@PM_ViktorOrban) July 5, 2024
„Мировната мисија продолжува. Втора станица: Москва“, рече тој.
Портпаролот на Кремљ, Дмитриј Песков, потврди дека разговорите меѓу Орбан и Путин ќе се водат во Кремљ и дека една од темите ќе биде Украина.
По пристигнувањето на Орбан во Москва, зборуваше и полскиот премиер, Доналд Туск.
„Ќе послужиме како важна алатка во правењето на првиот чекор кон мирот. Прашањето е во чии раце е таа алатка“, објави Туск на Х.
Посетата на Орбан на Путин ја коментира и претседателката на Европската комисија, Урсула фон дер Лајен.
„Помирувањето нема да го спречи Путин. Само единството и решителноста ќе го отворат патот за сеопфатен, праведен и траен мир во Украина“, рече таа.
Орбан последен пат ја посети Русија во септември 2022 година за да присуствува на погребот на советскиот лидер Михаил Горбачов, но тогаш не се сретна со рускиот претседател Владимир Путин.
Медиумите потсетуваат дека европските лидери претходно изразија загриженост за посетата на Орбан.
Иако Унгарија го презеде претседавањето со ЕУ, претседателот на Европскиот совет, Шарл Мишел, посочи дека Орбан нема мандат да разговара со Русија во име на ЕУ, а полскиот премиер Доналд Туск побара појаснување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.