Свет
Орбан: Унгарија е „трн во око“ на западните земји

„Будимпешта не планира да отстапи од својот став за главните политички и општествени прашања, иако е свесна дека лидерите на САД и ЕУ ќе продолжат да ја напаѓаат“, изјави премиерот на Унгарија, Виктор Орбан на состанок со пратениците на владејачката партија.
Според весникот „Маѓар немзет“, на состанокот кој бил одржан зад затворени врати, Орбан навел дека Унгарија е „трн во окото“ на западните земји бидејќи е „најслободната земја во Европа“.
„Нашите граници се безбедни и тука нема мигранти. Наместо тоа, водиме семејна политика и никој не им наметнува родови идеи на децата. Не ѝ даваме оружје на Украина и не сакаме да се мешаме во војната“, рекол Орбан.
Предупредил на намерата на лидерите на ЕУ на Унгарија да ѝ го одземат економскиот, културниот и политичкиот суверенитет со тоа што ќе го променат начинот на кој Будимпешта го снабдува со гас населението и ќе ја присилат да прими десетици илјади мигранти во државата.
Орбан смета дека Западот сака да ја присили Унгарија да ѝ даде пари на Украина и да го одобри членството на таа држава во ЕУ без дебата, иако не ги исполнува условите.
„Нема да дозволиме тоа да се случи“, вели Орбан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Вашингтон го тужеше Трамп: „Присилната окупација мора да престане“

Вашингтон ја тужеше администрацијата на Доналд Трамп поради распоредувањето на Националната гарда во главниот град на САД.
Тужбата, поднесена во федералниот суд, бара од судот да издаде наредба со која се забранува распоредувањето на Националната гарда. Одлуката за распоредување се смета за неуставна и крши неколку федерални закони.
„Вооружените војници не треба да ги надгледуваат американските граѓани на американска почва“, напиша главниот обвинител на округот Колумбија, Брајан Швалб, на X.
„Присилната воена окупација на Вашингтон е кршење на нашата локална автономија и основни слободи. Мора да престане“, додаде тој.
Откако се врати во Белата куќа во јануари, американскиот претседател Доналд Трамп се обиде да ја прошири улогата на војската на американска територија, што критичарите го сметаат за опасно проширување на извршната власт што може да поттикне тензии меѓу војската и обичните граѓани.
Свет
Зеленски првпат коментираше за поканата на Путин да дојде на состанок во Москва

Како одговор на поканата на рускиот претседател Владимир Путин да дојде во Москва на разговори, украинскиот претседател Володимир Зеленски изјави дека поканата всушност значи дека Путин не сака состанок.
Зборувајќи на прес-конференција во Париз по состанокот на група земји подготвени да обезбедат воена помош на Украина, Зеленски рече дека бил информиран за повикот на Путин од американски посредници.
„Нашите американски партнери ни кажаа дека Путин ме поканил во Москва и верувам дека со поканата всушност сака да ја избегне средбата“, додаде тој.
Сепак, тој рече дека самиот факт што се појави прашањето за организирање состанок не е лош.
„Русија почна да зборува за состанок, што не е лошо. Но, досега не ја гледаме нивната желба да се стави крај на војната“, рече Зеленски.
Зборувајќи на прес-конференција во Пекинг вчера, рускиот претседател Путин рече дека би бил подготвен да се сретне со Зеленски ако ја посети Москва.
„Никогаш не сум го одбил тоа, под услов состанокот да е добро подготвен и да може да доведе до некои позитивни потенцијални исходи. Американскиот претседател Доналд Трамп ме праша дали можам да организирам таков состанок. Одговорив да, можно е. На крајот на краиштата, ако Зеленски е подготвен, нека дојде во Москва, тогаш состанокот ќе се одржи“, рече Путин.
Свет
26 земји се подготвени да испратат војници во Украина

Дваесет и шест земји се подготвени да учествуваат во меѓународните сили како дел од безбедносните гаранции за Украина во случај на мировен договор со Русија, објави денес францускиот претседател Емануел Макрон по самитот на сојузничките земји во Киев.
„Како форма на зајакнување на мирот, 26 земји се обврзаа да распоредат војници во Украина, каде што ќе бидат присутни на копно, на море или во воздух“, изјави Макрон пред новинарите, стоејќи до украинскиот претседател Володимир Зеленски во Елисејската палата во Париз.
Францускиот претседател не кажа кои земји ги понудија своите војници, но се знае дека Франција и Велика Британија се меѓу нив.
„Вечерњи лист“ објави дека Хрватска не е меѓу земјите кои се подготвени да испратат војници во Украина, ниту пак се Италија и Полска.
Макрон рече дека тој, колегите европски лидери и украинскиот претседател имале телефонски разговор со американскиот претседател Доналд Трамп по нивниот самит и дека придонесот на САД кон планираните гаранции ќе биде финализиран во наредните денови.