Свет
Ортега: Зеленски е син на Хитлер, Нетанјаху на ѓаволот

Претседателот на Никарагва, Даниел Ортега ги критикуваше израелскиот премиер Бенјамин Нетанјаху и украинскиот лидер Владимир Зеленски, споредувајќи ги двајцата политичари со Адолф Хитлер, пишуваат медиумите во регионот.
Во својот говор тој го осуди Нетанјаху, споредувајќи ја неговата политика со онаа на нацистите.
„На чело на израелската влада е премиер кој е син на ѓаволот. Зошто? Затоа што тој ја практикува политиката на терор како Хитлер“, рече Ортега.
Тој, исто така, ги нападна западните поддржувачи на Израел, велејќи дека акциите на земјите од ЕУ и САД или ќе ја „одведат планетата до тотална војна“ или ќе доведат до нивен целосен пораз.
Ортега исто така го спореди Зеленски со Хитлер.
„Зеленски е уште еден нацист, уште еден син на Хитлер, кој сака да го компромитира НАТО за да војува против Русија“, рече тој. Ортега долго го критикуваше украинскиот лидер, постојано етикетирајќи го како нацист, според светските медиуми.
Никарагва формално ги прекина врските со Израел и долго време имаше комплицирани односи со земјата, со долги периоди во кои двете нации немаа дипломатски врски. Израел и Никарагва ги поправија односите во 2017 година, откако Ортега ги прекина во 2010 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Билборди со честитки за роденденот на Лукашенко се појавија во Белград и Нови Сад

Во Белград и Нови Сад се појавија огромни плакати со честитки за роденденот на авторитарниот белоруски претседател Александар Лукашенко. Зад оваа акција стои Конзервативното движење „Наши“, објавува Нова.рс.
На постерите поставени низ српскиот главен град и Нови Сад пишуваше: „Среќен роденден, претседателе Лукашенко! Србија те сака!“. Иван Ивановиќ, лидерот на ова десничарско движење, е наведен како потписник.
Билборды Лукашенко в Сербии – Поздравление с днём рождения
В Белграде и Нови-Саде появилась поздравительная открытка к дню рождения Президента Александра Лукашенко#belarus #lukaschenko #lukasenko pic.twitter.com/tAcHB52eWM
— Иван Ивановић (@ivan_nasi) August 30, 2025
Ова не е прв пат движењето „Наши“ да организира слични кампањи. Во февруари минатата година, тие го преплавија Белград со постери со пораката „Србија е со Лукашенко“.
фото: принтскрин
Регион
Вучиќ на средба со Путин во Кина

Претседателот на Србија, Александар Вучиќ, ќе ја посети Народна Република Кина од 2 до 4 септември, каде што, на покана на претседателот на Кина, Си Џинпинг, ќе присуствува на прославата на 80-годишнината од победата во Втората светска војна.
За време на посетата на Пекинг, претседателот Вучиќ ќе се сретне со претседателот на Кина, Си Џинпинг, и со претседателот на Руската Федерација, Владимир Путин, соопшти Канцеларијата за односи со медиумите на претседателот на Србија.
Исто така, како што е наведено во соопштението, Вучиќ ќе се сретне со претставници на големи компании.
Свет
(Видео) Се урна воен хеликоптер во Пакистан, петмина загинати

Најмалку пет лица загинаа денес откако воен хеликоптер се урна во северен Пакистан, изјави портпарол на владата.
Хеликоптерот се урна во округот Диамер во регионот Гилгит-Балтистан, при што загинаа сите пет члена на екипажот, изјави за агенцијата Анадолија, Фајзулах Фирак, портпарол на владата Гилгит-Балтистан.
Pak Army helicopter crashed on Monday morning in the village of Hudur, Thor Valley, District Diamer. According to GB govt Spokesman Faizullah Faraq, the accident occurred during landing due to a technical fault, resulting in the martyrdom of two pilots and three crew members. pic.twitter.com/ZVQyClPOaY
— Reevnat Demha (@Mountain_Man007) September 1, 2025
Тој објасни дека хеликоптерот се користел за спасувачки и хуманитарни мисии по неодамнешните дождови и поплави во регионот.
Фирак додаде дека во хеликоптерот имало двајца пилоти и тројца членови на техничкиот персонал.
A Pakistan Army Aviation Corps Mi-17 helicopter has crashed due to technical malfunction in Diamer-Hudur, Chilas, Gilgit Baltistan Province. pic.twitter.com/m8c0fDHHoo
— OSINTWarfare (@OSINTWarfare) September 1, 2025
Хеликоптерот вршел пробно слетување на нов хелиодром. Спасувачките екипи пристигнале на местото на несреќата и започнале со спасувачки операции.
Немаше непосредни информации за причината за несреќата, иако портпаролот на владата на Гилгит-Балтистан наведе „техничка неисправност“.
фото: принтскрин