Свет
Осум земји го изгубија правото на глас во Обединетите нации
Осум земји, вклучувајќи ги Иран, Судан и Венецуела, го загубија правото на глас во ОН поради преголемиот долг кон организацијата, изјави генералниот секретар Антонио Гутереш.
Вкупно 11 земји членки во моментот доцнат со уплатата на придонесите во согласност со член 19 од Повелбата на ОН, наведе Гутереш во писмото до членовите на Генералното собрание, кое денеска беше прегледано од агенцијата „Франс прес“.
Членот 19 предвидува суспензија на правата на глас на Генералното собрание за секоја земја чии заостанати долгови се еднакви или поголеми од придонесите што ги платила во последните две години.
Ако неплаќањето се случило поради околности надвор од контрола, државата сè уште може да го задржи своето право на глас, што е случај оваа година за три земји – Коморите, Сао Томе и Принсипе и Сомалија, рече Гутереш.
Покрај Иран, Судан и Венецуела, своите права ги загубија уште пет земји – Антигва и Барбуда, Конго, Гвинеја, Папуа Нова Гвинеја и Вануату.
За овие земји да си го вратат правото на глас, потребно е да се плати барем минимална сума, која не е иста за сите земји. Иран треба да плати повеќе од 18 милиони долари, Судан околу 300.000 долари, а Венецуела речиси 40 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Шест мигранти загинаа за време на полициска потера во Бугарија, четири лица се повредени
Шест мигранти се убиени, а четири лица се повредени за време на полициска потера во близина на градот Бургас на Црното Море, јавува бугарската агенција „БТА“.
„’Шкода’ со романски регистарски таблички превезувала 10 лица, не застанала кога наишла на полициски контролен пункт и се обидела да побегне синоќа“, изјави началникот на Граничната полиција, Антон Златанов, за „БТВ“.
Шест лица загинале на лице место, додека возачот, романски државјанин, и тројца преживеани мигранти добиле медицинска помош, јавува Ројтерс. Се верува дека преживеаните се од Авганистан.
Од 2015 година, балканските земји станаа главни транзитни рути за бегалци и мигранти од Блискиот Исток, Авганистан, Азија и Африка кои бегаат од војни и сиромаштија кон Европската Унија.
Регион
Шести ден штрајк со глад пред Собранието: Мајката на жртва од Нови Сад бара правда и избори
Дијана Хрка, мајка на младиот Стефан кој загина при уривање на натстрешницата во Нови Сад, штрајкува со глад веќе шести ден, а утрово го повика претседателот на Србија, Александар Вучиќ, лично и јавно да разговара со неа.
„Сега му се обраќам директно на Вучиќ. Ова што се случува е на лична основа. Само нека дојде да ми каже на која лична основа, па ќе му кажам и јас некои работи“, рече Дијана Хрка, додавајќи дека се чувствува добро, јавуваат српските медиуми.
Таа, сепак, не очекува Вучиќ да дојде до нејзиниот шатор поставен во близина на српското Собрание.
„Тоа никогаш нема да се случи. Го викам веќе една година, нема тој храброст“, изјави Хрка.
Пред зградата на Собранието на Србија е мирно, а во близина има полициски сили со опрема за растерување демонстрации. Граѓани ѝ приоѓаат на Дијана Хрка за да ја прашаат за нејзиното здравје и да ѝ понудат помош. Некои ѝ понудиле и свој стан во близина на Собранието за да се одмори или истушира.
Дијана Хрка го започна штрајкот со глад на 2 ноември, по комеморативниот собир одржан еден ден претходно во Нови Сад, по повод годишнината од падот на натстрешницата на железничката станица, при што загинаа 16 лица, меѓу кои и еден Македонец.
Мајката на Стефан Хрка бара процесуирање на одговорните за трагедијата, ослободување на сите притворени студенти и распишување вонредни парламентарни избори.
Свет
(Видео) Повеќе од 50 повредени во експлозија за време на молитва во џамија во Џакарта
Неколку десетици лица се повредени и хоспитализирани по експлозија што се случила во петок за време на молитва во џамија во образовен комплекс во индонезиската престолнина, соопшти полицијата.
Властите ја истражуваат причината за експлозијата во Келапа Гадинг, во северниот дел на Џакарта, изјави шефот на полицијата Асеп Еди Сухер.
Video: Explosion at Jakarta High School Leaves Several Students Injured https://t.co/z8YyHWiiKY pic.twitter.com/ZmJGof9k9t
— Cedar News (@cedar_news) November 7, 2025
Во болница се примени 54 лица, пренесе Сухер, додавајќи дека повредите се со различна тежина — од полесни до потешки, вклучувајќи сериозни изгореници.
Телевизиските канали Компас ТВ и Метро ТВ прикажаа снимки на полициски сили и итна помош околу училишниот комплекс. На снимките од џамијата не се забележува значителна штета на објектот.

