Свет
Отровната храна е последица од војната во Украина што допрва ќе се почувствува
Уште една страшна последица од војната во Украина што допрва ќе се почувствува ширум светот е токсичната почва. Украина е позната како „житницата на Европа“, но сега се поставува прашањето каков ќе биде квалитетот на тоа жито и секако последиците по здравјето на луѓето од жито растено на отровна земја.
Боевата муниција содржи олово, жива и ТНТ. Овие отровни тешки метали и експлозивни материјали ќе останат во почвата. Дури и војната во Украина да заврши денеска, тие уште долго ќе останат присутни во земјата. А последиците за луѓето, животните и природата се неизвесни, објавува ДВ, а пренесува Индекс.хр.
Според новинската агенција Ројтерс, најмалку 10,5 милиони хектари земјоделско земјиште во Украина наводно се загадени со хемикалии.
Кога отровните хемикалии ќе се најдат во водата или почвата, порано или подоцна ќе стигнат до луѓето преку растенијата, животните или водата за пиење. Ова сè уште се претпоставки на токсиколозите оти за многу локации сè уште недостасуваат потврдени информации за тоа како овие супстанции се однесуваат во почвата и какво влијание имаат врз здравјето на луѓето.
– Само на морското дно на германскиот дел од Северното и Балтичкото море рѓосуваат 1,6 милиони тони муниција, – вели професорот Едмунд Масер, директор на Институтот за токсикологија во Универзитетската болница во Кил. – Кога се распаѓа во водата, тоа ослободува токсичен коктел кој го загрозува морскиот екосистем и на крајот завршува во чиниите на оние кои јадат морска храна, – додава тој.
Опасните материи во муницијата главно се експлозиви и тешки метали. Меѓу експлозивите е и ТНТ кој спаѓа во групата нитроароматици познати по својата експлозивна моќ. – Знаеме од истражувањето направено на стаорци и глувци дека ТНТ е многу токсичен, – вели Масер.
Токсиколозите забележале дека ТНТ од фрлената муниција ја оштетува репродукцијата, растот и развојот на морските организми. Истото се однесува и на другите експлозиви. Тие се канцерогени.
Истото важи и за некои тешки метали како што се арсенот и кадмиумот.
– Тешките метали како живата главно се наоѓаат во детонаторите, каде што во форма на жива фулминати обезбедуваат побрзо детонирање на експлозиви како што е ТНТ, – објаснува Масер.
Живата е исто така еден од тешките метали и предизвикува оштетување на нервните клетки. Тоа може да доведе до вродени анималии кај неродените деца. Оловото може да има сличен ефект и да доведе до развојни нарушувања и спонтани абортуси.
Катерина Смирнова од Соколовскиот институт за наука и агрохемија на почвата на Националната академија на науките на Украина, една од водечките научни институции за почвата и заштита на почвата во Украина, вели дека примероците од почвата од регионот Харков веќе покажале зголемени концентрации на канцерогени тешки метали како што се олово и кадмиум.
Нејзината колешка Оксана Наидјонова, микробиолог од Институтот Соколовски, објаснува дека тешките метали негативно влијаат на активноста на бактериите во почвата.
– Тие го инхибираат развојот на растенијата и снабдувањето со микронутриенти, што придонесува за физиолошки нарушувања и ја намалува нивната отпорност на болести, вели таа.
Сепак, хемикалиите не мора да останат во почвата на само една локација. ТНТ, на пример, може да се разнесе и да се шири со ветер, објаснува Масер. Потоа, дождот придонесува овие супстанции да навлезат подлабоко во почвата. Оттаму, отровните супстанци доаѓаат до површинските води, загадувајќи ги потоците, реките и езерата.
Врз основа на неговото истражување во Северното и Балтичкото Море, Масер претпоставува дека хемикалиите од користеното оружје се акумулираат во синџирот на исхрана. – Стравуваме дека луѓето како крајни потрошувачи се изложени на ризик ако јадат таква контаминирана риба, – се согласуваат токсиколозите.
Токсикологот Едмунд Масер смета дека по оваа војна Црното Море веројатно ќе биде во слична состојба како Северното и Балтичкото Море: море полно со отровна муниција.
Токсиколог и неговиот тим бараат решенија за отстранување на токсичниот ТНТ од морето. Сепак, научниците сè уште не пронашле бактерија која би можела да се користи системски. А проблемот со тешките метали, како што велат, ќе остане.
Масер вели дека тие би можеле да го ископаат горниот слој на почвата за да ги извлечат тешките метали и ТНТ користејќи различни методи за да ја направат почвата повторно разумно употреблива и да ги отстрани хемикалиите. Сепак, таквите мерки за рехабилитација се скапи и одземаат многу време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Опсадна состојба во училиште во Загреб: наставничка се заклучила во училницата со учениците поради деветгодишното дете и неговите родители
Во едно основно училиште во центарот на Загреб утрово имало опсадна состојба поради што интервенирала дури и полицијата.
Наставничката се заклучила во училницата со учениците бидејќи родителите на едно 9-годишно момче барале тој да влезе во училницата, иако пред два месеца бил отстранет од час поради обвинувања за врсничко насилство од страна на врсниците и нивните родители.
Бидејќи родителите постапувале агресивно, наставничката се плашела за нивната и за сопствената безбедност.
„За среќа, наставничката беше присебна и ѝ благодариме за храброста. Таа се заклучи во училницата со нашите деца и им кажа дека тоа е тест-вежба за кризна ситуација. Сите побрзавме во училиштето и сме во шок. Ова е страшно, низ што поминуваме и децата и ние со месеци“, вели мајката на еден ученик за „Јутарњи лист“.
Кога стигнала на училиште, како што додава соговорничката на „Јутарњи лист“, заедно со другите родители седнале со момчето пред одделението и инсистирале да влезат во училницата.
Рекоа дека им е преку глава од тоа што нивното дете не оди нормално на училиште со другите.
Според написите, тој бил сместен во библиотеката и наставата ја следел онлајн на компјутер, а секогаш бил придружуван од професорка. Момчето секогаш било придружувано од возрасен и не јадело во исто време со учениците од неговото одделение, но децата не се осмелиле да влезат во библиотеката.
Секојдневно ги навредувал своите врсници од класот, малтретирал и сексуално вознемирувал девојчиња и ги снимал со својот мобилен телефон. Истото тоа им го направил и на момчињата удирајќи ги силно по грбот и во неколку наврати со тупаници по главата. Често им се заканувал дека ќе ги убие нивните родители.
Како што пренесува медиумот, фрлил помало момче во воздухот, па дури и турнал еден врсник толку силно што со главата удрил во работ од масата и добил модринка под окото.
Ова биле некои од инцидентите што се случиле во училиштето од ноември минатата година за време на наставата или за време на паузата, а кои ги раскажуваат родителите на учениците.
Исто така, момчето редовно ја прекинувало наставата со викање, лаење или мјаукање.
Наставничката со месеци не го користела одморот и не излегувала од училницата бидејќи знаела дека децата не се безбедни.
Свет
Соседот на атентаторот на словачкиот премиер: Ми кажа зошто му се налутил
Неколку полицајци денеска застанаа на влезот од станот во кој живееше 71-годишниот поранешен чувар и поет Јурај Цинтула, осомничен дека пукал во словачкиот премиер Роберт Фицо.
„Шокиран сум. Тој беше љубезен, услужлив и мирен тип“, изјави неговиот долгогодишен сосед и пријател Мил Лудовит за британски „Гардијан“ стоејќи пред скромната сива станбена зграда, во која двајцата живееле 40 години.
Људовит рече дека последен пат го видел Цинтула во понеделникот и не забележал никакви промени кај него.
„Го познавам со децении. Ако нешто планирал, немало никакви знаци. Но, не можам да знам што имало во неговата глава“, рече тој.
Лудовит ги потврдил претходните медиумски извештаи дека Цинтула бил поранешен чувар, кој пишувал песни, пренесуваат локалните медиуми.
На видео објавено на „Фејсбук“, човекот за кој „Ројтерс“ потврди дека е напаѓачот, се гледа како вели: „Не се согласувам со политиката на владата“.
Људовит рече дека двајцата повремено разговарале за политика и дека Цинтула изразувал лутина поради, како што сметал, зголемените напади врз слободата на говор под водство на Фицо.
„Но, никогаш не би помислил дека тој е способен за такви постапки. Никогаш не зборуваше за насилство“, рекол соседот, а потоа додал: „Немам објаснување зошто го направи она што го направил“.
Министерот за внатрешни работи го опиша пукањето како политички мотивиран обид за атентат. На атентаторот му се заканува од 25 години затвор до доживотна затворска казна. Министерот потврди и дека атентаторот дејствувал сам и претходно учествувал во антивладини протести.
Европа
Словачкиот министер: „Словачка на работ на граѓанска војна“
Словачкиот министер за полиција, Матуш Шутај Ешток, изјави дека Словачка е на работ на граѓанска војна, пишува „Њуз.аз“.
„Од она што се случи, каква омраза посеаја многумина, денес се појави бура и практично сме на прагот на граѓанска војна. Веднаш престанете со ова“, рече тој.
Slovakia 'on brink of civil war' – Interior Minister
Matus Sutaj Estok insisted the assassination attempt on PM Robert Fico was carried out for political reasons
While Prime Minister Robert Fico is expecting a new surgical operation.
— Vexwift (@vexwift) May 16, 2024
Според последните информации, лекарите ја стабилизирале состојбата на словачкиот премиер Роберт Фицо за време на петчасовната операција.
Разговорите помеѓу ВМРО-ДПМНЕ и Вреди за составот на новата Влада ќе продолжат и во наредниот период
Денес се одржа работна средба помеѓу работните групи на ВМРО-ДПМНЕ и коалицијата Вреди во просториите на седиштето на ВМРО-ДПМНЕ. Од...
Мицкоски: Во моментот ВМРО-ДПМНЕ има консолидирано точно 61 пратеник
При денешното обраќање во рамки на Самитот Македонија 2025 којшто се одржува во хотел Мериот во Скопје претседателот на ВМРО-ДПМНЕ...
Ахмети најнеомилен, а Димитриевски ги надмина Мицкоски и Ковачевски по популарност, според последните анкети
Според објавената анкета на Центарот за aнкетни истражувања на Меѓународниот републикански институт, Максим Димитриевски е политичарот за кој 48 отсто...
Германските компании ги испорачаа своите желби до новата влада: „Бизнис-климата е добра, но недостигот на стручни кадри е најголем ризик за инвестирање
Бизнис-климата во земјата е добра или многу добра, но има тренд на благо намалување на планираните инвестиции, а една од...
Митровски објави дека адвокат му починал пред очите: „Помодре и не даваше значи за живот, колега почина на работното место“
Адвокатот Јанаки Митровски преку својот фејсбук-профил сподели информација за тоа дека во Граѓанскиот суд, односно на судење, починал негов колега...
„Секој треба да си го сработи својот дел“: порака од самитот на лидерите од регионот и ЕУ
Планот за раст на Западен Балкан претставува јасен сигнал за посветеноста на Европската Унија за економска и демократска трансформација на...
Обвинителството анализира докази за Палчо кои не може да бидат споделени со јавноста
Љупчо Палевски-Палчо, првосомничениот за убиството на Вања Ѓорчевска и Панче Жежовски, по синоќешната екстрадиција, го издржува 30-дневниот притвор што му...
Мицотакис: Нема да ги ратификуваме меморандумите од договорот од Преспа
Грчкиот парламент нема да ги ратификува трите меморандуми од договорот од Преспа сè додека не постои целосно усогласување со одредбите. Oтстапувањето...
Љупчо Палевски-Палчо ја помина првата ноќ во затворот во Шуто Оризари
Љупчо Палевски-Палчо, осомничениот за грабнувањето и убиството на 14-годишната Вања Ѓорчевска и 74-годишниот Панче Жежовски, ја помина првата ноќ во...
ИДФ: Петмина израелски војници загинаа, седум се ранети во „пријателски оган“
Петмина израелски војници беа убиени, а седум други беа ранети, од кои тројца потешко, вчера во Џабалија во северниот дел...
Словачкиот премиер Роберт Фицо повеќе не е во животна опасност, изјави вицепремиерот
Словачкиот премиер Роберт Фицо повеќе не е во животна опасност по вчерашното повеќекратно застрелување во обид за атентат, изјави вицепремиерот....
Атентат на Роберт Фицо: министерот за полиција бара свикување на Советот за безбедност на Словачка
Словачкиот министер за внатрешни работи, Матус Шутај Ешток, денеска ќе побара од вицепремиерот Томаш Тараба да го свика Советот за...
Три лица загинаа во авионска несреќа во Тенеси
Три лица загинаа откако мал авион се урна во американската сојузна држава Тенеси, соопштија локалните власти. Очевидец ја пријавил експлозијата...
Министерство за правда изрази благодарност до турските власти за екстрадицијата на Палевски
Министерството за правда изрази благодарност до турските власти за преземањето на сите неопходни мерки за екстрадицијата на Љупчо Палевски-Палчо, кој...
Палевски екстрадиран, по пет месеци, стигна во Шутка
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција. Палевски со...
Се очекува промена во Законот за семејство по пресудата за Митровска која ги бараше биолошките родители
Европскиот суд за човекови права (ЕСЧП) донесе пресуда во случајот Митровска за неможноста да добие информации кои се нејзините биолошки...
Кацарска и претходно добивала закани на социјалните мрежи, но не сакала да реагира
Прерседателката на Уставниот суд, Добрила Кацарска и претходно добивала закани на социјалните мрежи, но не ги пријавила во полицијата, се’...
Директорот на „Идризово“ за изгорениот автомобил: Ова се подмолни работи од кукавици, ќе се справиме со нив, најдени се траги
Службениот автомобил на директорот на затворот „Идризово“ е седмиот изгорен автомобил на вработен во затворот во изминатата една и пол...
Османи очекува Управниот суд да ја преиначи одлуката за прегласувањето, најави и пријави за членовите на ДИК
Домашната и меѓународната јавност беа сведоци на еклатантното кршење на процедурите во Државната изборна комисија и партиската и институционалната кражба...
Вработените на Токсикологија во одбрана на Беќаровски: „Тој е врвен професионалец, зад обвинувањата стојат лица што не се вработени на клиниката“
Вработените на Клиниката за токсикологија преку писмо застанаа во одбрана на својот колега Нико Беќаровски за кој претходно Министерството за...
