Свет
Отстранета восочната фигура на Путин: Не сакаме да му ја поправаме косата секој ден
Музејот на восочни фигури во Париз ја отстрани фигурата на рускиот претседател Владимир Путин откако била оштетена од страна на посетителите, во знак на протест поради руската инвазија на Украина.
Од музејот сега размислуваат фигурата, која била направена во 2000-та година, да ја заменат со моделот на украинскиот претседател Зеленски.
„ Денес веќе не е можно да се претстави лик како него (Путин)…за прв пат во историјата на музејот повлекуваме статуа поради историските настани кои моментално се одвиваат“ изјави директорот на музејот, Ив Деломо.
Тој додаде дека восочната фигура изгледа неуредно откако била вандализирана во текот на викендот.
„ Со оглед на тоа што се случи, ние и нашиот персонал не сакаме да му ја поправаме косата и изгледот секој ден“, рече тој.
Запрашан кој сега би можел да го замени Путин на празното место, помеѓу статуите на американскиот претседател Џо Бајден и кинескиот претседател Шји Џинпинг, Деломо рече дека тоа можеби е Зеленски од Украина.
„ Можеби претседателот Зеленски ќе го заземе неговото место… тој стана херој затоа што се спротивстави и што не избега од својата
земја. Совршено може да го заземе своето место меѓу големите луѓе на историјата и денес“, рече тој.
Во 2014 година, по руската анексија на Крим од Украина, демонстрантка со „Убиј го Путин“ насликана низ нејзините голи гради, ја прободе восочната фигура на Путин и и ја скрши главата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Жена оживеа на пат кон сопствениот погреб на Тајланд
Шокантниот момент е снимен кога мртва жена се разбудила на пат кон сопствениот погреб на Тајланд.
Се веруваше дека Чатапорн Срипонла (49) починала додека била транспортирана од болница во нејзиниот дом во провинцијата Удон Тани на 29 јуни.
Додека била на пат кон областа Бан Дунг во комбето, болничарите верувале дека Чатапорн повеќе не дише и дека починала.
Нејзината уништена постара мајка, Мали, ги повикала роднините за да ги извести за смртта, која ја препишале на нејзината борба со ракот на црниот дроб.
Ужаленото семејство, следејќи ја будистичката традиција на брзо кремирање, веднаш почна со подготовките за погребот купувајќи ковчег и координирајќи се со персоналот на храмот за церемонијата.
Комбето што го превезувало телото на Чатапорна излетало од патот кон нивниот дом до храмот, каде што требало да се чува телото преку ноќ, пишува „Дејли мејл“.
На големо изненадување на патниците, мртвата жена наеднаш здивнала и ги отворила очите.
Иако збунета од чудото и враќањето на ќерката во живот, Мали повторно му се јави на семејството, овој пат со среќни вести.
Чатапорн потоа итно била пренесена во болница, каде што моментно е под медицински надзор.
Мали рече: „Мојата ќерка се лекуваше од рак во болница, но лекарите ни кажаа дека има многу мали шанси да преживее. Сакав последните моменти да ги помине со семејството, па договорив да ја однесеме дома. Бевме скршени кога дознавме дека таа починала на пат кон дома“.
Роднините рекоа дека се збунети од инцидентот, но веруваат дека Чатапорн останала жива затоа што сакала да ги види своите деца пред да умре.
Свет
Непозната материја фрлена во училиште во Лондон: тројца повредени
Три лица се повредени во училиште во западен Лондон кога врз учениците и персоналот била фрлена хемикалија за која се верува дека е киселина.
Вработените во училиштето во Алфред Роуд вчера попладне повикале полиција откако наводно била фрлена хемикалија, а во соопштението достапно на веб-страницата на училиштето било наведено дека училиштето од денеска ќе биде затворено, пишува „Гардијан“.
Полицијата, брзата помош и лондонската противпожарна бригада пристигнале на местото на настанот и пронашле три повредени лица, меѓу кои и едно 14-годишно девојче, чии повреди потенцијално го менуваат животот, соопшти полицијата.
Во болница е и 16-годишно момче, чии повреди не се опасни за животот, а 27-годишна жена е отпуштена од болница.
Двајца полицајци превентивно се пренесени во болница кога пријавиле дека се чувствуваат лошо, пишува медиумот.
„Во моментот истражуваме за која хемикалија станува збор. Во оваа фаза полицијата смета дека се работи за киселина“, соопштија од полицијата додавајќи дека во тек е истрага за откривање и апсење на одговорните.
Регион
Дојава за бомба во два трговски центри во Белград
Два трговски центри во Белград денеска добиле дојава за бомба, пишува „Евроњуз Србија“.
Дојавата за подметнати бомби пристигнала во 13 часот во трговскиот центар „Биг“ во Карабурба и во трговскиот центар „Милениум“. Непознати лица нешто по 13 часот пријавиле дека во трговските центри била поставена експлозивна направа.
Во моментот во тек е евакуација на посетителите во овие трговски центри.