Свет
Палестина останува посветена на ветувањето за парламентарни избори
Палестинскиот министер за надворешни работи, Ријад ал-Малики, го информираше својот руски колега Сергеј Лавров за причините за одложување на парламентарните избори и ја потврди посветеноста на Палестина да ги одржи на сите територии, пренесува ТАСС.
„Разговаравме за околностите што ја принудија владата на Палестина да ги одложи изборите што требаше да се одржат на 22 мај. Објаснивме јасно и детално што нè натера да донесеме таква одлука. Исто така, потврдуваме дека палестинската држава е посветена на одржување на изборите на сите палестински територии, вклучително и во Источен Ерусалим. Тоа е наша обврска кон меѓународната заедница и кон палестинскиот народ“, рече Ал-Малики.
На палестинските територии не се одржани избори од 2006 година. Формално, претседателскиот мандат и овластувањата на членовите на Палестинскиот законодавен совет веќе се истечени.
Изборите првично беа закажани во втората половина на мај, но палестинскиот лидер Махмуд Абас ги одложи изборите во Палестина сè додека не се гарантира учеството на жителите на Источен Ерусалим.
Абас рече дека Израел не дал дозвола да спроведе изборна кампања во Источен Ерусалим пред изборите за палестинските раководни тела, поради што меѓународната заедница мора да изврши притисок врз еврејската држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.
Свет
Израел е подготвен да прифати ослободување на помалку од 40 заложници, пишуваат медиуми
Израел е подготвен да го ублажи барањето од Хамас и да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите од Катар, Египет и САД, пишува The Times of Israel повикувајќи се на израелски портали.
Воениот кабинет на Израел сега е подготвен да прифати ослободување на само 20 заложници во првата фаза од договорот под услов жените, мажите над 50 години и тешко болните да бидат ослободени, а кабинетот во четвртокот го овласти преговарачкиот тим на Израел да разговара за повеќе флексибилен пристап со египетската делегација, која денеска во Тел Авив ќе има дополнителни разговори, објави израелската веб-страница Инет.
Неименуван висок израелски функционер подоцна изјави за веб-страницата дека Израел всушност се согласил да ослободи 33 заложници, а веб-страницата наведе дека Хамас инсистирал бројот на ослободените заложници да биде приближно 20.
Претходниот предлог вклучуваше ослободување на 40 заложници во тие категории, но Хамас рече дека нема толку многу жени, мажи над 50 години и тешко болни кои се уште се живи.