Свет
Палестинската црвена полумесечина: исклучени струјата и водата во болницата во Газа

Палестинската црвена полумесечина соопшти дека струјата, интернетот и водата се исклучени во индонезиската болница во градот Газа.
Небал Фарсах, портпарол на палестинската црвена полумесечина, вели дека хирурзите и лекарите мораат да користат фенери за да вршат спасувачки третмани поради затемнувањето, јавува Би-Би-Си.
Ќе работат во услови и под околности во кои не може да работи ниту едно медицинско лице во целиот свет“, вели тој, пренесува „N1“.
Полковникот Питер Лернер потврди за Би-Би-Си дека нивните војници оперираат околу болницата „Ал-Шифа“.
„Хамас одлучи стратешки да ги позиционира своите терористички способности во, под и околу болниците. Се обидувавме да ги охрабриме луѓето кои се засолнети во болниците да се евакуираат, бидејќи центарот на операции на Хамас е во градот Газа и таму е нивниот центар на гравитација“, рече полковникот Лернер.
Портпаролот на израелските одбранбени сили Ричард Хехтом на брифингот изјави дека армијата не пука во болници, туку ќе направи се што е потребно доколку таму се крие Хамас.
„Ако видиме како терористите на Хамас пукаат од болниците, ќе го направиме она што треба да го направиме“, рече тој на денешниот брифинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.