Свет
Папата оди во Канада да бара прошка од домородците кои биле злоупотребувани од црквата
Папата Франциско в недела тргнува во историска шестдневна посета на Канада и се очекува да побара прошка од домородците кои биле биле злоупотребувани од црквата.
„Покајничкиот аџилак“, како што го нарекува Папата, се смета за важен чекор во решавањето на глобалниот скандал со свештеничката сексуална злоупотреба на деца и децениското прикривање.
Папата Франциско ќе го започне своето 37 меѓународно патување во Едмонтон во западната провинција Алберта. Потоа оди во Квебек, а потоа во Икалуит, најсеверниот град во Канада.
Тој планира да го повтори извинувањето што им го упати на канадските делегации за време на нивната посета на Ватикан во април. Тогаш тој рече дека се надева оти извинувањето „ќе придонесе за веќе започнатиот пат на исцелување и помирување“.
Откривањето на посмртните останки на стотици домородни деца во необележани гробници на терените на државните училишта управувани од Католичката црква ја принуди Канада да се соочи со својата неуспешна политика на присилна асимилација.
На сличен начин беше истакната улогата на Црквата во она што Националната комисија за вистина и помирување го нарече „културен геноцид“.
Приближно 150.000 деца од Првите нации, Метис и Инуити посетувале 139 резиденцијални училишта од доцните 1800-ти до 1990-тите. Таму тие поминаа месеци или години изолирани од нивните семејства, јазик и култура.
Многумина биле физички и сексуално малтретирани од директори и наставници.
Се верува дека илјадници умреле од болести, неухранетост или занемарување. Повеќе од 1.300 необележани гробници се откриени од 2021 година во просториите на поранешните училишта.
Папата Франциско го започнува своето патување во понеделник во градот Масквацис, околу 100 километри јужно од Едмонтон, дом на едно од најголемите резиденцијални училишта во Канада.
Тој ќе се обрати на очекуваната толпа од 15.000 и ќе вклучи алумни од цела Канада.
Иако некои изразија задоволство од подготвеноста на папата Франциско да се сретне со нив, други се прашуваат дали неговата кратка посета може да ги залечи раните.
Франциско е вториот папа кој ја посетил Канада по папата Јован Павле Втори, кој ја посети Канада три пати – во 1984, 1987 и 2002 година, пренесува Аваз.ба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.