Свет
Двајца Американци убиени во Донбас
Двајца Американци се убиени во Донбас во источна Украина, потврди Стејт департментот за ABC News. Се верува дека загинатите американски државјани се бореле на страната на украинските сили.
„Ние сме во контакт со семејствата и ја обезбедуваме сета можна конзуларна помош“, соопшти Стејт департментот.
Дополнителни детали за смртта на двајцата Американци и нивниот идентитет не се објавени.
Претходно беше потврдена смртта на најмалку двајца Американци кои беа убиени во борбите во Украина. Стивен Забјелски (52) бил деминер и загинал кога во мај нагазил на мина во областа Запорожје.
Поранешниот маринец Вили Џозеф Кенсле (22) почина во април, а деталите за неговата смрт се непознати за јавноста. Медиумите објавија дека тој бил ангажиран од приватна воена компанија за војната во Украина.
Си-Ен-Ен во јуни објави дека семејствата веруваат дека двајца Американци од Алабама, Александар Друек (39) и Енди Хујн (27) биле заробени од проруски борци за време на борбите во близина на Харков.
Портпаролот на Стејт департментот тогаш изјави дека се запознаени со непотврдени информации, дека ја следат ситуацијата и дека се во контакт со украинските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.