Свет
Папата одржа молитва преку видеолинк
Папата Франциско денеска одржа неделна молитва преку Интернет од Ватикан поради коронавирусот.
По молитивата, тој сепак, отиде пред прозорецот и ги поздрави мирно стотиците луѓе кои се собраа на огромниот плоштад, кој често привлекуваше десетици илјади луѓе, пренесе Ројтерс.
Повеќето одржуваа безбедно растојание меѓу себе додека го гледаа обраќањето на папата на екрани.
Ова е првпат папата да ја одржи неделната молитива преку Интернет, а не од неговиот прозорец, од 2013 година, откако беше избран за папа, освен кога патува надвор од Рим.
„Во молитвата, јас сум блиску до сите кои страдаат од сегашната епидемија на коронавирусот и со сите што се грижат за нив“, истакна тој.
Папата ги охрабри верниците да го живеат овој тежок момент со помош на силата на верата, надежта и милоста.
За време на своето обраќање, папата Франциско, исто така, повика на прекин на конфликтот во северозападна Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.