Европа
Папата Франциско: Војните како оваа во Украина се злосторство против Бога и човештвото
За време на денешниот редовен годишен говор пред дипломатите акредитирани во Ватикан, папата Франциско оцени дека војните како вооружениот конфликт што се случува во Украина, каде што цивилните области се предмет на неселективно уништување, се „злосторства против Бога и човештвото“.
Според папата Франциско, нападите врз цивилната инфраструктура, во кои луѓето умираат од оружје, глад и студ, претставуваат чин на војна со цел неселективно уништување цели градови или огромни области, но и злосторство против Бога и човештвото, кое заслужува цврста и недвосмислена осуда, пренесува „Ројтерс“.
Потсетувајќи на кубанската ракетна криза во 1962 година, папата рече: „За жал, денес нуклеарната закана повторно се зголемува и светот повторно чувствува страв и вознемиреност“.
Поглаварот на Римокатоличката црква го повтори својот апел за целосна забрана на нуклеарното оружје и рече дека поседувањето такво оружје е неморално.
Папата Франциско во својот говор ги осуди властите во Иран за извршување смртни казни за учесниците на демонстрациите, побара поголема почит кон жените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 188 проектили, ракети и дронови, тврди Киев
Додека властите во Киев велат дека се пресретнати сите проектили насочени кон главниот град на Украина, се известува за штета од околните области.
Неименуван инфраструктурен објект е погоден на една локација надвор од Киев, а приватна куќа, нестанбена зграда и структура од типот на хангар на друга, соопшти регионалната администрација додавајќи дека две лица побарале лекарска помош.
Украинските воздухопловни сили соопштија дека од 188 нападни воздушни средства – проектили и беспилотни летала – лансирани од Русија, пресретнале 76 крстосувачки ракети „Калибр“, три ракети „Кх-59/Кх-69“ и 35 дрона.
„Непријателскиот напад со проектили и беспилотни летала беа насочени кон енергетските капацитети на Украина“, се вели во соопштението.
Европа
(Видео) Експлозии во Краснодар, Русите тврдат дека ги собориле сите дронови
Руското Министерство за одбрана извести дека во текот на ноќта системите за противвоздушна одбрана пресретнале и уништиле 25 украински беспилотни летала над Кубан, Крим, како и регионите Брјанск и Ростов.
Како резултат на напад со дрон во Краснодарската област, една жена е повредена.
The Russian Ministry of Defense reported that overnight air defense systems intercepted and destroyed 25 Ukrainian drones over Kuban, Crimea, as well as the Bryansk and Rostov regions. As a result of a drone attack in the Krasnodar region, one woman was injured.
Footage shows… pic.twitter.com/AnXMM4ksUO
— ASTRA (@ASTRA_PRESS) November 28, 2024
Снимката покажува една од експлозиите во Славјанск-на-Кубан, регионот Краснодар.
Европа
(Видео) Русите објавија снимки од авионите што ја нападнаа Украина
Екипажот Су-34 нападна концентрација на персонал, оклопна и автомобилска воена опрема на украинските вооружени сили во пограничниот регион на областа Курск, објави руското Министерство за одбрана на својот канал на Телеграм.
Нападот беше извршен со воздушни бомби со универзален модул за планирање и корекција, додаваат од руското Министерство за одбрана.