Свет
Папата Франциско: Медиумите треба да им помогнат на луѓето да го разликуваат доброто од злото

Папата Франциско во вторникот им рече на членовите на „Католик прес асосиејшн“ дека медиумите треба да градат мостови, да го бранат животот и да им помагаат на луѓето, а особено на младите, да го разликуваат доброто од злото, пренесува „Брејтбарт“.
Папата им ја испрати својата порака на учесниците на виртуелна конференција за католички медиуми спонзорирана од „Католик прес асосиејшн“, а ја почна со изразување блискост кон оние кои се погодени од вирусот и на оние кои, ризикувајќи го и животот, продолжија да работат на „помагање на нашите браќа и сестри кои имаат потреба од тоа“.
„Искуството од пандемијата покажа колку е суштинска мисијата на медиумите за зближување на луѓето, обезбедување на потребните информации и за отворање на умовите и срцата кон вистината“, рече папата.
Комуникациските медиуми се повикани да информираат и да обединат, рече понтифот. „Колку итно е потребно тоа денес, во ера означена со конфликти и поларизација на која и самата католичка заедница не е имуна“, продолжи тој. „Ни требаат медиуми способни да градат мостови, да го бранат животот и да ги срушат sидовите, видливи и невидливи, кои спречуваат искрен дијалог и вистинска комуникација помеѓу поединците и заедниците“.
„Ни требаат медиуми што можат да им помогнат на луѓето, особено на младите, да го разликуваат доброто од злото, да развиваат здрави ставови засновани врз јасна и непристрасна презентација на фактите и да ја разберат важноста на работењето за правда, социјално согласување и почит кон нашиот заеднички дом “, рече тој.
Папата Франциско исто така рече дека новинарите треба да бидат мажи и жени со верба кои ќе ја штитат комуникацијата од сето она што ќе ја искриви или ќе ја наведе кон други цели.
Осврнувајќи се на неодамнешните протести во САД, папата рече дека сите мора да работат на надминување на болестите на расизмот, неправдата и рамнодушноста „што го обезличуваат лицето на нашето заедничко семејство“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Орбан: Унгарија нема да „падне на колена“ пред Украина

Премиерот на Унгарија, Виктор Орбан, денес изјави дека Украина не може да ја обврзе Унгарија да го поддржи нејзиното членство во Европската Унија.
„Ова би ја уништило Унгарија и би ги загрозило животите на нашите деца. Затоа не сакаме да ги примиме и тие немаат право да се приклучат кон ЕУ. Тие имаат право да побараат придружба. А ние имаме право да прифатиме или одбиеме“, рече Орбан во интервју за јавна служба, кое го пренесе МИТ.
Унгарија нема да „падне на колена“ пред Украина, рече Орбан.
„Свесни сме за нивната тешка ситуација и херојски напори, но не можеме да им се придружиме на Западноевропејците кои слушаат во делириум кога украинскиот претседател (Володимир Зеленски) има нешто да каже. Добриот украински претседател и украинското знаме не треба да се преправаат дека се морални шампиони затоа што немаат основа за тоа“, рече Орбан.
Тој рече дека Зеленски „мора да разбере дека Унгарија припаѓа на Унгарците“ и дека не може да поставува барања.
„Може да дојде, мора да биде скромен и да ни каже што сака. И ние ќе одговориме“, рече Орбан.
Свет
Зошто Израел го нападна Иран и зошто токму сега?

Американските разузнавачки агенции предупредија во февруари дека Израел веројатно ќе се обиде да нападне објекти кои се критични за нуклеарната програма на Иран оваа година.
Израелскиот премиер Бенјамин Нетанјаху повеќе пати заговараше за воена опција за запирање на нуклеарната програма на Иран.
Според неодамнешните извештаи од американската разузнавачка заедница, Израел сега се обидува да ја искористи штетата предизвикана врз иранските постројки за производство на ракети и воздушната одбрана по израелското бомбардирање во октомври.
Во еден таков извештај се наведува и дека Израел, генерално, продолжува да се стреми кон поширока цел – да предизвика промена на режимот во Иран.
За Израел, Иран е егзистенцијална закана
За Израел, Иран е егзистенцијална закана: со години, израелските власти тврдат дека Израел има најмногу да изгуби ако Иран, кој одбива да го признае правото на Израел да постои, развие нуклеарна бомба.
Израел и Иран со децении водат „војна во сенка“ преку посредници и тајни операции. Техеран поддржува вооружени групи во регионот кои директно се спротивставија на Израел, како што се Хезболах во Либан, Хамас во Газа и Хутите во Јемен.
Од почетокот на војната на Израел во Газа, нападите од групите поддржани од Иран се интензивираа во знак на солидарност со Палестинците.
Домашни политички мотиви
Нетанјаху под притисок дома: Противставувањето на новиот закон за задолжителна воена служба предизвика политички ќорсокак, а израелскиот парламент, Кнесетот, одржа дискусии за можно распуштање, што би можело да доведе до предвремени избори што Нетанјаху би ги изгубил, според анкетите.
Парламентот го отфрли предлогот за распуштање во среда, давајќи му на Нетанјаху повеќе време да ја реши кризата.
Зошто токму сега?
Се поставува и прашањето зошто Израел одлучи да нападне сега.
Нуклеарно надзорниот орган на Обединетите нации во четврток усвои резолуција со која Иран е прогласен за виновен за кршење на своите обврски според Договорот за неширење на оружје.
Техеран одговори со најава дека ќе ги забрза своите нуклеарни активности, предупредувајќи дека „нема друг избор освен да одговори“.
Ураниумот е нуклеарно гориво кое, доколку е високо збогатено, може да се користи за производство на бомба. Иран вели дека неговата нуклеарна програма е само за мирни цели.
Свет
Израел тврди дека ги соборил сите ирански дронови: „Ова е само почеток на одмаздата“

Израелските медиуми објавија дека сите ирански дронови лансирани кон Израел се успешно пресретнати. Командата за цивилна заштита, која издава упатства за засолниште, објави дека граѓаните повеќе не мора да остануваат во близина на засолништата, но сепак се повикуваат да бидат внимателни.
Нападот со беспилотни летала се смета за почеток на иранска одмазда, како одговор на серијата израелски напади во текот на ноќта. Според израелската војска, Иран лансирал повеќе од 100 беспилотни летала, а постои загриженост дека ова би можело да биде само првиот бран од поширок одговор, вклучително и ракетни напади, насочени кон совладување на израелската воздушна одбрана.
Дописникот на Би-би-си истакнува дека времето на оваа ескалација е особено значајно бидејќи американските и иранските претставници требаше да се сретнат во недела за да се обидат да најдат дипломатско решение за кризата околу нуклеарната програма на Иран. Сепак, утрово имаше индикации од Иран дека Техеран нема да учествува во разговорите.
Израелските власти веќе некое време тврдат дека постои добра можност за напад. Иранската воздушна одбрана беше сериозно оштетена во минатогодишните израелски напади, а проиранските групи во регионот, особено Хезболах во Либан, исто така беа ослабени. Израелски извори со месеци алудираа на можна воена акција.
Вечерва тоа се случи: нападот беше насочен кон нуклеарни објекти, воени бази, системи за воздушна одбрана, високи офицери и научници. Иако првиот бран ирански беспилотни летала за одмазда е соборен, речиси е сигурно дека Иран нема да застане тука.