Свет
Патнички авион влетал во турбуленции: три стјуардеси завршиле во болница, има и повредени патници

Дури 16 патници и членови на кабинскиот екипаж биле повредени за време на турбуленциите во кои влетал Боингот „Б777-200ЕР“ на Јунајтед ерлајнс (UA) кој полетал од Лос Анџелес, пренесуваат медиумите во регионот.
Овој инцидент се случил на 10 февруари, пишува „The Aviation Herald“, а пренесува порталот „Simple Flying“.
По слетувањето на пистата, три стјуардеси и двајца патници биле пренесени во болница, додека на 11 повредени лица не им била потребна хоспитализација.
Авионот N788UA (сериски број 26942, стар 26,6 години, од почетокот во флотата на UA) го извршил најголемиот дел од летот без никакви тешкотии или пречки. Меѓутоа, додека се спуштал кон пистата авионот неочекувано наишол на силни турбуленции, стои во написите.
Портпаролот на Јунајтед ерлајнс изјавил за „Simple Flying“ дека „по слетувањето, авионот го пречекал медицински персонал и три стјуардеси и двајца патници се пренесени во Универзитетската болница“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.