Свет
Пекинг му порача на Трамп дека за начелото „една Кина“ не преговара

За признавањето не една Кина не може да се преговара, соопштија во неделата од Пекинг, реагирајќи на изјавата на новоизбраниот американски претседател Доналд Трамп дека е подготвен да го преиспита овој принцип за да ги зајакне односите меѓу САД и Тајван.
„Начелото на една Кина е политичкиот темел на кинеско-американските односи и за него не може да се преговара. Во светот има само една Кина, Тајван е неоттуѓив дел од кинеската територија и владата на Народна Република Кина е единствената легитимна кинеска влада“, предупреди Лу Канг, портпарол на кинеското министерство за надворешни работи.
Доналд Трамп во интервјуто за весникот The Wall Street Journal од петокот рече дека „за се ќе преговара, па и за политиката на една Кина“. Тој во истиот разговор го оправда телефонскиот разговор со тајванската претседателка Тцаи Инг-вен со фактот дека Вашингтон му продал на Тајпеј минатата 2016 година „најмодерна воена опрема во износ од две милијарди долари“.
Тајван е политички одвоен од Народна Република Кина од 1949 година кога на власт во Пекинг доаѓаат комунистите.
Но во има на „принципот една Кина“ Пекинг им забранува на своите партнери да одржуваат дипломатски односи со островот кој го смета за своја побунета покраина која мора, ако треба и со сила, да се врати во матицата
Кон крајот на декември, Трамп веќе се закани дека нема да го признава началото „една Кина“ поради кое Вашингтон во 1979 година ги прекина дипломатските односи со Тајван./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Марин Ле Пен ќе поднесе жалба на пресудата

Марин Ле Пен ќе поднесе жалба на одлуката на судот со која лидерката на француската крајна десница е осудена на четири години затвор, соопшти нејзиниот адвокат.
Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра.
Ле Пен е прогласена за виновна за проневера на европски фондови.
Ова е удар за демократијата – рече нејзиниот адвокат.
– Марин Ле Пен ќе продолжи да се бори – изјави портпаролот на нејзината партија Национален собир.
Ле Пен важи за еден од фаворитите за претседателските избори во Франција закажани за 2027 година.
Свет
Во експлозија во рудник во Шпанија загинаа 5 рудари

Најмалку пет лица загинаа, а четворица се повредени во несреќа во рудник во северна Шпанија, соопшти итната помош.
Локалните медиуми први јавија дека имало експлозија во рудник за јаглен. Две лица кои исто така биле таму во моментот на инцидентот се неповредени, пренесува АП.
Управата за вонредни состојби во соопштението наведува дека за спасувачката операција мобилизирала три хеликоптери.
Претседателот на Астурија, Адриан Барбон, нареди да се прогласи дводневна жалост во таа покраина, јавува Би-Би-Си.
Шпанскиот премиер Педро Санчез упати сочувство до семејствата на жртвите.
На повредените им посакувам брзо закрепнување“, напиша тој на Х.
Свет
Полска и САД потпишаа договор за поддршка на системот „Патриот“ од 2 милијарди долари

Полска и САД ќе потпишат договор за испорака на логистичка поддршка за системот за противвоздушна одбрана „Патриот“ во вредност од речиси две милијарди долари, изјави денеска полскиот министер за одбрана Владислав Косинска-Камиш.
„Безбедноста на полското небо е бесценета“, рече Косињак-Камиш, додавајќи дека ракетната одбрана и соработката со САД се приоритети за Полска.
Договорот со САД се однесува на обезбедување логистичка поддршка за системот Патриот и вклучува компоненти за техничка поддршка, како и обука на персоналот.