Свет
Пекинг на удар од силен тајфун, десетици илјади луѓе евакуирани

Десетици илјади луѓе се принудени да ги евакуираат своите домови во Пекинг поради рекордните врнежи што ги донесе тајфунот Доксури, а властите денеска наредија прекин на воздушниот сообраќај, јави кинеската државна телевизија CTV.
Тајфунот Доксури е една од најсилните бури што ја погоди Кина во последните години. Како што јави „Ројтерс“, овој фронт на бура предизвика големи поплави на југот на провинцијата Фуџијан минатиот викенд поради што илјадници луѓе беа евакуирани.
Силниот дожд што го следи движењето на тајфунот кон северот на Кина продолжи да го атакува главниот град Пекинг, но и градовите Хебеи, Тијанџин и Шанкси, објави кинеската метеоролошка управа и потврди дека црвениот метео-аларм, највисоко ниво на алармот, сè уште е во сила.
Повеќе од 31.000 луѓе се евакуирани од своите домови, а работата е речиси целосно запрена на повеќе од 4.000 градилишта. Проверени се 20.000 згради за оштетувања, а популарните туристички места се затворени, јавуваат кинеските медиуми.
Од утрово двата аеродрома во кинеската престолнина откажаа повеќе од 180 лета, а стотици други се одложени, објави апликацијата за следење летови Flight Master.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Детали за пукањето во училиштето во Грац: најмалку осум загинати, телото на напаѓачот пронајдено во тоалетот

Најмалку осум лица се убиени во пукотница во училиште во австрискиот град Грац.
Тамошните медиуми јавуваат дека бројни полициски единици, вклучувајќи ја и специјалната единица „Кобра“, биле распоредени на местото на пукотницата, која започнала околу 10 часот наутро.
Телото на напаѓачот е пронајдено во тоалетот
Graz:🕯Zahl der Toten steigt auf 11
Wie die 16-jährige Schülerin AUF1 exklusiv mitteilte, ist die Zahl der Toten auf elf gestiegen, so ein Rettungssanitäter gegenüber dem Mädchen. Schwerverletzte werden per Rettungshubschrauber in umliegende Krankenhäuser gebracht. Laut Polizei… pic.twitter.com/n2vGn8cLAb
— AUF1 (@AUF1TV) June 10, 2025
Ранетите се евакуираат со полициски хеликоптери.
Една наставничка се забарикадирала со своите ученици во училницата за да ги спаси, пишуваат медиумите во Австрија.
Според австрискиот „Курир“, напаѓачот си го одзел животот, а неговото тело е пронајдено во училишниот тоалет.
Полицијата не ја исклучува можноста друг напаѓач да учествувал во масакрот. Штаерската полиција потврди дека во нападот биле употребени неколку оружја, но деталите засега не се познати.
Јавноста е предупредена дека областа на училиштето не е безбедна.
Денешната пукотница се случи во пресрет на десетгодишнината од пукотницата во Грац на 20 јуни 2015 година. Тогаш беа убиени три лица.
Свет
(Видео) Пукање во училиште во Грац, има загинати: напаѓачот пукал во две училници

Грац, Австрија, моментално е под опсада по пукање во училиште, јавуваат светските агенции.
Локалните медиуми јавуваат дека има загинати.
BREAKING – The death toll has climbed to 8 in the school shooting in Graz, Austria, according to a report by Kronen Zeitung. https://t.co/RRHYhJJcn5 pic.twitter.com/3HHwHyLCf9
— Vanguard Intel Group 🛡 (@vanguardintel) June 10, 2025
Во Грац моментално е во тек голема полициска операција по нападот во училиште во градскиот округ Ленд. Досега се потврдени пет смртни случаи, јавува Krone.
Австриската станица ORF објави дека речиси еден час е во тек голема полициска операција, по пукањето.
Портпаролот на полицијата, Фриц Грундниг, изјави за ORF дека може да има жртви, додека ORF, исто така, јавува дека се верува дека осомничениот напаѓач извршил самоубиство.
Според полицијата, акцијата започнала околу 10 часот наутро. Наводно се слушнале истрели во училиштето, што полицијата го потврди. Потоа е вклучен алармот. Зградата моментално темелно се пребарува, според написите во светските медиуми.
Регион
Пожар во затвор во Сплит, неколку затвореници хоспитализирани

Неколку затвореници се повредени во пожарот во сплитскиот затвор Билице, кој е изгаснат, соопшти денес Сплитскиот противпожарен оперативен центар.
Како што е наведено, затворскиот персонал го изгаснал пожарот што избувнал синоќа, а пожарникарите ги евакуирале затворениците, од кои неколку побарале медицинска помош поради вдишување чад и биле пренесени во сплитската болница.
„Добивме дојава за пожар во една од ќелиите на затворот околу 21:30 часот, а по пристигнувањето на пожарникарите затворскиот персонал веќе го изгаснал пожарот во најголем дел, а пожарникарите веднаш ги евакуирале затворениците“, изјавиле за Хина од Противпожарниот центар.