Свет
Пенс е уверен дека Трамп ќе ја добие битката за Врховниот суд

Американскиот потпретседател Мајк Пенс ги предупреди во саботата своите демократски противници против опструирањето во Конгресот за да го спречат потврдувањето на кандидатот на претседателот на САД Доналд Трамп за испразнетото место во Врховниот суд, тврдејќи дека шефот на државата во секој случај ќе победи.
Нил Горсач, кандидатот на претседателот Доналд Трамп е заговорник на смртната казна и жесток поборник на конзервативната Америка по прашањата врзани со семејството,религијата и абортусот.
Досега најмалку еден демократски сенатор најави дека ќе се обиде да ја блокира номинацијата на Горсач како одмазда за одлуката на Мич МекКонел,водач на сенатското мнозинство кој ги блокираше сите именувања на поранешниот демократски претседател Барак Обама на оваа должност која е доживотна.
Потпретседателот Мајк Пенс рече дека Горсач веќе се сретнал со 12 сенатори од двете партии, и оти е расположен да се сретне со сите 100 сенатори.
„Бидете сигурни, ќе работиме со челниците на Сенатот за судијата Горсач да добие потврда за својата номинација, на овој или на оној начин. Тоа место не ѝ припаѓа ниту на една партија,идеологија или интересна група“,порача потпретседателот Пенс.
Шефот на демократското малцинство во Сенатот, Чак Шамер веќе предупреди дека ќе бара новиот судија на Врховниот суд кој го кандидираше Трамп, Нил МекГил Горсач, 49-годишниот доктор по право и филозофија, да биде потврден со големо мнозинство од 60 од 100-те сенаторски гласови.
Имајќи предвид дека мнозинството на Републиканската партија е од 52 сенатора, тие во тој случај ќе мора да придобијат барем осум сенатори од Демократската партија. Доколку, пак, се случи блокада на изборот на Горсач, републиканците би можеле да ги променат правилата според коишто простото мнозинство би било доволно за потврда, а што го нарекуваат „нуклеарна опција“.
Претседателот Доналд Трамп го предложи Гросач за испразнетото место во Врховниот суд, кој брои девет суд, од февруари 2016 година кога почина Антонин Скали, кој важеше за контроверзен судија. Скали имаше пофални зборови за Горсач, кого го нарекуваше „лав на законот“. Како и Скали, и Горсач е познат по остриот стил на пишување./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Светската здравствена организација тестира смртоносен сируп против кашлица

Светската здравствена организација (СЗО) побара информации од Индија за тоа дали сирупот против кашлица поврзан со смртни случаи кај деца во земјата е извезен во други земји, соопшти денес агенцијата.
СЗО изјави за Ројтерс дека ќе разгледа издавање глобално предупредување за медицински производ во врска со сирупот Колдриф откако ќе добие официјални информации од Њу Делхи, објави Ројтерс.
Според информациите од локалните власти, најмалку 17 деца под петгодишна возраст починале во текот на изминатиот месец откако консумирале сируп што содржел високи концентрации на токсичното соединение диетилен гликол, речиси 500 пати над законската граница.
Фото: принтскрин
Свет
(Видео) Бурата „Барбара“ ја зафати Романија: затворени училишта, луѓе качени на покривите на автомобилите за да преживеат

Бурата „Барбара“ предизвика огромни проблеми во Романија.
Поради бурата што зафати делови од Романија во вторникот вечерта и рано утрово, наставата беше откажана во училиштата, јавниот превоз беше привремено прекинат, дрвјата беа исечени, канализациите беа блокирани, а улиците беа поплавени, како и неколку згради во округот Констанца.
Според локалните власти, спасувачките екипи се бореа со последиците од бурата во Романија цела ноќ.
Алармантна ситуација се случи во Констанца, каде што водата однесе автомобил, а еден човек се качи на хаубата на автомобилот и чекаше да биде спасен. Тој е во болница поради хипотермија.
Интервентните екипи работеа на спасување на лицето, а исто така ја отстранија и водата од зградите и дрвјата што паднаа на електричните кабли.
„Поради силните временски услови, водата го однесе автомобилот, а патникот се засолни на хаубата. Интервентните тимови спасија уште две лица заробени во водата, кои беа на покривот на автомобилот“, известуваат властите.
Како превентивна мерка, градските власти утрово наредија привремено прекинување на сообраќајот на јавните автобуси, за да не се попречи интервенцијата на теренските тимови.
Наставата е откажана
Наставата е откажана во среда за повеќе од 109.000 ученици од 205 училишта во округот Констанца.
Циклонот што ја погоди Романија се вика „Барбара“.
Регион
Завршени обдукциите на четворицата државјани на Малта кои загинаа во сообраќајна несреќа во Хрватска

Давењето е најверојатната причина за смртта на двата брачни пара од Малта кои загинаа минатиот четврток во тешка сообраќајна несреќа во Буница кај Сењ, Хрватска, кога нивниот автомобил излеѕа од Јадранската магистрала во морето.
Ова го открија прелиминарните резултати од обдукцијата спроведена во Риечкиот институт за судска медицина и криминалистика, пишува риечкиот портал Бурин.
Иако лабораториските тестови сè уште се во тек, давењето се смета за најверојатна причина за смртта. Починатиот Џереми Гамбин (68), неговата сопруга Лорејн (67), Кевин Боничи (67) и неговата сопруга Александра (66) претрпеле само полесни повреди кои не можат да се поврзат со смртта.
Се верува дека сите носеле безбедносни појаси кога нивниот „ленд ровер дискавери“ излетал клисурата, а потоа и во морето.
Веднаш по несреќата, се сомневаше дека на возачот му се слошило, поради што ја изгубил контролата врз возилото на малата кривина. Сепак, обдукцијата не ја потврдила оваа шпекулација, објавија хрватските медиуми.
Утврдено е дека сите жртви имале здрави срца, без претходни срцеви удари или други здравствени проблеми што би можеле да ја предизвикаат несреќата.
Останува нејасно зошто возачот, за кој се верува дека е Кевин Боничи, ја изгубил контролата врз возилото. Тој бил пронајден во скутот на патникот Џереми Гамбино, додека нивните сопруги биле на задното седиште.
Трагедијата покрена голем број прашања, првенствено зошто патниците не можеле да излезат од автомобилот, кој потонал на длабочина од 11 до 12 метри.
Никој од нив не претрпел повреди што би предизвикале губење на свеста, но вратите од смачканото возило не можеле да се отворат.
Автомобилот, кој мажот од Малта го изнајмил на аеродромот во Загреб, бил извлечен од морето минатиот петок. Нуркачи и камион за влечење учествувале во операцијата.
Полицискиот службеник Јасмин Мујаковиќ, кој прв пристигнал на местото на настанот, скокнал во морето и нуркал неколку пати, но безуспешно се обидел да ја отвори вратата. Телото на една жена исплутало од возилото, додека другите три жртви биле пронајдени во автомобилот.
фото: принтскрин