Свет
Пентагон испраќа носачи на авиони за поддршка на Израел

Пентагон испраќа ударна група носачи на авиони во источниот Медитеран како знак на поддршка за Израел во неговата борба против палестинските милитанти.
Армадата е предводена од носачот на авиони USS Gerald R. Ford и вклучува пет разорувачи со наведувани проектили. Американскиот секретар за одбрана, Лојд Остин, во неделата изјави дека Вашингтон ќе им испорача муниција и друга воена опрема на израелските одбранбени сили (ИДФ).
„Зајакнувањето на ставот на нашите заеднички сили, покрај материјалната поддршка, што бргу ќе му ја пружиме на Израел, ја нагласува силната поддршка на САД за израелските одбранбени сили и израелскиот народ“, се вели во соопштението на Остин.
Американскиот претседател Џозеф Бајден претходно вети дека ќе ги понуди „сите соодветни средства за поддршка“ на Израел, кој беше предмет на ненадеен напад од Хамас и други палестински групи во саботата наутро.
Марван Бишар, главен политички аналитичар на „Ал џезира“, тврди дека испраќањето на носачите ќе доведе до „голема ескалација“.
„Идејата за ова трупање оружје на Блискиот Исток во овој момент е опасна“, рече Бишар во неделата.
Повеќе од 700 Израелци и најмалку 413 Палестинци се убиени од саботата наутро, според официјални лица од двете страни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.