Севернокорејски војник заробен од украинските сили починал од раните, соопшти денеска јужнокорејската разузнавачка агенција.

„Потврдено е, преку сојузничката разузнавачка агенција, дека севернокорејски војник бил фатен жив на 26 декември, но им подлегнал на повредите“, се вели во соопштението на разузнавачката агенција.

Украинските сили заробиле ранет севернокорејски војник кој се борел на страната на Русија, соопшти претходно денеска јужнокорејската разузнавачка служба.

South Korea’s National Intelligence Service (NIS) confirmed that Ukraine captured a wounded North Korean Soldier, marking the first known instance of a North Korean Combatant being seized. The Soldier was reportedly captured by Ukrainian Forces in Russia’s Kursk Region, as… pic.twitter.com/bzqcjMUfov

— OSINTdefender (@sentdefender) December 27, 2024

Тоа беше првиот познат случај на заробен Севернокореец откако Киев и Западот објавија дека Пјонгјанг испраќа војници во Русија.

Кинеската вселенска ракета Lijian-1 Y6 утрово експлодираше по го активиање на системот за самоуништување по што се појави проблем по лансирањето во северозападна Кина, соопшти кинеската CAS Space, лидер во комерцијални вселенски летови.

Ракетата експлодирала откако се појавил проблем за време на летот во третата етапа, околу три секунди по палењето на моторот, се наведува во соопштението, пренесува Танјуг, повикувајќи се на агенцијата „Ксинхуа“.

Се посочува дека тоа довело до активирање на системот за автономна безбедносна контрола, што довело до самоуништување на проектилот.

Ова е прв неуспех на лансирање ракета на CAS Space од неговиот прв лет во 2022 година.

Досега, CAS Space, комерцијалниот дел на Кинеската академија на науките со седиште во Гуангжу, успешно лансираше вкупно 57 сателити за време на петте летови на Lijian-1.

CAS Space не соопшти колку сателити имало на ракетата, но претходно објави дека планира да ги испорача на единаесети.

Во ноември, Lijian-1 успешно испорача 15 сателити во нивните доделени орбити, вклучително и сателит со далечинско набљудување за Оман, првиот меѓународен клиент на компанијата.

Во тоа време, Ши Сјаонинг, главниот конструктор на ракетата, рече дека економичноста и доверливоста на Lijian-1 се добро препознаени на меѓународниот пазар.

CAS Space планира да ја лансира својата следна ракета-носач, Lijian-2, во 2025 година.

Овој редок неуспех доаѓа во време кога кинескиот комерцијален вселенски сектор брзо се шири и конкуренцијата за локални и меѓународни клиенти се зголемува, пишуваат светските медиуми.

Jielong-3, ракета развиена од China Rocket Co, е близок ривал на Lijian-1 во однос на носивоста. Неговото претходно лансирање, вкупно четврто, беше во септември, пишува Ројтерс.

Кинескиот претседател Шји Џјинпинг повика на проширување на стратешките индустрии, вклучително и комерцијалниот вселенски сектор, кој се смета за клучен за градење соѕвездија на сателити за комуникации, далечинско набљудување и навигација.

Работникот кој шест дена беше заробен на планината Плешевица кај Бихаќ, конечно е спасен и е безбеден, а откриено е и како ги преживеал многу ниските температури.

Според информациите, вчера во 15 часот и 30 минути четиричлена екипа на ГСС Бихаќ тргнала од Заваље за да го спаси завеаниот работник на Плешевица кој шест дена се криел во контејнер на екстремни температури и снег.

Како што велат, планинарската патека Заваље-Буква била непроодна поради над еден метар снег, па екипата се одлучила за друг пат иако бил подолг.

„После осум километри моравме да продолжиме пеш низ длабок снег користејќи чевли за снег. Работникот го најдовме околу 21:30 часот во контејнер, каде што помина шест дена поради невремето и студот. Беше неповреден и имаше доволно храна, но истоштен “, велат од ГСС Бихаќ.

На враќање, движењето било забавено поради болката и заморот на жртвата, што ја отежнало акцијата.

„По 12 часа и 26 километри поминати со искачување од 1.600 метри, акцијата беше успешно завршена во 04:30 часот со пристигнувањето во Заваље. Оваа тешка и исцрпувачка интервенција уште еднаш ја покажува одлучноста и подготвеноста на нашите екипи“, нагласи ГСС Бихаќ.