Европа
Песков: Војната може да заврши до крајот на денот доколку Зеленски нареди армијата да го остави оружјето

Украина може да ја заврши војната пред крајот на денот, а за тоа да се случи, сè што е потребно е наредбата на украинскиот претседател армијата да го остави оружјето и да ги исполни условите на Москва, изјави портпаролот на Кремљ, Дмитриј Песков, пренесува руската државна агенција „РИА новости“.
„Украинската страна може да запре сè пред крајот на денешниот ден, потребна ни е наредба за националистичките единици да го положат оружјето, наредба украинската армија да го остави оружјето и мора да се исполнат условите на Руската Федерација. Сè може заврши пред крајот на денот“, рече Песков коментирајќи ја изјавата на Владимир Зеленски за плановите за завршување на војната пред зимата.
Медиумите потсетуваат дека двајца неименувани дипломати на Европската Унија вчера за новинските агенции изјавиле дека Зеленски им кажал на лидерите на Г7 дека сака војната да заврши пред зимата.
Во своето вчерашно обраќање Зеленски повикал на системи за противвоздушна одбрана, повеќе санкции за Русија и безбедносни гаранции, изјавил европски претставник. Украинскиот претседател побарал и помош за извоз на жито од Украина и за обнова на земјата, изјавил европски функционер, кој сакал да остане анонимен, пренесува агенцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Остатоци од ракета пронајдени во источна Полска

Наводни делови од ракета, за која се верува дека е употребена за соборување беспилотно летало, можеби се пронајдени во источниот регион Лублин, соопшти полската воена полиција повеќе од една недела откога Полска, со поддршка од авиони на НАТО, собори руски беспилотни летала во својот воздушен простор.
Се очекува разгранокот на воената полиција во Лублин да спроведе форензичко испитување на деловите, соопштија властите на „Икс“.
Минатата недела Полска соопшти дека руски беспилотни летала го нарушиле нејзиниот воздушен простор во текот на ноќта кон средата додека Русија ја напаѓаше Украина.
Русија соопшти дека не ја таргетирала Полска.
фото: принтскрин
Европа
(Видео) Бомба од Втората светска војна пронајдена во река во Берлин, илјадници евакуирани

Илјадници луѓе во центарот на Берлин беа принудени да ги напуштат своите домови синоќа откако во реката Шпре беше пронајдена неексплодирана бомба од Втората светска војна.
Полицијата постави безбедносен периметар од 500 метри во густо населен дел од градот и одеше од врата до врата за да ги предупреди жителите да се евакуираат.
Локалниот весник „Тагешпигел“ објави дека пред засолништето на градското собрание во берлинскиот кварт Мите, каде што стотици луѓе се регистрирале за да преноќат, се формирале долги редици. Поради големиот број евакуирани, второ засолниште било отворено во блиското училиште кратко по полноќ.
Истиот кварт е дом и на бројни амбасади и градски владини канцеларии.
Alle Personen sind aufgefordert den Sperrkreis umgehend zu verlassen. Bitte rechnen Sie damit, dass die Sperrmaßnahmen die Nacht andauern werden. Erst nach der vollständigen Evakuierung wird unsere #Kriminaltechnik die #Weltkriegsbombe begutachten und dann entscheiden ob und wann… pic.twitter.com/oPFmv3mX8z
— Polizei Berlin (@polizeiberlin) September 18, 2025
Властите соопштија дека бомбата била откриена за време на градежни работи во близина на Фишеринсел во центарот на градот. Проверките за неексплодирани убојни средства рутински се вршат во германските градови пред големи градежни проекти.
Полицијата соопшти дека бомбата ќе биде деактивирана денеска рано наутро. Потоа нуркачите ќе се обидат да се приближат за да ја прегледаат. Таа е под четири метри вода и покриена со тиња, што ја отежнува операцијата уште повеќе.
Жителите треба да се вратат во своите домови исто така денеска наутро.
Дотогаш, целиот речен сообраќај на Шпре е запрен, бројни улици во центарот на Берлин се затворени, а линијата U2 на метрото е запрена.
Ова е една од најголемите евакуации поради неексплодирани убојни средства во Берлин во последните години, објавува „Дојче Веле“.
фото: принтскрин
Европа
Путин го разреши заменик-шефот на администрацијата

Рускиот претседател Владимир Путин го разреши Дмитриј Козак од функцијата заменик-шеф на руската претседателска администрација со декрет. Декретот од една реченица не наведува причина за потегот или што Козак имал намера да направи.
Во претходното соопштение на Кремљ се вели дека Козак, долгогодишен функционер во администрацијата на Путин, поднел оставка. РБЦ објави дека Козак поднел оставка и разгледува различни опции за влез во деловниот свет.
Запрашан за оставката, портпаролот на Кремљ, Дмитриј Песков, рече: „Можам да потврдам дека Дмитриј Николаевич Козак поднел оставка. На негово барање.“
Козак работи заедно со Путин од 1990-тите, кога беа заедно во администрацијата на Санкт Петербург, вториот по големина град во Русија. Тој одигра клучна улога во надгледувањето на организацијата на Зимските олимписки игри во Сочи во 2014 година.
фото: принтскрин