Свет
Песков: Украина ќе учествува, но клучни преговарачи се Русија и САД
Кремљ потврди дека Украина ќе биде дел од преговорите со Русија и САД на еден или друг начин, но клучните преговори ќе останат билатерални меѓу Москва и Вашингтон, изјави портпаролот на Кремљ, Дмитриј Песков.
Песков нагласи дека главниот преговарач во овој процес е Вашингтон, пренесе руската државна агенција.
„Украина ќе учествува во преговорите на еден или друг начин. Се разбира, постои билатерална руско-американска линија на дијалог, но и линија што ја вклучува Украина“.
Оваа изјава доаѓа по турбулентните 24 часа, во кои американскиот претседател Доналд Трамп телефонски разговараше со рускиот претседател Владимир Путин и најави дека набргу ќе почнат преговорите меѓу САД и Русија за ставање крај на војната во Украина. Сепак, Украина беше речиси целосно изоставена од неговите јавни изјави, анализираат светските медиуми.
Во исто време, американскиот секретар за одбрана, Пит Хегсет, го нарече враќањето на старите украински граници илузорна цел. Подоцна истиот ден Трамп избегна директен одговор на прашање за улогата на Украина во преговорите, велејќи: „Интересно прашање“.
Тој додаде дека Украина мора да најде начин да постигне мир и посочи дека „тоа беше војна во која не требаше да се влезе“.
Одлуката на администрацијата на претседателот Трамп да ја намали улогата на Украина во преговорите со Русија и повторно да ги отвори каналите за комуникација со Кремљ предизвика загриженост кај европските лидери.
„Независноста и територијалниот интегритет на Украина се безусловни“, изјави високата претставничка на ЕУ за надворешна политика, Каја Калас. „Наш приоритет мора да биде зајакнување на Украина и обезбедување силни безбедносни гаранции.
Украинскиот претседател Володимир Зеленски се обиде да проектира оптимизам по неговиот разговор со Трамп опишувајќи го како смислен разговор за мирот. Сепак, еден ден подоцна тој беше значително поостар нагласувајќи дека тој и полскиот премиер Доналд Туск се согласиле дека „никакви преговори со Путин не може да почнат без обединета позиција на Украина, Европа и САД“.
„Ги предупредив и светските лидери да не веруваат во тврдењата на Путин за неговата подготвеност да стави крај на војната“, заклучи Зеленски, според „Политико“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ослободени стотина палестински затвореници откако израелските заложници беа предадени
Израел ослободи стотина палестински затвореници откако тројца израелски заложници се вратија од заробеништво во Појасот Газа рано денеска, соопштија палестинските власти.
Четири автобуси со затвореници, кои беа ослободени во замена за тројца мажи, според сегашниот договор за прекин на огнот меѓу Израел и палестинската екстремистичка група Хамас, пристигнаа во Појасот Газа.
Вкупно 369 Палестинци треба да бидат ослободени во сабота, вклучувајќи 333 затвореници уапсени во Појасот Газа по нападот врз Израел на 7 октомври, како и 36 затвореници од Западниот Брег и Источен Ерусалим осудени на доживотен затвор.
На дел од нив им е забрането да се вратат во татковината поради тежината на прекршокот што го направиле и според договорот ќе бидат однесени во странство.
Свет
Патник почина за време на лет од Тенерифе, авионот принудно слета
Авионот „Џет 2“ принудно слета откако патник почина за време на летот Тенерифе-Нотингем.
Авионот, кој се движел кон Велика Британија, бил пренасочен во Шпанија кога починал мажот, за кој се верува дека имал 70 години.
Леталото го започнало своето патување од Канарските острови во 19.05 часот пред да биде прогласена вонредна состојба на летот.
Според „Диарио де Ависос“, екипажот ја известил контролата на летање дека на човекот му е потребна итна медицинска помош.
Авионот принудно слетал на аеродромот Сантијаго-Росалија де Компостела за да можат службите за итни случаи да му помогнат на човекот.
На терминалот било испратено возило на итната медицинска помош, а на мажот му била констатирана смрт.
„Можеме да потврдиме дека летот LS676 од Тенерифе беше пренасочен кон Сантијаго де Компостела поради патник на кој му треба итна медицинска помош. За жал, можеме да потврдиме дека тој почина и би сакале да изразиме длабоко сочувство до неговото семејство и пријателите во овој тежок момент“, се вели во соопштението на Jet2.
Свет
Туск: На ЕУ и треба сопствен план за Украина
На Европа и треба сопствен план за Украина и нејзината безбедност, или за нејзината иднина ќе одлучуваат други сили, изјави полскиот премиер Доналд Туск, пренесува Ројтерс.
„На Европа итно ѝ треба сопствен акционен план во однос на Украина и нашата безбедност, инаку за нашата иднина ќе одлучуваат други глобални играчи без неопходноста да биде во согласност со нашите интереси“, напиша Туск на социјалната мрежа „Икс“.
Вели дека тој план мора да се подготви сега оти нема време за губење.
Убиството во Чаир се случило поради сообраќајна расправија, осомничени се осум лица од кои три се во бегство
Осомничени се осум лица поради убиството во Чаир се случи ноќта помеѓу 10 и 11 февруари. Од нив шест се...
Мицкоски и Хојзген во Минхен разговараа за безбедносните предизвици
Премиерот Христијан Мицкоски во рамките на работниот престој во Минхен, Сојузна Република Германија денеска оствари средба со претседавачот на Минхенската...
Зеленски од Минхен: Путин планира напади врз други земји, на Европа и’ се потребни вооружени сили
Европските лидери треба да почнат да создаваат европска армија како одговор на военото засилување на Русија, изјави украинскиот претседател Володимир...
Македонски државјанин учествувал во сообраќајка во Албанија, загинала жена
Тешка сообраќајка во која учествувал македонски државјанин се случила на магистралниот патен правец Прењас-Либражд. Според информациите на албанските медиуми, до...
СДСМ: Цените пораснааа за повеќе од 5 отсто, Владата е неспособна
Најновите податоци од Државниот завод за статистика покажуваат дека цените пораснале за 5,2 отсто. Споредено со јануари 2024 година трошоците...
Велешанка заврши во притвор: каменувала дете, го удрила со нога во стомакот, а му се заканувала и на својот татко дека ќе го убие
Oбвинителството од Велес поведе постапка против 24-годишна велешанка која во изминатите неколку дена извршила повеќе кривични дела – Загрозување на...
Извештајот на „Транспаренси“ докажува дека е потребна итна смена на oбвинителот Коцевски, смета ВМРО-ДПМНЕ
Извештајот на „Транспаренси“ е доказ за тоа дека е потребна итна смена на јавниот обвинител, Љупчо Коцевски, велат од ВМРО-ДПМНЕ....
„Розите се црвени… ќе ве депортираме“: Честитка од Белата куќа за Денот на вљубените
Во САД Денот на вљубените се слави на 14 февруари, а Белата куќа не ја пропушти можноста да го честита...
Во една удрил гром, во друга нема клима, половина од државните станици за квалитетот на воздухот не даваат целосни резултати
Половина од 22-те државните мерни станици за квалитетот на воздухот не даваат целосни резултати во ек на најголемо загадување на...
Директорот на РЕК Битола осомничен за незаконски избор на јавна набавка
Основното јавно обвинителство Битола, постапувајќи по пријава од Управата за финансиска полиција, поведе постапка против седум лица за кривично дело...
Ниту било разговарано за промена на химната, ниту во иднина ќе се разговара, уверува ВМРО-ДПМНЕ
Ниту било разговарано за промена на химната, ниту во иднина ќе се разговара, граѓаните да бидат спокојни, велат од ВМРО-ДПМНЕ....
Министерството за правда со допис до Владата со предлог за разрешување на државниот јавен обвинител
Министерството за правда соопшти дека постапувајќи по заклучокот од 50-та седница на Владата на РСМ одржана на 11.02.2025 година презеде...
Промената на државниот грб единствено оди во прилог на балистичките апетити на партиите од албанскиот блок, велат од Левицата
За Левица, најавената промена на државниот грб е директен удар врз АСНОМ, како конститутивен елемент на македонската република. На наследниците...
Подготвени сме во пакет да ги решиме и грбот и химната и 20 отсто и ако има и други етнички прашања што досега се ставаа под тепих, вели Таравари
Министерот за здравство и еден од лидерите на коалицијата „Влен“, Арбен Таравари, е подготвен не само за грбот туку во...
Возило излета од патот во Македонска Каменица: тешко повреден возачот
Вчера во Полициското одделение Македонска Каменица било пријавено дека околу 13.00 часот во с.Моштица, општина Македонска Каменица, движејќи се по...
Вработените во Филхармонијата со писмо до Мицкоски: Директор се избира легитимно на конкурс и треба да биде со најдобра програма и професионални квалификации
Вработените во Македонската филхармонија преку писмо се обратија до премиерот Христијан Мицкоски и министерот за култура Зоран Љутков, по повод...
Орбан ја исмеа Каја Калас; Дипломат на ЕУ: Американците носат хаос
Европските лидери почнаа да ги прилагодуваат своите политики на новата реалност без американска заштита – и во исто време почнаа...
(Видео) Драма во авионот што го превезуваше Рубио во Минхен: мораше итно да се врати во Вашингтон
Авионот со американскиот државен секретар Марко Рубио и претседателот на Комитетот за надворешни односи на Сенатот Џим Риш, кој летал...
(Видео) Трамп: Денеска се среќаваме со Русите во Минхен, поканети се и Украинците
Американскиот претседател Доналд Трамп во петокот изјави дека американските и руските претставници ќе се сретнат во петок во Минхен и...
(Видео) Невреме ја погоди Елба, поплави на улиците, потопени автомобили
Силно невреме го погоди италијанскиот остров Елба, предизвикувајќи голем хаос. За само еден час паднале 56 милиметри дожд, што предизвикало...
