Свет
Петнаесет светски лидери ќе присуствуваат на отворањето на Олимписките игри
Лидерите на 15 земји од светот и разни меѓународни организации ќе бидат на церемонијата на отворањето на Олимписките игри во Токио, изјави денеска портпаролот на јапонската влада, што е значително помал број во споредба со истиот настан од 2016 година во Рио де Жeнеиро.
Високиот владин функционер Кацунубу Като на прес-конференција рече дека 70 високи функционери од целиот свет исто така ќе ја посетат Јапонија, а бројот на ВИП-лица што ќе бидат на церемонијата в петок ќе остане непознат до последната минута, пренесоа агенциите.
Францускиот претседател Емануел Макрон и монголскиот премиер ќе бидат меѓу лидерите на земјите што најавија присуство во Токио, како и првата дама на САД, Џил Бајден.
Висок службеник на Министерството за надворешни работи на Јапонија изјави дека неодамнешното зголемување на бројот на пациенти од коронавирус принуди многу водачи да ја откажат својата посета на Јапонија.
Като навести дека посетите на лидерите на земјите ќе му дадат можност на премиерот на Јапонија, Јошихиде Суги, „да гради лични односи“ кога станува збор за дипломатијата „во четири очи“, што беше запрено од пандемијата на коронавирусот.
Повеќето настани на Олимписките игри, вклучително и церемонијата на отворањето, ќе бидат без гледачи бидејќи Токио е под ограничувачки мерки поради Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.