Свет
Пирати киднапирале 12 членови на екипаж на брод во близина на Нигерија, меѓу нив има и Хрват
																								
												
												
											Пирати од Нигерија киднапирале 12 членови на швајцарски товарен брод, а меѓу киднапираните има и еден Хрват.
Товарниот брод бил нападнат во саботата. Покрај Хрватот биле киднапирани се и седум Филипинци, државјанин на Словенија, Украина, Романија, како и државјанин на Босна и Херцеговина, пренесуваат светските медиуми.
Светските агенции исто така објавија дека пиратите биле вооружени и напаѓале во близина на брегот на Нигерија, од 19 челнови на екипажот тие успеале да киднапираат само 12.
Портпаролот на бродската компанија со седиште во Женева соопшти дека напаѓачите уништиле многу голем дела од комуникациската опрема на бродот.
Компанијата во чија сопственост бил бродот веднаш формирала посебен тим, и тој веќе е упатен кон областа каде што бродот бил нападнат со цел да се овозможи што е можно побрзо ослободување на заложниците, соопштија од компанијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Свет
Милијардер: Давам 100 милиони долари за обнова на болницата погодена од иранска ракета
														Канадско-израелскиот милијардер Силван Адамс објави дека донира 100 милиони долари за обнова на израелска болница која беше сериозно оштетена од иранска ракета во јуни.
Адамс ја најави донацијата на Медицинскиот центар на Универзитетот Сорока за време на состанокот на израелскиот кабинет. Сорока, болница во пустинскиот регион Негев во јужен Израел, беше погодена од ракета на 19 јуни, на врвот на 12-дневната војна со Иран.
„Нашиот одговор на Иран е да изградиме поголема и подобра болница. На самото место каде што паднаа ракетите, ќе изградиме во Бершеба, главниот град на Негев, најсовремена болница која ќе биде една од најнапредните на Блискиот Исток“, објави Адамс.
Донацијата е дел од поширока иницијатива од 300 милиони долари за подобрување на здравствениот систем во јужен Израел, вклучително и изградба на нова утврдена кула во болницата.
Адамс, кој поддржа голем број иницијативи во Израел, многу од нив во спортот, медицината и образованието, е ко-сопственик на велосипедскиот тим „Израел Премиер Тек“, кој минатиот месец објави дека го менува своето име и се оддалечува од својот национален идентитет.
Овој потег доаѓа откако тимот беше исклучен од трка во Италија поради загриженост за пропалестинските протести. Трката „Вуелта а Еспања“ претходно беше прекината од протести против тимот поради војната на Израел во Газа.
фото: принтскрин
Свет
Велика Британија со закон ги забрани филмовите за лица над 18 години кои прикажуваат давење
														Онлајн порнографијата што прикажува давење или задушување ќе биде нелегална според новите владини планови за справување со насилството врз жените и девојчињата во Велика Британија. Одлуката следеше по ревизијата која откри дека прикажувањата на давење стануваат сè почести на водечките порнографски страници и помогнаа да се нормализира овој чин кај младите луѓе, пишува Би-Би-Си.
Според измените на Предлог-законот за кривична правда и полиција, кој моментално е во парламентарна процедура, и поседувањето и објавувањето на таков материјал ќе се смета за кривично дело. Онлајн платформите ќе бидат обврзани проактивно да откриваат и отстрануваат таква содржина, во спротивно ќе се соочат со санкции од медиумскиот регулатор Ofcom.
Министерството за наука, иновации и технологија (DSIT) соопшти дека промената ќе го направи порнографското давење „приоритетно кривично дело“ според Законот за безбедност на интернет. Ова ја става таквата содржина на исто ниво со материјалите за сексуална злоупотреба на деца и терористичката содржина.
Министерката за технологија Лиз Кендал изјави: „Гледањето и споделувањето на ваков вид материјал онлајн не е само длабоко вознемирувачко, туку е и одвратно и опасно. Оние кои објавуваат или промовираат таква содржина придонесуваат за култура на насилство и злоупотреба која нема место во нашето општество.“
„Исто така, ги повикуваме технолошките компании на одговорност и се грижиме да ја спречат оваа содржина пред да се прошири“, додаде таа.
Европа
(Видео) Украинците нападнаа елитна руска единица во Црното Море
														Украинската морнарица објави успешен напад врз елитна руска единица на специјалните сили стационирана на нафтената платформа Сиваш во Црното Море.
Во операцијата, уништена е руска опрема за извидување и надзор, а елиминиран е и екипажот на противтенковските ракети.
„Покрај уништувањето на руската опрема за извидување и надзор, елиминиран е и екипажот на противтенковските ракети на непријателот“, се вели во соопштението на морнарицата.
The Ukrainian Navy struck an elite Russian Armed Forces special unit stationed on the Sivash drilling platform using naval drones and UAVs.https://t.co/Phkmq4O8ie pic.twitter.com/RJDEWbFWCQ
— WarTranslated (@wartranslated) November 3, 2025
Како доказ, објавено е и видео од операцијата со беспилотни летала, иако „Киев пост“ не можеше независно да го потврди времето и локацијата на нападот.
Од друга страна, руските пропагандисти се обидоа да го прикажат инцидентот како победа, споделувајќи видео на кое наводно се гледа уништувањето на украински брод од беспилотно летало „Лансет“. Украинската страна тврди дека всушност успешно е употребен камиказе дрон.
фото: принтскрин

