Свет
Повеќе од 120.000 луѓе починаа во САД како резултат на коронавирусот

Повеќе од 12.000 луѓе починале во САД како резултат на инфекција со коронавирусот, пренесува „Ројтерс“, со податок дека Ковид-19 уби повеќе Американци отколку Првата светска војна.
Во текот на јуни, околу 800 луѓе умираат во Америка секој ден, помалку отколку во април, кога дневниот биланс на жртвите беше 2.000, според евиденцијата на државите и окрузите.
САД се земја со најголем број заразени луѓе во светот. Вкупно, повеќе од 2,2 милиони се заразени со Ковид-19.
На второ место е Бразил со милион заразени лица, а бројот на заболени рапидно расте и во Индија.
По неколку недели паѓање на инфекции и смртни случаи, бројот на инфекции во САД повторно почна да расте, бидејќи 12 сојузни држави забележаа рекордни зголемувања кога се отворија минатата недела, поради обновување на економијата.
Според „Ројтерс“, во саботата биле потврдени повеќе од 30.000 нови случаи на инфекција, што е најголем дневен број на пациенти од 1 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Добитничката на Нобеловата награда за мир: Наградата му ја посветувам и на Трамп

Венецуелската опозициска лидерка Марија Корина Мачадо, која денес ја доби Нобеловата награда за мир за 2025 година за нејзината борба против диктатурата во нејзината земја, наградата делумно ја посвети и на американскиот претседател Доналд Трамп, кој повеќе пати повтори дека ја заслужува.
„О Боже… немам зборови“, рече Мачадо во телефонски повик до секретарот на телото што ја доделува наградата, Кристијан Берг Харпвикен.
Нобеловиот комитет ја објави нејзината реакција на социјалните мрежи.
„Ви благодарам многу, но се надевам дека разбирате дека ова е цело движење, ова е достигнување на целото општество. Јас сум само една личност. Секако не ја заслужувам“, додаде таа.
This recognition of the struggle of all Venezuelans is a boost to conclude our task: to conquer Freedom.
We are on the threshold of victory and today, more than ever, we count on President Trump, the people of the United States, the peoples of Latin America, and the democratic…
— María Corina Machado (@MariaCorinaYA) October 10, 2025
Подоцна, во објава на платформата Икс на англиски јазик, таа напиша: „Ја посветувам наградата на страдалниот народ на Венецуела и на претседателот Трамп за неговата решителна поддршка за нашата кауза!“
Трамп е жесток критичар на венецуелскиот претседател Мадуро, а Соединетите Американски Држави се една од многуте земји во светот кои не ја признаваат легитимноста на неговата влада.
Белата куќа претходно ја критикуваше одлуката на Норвешкиот Нобелов комитет да се фокусира на Венецуела само неколку дена откако Трамп објави напредок во разговорите за прекин на борбите во Газа меѓу Израел и Хамас.
„Претседателот Трамп ќе продолжи да склучува мировни договори, да ги прекинува војните и да спасува животи… Нобеловиот комитет докажа дека ја става политиката пред мирот“, напиша портпаролот на Белата куќа, Стивен Чунг, на платформата Икс.
фото: принтскрин
Свет
Меланија Трамп: Путин одговори на моето писмо, украинските деца се вратија кај семејствата

Првата дама на САД, Меланија Трамп, денес објави дека разговарала со рускиот претседател Владимир Путин за репатријација на децата зафатени во војната во Украина и дека некои од нив се вратени кај нивните семејства и дека наскоро ќе има уште.
„Работиме на тоа“, изјави Меланија Трамп во соопштение од Белата куќа.
Таа додаде дека Путин одговорил на нејзиното писмо и дека тие имаат отворен канал за комуникација.
Сопругата на претседателот Доналд Трамп го истакнала тешкиот живот на децата во Украина и Русија во лично писмо до Путин, соопштија претставници на Белата куќа.
Трамп лично му го предал писмото на Путин за време на разговорите на самитот во Алјаска во август, соопштија претставници на САД.
Меланија Трамп, родена во Словенија, не му се придружи на својот сопруг на патувањето.
Москва тврди дека „ги штити ранливите деца од војна“
Украина го нарече киднапирањето на десетици илјади деца однесени во Русија или на окупирана територија без согласност на нивните семејства или старатели воено злосторство кое ги исполнува дефиницијата за геноцид според договорот на ОН.
Москва претходно тврдеше дека ги штити ранливите деца од воените зони.
Канцеларијата за човекови права на ОН соопшти дека Русија предизвикала страдање на милиони украински деца и ги прекршила нивните права откако започнала инвазијата на Украина во 2022 година.
фото: принтскрин
Свет
Трамп: Ви благодарам, претседателе Путин

Американскиот претседател денес на својот профил на социјалната мрежа Truth Social се заблагодари на рускиот претседател Владимир Путин, кој им се придружи на светските лидери во изразувањето поддршка за мировниот план на Доналд Трамп за Газа.
„Ви благодарам, претседателе Путин“, напиша Трамп на Truth Social.
Путин, како потсетување, денес изјави дека Трамп „прави многу за мирот“, наведувајќи го прекинот на огнот на Блискиот Исток како пример, но додаде дека не е негова работа да одлучи дали американскиот претседател ја заслужува Нобеловата награда за мир.
Доколку мировниот договор за Газа успее, тоа ќе биде „ништо помалку од историски настан“, рече Путин.
фото: принтскрин